الرحيل

[بخيت البريدي المري]

ياعذابي كل مايطري الرحيل=اتعذب لاطرى لي يارجال
أتعذب ياعرب وأكبر دليل=دمع عيني فوق خدي يوم سال
والله أني حيل أحبه موت حيل=فدوتا" له كل ربعي والحلال
يا حبيبي ذكرياتك ما تزيل=في خيالي حالف أنها ما تزال
بسألك بالله يا أوفى خليل=وما عليك ألا تجاوب يا غزال
لحضه لو تسمح ولو وقتا" قليل=لوثواني بسالك كم من سؤال
ليه تقفي يوم انا دمعي يسيل=فوق خدي يوم شديت الرحال
كيف تنسى اللي مضى وقتا" طويل=عشت انا وياك اياما" طوال
مادريت ان انت لامالك بديل=في محلك وين نلقى لك بدال
ومادريت بحالتي جسمي نحيل=عقبكم يازين شف حالي تعال
حسبي الله ربنا نعم الوكيل=بطلبك يالله بالحكم العدال
كنت قبله احتمل حملا" ثقيل=والله انها ماتحملها الجمال
بس عقبه صايرا" دايم ذليل=واعترفلك بانهزامي يادلال
والنهايه اسمع الشعر الجزيل=ولاتقول اني نسيتك ذا محال
من يقول انساك هذا مستحيل=مستحيل انساك يازين الخصال
اشهد انه ذا الزمن صاير بخيل=فرق الاصحاب يوم الوقت طال
ياضميري استرح ادري عليل=وادري انك ماتحمل ذا الجمال
ياالله اني طالبك صبرا" جميل=لين يرجع لي حبيبي بالوصال
وياوجودي كل مايطري الرحيل=وجد من يفقد عمامه والخوال