احمد الجريفاني
31-03-2007, 12:24 AM
( هذه القصيدة القيتها على الهواء مباشرة مساء امس عبر ام بي سي اف ام )
بعد الله آمال العرب في جنابك=يا خادم البيتين يا محقق آمال
يا من فتحت لكل الاطراف بابك=وتوجت عالي همتك في سعة بال
صالحت مختصمين ربي اثابك=في غزه ولبنان والحق ينقال
هم العروبه دائما في خطابك=يامن برايه للصعيبات حلال
دام المصاعب يابو متعب تهابك=اضرب على الكايد ترى حولك رجال
أشر وتلقانا نسير بركابك=ما نلتفت للخلف ذربين الافعال
العالم بأسره يحسسب حسابك=بسباب رايك ماهو بسبة المال
قمة تضامن ناجحه في رحابك=نبي نتايجها تفررج للاجيال
يا سيدي بعد الاله الرجا بك=يا زارع الآمآل بعيون الاطفال
مصاب الامه يابو متعب مصابك=يا درعنا عن كل طامع ومحتال
يبوننا نقتل بعض وانتشابك=يبون عيشتنا مهانات واذلال
الله لنا يا عالي القدر جابك=هذا زمانك وانت للراي فتال
سلطان جنبك ليث ثوبه ثيابك=انعم ببو خالد على الدوم مشكال
وسلمان قال لكل ضيفن هلا بك=نورتوا العارض على كل الاحوال
وامينها العياف نقوة شبابك=خلى الرياض بحلة الزين تختال
الخير جانا يوم هملل سحابك=عز البلد وجه السعد طيب الفال
يا زبن منهوا لاذ بك وانتخى بك=لك قومتن منها الصناديد تهتال
عسى جهودك كلها واحتسابك=بارادة الله تنحسب صالح اعمال
وفي يدك اليمنى تسلم كتابك=ويكون لك عند الولي ستر وظلال
وياعلنا ما نشتكي من غيابك=رايك سديد وسيرتك سيرة ابطال
بعد الله آمال العرب في جنابك=يا خادم البيتين يا محقق آمال
يا من فتحت لكل الاطراف بابك=وتوجت عالي همتك في سعة بال
صالحت مختصمين ربي اثابك=في غزه ولبنان والحق ينقال
هم العروبه دائما في خطابك=يامن برايه للصعيبات حلال
دام المصاعب يابو متعب تهابك=اضرب على الكايد ترى حولك رجال
أشر وتلقانا نسير بركابك=ما نلتفت للخلف ذربين الافعال
العالم بأسره يحسسب حسابك=بسباب رايك ماهو بسبة المال
قمة تضامن ناجحه في رحابك=نبي نتايجها تفررج للاجيال
يا سيدي بعد الاله الرجا بك=يا زارع الآمآل بعيون الاطفال
مصاب الامه يابو متعب مصابك=يا درعنا عن كل طامع ومحتال
يبوننا نقتل بعض وانتشابك=يبون عيشتنا مهانات واذلال
الله لنا يا عالي القدر جابك=هذا زمانك وانت للراي فتال
سلطان جنبك ليث ثوبه ثيابك=انعم ببو خالد على الدوم مشكال
وسلمان قال لكل ضيفن هلا بك=نورتوا العارض على كل الاحوال
وامينها العياف نقوة شبابك=خلى الرياض بحلة الزين تختال
الخير جانا يوم هملل سحابك=عز البلد وجه السعد طيب الفال
يا زبن منهوا لاذ بك وانتخى بك=لك قومتن منها الصناديد تهتال
عسى جهودك كلها واحتسابك=بارادة الله تنحسب صالح اعمال
وفي يدك اليمنى تسلم كتابك=ويكون لك عند الولي ستر وظلال
وياعلنا ما نشتكي من غيابك=رايك سديد وسيرتك سيرة ابطال