متحدي متحدي مطلوب لتحدي

[ارسين لوبين]

منورين وكيف حالكم

الليله الليله نبي نضحك على كل العقول= ونبني بيوت مشوقه يسجع بها ورق الحمام
أنا كشفت أمرك يامتحدي وقول الي تقول= يالشاعر الي باع ربعه لجل عين ام الزمام

[متحدي]

توي اشوف الرد سامحني على التاخير 00 بعدين ياليت نخلصها الليله ماابيك تغادر

الشاشه لين نخلص // سوأل اذا امكن هذا اسم شانمبو ولا وشهو وعساه ضد القشره ههههههههههههههههههه


أمزح لاتزعل تحياتي

[متحدي]

أضحك على نفسك ورقصها على دق الطبول = وابن البيوت الي تبا والبني أخير من الهدام

مهلا رويدك يافضولي لايعذبك الفضول = وام الزمام ان جيتها وصل لها مني سلام

[ارسين لوبين]

الي مايعرف الصقر يشويه 00 لا وانت الصادق مبيد حشري ويعالج الجرب

عزيزي متحدي == ماقدر اواصل معك الليله عندي ضرف طاري

بكره فاضي من العصر اي وقت يعجبك ادخل

انتظر مني رساله على الخاص

[ارسين لوبين]

العام مع ربعك تحد السيف وتصول وتجول= واليوم قدم البيك جنب الباب تتسول طعام
بعدك تغير كل شي وبكرتك صارت ذلول= والمزمزين اتزوجت بارك لها صارت مدام

[متحدي]

غط الجروح بشاش واخف الزين عن عين النضول=وابشرك كل العلوم الي على بالك تمام

انا من الي صار مستغرب وعايش في ذهول=يامرجعينا من عصور النور لعصورالظلام

[بدوي رحال]

رسين لوبين/ متحدي
صحت السنتكم
محاوره جزله

[ارسين لوبين]

انت السبب في ماحصل صعبتها وين الحلول=صمت رمضان امع العرب والعيد واصلة الصيام
ربعك زعم ورحيم وسداح ماضين الفعول= ليتك تجي لو ربع واحدهم واقول الحظ قام

[ارسين لوبين]

بدوي رحال صح بدنك

مشكور

[متحدي]

المسرحيه ماقضت يبقالها خمسة فصول =وانت البطل وليا سمعت أكشن تلخبط فـ الكلام
ربعي ونعم أفخر بهم لكن هرجك لايطول=هيا معي حث الخطا خطوه تقدم للأمام

[أمل عبدالعزيز]

,
,
,
ياسلام سلم

بصراحة محاورة ولا أحلى
وأنا تنومست معكم

وفالكم المليون

بس واصلوا

والله معكم
وموقفي مايحتاج بيكون محايد للطرفين

[منور العوني]

ياسلااااااااااااااااااااا ااااااااااااااااااام

محاوره مسكته

ابو رسن ( اسمك ياخوي تراه عقدني :) )

ومتحدي الغنامي

يعطيككم العافيه

وعساكم على القوه

[ارسين لوبين]

أمل عبد العزيز

شكرا لتشريفك
اعجاب شاعره بحجمك مفخره
وفالك الجنه

[ارسين لوبين]

منور العوني

ههههههههههه حلوه ابو رسن

مرورك تشريف وناموس

تحياتي لحمران النواظر ولشخصك الكريم

[ارسين لوبين]

العيب فالاخراج والمخرج مصرقع ومهبول=والنجمه اللماعه أزرى لايغطيها الغمام
اسمي وترتيبي غدى مابين مطفوق وكسول= خلاص لك دربك ولي دربي ومثلي مايلام

[ماجد]

بيض الله وجيهكم

محاورة جميله وابيات قويه

حقيقة استمتعنا بالمتابعة

نبضـ الشمالـــــ

[متحدي]

اندس بين المسلمين انصار عبد الله سلول=ومعزبك لاتزعله واعلن خضوعك للإمام

اسمك ظهر رقم اربعه بالكشف مبروك القبول=وترتيبك الثالث طلع بمسابقة نصب الخيام

[متحدي]

,
,
,
ياسلام سلم

بصراحة محاورة ولا أحلى
وأنا تنومست معكم

وفالكم المليون

بس واصلوا

والله معكم
وموقفي مايحتاج بيكون محايد للطرفين

الله الله الله الرهيبه هنا

حياك ياأمل النوماس تواجدك بيننا

لاهنتي

وفالك المليار ياشاعرتنا الكبيره

[متحدي]

ياسلااااااااااااااااااااا ااااااااااااااااااام

محاوره مسكته

ابو رسن ( اسمك ياخوي تراه عقدني :) )

ومتحدي الغنامي

يعطيككم العافيه




وعساكم على القوه

شاعرنا الكبير منور العوني

الله يقويك وشكرا لتشريفك

تواجدك اسعدنا لاهنت

[متحدي]

بيض الله وجيهكم

محاورة جميله وابيات قويه

حقيقة استمتعنا بالمتابعة

نبضـ الشمالـــــ

نبض الشمال شهادتك وسام

متابعتك شرف ومرورك تشريف

شكرا لك

[ارسين لوبين]

اتهمت لك رجال طيب من عريبين الاصول= من دون مانعرف ياسيد وش دليل الاتهام
شكلك مقاطع من عتيبه والدواسر والسهول= واليوم ماشاء الله عليك استاذ في علم الغرام

[ارسين لوبين]

نبض الشمال بيض الله وجهك
وشهادتك نعتز فيها
شكرا لمرورك

[متحدي]

صاحبك يشكو من مرض مزمن ولا يمكن يزول= وبدايته وسواس قهري ثم تحول لنفصام
أنا رومنسي مرهف الاحساس من ربي خجول=وايووووه لاغنت منى واواااااااه لاغنت هيام

[متحدي]

الليل سرى بتكمل ولا ننام

[ارسين لوبين]

أسف لتأخر الرد

[ارسين لوبين]

ماني بخابر صاحب الاخلاق متحدي جهول=واليوم يظلمله رجل فاضل ويغتابه حرام
عز الله انه كفوواطلق منك وازعل يازعول= ولاجابلك سيره ياكود بخير لكنك خمام

[أمل عبدالعزيز]

هههههههههههههههههه

والله العظيم خطيرين

وش هالروعة

صح الله قلوبكم وشعركم الراائع

ولازلت متااابعة

بالفعل هنا هامتين شعرية أكثر من راااااائعة..
..

[متحدي]

أمل عبد العزيز صح كلك

تواجدك هنا يعني لي الكثير ومواصلة العطاء

الروعه تكمن في حضورك المهيب

شهادتك وسام فخر

دمتي اختا عزيزه

[متحدي]

ماتعتبر غيبه ليا حضر المحامي والرسول=ياواقف(ن) دون الغريب يقاتل أخوال وعمام

برد الرخامه في عظامك يستمر أربع فصول=والبرد في كل الجسد وارسين برده فالعظام

[ارسين لوبين]

عاد انت وش سويت في حربك مع الحساد قول=جالس تعزوى لك شهر وتصيح وتسل الحسام
دامك تحرث الارض ما فرق العرين ا عن الدحول= يالي ترك داره عصير وفي صحاري نجد هام

[ارسين لوبين]

مشرفتنا القديره أمل عبد العزبز

شكرا لتشجيعك ومرورك العذب

نورتي المتصفح

[متحدي]

زرعت للحسادفي صحراءالحياه اربع حقول=اربع حقول الغام ثم اوليتها كل اهتمام

الفرق واضح بين شبك الضان واسطبل الخيول=واجلس واسدك يالعطاوي وان بغيت تنام نام

[ارسين لوبين]

ليتك تقوم بحملتك ياشعيل شيال الحمول=ترى الكروت المحرقه تلفت ويرفضها النظام
ياجاحد المعروف ياالقطاع ياالفض العجول=ارجع ومسموح وعليك الله وامانه ياغلام

[متحدي]

الا الجماعه وينهم قصدي على أهل الدار ذول= سلم عليهم قلهم تكفى يردون السلام

لعب(ن) معك والله يشرف مير انا عندي شغول= وأختم كلامي سامحك ربي ولك كل احترام

[متحدي]

أخوي ارسين لوبين تشرفنا باللعب معك واستفدنا من مجاراة عملاق بحجمك

سامحنا على بعض الهفوات ومسامح ومكانتك لاتزال كما كانت

ولك مني جزيل الشكر والمحاوره من طرفي انتهت 0

البدايه كانت من عندي أرجو ان يكون الختام من عندك

تقبل مني ارق تحيه

[ارسين لوبين]

الاخ العزيز الفاضل متحدي انا الي الشرف وسامحنا

وبيض الله وجهك يابن غنام ولنا لقاء قريب انشاء الله

مشكور وعزيز وغالي ومكانتك محفوظه