ياناس تكفون افزعوا لي تكفووون

[مشاعر حالمه]

السلام عليكم ورحمة الله وبركاته

والله اكتب الموضوع مستعجله

امي فديت روحها جالسه تاكل سلطه مقطعه صغار مع السلطه خس احد رقائق الخس نشبت لاهي اللي نزلت مع الباقي

ولاهي اللي طلعت والله الحين اشوي وابكي لانها تقول اذا راحت هالرقاقه في الراس مايصير لعدوها طيب

عطيتها عسل وعطيتها مويه مقروء عليها آيات قرآن عملت لها تدليك والله العظيم ماعرفت وش اسوي لها

اذا حد عنده شي يفيدني او فيه دكتورخبير يعلمني طريقه تخرج منها هالرقاقه :زعلان:

والله اني خايفه عليها

تكفووون عجلوا

مشاعر حالمه

[من يسد بمكانه]

اول شئ


الله يعطيها العافيه ويطول بعمرها ويخليها لكم

وش منتظره , خذيها لاقرب عيادة انف واذن وحنجره , ويكشفون عليها ويشيلون الرقاقه


لا تنتظرين احد يعلمك وش تسوين , ولا تخافين القناه الهضميه منفصله عن الدماغ تماماً

[مشاعر حالمه]

من يسد بمكانه

حياك الله اخوي والله قلت لها نوديج المستشفى رفضت والله نحاول فيها الحين

مشكور اخوي مشكووور

تحيتي لك / مشاعر حالمه

[إبراهيم الحارثي]

أستاذتي الفاضلة
اذا حصلت هذه الأعراض للوالدتك الغالية حفظها الله
1. دخول الطعام فجأة في ممرات الهواء المؤدية الى الرئتين.
2. تعذر ابتلاع لقمة طعام كبيرة.
3. دخول جسم الى الحنجرة و استقرار فيها، خاصة عند الأولاد.
ماذا يحصل في هذه الحالات؟
فقومي بعمل:
1- الضرب على الظهر: تسدد ضربات سريعة و متواترة ، على العمود الفقري ، بمؤخر كف اليد ، لدرجة رج الجسد، حتى يخرج الجسم الذي يسد ممرات الهواء. و اذا كان المصاب طفلا، فيحمل بيد و يضرب بيد أخرى ، على أن يكون رأسه في مستوى جسمه، اذا كان يتنفس قليلا.
2- الضغط القوي المتواصل فوق المعدة: في هذه الحالة يضغط الهواء الموجود في الرئتين على الجسم المحجوز باتجاه الفم.
3- الضغط على سرة المصاب: يستلقي المصاب على ظهره، و يجلسالمسعف على بطنه ، و يضغط على سترتة و تحت أضلاعه مباشرة، كي يخرج الجسم المحجوز من الفم.
4- سحب الجسم المحجوز بواسطة السبابة: يفتح فم المصاب كثيرا، و يمسك رأس لسانه بواسطة منديل ، و يسحب اللسان جيدا الى الامام ، ثم تدخل السبابة على البلعوم ، (و ليس وسطه) حتى تسحب الجسم المحجوز في البلعوم من الفم. أما اذا دفعت السبابة في وسط البلعوم فقد تدفع الجسم المعترض أكثر الى ممرات الهواء.
وان شاء الله خير
ولازم تستعجلين بالموضوع
تحياتي

[مشاعر حالمه]

1- الضرب على الظهر: تسدد ضربات سريعة و متواترة ، على العمود الفقري ، بمؤخر كف اليد ، لدرجة رج الجسد، حتى يخرج الجسم الذي يسد ممرات الهواء.

استاذ الاحياء

والله مادري وش اقولك ياستاذي الطيب بصراحه انا عملت هالحركه وبحمد الله خرج الجسم الموجود ^_^

الله يعطيك العافيه ويسعدك دنيا وآخره ^_____^

تحيتي لك / مشاعر حالمه

[خــــالـــــد]

الحمدلله على سلامتها


لدينا مشكلة كبيرة في الإسعافات الأولية !

[من يسد بمكانه]

الحمد لله ع سلامتها


ماتشوف شر , فرحت والله يوم تعافت

[مشاعر حالمه]

خالد

تسلم والله من كل شر يالشيخ ^_^

تحيتي لك / مشاعر حالمه

[مشاعر حالمه]

من يسد بمكانه

: )

تسلم والله من كل شر يالطيب

وجعلك ايامك كلها فرح يالشيخ : )

تحيتي لك / مشاعر حالمه