ماذا حدث في المباراه موضوع مهم

[االزعيم الهلالي]

بسم الله الرحمن الرحيم
هارد لك يازعماء ع خساره (3) نقاط
نعم هي ثلاث نقاط وخسرناها بسبب تخاذل اللاعبين جميعا ماعدا ( نيفيز )
لاتمريرات صح ولا اوفرات صح ولا تغطيه صح النصر لعب بطريقه دفاعيه بحته وباربعه محاور في الشوط الاول يعني محورين هجومين ومحورين دفاعيين وبهذي الطريقه قدر انه يفصل خط وسط الهلال عن الدفاع وعن الهجوم عشان كذا دفاع الهلال ماقدر انه يوصل الكوره للوسط فهو مضطر انه يسحب لاعبين النصر ويرجع الكوره للسديري الي عقله برا وجسده في الملعب
الي يقول المسلم نكبه حبيت اقولك اننا صبرنا ع المرشدي كثير وبنصبر ع المسلم والهدفين يتحملها الحارس كلها وما للدفاع فيها لا ناقه ولا جمل
الهدف الاول المفروض السديري يرجع للمرمى عشان المسلم تكون عنده خيارات كثيره في تخليص الكوره لكن السديري حب انه يطلع (يغير جو )
محاور الهلال / لاشفناهم لا قدام ولا ورى علامه استفهام كبيره عليهم لازم الهلال يدخل بجديه في مفاوضات تيسير وكريري لو جبنا هالاثنين راح يكونون ضاله الهلال
تمنيت بعد هدف التعادل انه يدخل يوسف السالم ويطلع ناصر لانه باين عليه الارهاق هو وسالم وماراح يخدمون 90 دقيقه لكن قدر الله وماشاء فعل
العابد / وين العابد الموسم الماضي ولا التجديد خلاص اثر عليك تذكر انك تلعب من اجل شعار مو من اجل المال
السبيعي وسلطان البيشي لازم يكونون موجودين في المباراه القادمه ياسر الشهراني انظلم في الجهه اليمين ولازم يرجع البيشي
انا مابغيت اكتب موضوع بس انقهرت كثير وانا اتابع المباراه لكن ((العتب ع قدر المحبه ))
قفله
اهل مكه ادرى بشعابها وسامي ادرى بالهلال

تقبلو تحياتي / عاشق ويسلي:ba: