*** ((( غـــــــــــزل بـــــــــرئ ))) ***

[عبدالله الفهري]

بسم الله الرحمن الرحيم

مشاركة متواضعه فهل تُجيزونها ؟


هيه يا اللي نور خده يوم شال الشيله = نور فكس آر(ن) مع الطلعه كبس بالعالي
ويل قلبي لا تمايل إيه والله ويله = لا تمايل ويل قلبي وصرم والله حالي
والشفاه اللي محددها براس النيله = والله ان الريق لو إني ما ذقته حالي
والجديل اللي على متنه تنثر ليله = في سواده لعنبو لول على ابو التالي
والسوالف من سوالف ألف ليل وليله = من حلاها ذاب فيها وانشغل جوالي
كل ما جاه إتصال(ن) صرفه تحويله = أو يقول أترك رساله فالبريد الآلي
الجماد اللي بليا حيل ولاّ حيله = صارت احواله كذا وشلون عاد احوالي
ودي اضمه وابوسه وابعده واجي له = واعترف بالجرم هذا والدليل أقوالي
وودي استغفر له (ا)ذنوب الهوا وادعي له = يوم قام القلب باسبابه يصك الجالي
وصارت اشعاري بلا وزن وبلا تفعيله = وضاعت علومي من اسبابه وزاد هبالي
وكل ما هب الهوا قلت الهوا يا حليله = وكل ما مال الظلال يميل معه ظلالي
وكل ما شفت الدموع اقول ذي وش هي له = واثرها تغسل القلوب المجدبه غسّالي
وودي أسأل مكحله عن سر بسمة ميله = قام يرقص يوم عانق رمشها ويلالي
وودي انشد عن حلاوة دمعته منديله = لا ارسمت فوق الخدود الناعمات اشكالي
وودي أسأل ليلته عن صبحه وقنديله = تشتعل فيها البروق ويمطر الهمالي
وودي آخذ عينه من دمه ال تحليله = في عروقه دم ولاّ مسك نوعه غالي
وودي أسأل ويش خلا للبنات بجيله = صار كن الزين كاس وصار كنْه هلالي
الهلالي كل كاس يروم له ويشيله = فصار كن الزين كاس وصار كنْه هلالي

وسلامتكم

[أمل عبدالعزيز]

,
,
,

الشاعر القدير ( عبدالله الفهري )

صح لسانك وكلك على قصيدتك الرائعة
ودمت بهكذا نزف وابداع

ولك تقديري

[محمد الروقي]

ياولد انت وين جيتنا

قلوبنا خضر ونت زدت الطينه بله هيضتنا الله يعافيك ويرحم والديك

فكنا من البيوت الي تخلي عيون الرجال صفر هههه على العموم صح لساااااااااااانك الى رضاك

ودمت جزل وعذب الكلام وتحياتي لك

اخوك

7
7
7
7
7

[مسعود الرشيدي]

عبدالله




صح لسانك على هذا الابداع الرائع




ابدعت




وتقبل منـــــــي فأأأأأأيق الاحـــــــــترام

[سـعـد الحويماني]

رايتك اسمك فايقنت بالشعر الحقيقي

صح لسانك بقدر ما اعجبتني

لك الاحترام والتقدير

من اخوك

[** عذبة النوح **]

هلالـــــــــــــــــــــ ــــــــي !!!!!

لايكون آخذ الزين بالاسلوب الهلالي بس !!!!!

بغض النظر عن آخر بيتين .... القصيده رائعه جدا وصح لسانك ودام لنا بوحك الراقي

ماعجبني اخر ابياتك وما ترمي له
..... ظالم التشبيه وانقص من وصوف الغالي

بس لاهانت يمينك ما بشعرك حيلـه
..... وش لو ان اللي ذكرته ما ذكرته تـالي !!

[عبدالله الفهري]

هلالـــــــــــــــــــــ ــــــــي !!!!!

لايكون آخذ الزين بالاسلوب الهلالي بس !!!!!

بغض النظر عن آخر بيتين .... القصيده رائعه جدا وصح لسانك ودام لنا بوحك الراقي

ماعجبني اخر ابياتك وما ترمي له
..... ظالم التشبيه وانقص من وصوف الغالي

بس لاهانت يمينك ما بشعرك حيلـه
..... وش لو ان اللي ذكرته ما ذكرته تـالي !!



اختلاف الراي نعمه والنقاش يزيله = يوم نوح الورق يطرب يا لي له يا لالي
والقناعه شي ثابت لو نبي تعديله = يستحيل (ا)نعدله . والعاطفه زلزالي

[محمد الدغيري]

وإنت سالم يا الغالي

وصح لـ سانكـ عدد بلا مدد رائعه من رائع

[** عذبة النوح **]

احسنت يالجزل وخذ مني :

كل حَبٍ له زبون يــدوره ويكيـــله
...... لو رخص بعيون غيره في عيونه غالي

المشارب تختلف والشف مابه حيله
...... بس لا صغت المعانــي الجميــع يبــالي

لو تراعي كل ذوق وما يحز تشيله
...... صار قافك من جماله حكمــةٍ وامثــالي

اخوي عبدالله لا تفهم قصدي غلط بس والله لو ابتعدت عن التشبيه

الاخير كان خدمت القصيده , اضطرك التشبيه تكرر المعاني والقوافي

وهو اصلا اقل من مستوى الشاعريه والابداع اللي بالنص ... وشكرا

[صالح المرزوق]

بسم الله ..

الله الله الله عليك اخوي عبدالله الفهري ..

صح لسااانك وقلبك ملايين ...

حضور واطلالة رااائعه جدا ً ...

وودي آخذ عينـه مـن دمـه ال تحليلـه
في عروقه دم ولاّ مسـك نوعـه غالـي

يااااااعيني على هالبيت ... قمة


ختااااام القصيدة زااادها ابداااااع


.
.
.


صالح المرزوق

[عبدالله المهداني]

ارررحب يابو نواف


صح الله لساااااااااااانك


وسلم فكرك وبووووووحك


لا عدمتك يا الذيب


تحياتي



اخووووووك

[سعد الحركان]

الاخ الشاعر الكبير/ عبدالله الفهري


صح لسان مدد يالجزل

بدون شك شاعر مبدع تقدر تصوغ الشعر بجميع اغراضه

الغزل / المدح / الرثاء / الهجا / الاجتماعي / الوطنيات وغيرها

والقصيده وافيه بكل المقاييس ولا فيها كلام

وكل له وجهة نظر

وعندي تعليق على كلام الورقا

حيث ذكرت انك كررت بعض القوافي

والمعروف ان الشاعر يقدر يختم بأي كلمه تعجبه حتى ولو استخدمها في اي بيت من القصيده

سواء اول بيت او غيره

هذا ما لدي

واتمنى للجميع التوفيق

.

[وافي السبيعي]

وكل ما هب الهوا قلت الهوا يـا حليلـه
وكل ما مال الظلال يميـل معـه ظلالـي
وكل ما شفت الدموع اقول ذي وش هي له
واثرها تغسل القلـوب المجدبـه غسّالـي


عبدالله الفهري

صح لسانك وتستحق القرأت مرات ومرات

جزله ياعبد الله

[عبدالله الفهري]

,
,
,

الشاعر القدير ( عبدالله الفهري )

صح لسانك وكلك على قصيدتك الرائعة
ودمت بهكذا نزف وابداع

ولك تقديري

أمل عبدالعزيز

صح بدنك

يسعدني ويشرفني مرورك ومتابعتك المستمره

تقبلي خالص تحياتي

[عبدالله الفهري]

ياولد انت وين جيتنا

قلوبنا خضر ونت زدت الطينه بله هيضتنا الله يعافيك ويرحم والديك

فكنا من البيوت الي تخلي عيون الرجال صفر هههه على العموم صح لساااااااااااانك الى رضاك

ودمت جزل وعذب الكلام وتحياتي لك

اخوك

7
7
7
7
7

الغالي محمد الروقي

حنا في الزمن الجميل زمن القلوب الخضر فلابد أن نوثق ذلك في قصائدنا ليكون شاهداً على نقاء قلوبنا ورقة مشاعرنا .

وانت الله يعطيك العافيه الخضار في قلبك متأصل وما فيه حيله لاكن مالك الا تتعايش معه وتخلي قلبك على هواه .

شرفني مرورك العذب وتعليقك الرائع .

تقبل تحيات اخوك

[أبوعبدالرحمن]

صح قلبك وكلك


وسلمت اناملك


تحيتي لك

[عبدالله الفهري]

عبدالله




صح لسانك على هذا الابداع الرائع




ابدعت




وتقبل منـــــــي فأأأأأأيق الاحـــــــــترام

الغالي مسعود الرشيدي

صح بدنك

قمة الإبداع مرورك على مشاركتي وردك المشرف لي .

تقبل تحيات وتقدير اخوك

[عبدالله الفهري]

عبدالله




صح لسانك على هذا الابداع الرائع




ابدعت




وتقبل منـــــــي فأأأأأأيق الاحـــــــــترام
الغالي مسعود الرشيدي

صح بدنك

مرورك وتعليقك على مشاركتي المتواضعه نوماس يا الذيب

تقبل خالص تحيات اخوك

[عبدالله الفهري]

رايتك اسمك فايقنت بالشعر الحقيقي

صح لسانك بقدر ما اعجبتني

لك الاحترام والتقدير

من اخوك


العزيز سعد الحويماني

صح بدنك

حياك الله وحيا مرورك

مرورك نوماس ورايك يشرفني الله يحييك

والله اني ما انبسط لين اشوف أثر مرورك على مشاركتي

لك خالص تحياتي