الطير .. و السعودي .. و السوري .. في مطعم .. !!

[الطير]

الــــــــــــــSــسلاااا� �ااام عليكم ..

بعد ماطلعت من المستشفى نمت نووومه غريبه قمت بعدهااا وكالعاده وبدون اي مقدمات صحيت من النووم وخفافيش بطني ( قصدي عصافير بطني ) تصوصو ..

اخذت الدووش اللي ماتعودت عليه .. ولكن هالمره اصريت وقاومت وقررت اني اتغلب على نفسي واتروش ..

اخذت الدووش وبعدها حبتين بنادول لاني عارف نفسي بعد الدوش الغريب ذا بيجيني إنفلونزا .. واخذت حالي وقلت اقرب مطعم اروح آكل فيه ..

طلعت واول ما التفت لقيت مطعم على كيف كيفكم .. وصفطت سيارتي في موقف غلط وراي مازدا حقت واحدن مصري حشرت موتره حشره يحذرون منها في المرور والجهات الحكوميه ..

دخلت و جاني اللبناني يقول البتشينووو فوق راسي ( شو بتاكل حبيب ألبي ) ..!!

بيني وبينكم انا رحت شوربة كوارع على هالكلام <<< ماتعود الا على بوفيهات الكبده

قلت له : ابي المينيو لو سمحت !
ناظر فيني وابتسم وقال ( هيها تحت ايدك حبيب ألبي ) ..

اثاريني يوم نزلت عفشي تقول عفش مطلقه وحطيته على الطاوله مااعاد شفت المنيو ..

اخذت اقرا في الطلبات وسعابيلي تقاطر وانواع الاحراج لان فيه اكلات خايف اطب فيها واتوهق ... والله ماهمني الدراهم بس خايف ما يعجبني وابي اطلب غيره ..

توكلت على الله وطلبت كفته بالفرن بالحمص واللبنه وطلبت ربيان مقلي مع شوربة خضار وسلطه مشكل
وطبعاً بيبسي .. طبعاً تعرفوني ولا يحتاج اعيد وازيد واقول لكم اني في اثناء انتظار الطلب قمت اخز هالعالم الجالسه وادقق فيهم وابدا عملية التتنيح والتليقف عليهم واحد واحد ..

وفجأه دخل واحد سوري شنبات ومعه ولده الصغير عمره لايتجاوز الخمس سنوات الاب ماسك يد ولده والولد مبسوط والابتسامه لاتفارق محياه .. راح الاب وسحب الكرسي لولده وجلس وراح يجيب له مويه هو بنفسه

بعدها بثانيتين دخل واحد سعودي ومعه ولدين واحد عمره تقريباً اثناعشر سنه والثاني اربع او خمس سنوات
الاب مسرع دخل قدام الاولاد ومنسف الشماغ ابد تقول انه في مهمة مداهمه دخل بعده الولدين... الكبير ثوبه وصخ .. والولد الصغير اثار الدموع في عينيه ..

شكله وهو في السياره تلقى عدة لكمات من الاب المفهي ادت على التاثير على نفسيته قبل العشاء .. !!

المهم اخوكم اللي هو انا استانس وقمت اناظر في ذولي شوي واارجع لذولي شوي وانواع التحليل والتدقيق في العينات التي امامي ونسيت عشاي .. جاء القارصون وقال للسوري وش تطلبون ..؟؟

السوري والله وولا كأن معاه احد ... طلب عشاه وحط ورقة الطلبات على جنب وقام يناظر في ولده .. جا الولد وقام يختار من الطلبات اللي قدامه عن طريق الصور ويقولها للقارصون ..

التفت على السعودي واناظر الا انواع الهواش بينه وبين اولاده .. الولد الصغير يبي شاورما عربي .. والاب يقول مافيه تبي تاكل معنا مشويات .. ويقولها الاب وهو مبتسم وانواع الانبساط على محياه انه بياكل مشويات الاخ ..

والولد بيني وبينكم رحمته قام يكبت في ذالدمووع وطاقته الحسره الكبير ابد ماخذ استدلاخ ابوه بمعنى الكلمه وساكت ..

المهم القارصون فوق روسهم يقول ( شو بدكون حبيباتي ) ..؟؟

الاب بنبرة صوت يشوبها غلظه وقسوه وحده في الحديث ايقضت اللي جالس على الكاشير من نومته ( عطنا اثنين نفر مشوي مشكل ) ..
الولد الكبير يقول لابوه ( يبه خله يجيب مايونيز ) ..

الصغير يناظر فيهم وشاف الدعوه راحت من يده ولاهوب طايلن لاشاورما ولا غيره .. قال مالي الا اطلب معهم والشكوى على الله ..

قال ( يبه ابي كوكتيل مثل هذاك اللي قاعد يشربه الرجال ) ..
ويأشر باصبعه على واحد جنبي شكله دكتوور او سباك .. وحده منهم بيني وبينكم شينه ... انا قلت ابوه بيمسكه يعلقه مكان شاورما الدجاج الحين ..

انتظر اي ردة فعل .... والله ماحولك احد .. الاب قام يناظر بعد هو في الرجال عشان يشوف الكوكتيل ..

غسلت يدي انا طبعاً من الاب واولاده ... قلت خلني اعود على السوري اشوف وش اخر اخباره
المهم قزيت والا الاب ماسكن صحنه قدامه وقاعد ياكل ويناظر في الشارع لان طاولتهم على الشارع
والولد اشوفه والله يالربع تقول انه اطلق حريف اكل ..... هدووء وتأني .. وشوي شوي وقاعد ياخذ من الكاتشب ويحطه بصحنه برواقه .. والاب والله مالتفت له وماسك بيده منديل وكل ما اكل لقمه مسح فمه ..

انا طقني الجوع يالربع وبديت اكل ولازلت مصر اني اشوف تاليتها مع هالعينيتين او الشريحتين من طبقات الأسر العربيه ..

واالتفت على خوينا السعودي .. ونزلوا لهم الطللبات .. وهذا القارصون ماسك الصينيه بيده وقاعد يحط الطلبات صحن صحن .. والله يالربع ان الاب ياخذ من البطاطس وهو باقي في الصينيه <<<<<< انسدح داخل المطعم من الضحك ..

المهم تمالكت نفسي وابي اشوف واراقب الاحداث لايفوتني شي .. لقيت الولد الكبير طب على الكباب بيده وهاتك ياتخبيص تقول مشروع لوحه فنيه طالبينها منه في المدرسه والولد الصغير ماسك حقت الفلفل والملح وقاعد يلعب فيها .. شوي والا هي طايحة على الارض ..

ايوه .. طيب الحين المطعم كله يناظر فيهم والاب في موقف محرج .. قمت انا وابي اصيد عصفورين بحجر وناظرت في السوري ابي اشوف ردة فعله والقى ولده الصغير قاعد يناظر في طاولة السعوديين ... قام الاب وقال لولده حسب مافهمت ( بابا عيب هيك .. خليك بأكلك وماإلك بغيرك ) يوم ديور الولد وتسند مضبوط وعادي رجع ياكل ولا كان شي صاار ..

المهم وارجع اشوف الاب وش سوى في هالحاله .. والا هو قاعد يخز ولده بعين .. قلت الله يعين الولد الحين وين بيعلقه هالمره اكيد بيسطحه فوق الفيصليه .. عبرتن لاخوه الكبير ..

المهم شال الولد اثار التفجير قصدي التكسير وجا القارصون وشالها عنه وبدأت المعركه الضاريه بين الاب وولديه وبين الصحوون المسكينه اللي مالها اي ذنب الا انها اصبحت من املاك المطعم ..

مايونيز بفم الولد وكاتشب مكبووب على ثووب الاب وسكينه طايحه ويشيلها الولد ويستخدمها مره ثانيه عادي .. وشوكه ماستخدمت ولا راح تستخدم .. كباب معفوووس بيد الولد الصغير تقول حنيني <<<< اكله للرايقين والرايقات فقط ..

المهم انا انسدت نفسي <<<<<< منت بعاقل يالحسااااااس

قررت اني اقوم واترك المطعم باللي فيه ..... ولكنها ابت نفسي الا ان انتظر حتى موعد الحساب ..!!

قام السعودي .. طبعاً مدة اكلهم ولا اخذت ربع ساعه ويمكن اقل .. تفاهموا مع الطلب وحاسوا مريره وقاموا .. وتشوفهم تقول جراد بين ممرات المطعم يدورون المغاسل ..

المهم دلهم القارصون عليها وغسلوا وطلعوا .. واشوف الاب متسبح وربي تقول انه متوضي لصلاة المغرب

واتجه هو وخشته للكاشير .. وعلى طوول سقط على واحد كان يحاسب قبله .. والله ولا فكر فيه ... وقام يسال : هذي بكم ؟ ... وليه الكوكتيل سعره كذا ؟
طيب حسبت السلطه علينا ؟

حتى اني شفت دخان طالع من رااس الكاشير .. واحسست بقرب اجله في هذه اللحظه

جلست فتره طويله شوي على أن الاخ السوري يقوم يحاسب عشان اعدل فيما بين العائلتين .... وانتظر ..... وانتظر
واشوفه راعي طويله الاخ طالب حلى .... وناوي يرووق هو وولده في جو مليء بالهدووء والأنتكه ..

تحياتي لكم ..

باااااااااااااااااياااااا اااااااااااااات .. :confused:

[مجروحة الزمن]

هعهعهعهعهعهعهعهعهعهعهعهعه عهعهعهعهعهعهع

هعهعهعهعهعهعهعهعهع

هعهعهعهعهعهعهعهعهعهعهعهعه عهعهعهعهعهعهعهعهعهعهع

الله يرجك طيور

وانت ماعندك غير تتليقف علي خلق الله

ياشين اللقافه

عاد انا عكسك عند الاكل انسي امي وابوي :rolleyes:

مويقولون عند البطون تعمي العيون:confused:

[الطير]

سلاااااااام من الطير ..

هلاااااااااااا مجمج ..

هذا حب استطلاع مهوب لقافة .. :p

شاااااااااااكر لك مرورك الكريم ..

بااااااااااااااااااااي .. :confused:

[قوت القلوب]

ههههههههههههههههههههههههه ههههههههههههههههههههههههه هههههههههههههههههههه صجججججج ناس كانها ماشافت خير ههههههههههههههههههههههههه هههههههههههه قاعده اقرا الموضوع والخدامه تنادي وتقول تعالي تغدي والله انسدت نفسي من هالعائله قلت ماااابي:o





:confused: اكتفيت بالفواكهه<<<<<<<<<< ياعيني يالرشيقه;)








طيوووووووووووووور وجعوووووووووووووووووه







ليش تناظر الناس هاها





قم اكل وانكم وثم قم اند اقلب يور فيس تو يور بيتكم:confused: ام اللغه




ههههههههههههههههههههههههه ه ماقلت لي تعشيت ولا اجي اتعشى معاك:p

[مخاوف قلب]

طيب انت وشلون كنت تاكل ؟؟؟




بيديك الثنتين والا بشوكه وسكين يااتكيت :p





لا تظلم الرجال تلقاه متضارب مع زوجته ولاشي :confused:




صي يوووو