صورة وصوت ،،،،،،،

[هداج تيماء]

السلام عليكم ورحمة الله وبركاته



^



^


يا سلامي سلاماً سيرته ماتموت = دام للناس من فوق البسيطه حياه
الخبر يتضح لا صار صورة وصوت = والله اعلم لياجا عن طريق الرواه








,

[ابن نميش]

يا سلامي سلاماً سيرتـه ماتمـوت
دام للناس من فوق البسيطه حيـاه
الخبر يتضح لا صار صورة وصوت
والله اعلم لياجا عن طريق الـرواه


وعليكم السلام ورحمة الله وبركاته


ارحب ياهداج العلوم...


انت ماحددت شاعر معين وانا امون


استلم


مرحبا عد ما عم الحياء للخبوت = يارفيقن عرفنا سابقآ مستواه
الخبر تحت جم البحر في بطن حوت = من يسدد فواتير الشهر وعناه




,

,

[محمد الروقي]

هداج تيما وبن نميش


وعزف منفرد ونا اول الجماهير واقول صحة السنتكم


غنيين عن التمجيد تقبلو مروري والاعجاب الشديد

[هداج تيماء]

هلاا وغلاا يابن نميش والله يبقيك يالطيب

^


^


^
واكيد تموووون




^
استلم :




البقا للـرجال مشيــدين البيـوت=والجـدي يا وسيع المعرفه في سماه
سيـرة الود مابين العواجي ونـوت=جـددتها اللـيالي عقب غدر الوشاه









^


محمد الروقي

ارحب ارحب حيك وحي حضورك المشرف


صح بدنك ولاهنت على تواجدك ومتابعتك يالقرم

[الرااااااسي]

صحت الالسن ولاهتتوا يا شعار ........ متابعين

[ابن نميش]

محمد الروقي


ارحب طال عمرك وانت والله اللي تبي اشاده طال عمرك لانك تستحقها

من الناحيه الشعريه والناحيه الانسانيه , وصح بدنك

فرحب ارحب علاها الطلاق لترحب


الماسي

صحت الابدان والله لا يهينك

[ابن نميش]

البقا للرجـال مشيديـن البيـوت
والجدي يا وسيع المعرفه في سماه
سيرة الود مابين العواجي ونـوت
جددتها الليالي عقب غدر الوشـاه


تبقاء وتدوم

يا مشرفنا المتواضع


استلم


ما علا المهتوي من كثر شمت الشموت = كل ما شاف شفه شف شفة شفاه
كان هداج يونس برد نعطيه كوت = والرفيق الموالي مايبيله وصاه



,



,

[هداج تيماء]

عندك عندك لاهنت /


^

^



حــثّ ريمه وعينك فالهدف لا يفـوت=لا عوى الذيب تال الليل جاوب عواه
راعي الكوت لا يهديه لاهل البشوت =يحتســي للسـويدا كان هبت علاه












,


الراسي

هلا هلا وصح بدنك

يشرفنا حضورك ومتابعتك لاهنت

[ابن نميش]

حثّ ريمه وعينك فالهدف لا يفـوت
لا عوى الذيب تال الليل جاوب عواه
راعي الكوت لا يهديه لاهل البشوت
يحتسي للسويدا كان هبـت عـلاه



هادوووك


الحناشل سروا بقلال تمر النبوت = عقب مامد راع الزمل صفق يداه
تلبسون البشوت اللي قفاها محتوت = في ذراء كل بيتن مايذري ذراه

,



,

[هداج تيماء]

استلم يابن نميش /





لا تشرّه على الدنيا وعوج البخوت= لو تضيع العداله في حضور القضاه
للضياغم عرين ومسكن العنكبوت = وش مصيره ولو نرميه باصغر حصاه

[ابن نميش]

استلم ياهداج









تسحن الكحل ولا تسحن العنزروت = كل واحد وله شغله وجاه اوجاه

ازهر الذيل ياهداج لو حاش قوت = صار مع قوت يوم لقمتن للطغاه



,


,

[بدوي رحال]

هداج تيما / ابن نميش
صحت السنتكم
محاوره جزله

[ارسين لوبين]

صحت الالسن محاوره قمه نقض وفتل

يعطيكم العافيه000 اعجابي الشديد

[هداج تيماء]

يابن نميش استلم //



/

/



يابيض الوجه لا تلعــب بكل الكروت=يصبح الصبح ما..فـ..يديك.. حتى عصاه
كل طاغي يجي له يوم ينشــات شوت= عقب قوة هديره نستمع في رغاه

[هداج تيماء]

بدوي رحال

هلا هلا

صح بدنك

ولاهنت يالنشمي

ارسين لوبين

يا مرحبا

صح بدنك وتسلم تسلم


شاكرين تواجدك والله لا يهينك

[ابن نميش]

استلم ياراع الحرداء



.

.



ويش حكمن حكمته يوم تلعب بلوت = من عصر وانت تطحن حبتك فالرحاه

لو سقاك المطرف سم نسقيك توت= العتيبي حمانا داخلن في حماه

.

.

[هداج تيماء]

استلم ياراعي الهدباء /



^



^



في صلاة التهجد ما سمعت القنـــوت=بعد وسوس لك الشيطان وقت الصـلاه
البحـر ما جهـل قيمــتك يالجيـلبوت=باع بغضــك قبـل مده وودك شـراه











,


,



المبدع / ابن نميش طبت وطاب حرفك

يعلم الله شرفتنا بهذا القاف وهذه الجزالة

صح لسانك ودام ابداعك وتآلقك

دمت بخير والى لقاء

[ابن نميش]

هداج الله يشرفك بطاعته


وبالعكس المبدع والله انت ولا حنا نتعلم طال عمرك

وانت تعرف رايي فيك من اول طاروق <<<<<< ما نساه لهالحين هههههههه

والله ان ودي ارد مير انت قفلتها مثل العاده وانا اعرف على لحيتي هههههههههه الله يسلمك والله مايصبرنا الا انت

واشكالك

يالحصان



في امان الكريم ياهداج

[البــــــواردي]

الله يعطيكم العافيه




ابداع في جزاله في حرافه




صحت السنتكم ولا عدمناكم

[ربح السبيعي]

يا سلامي سلاماً سيرتـه ماتمـوت
دام للناس من فوق البسيطه حيـاه
الخبر يتضح لا صار صورة وصوت
والله اعلم لياجا عن طريق الـرواه


ياسلام ياسلام



على المبداء الرائع والمتميز



ولايستغرب عليك ياهداج تيماء



صح لسانك يالقرم



وصح لسان ابن نميش



على رده الوافي



لاهنتوجميعاً