ليلة خميس .. [ يا مرّ طعم البعد في دمعة العين ]

[جواهر عبدالله]

بسم الله الرحمن الرحيم

السلام عليكم ورحمة الله وبركاته

عندما يكون الدمع لغة التخاطب الصامتة .. هنا فقط يتحدث الألم .. وينزف الجرح .. فـ يفوق تعبير الدمع كل العبارات .. وهي التي لا تحتاج إلى ترجمة ..

رسالة لا تحمل هوية وطن .. تصل لأي مكان بلا حدود .. ولن يكون هناك أبلغ من دموع أخواننا في العراق وفي فلسطين .. أن وجدت قلبُ يعي ..

شعراء وشاعرات غرابيل .. تفننوا بتلوين هذه اللوحة الشعرية بريشة إبداعاتهم الخاصة ..

http://www.w6w.net/album/35/w6w_200505201631545997bd23b052.gif

http://www.l22l.com/l22l-up-1/44e0b3cbfb.png (http://www.l22l.com)

http://www.w6w.net/album/35/w6w_200505201631545997bd23b052.gif


على مد النظر ضاعت حروف الشاعر الموهوب = مثل ماضاعت حروفه مثل ماضاعت احلامه
ياكم مره لمحله نور في ليل وظلام دروب = واذا ماخانت حظوظـــــه ابد ماجادت ايامه
على كف القدر يمشي ولايدرى عن المكتوب =وعلى ليلاه نغمـــــــة احزانه من الهـــــــامه
[ للشاعر / محمد السليس ]

http://www.w6w.net/album/35/w6w_200505201631545997bd23b052.gif


ياللي غرامك بوسط القلب متكاثـر=ماتدري أني أحبك يـوم تهجرنـي
وش فيك تدعم شقاي وحظي العاثر=كنك على رحلة المكتوب تجبرنـي
تعال شف دمعي السكّـاب متناثـر=يمكن بعد ماتشوف الدمع تعذرنـي

[ للشاعر / فيصل العتيبي ]

http://www.w6w.net/album/35/w6w_200505201631545997bd23b052.gif


يامرّ طعم البعد في دمعة العين=في ذمّتي ما مثلها مرّ دمعة
من وقعها في جانب الخد سكّين=قد ذوّقت من قبلها القلب جرعة
باقي معاناتي لها لين ذلحين=وماعاد لي فيها طريقة وصنعة
حتى الصّبُر ملّيت قول الصّبُر زين=زدت العيار..وزادت العين دمعة

[ للشاعر / علي عبد الرحمن الأسمري ]

http://www.w6w.net/album/35/w6w_200505201631545997bd23b052.gif


يامل قلب (ن) راح وجهة غرابيل=يطري عليه اليوم تسعين طـاري
يانـور ياللـي بينـن بالقنـاديـل=نورك جذبني بعد ماكنت سـاري
ياسعود هات الكيف جيب المعاميل=ماتدري ان الروح والحال بـاري

[ للشاعر / وافي السبيعي ]

http://www.w6w.net/album/35/w6w_200505201631545997bd23b052.gif


هليّ يادمعه طالبك إيه هلّي= الصدر ضايق من تلاعيب الأيام
جالس محلي .لا.. ولاني محلّي= من سالفة العام قمت (0000) العام
أصيح بأعلى الصوت (ياوين خليّ)= وأعيش يومي بين همن والآلام

[ للشاعر / عبد الرحمن مازن العطاوي ]

http://www.w6w.net/album/35/w6w_200505201631545997bd23b052.gif


لاتذرف الدمع مابه شي يستاهل=ياهيه دمعك عزيز وهيبتك هيبه
ادري ظروفك تهد الحيل والكاهل=لكن بعض المواقف هم ومصيبه
ادري ولكن تبي تصعب علي الجاهل=يفسرالدمع من عينك ويفتيبه

[ للشاعر / سعيد العمودي ]

http://www.w6w.net/album/35/w6w_200505201631545997bd23b052.gif


حاولت أقرا ماوراهـا واراهـا=وقدرت افسّر وش هو اللي وراها
الصورة اللي كلها هم واحـزان=بنتاً تبي وقفة أصيلاً قراهـا..!

[ للشاعر / فايز ماجد ]

http://www.w6w.net/album/35/w6w_200505201631545997bd23b052.gif


خلي الدمعه بعينـك وأزعلـي ثـم أحضنينـي=وقولي انت إنسان قاسي كيف سميتك سمـوح
يالعيـون اللـي هدبهـا بالتسلهـم تبتلينـي=كفي الدمعه دخيلك .. وفضفضي .. كل الجروح
لو تعرفين بغلاتك وش كثـر إتعيـش فينـي=مايكفيك! أنك انتـي فـي كيانـي بأسـم روح
ياعذابي .. من دموعك جيت يمك وأسجنينـي=وأن طلبـت العفـو منـك لاتخليـنـي أروح

[ للشاعر / خالد عبد الكريم ]

http://www.w6w.net/album/35/w6w_200505201631545997bd23b052.gif


السالفه طالت وطالت وطالـت=والكل في نفسه يبي معرفتهـا
لاتحسب الدمعه حزن يوم سالت=ضاقت محاجر عينها واذرفتهـا
دمعه ماهي باغلى دموع ٍ تتالت=العين تذرف لو يديّك اطرفتهـا

[ للشاعر / نياف العتيبي ]

http://www.w6w.net/album/35/w6w_200505201631545997bd23b052.gif


الدمعة اللي حولت وحدرت =هل هي دموع الأنس والا التعاسه
الدموع اليا احدرت وانزلت=اما دموع الحزن والاالاناسه

[ للشاعر / هاني محمد السلوم ]

http://www.w6w.net/album/35/w6w_200505201631545997bd23b052.gif


دموع سالت بس ايش السبايـب؟=سالت وسال الكحل مع ناعم الخدّ
دموع عينه فوق خـده سكايـب=وحاله من الاحزان تالف ومنهـدّ
أقسى الدموع دموع فرقا الحبايب=الدمع يذرف دامه الحزن مشتـدّ
واصدق دموع الناس ادموع تايب=سالت دموعه يوم للربّ يسجـدّ

[ للشاعر / منور العوني ]

http://www.w6w.net/album/35/w6w_200505201631545997bd23b052.gif


لاينزل الدمع يالغالي علـى خـدك=طلبتك امسح دموعك وإنس منديلك
لو كان هالكون كله يالغـلا ضـدك=لا تعزف الناي مع جرة مواويلـك
" يارب " قلها من اعماقك ولا يردك=رب ٍ كريم ٍ يقوّي عزمك وحيلـك
يابخت بختك اقولـه أو مـن قـدك=لو كان دمعك ذرفته يالغلا بـليلـك

[ للشاعر / صالح المرزوق ]

http://www.w6w.net/album/35/w6w_200505201631545997bd23b052.gif


صراحه اني محب مشاهد الدمعه=حتى ول انها ماغيـر فالصـوره
يادمعة العشق مدري دمعة السمعه=انا ادري انك ماسلتي غير مجبوره
نزولك بهالطريقه يتلـف الشمعـه=لو ان بعض البشر ماينبلع سـوره
لكن ابا ادعي لك الله ساعة الجمعه=علك تصيرين بعد اليوم مسـروره

[ للشاعر / سعد الغنامي ]

http://www.w6w.net/album/35/w6w_200505201631545997bd23b052.gif


الدمعه اللي على خـدك تهـل وتسيـل = وش جابهـا يا حسين الـدل وش جـابهـا
ارجوك هـون على عينِِ هدبها كحيل = أخف كثر البكى يكـشف وش اسبـابـهـا
ويصير دمعـك روايه بيـن قالِِ وقـيـل= كـلمة مجـرب وجـاتك واحسب أحسابها
ويلزم تمـاشي زمـانك بيـن عـدلِِ وميـل= وقـال المثـل (أهـل مكه تعرف اشعابها)

[ للشاعر / مهدي بن مسفر بن عليان ]

http://www.w6w.net/album/35/w6w_200505201631545997bd23b052.gif


عينٍ تهل الدموع اليـوم معـذورة=ماالومها لو تجرّح خـد راعيهـا
الوقت هذا عصيب وشانت أموره=مافيـه عيـنٍ يجيهـا مايبكيّـهـا
دام العروبة بيدين الغرب مأسورة=وشلون تضحك عيون وحزنها فيها

[ للشاعرة / الدندونة ]

http://www.w6w.net/album/35/w6w_200505201631545997bd23b052.gif


هلّت الدمعة على خدّ الفتاة =يوم قالوا ربعها راحوا شديد
أصبحت من بعد لمّتهم شتات=من يجمّع شملها غير الحميد
الألم واضح وتخنقها أعبرات=دمع رايح يتبعه دمعٍ جديد

[ للشاعرة / مشاعر حالمة ]

http://www.w6w.net/album/35/w6w_200505201631545997bd23b052.gif

الايا دمعي الــباقي..
نشف حبري من أوراقي
وحلمي ضاع في همـي
وصــبري مـل...واشواقي
انادي كيف ما انادي
غريبه تهت في وادي
وذاب الصوت في فمي
وحزني فطّر أفوادي

[ للشاعرة / النوري]

http://www.w6w.net/album/35/w6w_200505201631545997bd23b052.gif


يا اللي تدور ما يضايقني = أجلها تكفى لحظة الفرقى
الدمع من فرقاك يسبقني = وحروفي من حزن الورق غرقى

[ للشاعرة / جواهر عبد الله ]

http://www.w6w.net/album/35/w6w_200505201631545997bd23b052.gif

وللجميع أطيب التحايا .

[أمل عبدالعزيز]

,
,
,
http://www.l22l.com/l22l-up-1/44e0b3cbfb.png

.
.
.

عيون الوجد مع شوقي وعيني = تناديني و"تستنزف "حنيني
ملاها الدمع والفرقا بلية = وليل الهم صاير محتويني
وش ألي صار يادمعي تحدر= وليه الشوق أنا دايم يجيني
رغم حزني ورغم أللي أحسه= ورغم الدمعة أللي دوم فيني
أنا قلبي عن الذكرى نهرته= ولوفاضت علي دموع عيني


غاليتي جواهر غرابيل الغالية:

الدرَّة المصونة في هذا الصرح
تبقين نبراس للروعة , ووتد تقف على أروقته كل معاني الشعر الجزل والأحاسيس المنسكِبة بكل صدق ونقاء.
..
هنا مشاركة قلبية لمن سبقني ياغاليتي...
.
.

لكِ حبي وصادق ودي أخيَّة...
.

[جواهر عبدالله]

هلا وغلا يا أمل

وصح لسانك ملايييييين

تشرفت بإطلالتك الرائعة يا الغالية ..

لا عدمتك .. ولا عدمت تواصلك .

[جارح الكسر]

صحت السنتكم جميعا

وشكراااااااااااااااا

لجواااااااااااااااااااااا اااااااهر

على مجهوداتها
جارح

[sha3noona almajnoona]

صحت السنتكم ملااااااااااين


وقواكم الله



دمتٍ مبدعه جواهر

[بـنـت الـشـيـوخ]

وقفت بين حروفكـــــم الفذّه

واستمتعت بجمال وروعة ماكتبتوه


أصفق لكـــم بقوة إعجاباً بما خطته اناملكم




دموع سالت بس ايش السبايب؟
سالت وسال الكحل مع ناعم الخدّ
دموع عينه فوق خـده سكايـب
وحاله من الاحزان تالف ومنهـدّ
أقسى الدموع دموع فرقا الحبايب
الدمع يذرف دامه الحزن مشتـدّ
واصدق دموع الناس ادموع تايب
سالت دموعه يوم للربّ يسجـدّ

[ للشاعر / منور العوني ]

واصدق دموع الناس ادموع تايب
سالت دموعه يوم للربّ يسجـدّ

منور ,, سطرت حروفاً من الماس معانيها

فلله دركـ ,, ولاهنت


,
,

عينٍ تهل الدموع اليـوم معـذورة
ماالومها لو تجرّح خـد راعيهـا
الوقت هذا عصيب وشانت أمـوره
مافيـه عيـنٍ يجيهـا مايبكيّهـا
دام العروبة بيدين الغرب مأسورة
وشلون تضحك عيون وحزنها فيها

[ للشاعرة / الدندونة ]

فديت راسكـ
وصــــح لســــــــانكـ ملايييييييييين



http://www.l22l.com/l22l-up-1/dc8d50b679.gif



,, والشكر اولاً وأخيراً لجواهر ,,

ارق التحايا وأعذبها

[أبوعبدالرحمن]

صحت قلوووبكم جميع


مبدعين فعلا


والله يعطيك العافية يا جواهر

[صلاح الأحمدي]

***

صحت قلوبكم ..


كل الشكر للجميع ولمشرفتنا القديرة خالص الثناء


تحياتي

.

[فيصل العتيبي]

شاعرة الجواهر

الف شكر مدعوم بالتهنئية على هذا النجاح الباهر لقلمك العذب ,,

ليتني أملك بعض مجهودك ( ماشألله ) <-------- علشان ماتقولين عطاني عين ههههههههه

رغم انني متواجد ومتابع لما يدور بالساحة اكثر منك الا انني استفدت الكثير من قلمك .. !!

فيصل العتيبي

[ناعمة]

::

من اروع ماقرات من الشعر جمعتيه بمتصفح واحد

الدموع الصامته .. نعم .. والله

دمتم مبدعين

::

دمتي كما انت مبدعة ومتألقة

::

[منور العوني]

جواهر عبدالله

الله يعطيك الف عافيه


والف شكر على مجهودك الاكثر من رائع للرقي بالمنتدى



اخوك

[منور العوني]

وقفت بين حروفكـــــم الفذّه

واستمتعت بجمال وروعة ماكتبتوه


أصفق لكـــم بقوة إعجاباً بما خطته اناملكم




دموع سالت بس ايش السبايب؟
سالت وسال الكحل مع ناعم الخدّ
دموع عينه فوق خـده سكايـب
وحاله من الاحزان تالف ومنهـدّ
أقسى الدموع دموع فرقا الحبايب
الدمع يذرف دامه الحزن مشتـدّ
واصدق دموع الناس ادموع تايب
سالت دموعه يوم للربّ يسجـدّ

[ للشاعر / منور العوني ]

واصدق دموع الناس ادموع تايب
سالت دموعه يوم للربّ يسجـدّ

منور ,, سطرت حروفاً من الماس معانيها

فلله دركـ ,, ولاهنت


,
,

عينٍ تهل الدموع اليـوم معـذورة
ماالومها لو تجرّح خـد راعيهـا
الوقت هذا عصيب وشانت أمـوره
مافيـه عيـنٍ يجيهـا مايبكيّهـا
دام العروبة بيدين الغرب مأسورة
وشلون تضحك عيون وحزنها فيها

[ للشاعرة / الدندونة ]

فديت راسكـ
وصــــح لســــــــانكـ ملايييييييييين



http://www.l22l.com/l22l-up-1/dc8d50b679.gif



,, والشكر اولاً وأخيراً لجواهر ,,

ارق التحايا وأعذبها




بنت الشيوخ


الله لا يهينك

والف شكر على الاطراء


اخوك

[ماجد نصار]

جواهر
للمكان من إسمك نصيب

نثرتي لنا جواهر شعريه فريده




دامت لنا روعة إطلالتك

[النوري]

جواهر عبدالله
مجهود رائع..بروعتك يالغاليه

ولك من مر من هنا.
أعذب تحيه......
من..... النوري

[بـــشـــرى]

جواهـر عبـد الله

............................

مبدعه حيثما كنت

جميل ما طرحت وكتبت

والشكر موصول للشعرائنا

على مانثروا لنا من جميل أقلامهم

أختك .. بـــشــرى

[جواهر عبدالله]

جارح الكسر

،

،

صح بدنك

وتشرفت بحضورك ..

لك كل الشكر .

[جواهر عبدالله]

هلا بك يا شعنونة ..

والله يقويك يا الغالية

نورتي ..

[جواهر عبدالله]

بنت الشيوخ

،

،

شكراً لك يا الغالية على حضورك ..

لا عدمناك .

[جواهر عبدالله]

أبو عبد الرحمن

،

،

الله يعافيك .. حضورك شرف لنا .

[جواهر عبدالله]

بن عامر صلاح الأحمدي

،

،

الشكر لك .. ألف شكر لحضورك .

[جواهر عبدالله]

فيصل العتيبي

،

،

الشكر لك .. ولإشادتك ..

وأتمنى أكون عند حسن الظن ..

[جواهر عبدالله]

ناعمة

،

،

هلا وغلا .. نورتي ..

لا تحرمينا من تواصلك .

[جواهر عبدالله]

منور العوني

،

،

الله يعافيك ..

والشكر لك على حضورك .

[جواهر عبدالله]

جرح طاهر

،

،

شكراً لك .. هذا من ذوقك ..

تشرفت بحضورك .

[جواهر عبدالله]

النوري

،

،

الروعة تكمن في حضورك

ألف شكر لك يا الغالية .

[جواهر عبدالله]

بشرى

،

،

الإبداع في حضورك

لا عدمتك .