وين العميل الذهين الي بقلبن لبيب

[غازي الشريف]

الليله السالفه ماهيب ماخفيه

مثل القمر بالسماء والنيه النيه

الجوهره لاتروح ابها الحراميه

والشاص عيا حلال القوم يلحاقها


ياذيب ياذيب جر الصوت وانا نجيب = مادام كل الذيابه جرت اصواتها

وين العميل الذهين الي بقلبن لبيب = يقرا عناوينها والي بطياتها

[متحدي]

الليله الجو لاشتوي ولا صيفي
جو(ن) على الكيف مايحتاج تكييفي
وغازي بمكه وقلبه مع هل الريفي
والشاص عيا حلال القوم يلحقها

لو تزهم الذيب ياغازي يجيك ألف ذيب=وترى الذيابه جزيل الصيد صيداتها

السالفه واضحه ود السوالف وجيب=بالمختصر هاك عطني ودها هاتها

[غازي الشريف]

هلا وغلا

أمن الباديه وشوفك مختلف عني

يالشاعر الي مضنك حيل تفهمني

الجوهره دونها خمسة عشر جني

والشاص عيا حلال القوم يلحاقها



كلن تعزوابها من دون حرب او حريب = كله لليالي وتطوى كل صفحاتها

ليت امتحدي بعد علمي يعرف الذهيب = والضن ماله جمل فيها ولا شاتها

[متحدي]

والنعم في منسبك ياطيب المنسب=
والجوهره فالصو واظنها مقلب=
ومن دونها حيتين وداب والعقرب=
مرت على الباب الايمن فوق مكسيما=

فاهمك ياصاحبي وليا رمينا نصيب= ماسرعك تحكم علي بجهل فقراتها
يابن الحلال الهدف واضح ولاهو غريب=ونقطة غموض العرب حول اتجاهاتها

[غازي الشريف]

استلم يالغالي

ياصاحبن وصل صوته ماوصل صوره

خلف الكواليس كلن جاهلن دوره

ليته يبين ويعرف ويش جمهوره

والشاص عيا حلال القوم يلحاقها


ياذيب ياذيب مالك يم هذي نصيب = صحيح من قال خلق الله ونياتها

السالفه جت تحدي والتحدي عجيب = ليته يشوف الرسايل في قناواتها

[حاكم الشور]

ياسلام يا سلام

صحت السنتكم

وواصلو ابداعكم

ولكم مني كل الود

[متحدي]

أنا مواطن ترى ماني بجاسوسي=

ومسجل اسمي صقر في كل قاموسي=

واحب ماما وبابا واحفظ ادروسي=

والشاص عيا حلال القوم يلحقها=

خلك بذكر الولي دايم لسانك رطيب=واشباح الاطباق لاتصدق خرافاتها

حنا كسبنا التحدي فـ النهار العصيب= واهل القرارات همشنا قراراتها

[متحدي]

حاكم الشور صح بدنك شكرا لمرورك

[بدوي رحال]

غازي الشريف/ متحدي
صحت السنتكم
محاوره جزله