اسراب الحزن ,,

[فهد المهوس]

, , ,

. .



هُـنـا ..



وش اسوي في حياتي كلها هم(ن) وغم = وش اسوي يابشر والناس من حولي تِساقط
آه ياهمي .. وغمي مدغم(ن) باوساط ضم = من بعد بسمة شفاتي صارت همومي تلاقط


. . .


هُـنــاك ..

, ,

حزين .. إي والله اني حزين ..

مبتعد كلي أنين .. عبرتي تطلع لمين ..؟

والعدم قدام .. والحدث اوهام .. والسنين احلام ..

ترجي سنين ..

, ,

بلا هوادهـ سأقـول ,,

: :




ضاق هذا الكون كله وناظرت عيني شمال = وضاقت الاركان بمتوني وفي صدر الشمالي
ياهلي هالليل طوله .. طوّل ينادي ب تعال = وان لفيته لمّني بحزنه .. وفي عِسر الليالي
آه ياوقت قضيته (بطيب حظ) و(طيب فال) = وآه من حظ (ن) تعثر في مجال الكون خالي
ياسعد حالي تكدر وصاحب الموال شال = وطوّح بصوته يردد ( لا لي لا لي لا لي لالي )
وقلبي يرقص منجرح متهادي(ن) يم المحال = كنه الطير يتراقص منحدر تحت الجبالي
صابه القناص وارداه بفتيله بإنفعال = ولادري وين يتهادي هذا حالي .. هذا حالي
وجد قلبي وجد من طوّح .. بيوم القتال = وهو ينادي لابته .. صابته سهوم القتالي
اكبر اخوانه ينادي ذا عزيز القوم مال = يلفظ أنفاس(ن) أخيرهـ .. في حياته والوصالي
آه ياكبر المصيبه … ايتمت ام العيال = والولد يصرخ بصوته ياهلي ياراس مالي
هذا قلبي مثل حاله يومه يطش العقال = بحضن من لبى لقومه لو تداعت للمعالي
قلبي المنساق وينه .. لا . لا يآخذ مجال = اتركوه يموت وحده .. منجرح والدم سالي
والشمالي مابقى له من جهاته اي شمال = مابقى له كود من عسر الليالي هالليالي




, ,



إمتناني لكمـ .. وعذراً لهذا الحزن ..!


فـهـد بن صـالـح الـمـهــوس

[محمد الروقي]

فهد بن صالح

مصمم اعذرك لانك لم تقل شاعر

وصح لسانك بما فيها من خلل وزني وتقبل التحيات والتقدير

[فهد المهوس]

صح بدنك ياغالي ولاهنت ..

وياليت تبين لي مواضع الكسر منكم نستفيد :)