مسابقة غرابيل للشعر

[محمد المحلكم]

السلام عليكم ورحمة الله وبركاته


مسابقة غرابيل للشعر

لجنة التحكيم :

رئيس اللجنة : زبن بن عمير .

أعضاء اللجنة : بعيد المراميس ـ مشعل بن جريد ـ سعد الحويماني ـ فيصل العتيبي ـ ناصر القزلان ـ لين .

طريقة المسابقة :

ـ تُطرح المسابقة على خمس مراحل .. وتكون المرحلة الخامسة هي المرحلة النهائية .

ـ تكون المسابقة كل يوم جمعة ( ليلة السبت ) .. ولكل مرحلة وقت زمني محدد .

ـ تُرسل المشاركات لي عن طريق الرسائل .. وتُطرح الأبيات بدون ذكر اسم المتسابق حتى يتم تقييم الأبيات من قِبل اللجنة ، ومن ثّم تُذكر اسماء المتسابقين .

ـ يكون عدد المتسابقين غير محدد .. المجال مفتوح للجميع .. وبعد المرحلة الأولى اللجنة تختار 15 متسابق فقط من المتسابقين .

مراحل المسابقة :

ـ المرحلة الأولى : وهي أسهل المراحل .. وهي طرح أبيات اختيارية .

ـ المرحلة الثانية : وهي عبارة عن طرح موضوع معين ( ديني / اجتماعي / .... ) .. ولا تزيد أبيات القصيدة عن سبعة أبيات .

ـ المرحلة الثالثة : التعليق على صورة معينة .. بأربعة أبيات .

ـ المرحلة الرابعة : المجاراة على بيت معين ..

ـ المرحلة الأخيرة : القافية والبحر الصعب .. ويكون عدد الأبيات أربعة .

شروط المسابقة :

ـ أن يشارك المتسابق في جميع مراحل المسابقة .

ـ لا يُقبل الاعتراض على قرارات لجان التحكيم .

ـ أن يُراعي المتسابق الوقت الزمني المحدد لكل مرحلة .. فكل مرحلة لها وقتها الخاص .


،

،

على من يريد المشاركه تسجيل اسمه في الموضوع واخر يوم لقبول المشاركين يوم الجمعه القادم وفي نفس اليوم تبداء المرحل الاول

[محمد فهد السمران]

محمد المحلكم

خطوه جميلــه وفكره رائعه..

(نحن هنا وأبليس في منى)

ربنا يوفق الجميع


تحياااااتي

[تراحيب الحربي]

مشكور على الفكرة الرائعه اخي العزيز

وسجل اسمي اخوي بعد اخي الشاعر محمد بن فهد

[جواهر عبدالله]

الله يعطيك العافية أخوي محمد

وبالتوفيق ..

بانتظار بقية المشاركين من الشعراء والشاعرات .

[جارح الكسر]

الأخ محمد

بيض الله وجهك

ولتكون بدايااات مثمرة

سجل اسمي وتسلم
جارح الكسر

[فيصل العتيبي]

الله لايهينك محمد

سجل اسمي مع الشباب

اووووووه نسيت أني من اللجنة هههههه

على العموم شدوا حيلكم وفالكم التوفيق ..

بإنتظار المشاركات

فيصل العتيبي

[فهد بن محمد]

فكرة اكثر من رائعه

الله يعطيكم العافيه

سجل اسمي مع الشكر للجميع

وتحياتي لكم

[فهد بن محمد]

استفسار عن الوقت الزمني المحدد

فتعرفون يوم الجمعه ربما ان الوقت يضيق بالانسان ليتابع لمدة خمسة اسابيع

فهل الوقت الخاص ساعات ام ايام ام ماذا لنكون في الصورة

يعني وقت كل مرحله كيف سيحتسب

مع الشكر

[عايدالعنزي]

موفقين بااذن الله

كل الشكر اخي محمد على هذا الطرح الاكثر من رائع

لك وللجميع
محبتي واحترامي

[ناعمة]

::

يعطيكم العافية على المسابقة الشيقة


اسجل حظوري و متابعة هُنــا


دام نبضكم


::

[مهدي بن مسفر الحبابي]

أخوي محمد المحلكم

تسلم والله يعطيك العافيه

موضوع رايع وراقي

بالتوفيق للجميع

[أمل عبدالعزيز]

,
,
,

الله يعطيكم العافية
فكرة ولا أروع


وين الشعراء بس؟


ننتظرهم بشوق

يمكن أتهور وأشارك ( بس ألقى وقت ) ...
..

[منصور الحربي]

مساءك سكر:

الغالي محمد :

بعد برنامج شاعر المليون .. التي لم يكن لي نصيب في الفوز بالمليون فيها .. بسبب إمتناع مديري المباشر عن منحي إجازة !!

>>> واثق من روحه وبقوووووة ..:biggrin: .

يطيب لي المشاركة معكم .. بس ياليت تفهومني الطريقة عدل .. وأتمنى تشارك الاخت الرهيبة ( أمل عبدالعزيز ) لإني أفكر أتحداها ....!!

.

.

.

كل المنى لكم بالتوفيق .. هنا عمل رائع .. الأروع بالتأكيد هو فكرة المسابقة وسمو أفكاااااااارها ....!!

دمتم بكل الود ...

[هاني محمد السلوم]

اخوي محمد فكرة جميلة ومجهود تشكرون عليه


سجل اسمي مع شعراء غرابيل المشتركين بالمسابقة


وتمنياتي للجميع بالتوفيق

[صالح المرزوق]

بسم الله ..

الله يعطيكم العااافية يارب .. وما تقصرون ..

الله يقويكم ان شاء الله ..

وسجل اسمي لاهنت ..


.
.
.


صالح المرزوق

[أبوعبدالرحمن]

بالتوفيق للجميع

والله يعطيك العافية يامحمد


وسجل اسمي معكم

[سـعـد الحويماني]

فكره رائعه ..منك يالغالي

شباب رجاءٍ لا احد يحرجني ويقوم يقلبها عزاوي ترا ادنى ماجابني


بالتوفيق للجميع

[النوري]

الله يعطيكم العافيه
فكرة خوش مررره حلوه

بس يسمح وقتي اقلط مشاركه

تسلمون يارب...

[نياف العتيبي]

تسلم يامحمد


فكره رااقيه برقي صاحبها


لاهنتتتتتتتت


الناايف

[عبد الرحمن مازن العطاوي]

.
.


فكره رائعه ولجنة موفقهّ بإذن الله



.
.

[صادق الإحساس]

* كني ما سمعت طاري لتصويت الجمهور ههههههههههههههههه


* لجل شكلي دام زعم وسعد وناصر باللجنة وبرى الحسبة بشجع المعترب فيما لو لم يشارك محمد السليس وربي لجمع له أصوات جمهور على كيف كيفك ههههههههههههههههه


* بالمناسبة : أبي أقول ترى مابه رسائل حتى لو كانت بقرشين! الناس مطفرة بعد برنامج المليون فلا تحلمون بفلس واحد تحصلون عليه إن كان هدفكم المادة وأمام الجمهور ( يعني يعني ) هدفكم (( الترويج لرسالة الشعر السامية والمنافسة النزيهة الراقية ))

بينما الهدف الحقيقي ومن من خلف الكواليس مثل هذه الرسائل ترى (( لا تهرجون أنفسكم )) واحدكم يقول : (( فالك المليون )) وربي الناس يا الله تقوم بواجبها حتى تجي هنا ونكمل الناقص على فلوسها ههههههههههههههه



* ويرحم والديكم جميعا و لجل خاطري ويسعدكم ربي بعد ، برب : لا أسمع أو أقرأ لواحد فيكم يقول لأحد المتسابقين : ((( مافيك حيلة ))) / وألاّ غيره يقول لحد المتسابقين بعد :ـ (( تعرف رائيي فيك أو في شعرك )) ويتحفنا بأبتسامته الصفراء ((((( تراني من قلبي بحقد عليه وأخرج عن طوري ))))) ولا أضمن نفسي أليا زعلت وبرد عليه رد ينومس ويعشقه قلبك بالذات أنت يا زعم أعرف ضحكتك مثل (( ضحكة بعض الناس )) توصل أليا المنتدى اللي بأقصى الطرف المقابل وتمد (( أشدوقك )) ألين كل لحي منك يبي يتقطع أثر تلك الضحكة (( المحسفة / الماكرة )) وسعد عاد هو (( ودقنه )) مثل بعض الناس يجلس يلف ويدور بالكرسي حول نفسه ويصلح غترة اللي أطيح كل شوي من كثر لفه (( الله يامنا )) تقول أول مرة يجلس على كرسي بحياتي أو كن ماغيره جلس مثله ، عاد وتحاول يا سعد تبرز ألنا أنك من أصحاب البرنامج والفضل كله يعود لكم ولفكركم النير ، أن قمتوا بهذا العمل النادر / الجلل !! ، عليه عاد الشيخ الكبير ناصر يظل يبتسم بكثير من الحياء المغلف تارة بالهدوء المستكين (( حتى أنا أحزن عليه وأقول : (( يا مسكين حليله أش كثر الرجل حيايي )) وتارة أخرى وبنظرة سارقة فيه لمحة الغدر صوب شاعر (( بعينه )) وكأن حاله يقول له (( لا تخاف أنا موجود يا أبن العم )) ماعليك فيهم كل هالحركات التي تشوفها بس أمام الجمهور (( يعني يعني )) لكن الفعل الزين تبي تشوفه بعينك بالدرجة اللي تخليك أطامر و تروح أتسوي أمسياتك وبالك وسيع مرتاح !! ، عاد للأسف ماعندنا (( مذيعة حسناء أسمها عرضة )) لجل أجي أنا وأطامر معها بتقديم البرنامج معها وتراني عاد رجل (( مودرن / غير معقد / متفهم / عصري )) عاد ماكود أتنقل من شاعر لشاعر أخذ مرئياته حول الدرجات المحصلة ؟ وماذا يتوقع من ردة الفعل لدى الجمهور ؟ وماذا يقول لهم ؟

((( أحمدك يا ربي بس أن جعلتني من العقلاء / الأمناء / المنصفين !! ))

هههههههههههههههه



* (( زعم / سعد / ناصر أنتم والجميع فقط أحببت أمازحكم وألاّ فقدركم ومكانكم فوق رأسي يا أساتذتنا والله )) وأعلم يقينا أنكم جميعا أهل ذمم وأمانة و ما فيها شك والله .




* المهم

مشكور أخوي الشاعر المتجدد / محمد المحكم على الفكرة والمجهود وهذه الأعمال الطيبة التي تزيد من روح المنافسة الطاهرة والشريفة التي تظهر لنا مكامن الإبداع لدى المبدعين أصلا (( شعراء غرابيل )) وأكاد أزعم أننا سوف نرى مسابقة كبيرة وجميلة تليق بمنتدى غرابيل وبروعة وأبداع شعراؤه الراقيين المتميزين .

بالتوفيق يا رب .





للجميع
ود و ورد



صادق الإحساس


.

[عبدالهادي الجهني]

فكرة رائعة وموفقة

انا اعشق التحدي

سجل أسمي والتوفيق على رب العالمين


اعاننا الله على ذلك بوجود زخم هائل من الشعراء المبدعين

اخوكم/

ساحل المحبة

[بـنـت الـشـيـوخ]

فكرة رائعة

ويعطيكـ العافية

اكيد متابعين لكم

[فهد مفلح]

فكره جميله في منتدى اجمل
تحياتي


نتمنى منافسه جميله

[راكان بن بدن السبيعي]

فكره رائعه تنفرد بها غرابيل



بالتوفيق للجميع




مدري يوم الجمعه المقصود طاف وألا لا


يعني فاتنا التسجيل إن كانه فاتنا خيرها بغيرها





متابعتنا الدائمه لهذا السبق الرائد

[مشاعر حالمه]

ياسلام خوووش والله

يعني الحين تحقق حلمي باشارك في شاعر المليون هع <== مضيعه البنت

^_____^

محمد المحلكم

اسرد اسمي في القائمه واتمنى اصير قدّ هالمسابقه الشريفه ^__^

مع اني ادري ان قدامي كباااار والله ينخاف منهم : (

بس باشدّ حزامي وانا بنت ابوي ^____^

تحيتي لك / مشاعر حالمه

[النرجسيه]

مشاعر حالمه

بصير بصفك وبرشحك شدي حيلك وترى بصوت لك كثير

أما انا لا أحبذ مثل هذه المسابقات لاني اؤمن ان الشعر متنفس



ترى بصفك دوما انتي واللي تشارك من الشاعرااات

دمت ِ بخير

[منصور الحربي]

[


* لجل شكلي دام زعم وسعد وناصر باللجنة وبرى الحسبة بشجع المعترب فيما لو لم يشارك محمد السليس وربي لجمع له أصوات جمهور على كيف كيفك ههههههههههههههههه


صادق الإحساس


.


الغالي صادق احساس :

بيض الله وجهك ... وصدقني تشرفني وقفتك معي ... بالنسبة لأبو علي ( محمد السليس ) أعتقد ان تواجده في هذه المسابقة يشبه تواجد ( محمد الذيب ) لذلك اتمنى مايشارك ...!!:biggrin:

وأبشر بالعطية الجزلة على ( مناهضتك يابعدي ) ........................!!

[علي عبدالرحمن الأسمري]

بيض الله وجيهكم
وبالتوفيق للجميع
وسجل اسمي لاهنت مع المشاركين

تحيااااااتي

[00العنود00]

فكرررره روووووووعه

الله يعطيكم العافيه

وانشالله اذا سمحلي القت اني بشاارك باذن الكريم

اجمل تحيه لكم

عنود

[00العنود00]

فكرررره روووووووعه

الله يعطيكم العافيه

وانشالله اذا سمحلي الوقت اني بشاارك باذن الكريم

اجمل تحيه لكم

عنود

[**** شوق ****]

فكره جهنميه

جميل مثل هذه المسابقات

من ناحية الرسائل انا مازلت لا استطيع ارسال رسائل خاصه

لكون المشاركات لم تصل 100 مشاركه:11owoff:

الشي الثاني ياليت ماتقيدون الوقت بالضبط يعني ياليت فيه مرونه شوي

الظروف ماتجي على الكيف :icon_conf

سجل اسمي ان شاء الله يارب الظروف تسمح نشارك

النرجسيه اجل بصفي ان شاء الله:11umbup:

مشاعر خلينا نغامر وان شاء الله نكسب التحدي رغم ان فيه شعراء يخوفون

واتبارى انا وياك على الكاس <<<< على بالها الدوري هههههه

بالتوفيق للجميع يارب

يسلموووو على هذه المسابقه

شوق

[النوري]

تكفون تكفون تكفون

حددوا باليوم والتاريخ>>>>حماس ماله لون؟

والله الله رشحون من الحين والاترى!!>>>>مشاركه مشاركه الله لايعوق بشر

اكتبوا اسمي بالطبشوره..ع السبوره>>ياي يااموره؟


مع اجمل الاماني للجميع...الله يوفقنا واياهم

مشكور....محمد المحلكم وكل الكادر الطيب

[د. أحمد الشهيب]

صباحكم ورد يالغرابيل



فكرة نموذجية ولكن اتمنى ان يتم توضيح الوقت المحدد



وباذن الله سأكون متواجدا ما سنحت لي الفرصة...

[متعب كحيلان]

صح فكرك ا محمد على هذا الموضوع المسبوق عليه فكريا ومتميز فيه فعلياً




وبنتظار المشاركين



<<=-=-= متحفظ على بعض ارائه








لاهنتوا يالجميع


بنتظار قصايدكم


بس ما علمتونا وش جايزتكم



ولاتعب وقلة فود



لا اضحك



بالتوفيق

[عبداللـه اليـامي]

فيه مليووون اشتركت

[وافي السبيعي]

السلام عليكم ورحمة الله وبركاته

والله هذا الموضوع رائع جداجدا واختيار موفق في أعضاء اللجنة نبارك لكم هذا الطرح الجميل والرائع يامحمد انت
وجميع المشاركين في هذا الموضوع

اما بالنسبه لي اعتذر من الله ثم منكم بسبب بعض الانشغال

ولكم اجمل وارق التحايا

[محمد المحلكم]

لاهنتو جميع

ولللحين في عدد شعار طيب وشاعر مشرفين ومسابقه مشرفه بالشعار


اخواني واخواتي

مازال التسجيل جاري لي يوم الجمعه الموافق 4/3 / 1428

والشعار والشاعرات الي ما حطو اسميهم بشكل رمسمي ماحسبناهم يعني ماهي على حسب فضاوتهم



وشوق شارك في المنتدى بالمشاركات الطيبه ويمديك توصل عدد المشاركات المطلوب اذا كنت من الي يحبون التحدي والمنافسه الشريفه


وبالنسبه لا عضاء مالهم دور حاليا يمكن يجي لهم دور في المراح المقبله

[**** شوق ****]

وشوق شارك في المنتدى بالمشاركات الطيبه ويمديك توصل عدد المشاركات المطلوب اذا كنت من الي يحبون التحدي والمنافسه الشريفه





محمد المحلكم

الله يحفظك لاتخاطبني بالمذكر :11owoff:

<<< صريحه اللي بقلبها على لسانها :biggrin:

[نور بني تميم]

........فكرة رائعه......
شاعر غرابيل..............

والله ودي اني اجرب......بس بما اني لست شاعرة كبيرة.......
فافضل اني اتابعكم

مشكووووووين
مسابقه حلوة....اتمنى لكم التوفيق.....متسابقين ولجنه

[احمد مناحي]

مساكم الله بالخير


فكره جميله والله يووووووفق الجميع لتحقيق النجاح المأمول

سجلوني معكم والمخرج ملي ...


اتمنى من الاخوان المسئولين عن المسابقه تسجيل اسمي ضمن المشاركين فيها


لكم مني كل الشكر والتقدير

[محمد الروقي]

موفقين

نتمنى للجميع التوفيق ويعطيك العافيه ياصاحب الفكره الرايعه

[** عذبة النوح **]

بسم الله الرحمن الرحيم

ارجو ان الوقت ما فات على التسجيل واذا ما فات فارجو ان تحسبني

مع الاخوان والاخوات المنتسبين للمسابقه انا

الورقا
مشتركه وبقوه

[ناصر محمد السبيعي]

ناصر محمد السبيعي

والله مدري اذا خلص الوقت المسموح فيه التسجيل ولا لا

[سعدالجميلي]

الاخ محمد المحلكم



سجل اسمي مع المشاركين



والله يقويكم وبالله التوفيق

[علي عبدالرحمن الأسمري]

متى الوقت المحدد للبداية يامحمد
وتمنياتي للجميع بالتوفيق

[ابن نميش]

ههههههههههههههههههههههههه ه
هههههههههههههههههههههه


ابك ابك ابك


انا جاي ابي اضحك

ههههههههههههههههههههههههه

ههههههههههههههههههههههههه ه




وماني مشارك على شان بعيد المراميس في اللجنه
:11ight:









































على شانه بيضحك علي %% انا وقصايدي %% .. ولا الباقين ماعندهم مشكله







بالتوفيق ياغرابيل







المحلكم


فكره جميله ولو كانت


مكككككككككككررره :36_1_28[1




اخوكم


ابن نميش

[محمد الجبريني]

صباح الخير جميع
مشكووور صاحب الفكره النيره اخوي الشاعر
محمد المحلكم لاهنت بعثت الروح فينا من جديد
منول سرت اغيب عن المنتدى ثلاثه أيام اربعه
وذلحين مادام فيها تحدي وسباق ابحط سجادتي جنب الجهاز في المجلس
وببعد البزارين وسكر دونهم بابين مدري ثلاثه احب التحدي انا لو كان ماحققت الى الان رقم (0)
ههههههههههههه بس الظاهرر مالي حض دايم مدري لين تنتهي السالفه الموظوع هذي متى كتب
فيكم كهان ولا سحره يالربع يحجبه عن عيون بعض الناس ولا أأأأأيه يعني
على العموم مابي اطيل
على ماقال اهل الحكم والعبر والامثال (الى بفيت تطلع الى القمر صوب نحو النجوم )
وانا طول وقتي ابي القمر ومغير معاير على النجوم حتى مع الظهر ايتوارالي
ههههههههههههههه

ان فيه نجوم اخوكم اعمته الشمس معاد يشوف من حبه الى الصعود والبروز في القمه
سجلوني من المتفرجين لو سمحتو ممكن الجمهووور تعرفون له دور في حماس الشعراء
والله يجزاك خير يابن نميش من حبي لك والله العظيم اني توي اطلع على هذي الموضوع


جيت على أثرك ياصاحبي يابن نميش = ابك انا وش لون جيت وكيف ربي جابني
راحت الجمعه عليه ياخساره ماعليش = واشهد اني باتفجر من قهر ين تابني


تحيااتي اول شي لبن نميش وبعدها للجميع وخصوص لجنة الأأشرااااف
برعاية ومتابعه وتوجيه
استاذي المبدع والعلم زبن عمير وكفو واحسنت الاختيار يااخي محمد المحلكم
وكذالك بعيد وسعد كلم كفو ومسابقه صدقوني انها اعظم واحسن من مسابقه(((( 1000000))))
اللمليون ان شالله تطلع تحياتي وتمنياتي للجميع بالتوفيق

[جواهر عبدالله]

محمد المحلكم .. سجل أسماء الشعراء والشاعرات اللي شاركوا برد لك هنا .. عشان الجميع يعرفون من هم الأعضاء اللي شاركوا بالمسابقة ..

وحدد لهم موعد طرح المسابقة ..

وبانتظار أول المراحل .

[محمد المحلكم]

صباح الخير جميع
اعتذر من الاخوات ولاخوان الي ارسلو لي رسايل ولا رديت عليهم من ضيق الوقت


المرحله الاوله بدت من امس وتنتهي يوم الجمعه القادم 11/3

وبعد ماتختار الاجنه القصايد راح نعلن لكم الشعار الي بيستمرون معنا



يعني الي يبي يشارك يرسل مشاركته لي رساله خاصه
وانا راح اعرض على اللجنه ويرشحون 15 مشارك

ونكمل المراحل

[محمد المحلكم]

اشكر من ارسل مشاركته وانتظر المشاركين الباقين

[فهد بن محمد]

يامحمد رفض الرسائل الخاصة ماعندي الا ستين مشاركة حسب رأي الجهاز

وش السواة

[محمد المحلكم]

يامحمد رفض الرسائل الخاصة ماعندي الا ستين مشاركة حسب رأي الجهاز

وش السواة



اربعين مشاركه ماتمنعك من المشاركه والتحدي شارك لين العدد المطلوب


واخر موعد استلام المشاركات يوم الجعه 11/3


ننتظركم

[أبوعبدالرحمن]

الله يعطيك العافية يا محمد


يعني أرسل لك الان قصيدة قديمه لي ؟

[محمد المحلكم]

الله يعطيك العافية يا محمد


يعني أرسل لك الان قصيدة قديمه لي ؟


ارسل قصيده من اختيارك قديمه ولا جديده




والي يقول ان المسابقه مكرره ترى ماهو صحيح هذا فكره خاصه في منتدى غرابيل

[أمل عبدالعزيز]

,
,

السلام علاااكم ورحمة وبركاته يامحمد المحلكم

مشاركتي في طريقها إليك ومادري وصلت ولا باقي
وعندي همسة للجميع هنا :
أنا من االحين أشك في نزاهة الللجنة فردن فردن وأشك في نزاهة التصويت وفي نزاهة كل واحد هنا هذا في حالة لو ماأخذت المركز الأول أمَّـــــــــــــــــــــ ـــــــــــــــا لو صرت الأولى فكلكم نزيهين وكويسين ولجنتن منتازتن حيلون حيلون :هاها:

ويالله حمي الوطيس والله يستر من تاليتها
لايصير تفجير في المنتدى احتجاج على اللجنة هههههههههههههههههههههههه

[فهد محزم]

الأخ محمد



سجلني مشارك


ومشاركة المرحلة الاولى .. في طريقها إليك



الف شكر وبالتوفيق للجميع انشاء الله

[محمد المحلكم]

امل وصلت مشاركتك وفالك المليون ومافيك حيله



فهد وصلت مشاركتك وننتظر الباقين

لي يوم الجمعه الساعه 12 في الليل

[احمد مناحي]

اخوي محمد المحلكم

عندي سؤالين لو سمحت لي بس

اولا ارسلت مشاركتي ولا ادري هي وصلت ولا لا ..


ثانيا لو تكرمت متى تعلن نتائج المرحله الاولى

الله لايهينك

[ناصر القزلان]

أنا من االحين أشك في نزاهة الللجنة فردن فردن

طيب ياأموووووووووووووووووووله .. الوعد قدام .. فعلا >>>>>> وطي الحميس ..

ملعوبه ياأموله .. دوري غيرها .. هههههههههههههههههههههه ..

[محمد المحلكم]

احمد مشاركتك وصلت والنتايج المرحله الاول سوف نعطيكم خبر متى تعلن يوم الجمعه اذا نزلنا المشاركات


وننتظر الي مارسل مشاركته

[محمد الدغيري]

من يشري صوتي :واو: :harp:

[هاني محمد السلوم]

الأخ محمد يعطيك العافيه ومشكور على جهودك


وحبيت استفسر عن المشاركة اذا وصلت


مع الشكر

[محمد المحلكم]

وصلت مشاركتك

وننتظر الي مارسل مشاركته اخر موعد الليله

[**** شوق ****]

السلام عليكم

محمد الظاهر مافيه أحد سبقني بارسال قصيدته

لي اسبوع مرسلتها بس مدري وصلت لك أو ماوصلت :بفكر: :icon_ques

[حمود البقمي]

يسعد مساكم ....


توني أقرأ الموضوع والظاهر انه فاتتني المشاركه ..يالله من حظ اللي شارك وعلى العموم الله ينطيكم الف عافيه على هيك فكره ....

[عطيه الزهراني]

مسااااااااااءكم ورد
توني اقرأ الموضوع بعد غياب دام طويلا
ومااكثر مااغيب ولكن للغياب اسباب
عموما فكره اكثر من رائعه اخوي محمد
ودام التسجل خلص مالنا الا ادعاء للمتسابقين بالتوفيق
وفالهم الفوز ايو الله
تحياتي للجميع
اخوكم الزهراني

[عبدالعزيز الناصر السبيعي]

للاسف توني أنتبه للموضوع

الله يوفق الشعراء جميعا

ولاهنتوا على المسابقة الراقية

[محمد المحلكم]

مساكم بالخير
هذي مشاركات المتسابقين وننتظر راي اللجنه وسوف يتم الاعلان في وقت لاحق

المستابق رقم 1

ياليت لـي جنـاح بالجـو صفـاق=أجوب أنا دنياي غـرب(ن) وشرقـا
أبحث عن اللي مسكنه وسط خفـاق=الصاحب اللي يسرق القلـب سرقـا
اللي موادعني مع وضح الاشـراق=أثره نوى مع طلعة الشمـس فرقـا
ودعني الغالي وجرى الدمع غـراق=لحظة وداعه كنها الـروح ترقـا
من غاب قلبي ماعرف برد الاشواق=والوجد فيني يطرق القلـب طرقـا
دمعي تناثر واختلـط حبـر الاوراق=من غيبته جاوبت أنـا كـل ورقـا
حب(ن)يلف القلب في بحر الاشواق=وشوق(ن) حرقني بالمعاليق حرقـا
مته يجي واستقبله شوق واعنـاق=ويمسح عيون(ن) بازرق الدمع غرقا

المستابق رقم 2



يانجـد كـان أن القوافـي شطانـه=في ذمتي ماعيش مقهـور مغبـون..
وأنا زعيم أحساس نبضـي وشانـه=وسيد جنون القاف وأبليس ملعـون..
دار الزمـان وبـان خايـن زمانـه=وبانت حقيقة كل زايف وشيطـون..
الشعر بحرٍ يصّفـق لنبـض دانـه=وترقص شياطينه إبعنف وبهـون..
يقولـه اللـي فيـه مـس وشطانـه=يسبك حروف القاف إبفن وجنـون..
لاراق جو الشعر وأسرج أحصانه=ماعاقه الشعـار واللـي يقولـون..
ينقش على صم الصخر فـي بنانـه=ويروض امهاره على سرج وحصون
شاعر ولي بالشعر صرح ومكانـه=عالي مقامي دون شكه ولا.ظنـون..
أنا زعيم الشعـر فـارس عنانـه=وسيد جنون القاف ومن الله العون..
مع أحترامي لكل شخـص وكيانـه=لكن حقيقه ولازم أنكـم تعرفـون..
ومن..لحترم شعور حبي وشانه=والله..يمين الله..ليعيش مغبوووون

المتسابق رقم 3



كـنك على صدك حـجـر ماتليـــني=لاسامعن صيتـــي ولاجاب طرياه
كان الزمـان أرحــم بدأ محــتويني=وأتلى علامي صرت للجور مدعاه
لا لا تكــــابر كــان وقتك ثمينـــي=أبعـد ترى نفسي عزيزه ولـه جــاه
الله على عمرن مضى من تجينــي=أفرش هـدب عيني لزولك وذكـراه
ياقـلب صك البـاب مالـــك مــعيني=غيـــر الـولى ينسيك جــملة بـلايـاه
لاتفتـــح الشريـــــان ولا البطيـــني=روح وليــــف نـبـــي إنتـناســـــــاه
لابـــد من حلــمن يعــيدك ضـنيـنـي=لابـد له شمس الأمــــل تشرق حـداه


المتسابق 4


انا لامن شكى غيري عذاب الحب والاشواق=وغنى بالهوى (ليلى)انا اغني على ليلاي
سهرت وتهت بهمومي مثل مايسهر العشاق=بكيت اللي مضى وابكي من الحسره على اللي جاي
حداهم للسهر قلبٍ لشوفة صاحبه مشتاق=وانا حدتني ضروفي بهالدنيا على اقصاي
نسيت النوم في لذة سكون الليل , والاشراق=بداية غفوتي , والشمس بعد طول السهر مرساي
الا يامشتكي للناس خساره بالهوى وفراق=وجرحٍ للغلا نازف تريّا واستمع شكواي
تخلا هالزمن واهله وصدري بالغبينه ضاق=ودربي باحلك الاوقات ماتمشيه غير خطاي
تفشى السم بعْروقي واصيح ومعهم الترياق=ومت وما بهم عينٍ بكت لحظه على فرقاي
فقدت الروح يوم اني فقدت اغلا البشر وانساق=وراها قلبي وعقلي وراحت بالي ودنياي
ثمر قلبي ضناي اللي بعدهم ذابت الاحداق=وسالت من محاجرها (ظلام اطفا بصيص ضواي)
غصبني وقتي وناسي وخصمٍ يبْس الارياق=وبيدي سقتهم بذهول , وسر اللي حصل اعداي
بكيت ايامهم وانهرت وصار الكون ما ينطاق=وصورتهم وهم يرجون وانا اخذلهم تزيد بكاي
خذلني اقرب اعواني ولا مدو لي الاطواق=وانا في لجة بحورٍ مخيفه , اصبحت مثواي


المتسابق 5

ياللي تحسب انك على الشعر سراي=لا تسري باللي منت قادر تشيله
كانك تبي تاصل مواصيل مسراي=تبطي عضم تاصل معا كل حيله
وكانك تبي مبدى على مثل مبداي=مبداي لا شفت الشعر ارتخي له
وكانك تبي مبنى على مثل مبناي=مبناي انا زاحم جبال ن طويله
ياكم واحد يرتجي كف يمناي=يبغى طواريق الشعر تنضوي له
ان جيتني حاسد انا امد يسراي=وان جيتني بالقاف لا ترتكي له
والعزه اللي من رويسي لماطاي=ماتنثني قدام نفــــس ن ذليله



المتسابق 6


قال المثل صافح ذراعاْ ماتقوااااااااه = لكن أنا ببقى أراوح محلي
ماقول غير الاآآآآآه ثم آآآآآه ثم آآآآآه = يارب عفوك ياكريم اتغفر لي
ومن بعدها عزاااااه عزاااااااه عزااااااه = مالت على حظي ووجهي وكلي
حظ دمار وزاده الوقت مااقساه = حسبي على وقت ٍ مضالي وزلي
عيا أيتهيا اللي نوده ونبغاااااه = اللي عليه ادموع عيني تهلي
وبعض البشر لوهو يجينا مانبغااااه = ايطس ويفارق لعله يولي
جعله مراح الدلو ومقيط ورشاه = لاهو هوى بالي ولاهو بخلي
ياناس انا رهينه الحب فـَـتـَـاااه = من دونها و الله ماني بيااللي
يارب ياخّلاق لي حيل ترعااااه =يالواحد اللي لك نصوم ونصلي
يارافعاً سبعاً وسبعاً موطااااه = تحفظ لي اللي شوفته لي تسلي
انا ابصراحه ماني ابقادر انسااااه = والله ان غلاته داخل القلب تغلي
لامن تخيلت ال خياله يالبااااااااااه = معاد اعرف ال حالتي وش حصل لي
يتمثل ابعيني تقول اني آراااااااه = واقوم بعض احيان اسولف لظلي
نعم يزاول لي واشوف اني ابراااااه = وأصرخ بدون اشعور أرحب وأهلي



المتسابق 7


يافتنة الأرض .. ياتاريخي الباقي = ياثورة الشك . . دام الشك له ثوره !!

ياسكري يامعاديني وعشاقي = ياعالم ٍ مختلف عن باقي عصوره !!

غلاك ليل ٍ تغلغل داخل أعماقي = يردني للزمان اللي قضى دوره !!

لولاك يالمترفه ماهاضت أشواقي = ولاعرفت القصيد وعاتي بحوره !!

عابث وأحس الغرام يجمل أخلاقي = ومرات أحس أني أول وأخر ( أسطوره ) !!

وأنتي حكايات غير .. تطرز أوراقي = في خافقي عن عيون الناس مستوره !!

كن الشوارع تغنيلك وتشتاقي = أجمل من اللي تغنى فيه أبو نوره !!

والمدرسة والحدايق قبل الأسواقي = ترقص طرب والطريق يضيع بشعوره !!

وأنا بعد والمرايا والهوى الراقي = وجوالك ونغمته والمشط والصوره !!

والليل والدمع والأقلام وأحداقي = في جيتك يامداد الحب مسروره !!

وضحكاتك اللي لها الانظار تنساقي = وباقي تفاصيل روعه بس محظوره !!

تأكدي مابقى بالكون مشتاقي = بعدي لأن اشتياقي منتهى الثوره


المتسابق 8


رمش عيني بدونك لحظةٍ ما غفا=ودّي اليوم كله ليل يتلاه ليل
ما نفاني خيالك يوم غيرك نفى=يا شعور الخيال اللي خياله طويل
وين أوّدي جميلك .. كيف أجازي الوفا = لو عطيتك حياتي يا حياتي قليل
أنت راحة ضميري يوم كلٍ جفا=وأنت صدق المشاعر في الزمان البخيل
وأنت نور الخفوق اللي معك ما طفا= وأنت ضحكة شفاي وروح وقتي العليل
أنت صيفك براد وفي شتاك الدفا=لو أدوّر مثيلك ما لقيت المثيل
ما به أحدٍ بديلك يا حياتي أفا=عاقلٍ حبّ قلبك ليه يبغى بديل ؟!!
من عشقتك وحزني من عيوني اختفى=وقبلك أنا مصاب وطول وقتي هزيل
قبلك القلب صاح وقال والله كفى=وين أبلقى خفوقٍ من همومي يشيل
ذاك هرجي وهرجه من زمانٍ عفا=لكنّ الحين قلبي يم قلبك يميل
حكيك اللي تقول ونطقك المرهفا=ما يجيبه بشر بعد النبي الجليل
يا شفا جرحي اللي ما هقيته شفا=في شرايين دمي صار حبك يسيل
يا أجمل إحساس سيّر في الخفوق ولفا=واستحل المكان وصار ( نعم النزيل )
جوّ فكري معك يا زين توّه صفا=وإلا انا من عرفتك في غرامك قتيل
دايم اللي هفا من وسط عيني هفا=ما بقى ألا أنت في محجر عيوني أصيل
ما اكتفى منك حبي ما اكتفى ما اكتفى=أسقني من غرامك يا الغرام الجميل
دام رمشي بدونك لحظةٍ ما غفا=الله الله ,, حبيبي في وفا عشق ليل


المتسابق 9

اليا انقسم صف العرب بين قسمين=ماللمواقف غير صقر العروبه
هذي الدلايل واضحه والبراهين=ميثاق مكه كلهم رحبّوبه
مسا الخميس بيوم واحد وعشرين=اسدل على تاريخ الأحزان ثوبه
ياقايد الأمه على العسر واللين=يجزاك ربي بالرضا والمثوبه
يوم انهدم جسر الوصل بين الأثنين=بنيت ما هدّوه طوبه وطوبه
قرّبت وجهات النظر بينهم بين=عينك عليهم بين نوبه ونوبه
هدّيت روع الخايفين المساكين=وسهّلتها لو كان فيها صعوبه
وحّدت صفٍ كان من قبل صفين=وانهيت موضوعٍ تناشب حروبه
واعلنت قدام البشر والملايين=تلغي معاناته وتنهي كروبه
عليك آمال العرب والمسْلمين=من غيرك اللي بعد ربي لجوبه
بدرك سطع نوره على العدل والدين=غصبٍ على اعداءً تمنى غروبه
أنت الرضا وأنت السعد للمجلّين=وأنت الذي لأعداء الأمه عقوبه
من وقفتك ترجح جميع الموازين=ريف البلاد وسيّده ومحبوبه
نفخر بوقفاته بكل الميادين=ياقايدٍ بأنظارنا نلدّ صوبه
شعبه وداره مع قضيّة فلسطين=أوضاعهم دايم عليه امحسوبه
ماقال لاجت حزّة الضيق بعدين=كن الشعوب اللي تألم شعوبه
لسان حال الشمل لاصار شملين :=نحتاج وقفاتك ياصقر العروبه


المتسابق 10


أعز البشر . ماصرت انا خاتم بيـدّه =بقى عاد اصير اليوم خاتم بيد دلـّوع

اذا انك نويت تهد جسر الغلا هـدّه =لي الله ولا لاجلك عيوني تهل دموع

انا لي مع اهل العشق هجمات مرتده=مثل ماقدرت أمنعك /ابلعب على الممنوع

يقولون كلمة تستحها منّها ..بــدّه = ترددت فيها؟.خلها باول الموضوع

وعلى قولة اللي قال : روحه بلا ردّه = توكل وفارق جعل مالك علي رجوع

حساابك على اللي قبض الأرواح في يــدّه = ولا غبت ماتذبحني من العطش والجوع

وانا..لو بغيت الصدق / صبري نفذ حــدّه= ولا عاد فيني بحتمل حب من هاالنوع

ِإلى من بغيتك بالرخا جيت بالشـدة =وإلا من نويت اشد حبلك غدا مقطوع

إلى من تعدى الشي حده قلب ضده = ولا ظنتي مثلك يغيره ظرف اسبوع !

تقول انك.. اللي بالحلا ماحدٍ قـدّه = وانا اقول للمجنون ! عنك القلم مرفوع

ترى مانت ذااك اللي مناي اكتسب ودّه = ولا عاد كل ممنوع ياسيدي . متبوع

مدامك طبعت أصل المحبة بمسـّوده=تشوفه قريبه .. بس لك مثل حب الكوع

انا في وصالي من يبادلني بصده =عساه بحريقه حبه اليوم / عفته عوووووع



المتسابق 11

يبتدي العمر والموعد غلاك=ياغرامي أنا توّ أبتديك
ياعشيري .. أنا قلبي معاك=الغلا لك ولالك به شريك
كل إحساس يغمرني فداك=صادق الشوق ياعمري يجيك
إن تمنيت أنا مالي سواك=وإن بغيت المحاني تحتويك
خذ خفوقٍ تغنّى في هواك=تسبقه عين ولهانه عليك
كل نبضه من عروقه تباك=إيه أنا أبغاك وأحبك وأبيك
أنت بين البشر مثل الملاك=في عيوني وفي قلبي مليك
وأنت روحي وأنا أصدق مناك=ذبت فيني وأنا كم ذبت فيك
كلها لك وإذا شكّيت هاك=هاك قلبي وخلّه في يديك
الهوى قيد مفتاحه رضاك=أنت ياللي بروحي أفتديك
تسكن الروح وعيوني سماك=لك لوحدك ترى هذي وذيك
كل ليله أنا اسهر في رجاك=وكل ( لحظه ) بشوقي تحتريك
( ياحبيباً إذا الشوقُ أتاك=يعزف الحبّ وجداً يرتجيك
كل نبضٍ على وقع خطاك=والحروف الحيارى تهتديك )
ينتهي العمر والموعد غلاك=في خفوق عروقه تهتويك.



المتسابق 12


بحاول أوصف احساسي تجاهك وانثر الامطار = بحاول بس يا صالح شعوري صعب تفسيره !

انا من يومني بنت(ن) صغيره والقلوب كبار = بلاني ربي بحبك , وعشت بعالم الحيره

أنا من يومني طفله وانا لي بالهوى تذكار = عشقتك من صغر سني , يا زين الوصف والسيره

صحيح اني صغيره حيل , ومن حولي بنات صغار = صحيح همومنا لعبه , وكل أحلامنا صغيره

طموح البنت في عمري , عروسه ولعبة استشوار = وانا كل اهتماماتي , عيونك ياضيا الديره

في مدرستي عجزت أفهم دروسي والبلا أفكار = أفكر فيك يا خلي .. وزاد الشوق تفكيره

أنا ما همني درسي .. ولا هموني الشطار = تجاهلت الفصل كله .. عباراته .. طباشيره

كتبت اسمك على هاك الدفاتر يالغلا تكرار = رسمت قلوب ورديه , سكنها انت , من غيره ؟

الا ياليتني بنت(ن) , تعرف تنظم الاشعار = يمين الله لأكتب لك قصايد تفضح الغيره

كبرت اليوم يا صالح وزاد بقلبي الاصرار = على حبك , وحب اللي يحبك فاق تعبيره !

جذبت عيوني الثنتين , الا يا ملفت الانظار = سكنت حدود نبضاتي , بدون اجراء تأشيره

فداك اللي تبي آمر , تمنّى يالغلا واختار = لو انك تطلب عيوني , لأقول ان العمى خيره !

جميع اللي تبي حاصل , حشى ما أنطق الاعذار = ولو يتعذر قليبي , حشى مااقبل معاذيره

تأشرّ باصبعك للشيء , تلاقي مطلبك قد صار = فخوره لو أجيبه لك يا سيد القلب يا ميره

تبعثرني هموم البعد , وتبحر بي كما البحار = غزاني موج بُعد الخل , ولا وضح لي تبريره

متى ألقى مراسي اليم , وتلطف فيني الاقدار = الا يا بختي بشوفه , الا ياليتنا جيره !

انا من لامني بحبك , عساه لقصرة الاعمار = تلوموني على شخص(ن) , حلاه احلى من الشيره ؟

قالوا لي تحبينه ؟ وقلت ان الحروف كثار = أحبه واعشقه واهواه , ولا أرضى بتغييره

شجاعه , بس لا شفتك , كياني يا بعدي ينهار = قويه , لكن قبالك , شعوري صعب تظهيره

عيونك يا بعد كلي , تهز الفارس المغوار = شموخك مفخره للعز , يذكرني بأساطيره !

الى مني تباطيتك , تولّع في حشاي النار = تزوّد جرعة الاحزان , تزيد القلب تخديره !

واذا يا عيني لاقيتك , يثور بداخلي اعصار = أطير بعالم الفرحه , تقيّدني اساويره

لو انك تدري بحبك , كم له داخلي مقدار = يطير العقل يا خلي , كأنك شارب(ن) بيره !![/poem]


المتسابق 13

وش يسـوّي من تولـّع في هــوى بنتٍ صغيـره وحضــريـه!؟=شيخـــة ٍ فيـها من أوصاف الجمال أجمل تواصيف ومزايا
طفلــة ٍتلعب على قـلبي ولامن قلـت:قــــــالت وش عليــــــه!=دام قلبـك صـار من حظـي أبلعــب فيــه قداّم الصبايا
جننتـني وإبتـليـت بحبـــها يالعنــبـــــــو هــــــــــاك الصبيــــه= تستـــحل اللي تـبي منّي وترقـد داخـل فيـاض الحنايا
مالها عنـدي شبيــه بعشقــها تملك جنــــون الجـــاذبيـــــــــه= تستثيـر العاطفــه والشـوق وتهلّي بها عـــروق ٍضمايا
عقبــها ماللغــرام عيــــــــون وألغـت كل معنـى القــــابليـــــه=من هي اللي غيـــرها لاسـولفـت لي تبتـسم كل الشفايا؟
منهي اللي لاضحكت حجـــاجها يضحـــك بحـب ونرجســـــيـه؟=الله أكبـر يادلال عيــونها ياضحـكة ٍفيها تسّوي بي سوايا
الثنـايا حــــــــــب رمــان ٍتشكّـل بالـــــورود الســــــــــوسنيه= والعســـل بيـن الــورود الله ياحلو الحلا بين الحـلايا
لاأقبـلت كني أحـس بداخـــــــــــل الخفـّّـــــــاق دحـــــه وايليـه= عطّـرت جـو المـكان بشــوفها وإستـانست كـل الزوايا
كنت أحسـب إن الهـوى من قبل أشـوف عيـونها كـذبه غبيــه=شفتـها غيّـرت تفكيـري وقلت إلاهـي من أغـلا العطـايا
فاتنـه فيـها دلـــع زايــد وفيـها عاطفـه يعنــي تسمّى عـاطفيه= مايشــابه ملحـها إلا وجـهها اللي ضـّم بـرواز المـرايا
معجبـه في نفسـها وشـوي مغـروره تقلّـد حب ليـلى العـامريه= ودّهـا إني مثـل قيـس أكتـب لها أشعـاري وأقدمها هـدايا
شاعــره مدري تحب الشعـــــــــر لكـن لاحكـت لي شاعــــريه= سلسبيـل إسـلوبها يعكس حقيقتــها على عـزف الحـكايا
إضحكت مرّه وقالت :لي طلبتــــك خــذ عيــوني لك هديــــــه= قلت: بعيــونك هـلا وأنتي هــلابك يابعـــد كل التحايا
والله إني كل ماغـّنا حمــام الــورق جـرّيت اللحون السامريــه= وإبتـديت أفتـح ملفــات الغـلا وأكشـف بعـد كل الخفايا
يابعد عمــري نسيت بشــوفتـك كل الحــروف الأبجــديــــــــــه= إبــدوي ٍ ماعـرفت الفلسـفه وأرعـى مغــاتيرالنــوايا

المتسايق 14

يانفس اجيبي عن سؤالٍ اببديه... منهو قولي لي يستحق العطيّه؟
بالله ردّي لي خبر قولي وشفيه؟..اذا هديت الروح وصارت هديّه ..!
قالت وهي متعومسه:فيه مافيه...وانتي على هونك وداري عليّه
قولي لي اول منهو اللي بتعطيه ؟!..يابنت شكلك ناويه لك بنيّه
اخذي جوابٍ واضحه به معانيه ..لاتخسريه اليوم صرتي ضحيّه
حذرا من اللي يبتعد لابغيتيه .. وحذرا من اللي يعلمك بالخطيّه
لاتتبعي من قال : روحي يالبيه..ولاتتبعي من قال ماحلى البنيّه
سرّك لاتفشينه على العالم اخفيه..ترا حياة الناس هون وأذيّه
ومن لايحشمك يالغلا لاتحشميه ..عدّيه مثل البربري والمطيّه
لاتتركين القلب بردان دفّيه ...بقراية القرآن آخر وصيّه
انا معك يانفس باللي تريديه...باعاند الشيطان واقهر خويّه
نمشي بدرب الخير والشر نرميه..واللي يجي معنا ارحب وحيّه
ماتنحني هامتك للناس واحنيه ..احنيه للي خالقٍ هالبريّه
بعد الكلام اللي حصل فيه تنبيه ..رقدت رقده مطمئنه هنيّه


المتسابق 15

لبّيه..واللّـي مـا يجاوبـك لبّيـه
عسـى زمانـه مايلبّـي طلوبـه
مادمت ياباشا..وياحضـرة البيـه
لبّيت له مـن بـدّ نـاسٍ دروبـه
عمري بـلا ملقـاك والله مابيـه
والله لو أخطا عنك..لأقول توبـة
والله لا يرحـم جـدوده ولاأبيـه
انْ كان يكْذب وألتبس غير ثوبـه
يابنت..جمر الشوق لاغبْت شبّيـه
وأنا ليا شبّيـت زيْـدي شبوبـه
مدّي بفنجال الغـلا لـي وصُبّيـه
نوبة..وأنا بأمـدّ وأصُـبّ نوبـة
دلّة هوى للـراس كيـفٍ وتنبيـه
والقلب يطْرب يوم طابت شروبـه
يطْرُق هجوسٍ طايلة فـي مخابيـه
عبّر بها عقب البطـا فـي سلوبـه
من يوم حدّه ورع..يذْكر مرابيـه
الين قبل اشوي..يـادوب دوبـه
طبّ الهوى واليوم يابنـت طُبّيـه
خُذيـه ضمّيـه بحنـان وعذوبـه
الحبّ طفلٍ من على ايديك ربّيـه
خلّيه محضون بدلـع فـي قلوبـه
وعن شوف بعض الناس تكفين غبّيه
ولايهمِّك..لوفرضنـا دروبــه
غيظي مشاعِرهم..وزيدي وحبّيـه
كيدٍ لهم..بنحورهـم يشْبعـو بـه
وأنا أدري انّي بسّ لوقلت..لبّيـه
ماتو قهَر..ياخسّهـا مـن عقوبـه



المتسايق 16

لو اتوشح للوشاح بليلة الشعر اطلبيه
............... بس اتركيني ادخل بجو الشعر وتدللي
اقري علي سورة تبارك وسط مويه واشربيه
................. وايلا سمعتي للقصيده سبحيه وهللي
لا تبعدين بعيد عن رمعات شاعرك النبيه
.................. في كل كلمه تبعدين وتقعدين تحللي
اللي سمعتي حاولي بس تلحقين وتكتبيه
........... والي يفوتك لو سمحتي احذري لا تسألي
وش رايك بشاعر تولى الشعر لكن مايبيه
............ الخاتم المطروح في جم الشعر هذاك لي
ماله على طرقه كذا والا كذا واحد شبيه
............ كلمه انا صاحب لها واثباتها يحسب علي
قصيدتي تولمي للرقص حتى ترعبيه
.............. حتى يشوفوا لا لعبتي فالحلا مالك حلي
بعطيك طرق ٍ لاغمزت بعين قومي والعبيه
.............. لا علقت فيك العيون اقفي بهم ثم اقبلي
طرق يسحبهم على شط الشعر لو تسحبيه
............. ثم لا اكتمل طرقك ابيك تسمعيهم مايلي
ان الشعر له سلسبيل لو بغيتي تسكبيه
........ في بحر شعر كان صار البحر يغلي به غلي
والحد الاخر للخيال انبهك لا تقربيه
.......... هذاك اخاف اعبر حدوده ثم يصليهم صلي
والا اقول اعلمك بلاش غيري تعجبيه
............. اخاف يعجب بك احد ابحل انا او تبحلي
وخلي خيالي يستريح من الشعر لا تتعبيه
................. تعالي نسولف سوالف ليلنا لا ينجلي


المتسابق 17


الملك ملكك وانت من هاي في هاي= ومافيه مثلك يحكم عيون بالشـرق
أنت الملك والعبد عينٍ من المـاي= وأنا فماي العين من غرق في غرق
يا كحل كرسيك عيونٍ وش الـراي= كرسيك العذري سرق ما بغى سرق
لامن كشخت بعينها قل عليّ بـاي= كنك سواد الغيـم فملامـع البـرق
يا زينها يوم اكحلت واقبلت جـاي= والدمع فرحتها وانا لمّنـي عـرق
دمعة كحل نزلت على كف يمنـاي= والثانية مـن شفتـه جبتهـا زرق
يوم اختلط مع ريقها كمّل رضـاي= واحمر شفاته بالحـلا زود الفـرق
في وقتها نامت معي جنب مثـواي= وفي وقتها قالت خذ عيوني الزرق
وفي وقتهـا تحققـت قمـة منـاي =وفي وقتها ذابت من العرق للعـرق
عنده تغنّى الطرق و استشعر الناي= وبعده حبست الناي واستسلم الطرق
يا كحل لوانك من الهـاي فالهـاي= كرسيك العذري حكم سيد الشـرق

المتسابق 18


اهيم فـــــي ذكرى الليال القديمه= عزالله انـــــــي مغرم ٍبك وولهان
ياللى وصوفك بين ربعك عديمه= ماشفت انا مثلك مـــع الناس فتان
بنيت لك في داخل القلب قــــيمه= قيمة غلا ماتنعطا غيرك انـــسان
ياخوفتي تصبح عليّه وخيـــــمه= عواقب انى مخلص ٍلك وشــــفقان
وانا الذى معطيك منى حشـــيمه= واثرك نويت الـلي يحبك بحقران
وانا الذى مغليك واحسـبها شـيمه= بيني وبينك فرق والفــــرق شتان
كنك غريم ٍينتقم مـــــــن غريمه = كنت احسبك وافي واثاريك خوان
يــاكيف ترضا بالخطا والظليمه = انهيت حبك لــــيه قلــــــي علشان
بصبرعلى هجرك وكلي عزيمه= لاتـــحسب انك تملك الناس يا فلان
لاتحسب انى منك بارضاالهزيمه= اموت انا لكن علـى العــز مانهان



المتسابق 19


من قبل خمس سنين بطلت تدخين=فضل من الله ماهي منـي شطـاره
والبارحه ماكنهـا خمسـة سنيـن=كني قبـل لحظـه مطفـي زقـاره
من طاري طرى علي هجعة العيـن=احرق معاليـق الضمايـر بنـاره
ماهو جديد الا من الحيـن للحيـن=يزورنـي قفـو الزيـاره زيــاره
وين انت ساري ياعميل الوفا وين=استبدلـو منـك الوفـا بالحقـاره
اعطيتهـم للطايـلات العنـاويـن=وتعلمـو علـى يديـك الـجـداره
وادخلتهم باصعب سباق المياديـن=حتى استحلوا بك محـل الصـداره
لين اصبحوا باسمك حديث الدواوين=مضرب مثل بين العـرب بالنمـاره
وكـاد ماقصـرت لكـن هالحيـن=اقولها لـك فـي صريـح العبـاره
لا وحده اصبح ماعطيته ولا اثنيـن=مااحد عطى سابق عطاك اعتبـاره
خطاك لاتزعل وانا فاهمـك زيـن=انت بزمانـك مافهمـت الاشـاره
تغيرت فـي هالزمـان الموازيـن=غصب عن اللـي ماتقبـل غيـاره
لين اصبحوا شماتك الربع الادنيـن=وكلـن يقـدم لانكسـارك بشـاره
فوزك يثبـت عجزهـم بالبراهيـن=وعجزك شراكه عجزهم و اختشاره
كم قالوا الا تواجه العلـم بعديـن=تاره نواصيـح وشواميـت تـاره
وكم قالوا عنادك محابل شياطيـن=وياما بعد قالـوا كـلام اختصـاره
خل السلوم وخل عنـك القوانيـن=البس شعار اللـي يفيـدك شعـاره
ماهو مهم ايات وشلـون ومنيـن=اللي يهم الربـح غيـر الخسـاره
هذا كلام اللي خذاه الضعـف ليـن=يبغى الوجاهه ملـك ولا استعـاره
ولا انت تدري مايسد البطـا ديـن=للوقت لو يبطـي عليـك استـداره
حرام تظهر عقب هاك القسى ليـن=ياشين وجه الهون عقب القشـاره
وش عاد لو قالوا ترى مابها شين=لاتحتـري بالخايبيـن الخـيـاره
لو قيل ينسيك الزمن نكبـة البيـن=كسر الظهـر ماتحتويـه الجبـاره
اجزم ولا تسمـع كـلام المفافيـن=ذلـه بعـد رد البـرا الاستخـاره
واللي يهاب الشوك مايقطف التيـن=ويعيش باللذات راعـي الجسـاره
اعطيك كلمه حطها بيـن قوسيـن=تبي الحلا لاتجـزع مـن المـراره

[بخيت البريدي المري]

يعطيك الف عافيه ولاهنت على الموضوع الاكثر من رائع بس شلون مرة في بالك الفكره هذه بصراصحه انك مبدع بس على العموم ولاعليك امر سجل اسمي مع المتسابقين بس ياليت تعلمنا كيفية الاشتراك

تحياتـــــي _ بخيــــت البريــدي

[علي مدلول الجميلي]

الفره جميله



واتمنى لللجميع التوفيق


ولكن هل يمكنني كيفية التصويت

[الدندووووونه]

وااااو فكره حلووووه

بس كان حطيتوا لنا شاطئ غربوووولي..(( نصوّت فيه)))<< ولاّ شاطئ الراحه أزين منّا...:زعلان:

أشكرك أخوي محمد ... وبالتوفيق للجميع..

والله يعطيكم العافيه..

بنتظار رأي اللجنه.. على القصائد.. ونهاية المراحل..

ودمــــــــتم

[سـعـد الحويماني]

من رايي يامحمد لو وضعت المشاركات في موضوع مستقل يكون افضل

لم اعلم عن وضعها هنا الا اليوم


لك مطلق الحريه في التصرف بما تراه


تحيتي

[ناصر محمد السبيعي]

ياطويل العمر

متى التقييم؟؟

[أمل عبدالعزيز]

,
,
,

أنا هنا أشجب واستنكر وبشدة لعدة أمور:

القصيدة الرقم 19 لم تضاف إلا بعد نزول القصائد المشاركة ورؤية المتسابق للقصائد جمعها؟
ثمَّ
كان هناك وقت معين لإعلان النتائج مباشرة بعد يوم الجمعة والظاهر أن اللجنة نفسها مادرت عن القصائد؟ بل أنها بصراحة تتساءل والدليل الحويماني هنا يتساءل !!!
الأمر المهم:
هناك من أراد المشاركة ولكن لأنتهاء وقت التسجيل لم يقبل فلماذا يكون هناك تغيير؟؟؟

ثمَّ
الحين وين الترتيب وين نزول القصائد في موضوع موحد وليس تتمة لهالبداية؟
يعني المفروض القصائد إكراماً لها تنزل بموضوع مستقِل
؟؟
بصراحة والله أني أحس أن المسابقة توشِك أن تفقد بريقها لما يجري في جنباتها؟


.
.

أنتظر رد شافي كافي والله معمعة وشيء مبهم الواحد مايدري متى المشاركة الثانية وعن وشو الموضوع الإجتماعي؟


.
.

سلام

[ناصر القزلان]

والظاهر أن اللجنة نفسها مادرت عن القصائد؟

نعم هذا اللي صاير بالضبط .. طريقة التقييم غير معروفه لدينا .. الدرجه من كم يامحمد ؟ الموعد المحدد للتقييم متى ؟
لازم يكون الموضوع مستقل تماما وواضح للجميع مع شرح طريقة التقييم ..

شاطره ياأمل .. كلام صريح ومنطقي ..

رتب الامور زين يامحمد حتى تكون المسابقة في مستوى الحدث .. وأنت قدها ..

كل الود للجميع ,,,,

[صادق الإحساس]

أنا هنا أشجب واستنكر وبشدة لعدة أمور:
القصيدة الرقم 19 لم تضاف إلا بعد نزول القصائد المشاركة ورؤية المتسابق للقصائد جمعها؟
ثمَّ
كان هناك وقت معين لإعلان النتائج مباشرة بعد يوم الجمعة والظاهر أن اللجنة نفسها مادرت عن القصائد؟ بل أنها بصراحة تتساءل والدليل الحويماني هنا يتساءل !!!
الأمر المهم:
هناك من أراد المشاركة ولكن لأنتهاء وقت التسجيل لم يقبل فلماذا يكون هناك تغيير؟؟؟


الحمد الله أنها أتتك منك !!
كنت سوف أتكلم لكن خشيت
أن يقال دوما أنت منتقد !!
متجهم / عابس / لاذع ... الخ


لذا ... ألتزمت بالصمت و أنتظرت !!

عل الله يأتي بالفرج

وقد أتى على يدييكِ
(( ولله الحد والمنة ))





طريقة التقييم غير معروفه لدينا .. الدرجه من كم يامحمد ؟ الموعد المحدد للتقييم متى ؟
لازم يكون الموضوع مستقل تماما وواضح للجميع مع شرح طريقة التقييم


التقييم وطريقته والدرجات بل وآليات التقييم
والتحضير و جميع شئون المسابقة كان يجب
أن تكون معروفة قبل طرح فكرة المسابقة للعموم
وكان يجب ... أيضا يا صديقي
أن يعلم بها المقيمون أولا ثم المتسابقون ثانيا
ثم العموم ثالثا

المقيمون لكي يؤدوا ماعليهم من أعمالٍ موكلة
والمتسابقون لكي يعلموا أليات التقييم وأدواته
لكي تتفق أعمالهم بالمسابقة مع تلك الآليات !!
والعموم لكي يقيموا أداء المسابقة بعد أنتهائها

أكثر ما أخشاه :ـ

أنه لا يوجد تنسيق بين أعضاء اللجنة !!:خجل:

إن لم يعجبكم ردي فأحذفوه ومسامحين كالعادة
بحذف أي رد لي أو حتى مشاركة عادي جدا !!
يحصل حتى في أمهات الكتب !!


فقد اعددت ...
نفسي نفسيا بأن جميع ردودي سوف تحذف
لهذا لم أحتفظ ولن أحتفظ بأي رد بجهازي !!



طيب الله أوقاتكم


((( نقطة ساخنة !! )))


للجميع
ود و ورد



صادق الإحساس

[محمد المحلكم]

الجميع مساء الخير


المسابقه في موضوع واحد

وانا تخاطبت مع ريئس اللجنه وهو المسؤال عن اعضاء اللجنه وعن طريقت التقيم

المتسابق 19 تم اضافة قصيدت لنها سقطت سهوا


واكيد ان الجميع يعرف الصعوب في المساق وهي ماه بسيطع على ميذكر بعضكم

[صادق الإحساس]

الجميع مساء الخير
المسابقه في موضوع واحد
وانا تخاطبت مع ريئس اللجنه وهو المسؤال عن اعضاء اللجنه وعن طريقت التقيم
المتسابق 19 تم اضافة قصيدت لنها سقطت سهوا
واكيد ان الجميع يعرف الصعوب في المساق وهي ماه بسيطع على ميذكر بعضكم



هلا وغلا
أخوي الشاعر الراقي
محمد المحكم


ومساك الله بالنور

بيض الله وجهك


هالحين وضعت النقاط على الحروف بردك وأنا اخوك

خلاص فهمنا ولا نقول غير جعلك على القوة


مشكور يا أبيض الوجه


لك
ود و ورد


صادق الإحساس

[سـعـد الحويماني]

المسابقه في موضوع واحد

وانا تخاطبت مع ريئس اللجنه وهو المسؤال عن اعضاء اللجنه وعن طريقت التقيم

وجود المشاركات في موضوع واحد مع طلبات المشاركه
لايفيد الموضوع اطلاقا ..


ننتظر راي الاخ زبن ..

[عيظه الصيعري]

هلا والله


اذا باقي المجااااااااااااااااااااا اااال



انا جاهز ومتحفز وسوف اشعل الساحه



واذا قفل الموضوع خيرها في غيرها




عيظه الصيعري

[النوري]

محمد المحلكم

أنا الحين جيت>>>أحلفي

واللي اشوفه انكم فعلا بذلتو جهود
لكن هناك خلل ونقص بالقصائد من ضمنها قصيدتي جت ناقصه وملخبطه أرجو ألا يفوتي الركب
ثم أين المرحلة الثانيه متى تبدأ؟
أليست المسابقة أسبوعيه؟؟

ياليت تنورنا
الله يوفقكم