يوميات بطوطه قزومه :") تعالوو معاي بانستغرام خل نونس ونساعد بعض

[حواء غرابيل]

هاااي يا بنات

انا حاطه هالموضوع عشان اطلع اللي بقلبي واتكلم واتحلطم ليين اضعف

الله يسلمكم انا طولي 158 تقريبا
ووزني الحالي 78
بطووطه حدي بس جسمي صاير على عرض فصايره مستطيل ماكو ملامح للانوثه :")
من ايام المتوسطه لي اللحين الكليه وانا طول عمري بطوطه مرربربه
ولا عمري احد قالي رشيقه وجسمج وااو
ما غير اضعف فتره والكل يقولي ضعفانه وبعدها ارجع ما استمر


تععبت حييل وكل ما ابدا تخفيف ارجع وارد اكل
انا وزني كاان 84 بعد بس عقب رمضان نزلت لي 78 بروحه بدون شي بس الظاهر لانه كل نووم وما اكل الا بليل وشوي فعشان جذي خفيت

مشكلتي اني نباتيه وما اكل لحوم
والاكل اللي اكله بطاط ومقليات ودهون ومعجنات ومعكرونيات وعيش يعني مثل ما انتوا شايفين كل يسمن

بس انا تعبت عمري 21 ولي لحين ما اقدر اكشخ مثل البنات والبس بوت لانه ريولي عراض
ولا اقدر البس بكيني بالصيف :") وكرشتي مخربه على خصري

يعني حرام انا كل من يقولي حلوه بس لو تضعفين تصيرين واو

خايفه تروح احلى سنين عمري وشبابي وانا بطه وما استانست :")
الجسم شي مهم للصحه والحركه والاناققه خاصه انه احنا بنات :")


يعني حتى العبايه ما تطلع حلوه على الجسم
وثقتي بنفسي مهزوزه والسبه متني :(

انا كل مره ابدي تخفيف وارجع اكل من الملل وماكو شغل
بسس راح الهي نفسي باي شي ثاني غير الاكل
راح الهي نفسي بالاهتمام ابشرتي بخلطات وتنظيف
راح ادورلي شغله اتعلمها رقص والا غيره اتسسلى فيها
راح اطالع افلام عشان يضيع الوقت
رااح احااول احفز روحي واتخيل شكلي بعد هالتعب شلون راح يصير


هدفي انزل لي 60
وانا اللحين 76
يعني يبيلي 16 كيلو تقريبا
4 شهور لازم انزلهم
واللحين احنا بنص شهر 11
يعني مفروض شهر مارس 3 انا واصله لل 60



بهالموضوع راح احط نشاطاتي اليوميه وراح اقرق علييكم واقولكم شنو كلت وشلون نفسيتي وشنو رياضتي وشلون ضيعت الوقت وتسليت بدون اكل راحح اسولف لكم
واتمنى القى احد يسمعني ويشجعني ويتابعني :")
هذا كل اللي محتاجته والله



سولولي فلو بانستغرام عشان اتابعوني حسابي توني مسويته يديد وابي بس بنات يتابعوني
بحط صور اكلاتي النباتيه وششنو سويت رياضه وصور تفيزيه وطرق القضاء على الملل وتضييع الوقت والتسليه بشي غير الاكل

@diet_memeq8

احبكم بنات :( ساعدوني خلونا نساعد بعض ونسولف مع بعض دام مشكلتنا مشتركه
وخلونا نتشارك مع بعض بتفاصيلنا