احلام على كيف كيفكم

[تغربلت غرابيل]

بسم الله الرحمن الرحيم

الصلام عليكم ..

في دياجر البحار << بسم الله عليس وش عندس مدرعمه <<ماعندها وقت

على شاطئ مستنقع حارتنا .. وبين أسطر حروفي
إلى كل من يقرا حتسي المتلألأ في ظلمه الغرفه
في شاشه الكنبيوطر << عاشت عاشت


ورى ورى



أيوااااااااااااااه قدااام




عاااشوو <<< نعم وش السالفه ..!!

مايستفاد من الموضوع أاقصد رغوه الموضوع ..

في ذات تلك الليالي المعبئه سمائها بالنجوم ..
تنتظر إشراقه الصباح بشمسها الحاره << وش عندها مطرسه العربي

تسنح للنفس المبااشره بالحلوم الرومنصيه اللي في غايه المتعه

لاااكن الحذاري الحذاري من ذيك الحلوم اللي تقحصين فيها من مكانص

وتطسين بالصاله عند أهلس ولا تذلفين تسولفين مع أخواتص .. والله مشكله


عشان تسذا اناا جايبتن لكم مواقف بني من الطراز الأول ..
تعلمكم انهم في النوم غير شكل .. أحياناا تطلع فظايحهم ..

يالله انطلدزوا معي لاول موقفن يحبه دزليبي


(1)

هاذي بنت خالتي لما كانت بمصر . .
مدري وش كانت شاربه قبل تنام الخبله , قامت بنص
الليل هالدبشه تحلم وتتمشى بالجناح .. مع العلم انها
تلبس نظارات وهي قايمه .. بس لما قامت تحلم كانت فااصختهن ..
الموهم انها تمشي وبطبيعه الحال أن أنوارالجناح تسكر والخبله << ماتلاحظون من بديت وانا أسبهاا

كانت تحلم أنها ظايعه وتدور جناحهم طلعت من الغرفه للسيب .. وتشوف أنوار اللي برى من تحت باب الجناح
وتقول: أيييه أشوى اني لقيت غرفتنا تفتح الباب الخبله
وتطلع ..


يعني طلعت برى الجناح ..!!
ولابسه بيجامه ..!!
ولا لبست عباات الدبشه ..!!

وه بس خلني أكمل ..
لما طلعت برى الغرفه وتسكر الباب لماا سكرت الباب
وش صااار ..!!








أختنا في الله قاامت << صباح الخير
وتدز الباب تحسب أنه يبي ينفتح .. يمه يالروعه
مع العلم أن بجنب الفندق فيه شين يبنى الله يخس العدوا
وتطق ولا ماتطق محدن ساامع ..

فصاارت الطاامه اكبر


فقعدت تفكر وهو مافيه مجاال للتفكير ..
عند مصاارياا يالله من فضلك .. بت سعوديه وبنص الليل ياااالااهوي

الموهم أنهاا شغلت دميجتها وماصاارت كمخه
ولفت من عند البلكونه وطقت الباب
وقامت خالتي
تحسب ان اللي يطق ولدها
وتفتح الباب تبي تنزره .. مادرت ان اللي ورى الباب بنتها
كان تحرت لها بالنعله
فتحت الباب وقاالت : هو وش مطلعس بنص الليل ..!
قالت : أحلم ..

وقامت خاالتي ودخلتها

إلي أنا مستغربته .. ان خاالتي المصون أم لسانين وشلون
وكيف ماصطرت بنتها كف وهي شااايفتها برى الحمى حقها وبليا غطى بعد والبنت متعديه السن القانوني للطلعه بليا حشمه << أحلى مدرسه الدين
هقوتكم كلهم شاربين شي مع العشى وهم مايدرون ..!!
>> منااك بس مناااك



(2)
الحلم الثاني وش ملحه يوصع السدر قسم انه طلدز
<< وش تبي ذي
الموهم أنهاا أختي لاإله إلا الله عين الله تحرسها
قامت من النوم وطلعت برى في الصاله
وهزت خصرهااا وخذت لها لفتين في الصااله
ونفشت شوشتها وقلبتها يمين ويساار وخذ ياااردح
قداام خااالي

يعني بإختصاار (قاامت رقصت قدام خاالي )
لا وخاالي يااازقتييييييين قصم انه مطنزجي كبير
الله يعينها


(3)
نفس أختي لهاالسالوفه الثالثه .. قامت من النوم اختنا في الله
وفصخت قميصها وصفطته وحطه جنبها بالطاوله
تهقون كانت تحلم انها ترتب غرفتها..!!
والله مسيكينه


(4)
هذي وحده من بنات خالاتي هي وأختها بغرفه وحده
.. الله لايهينها قامت من النوم .. وقومت اختها من النوم
تقول : قوماااااااااااااااااااااا ااااااااااااااااااااااااا اااااي
فزت اختها من النوم . . قالت : يمه .. وشو طب علينا حراامي ..!!
<< يااعمري على باب الله
قالت : لااقومي عن سريري وش منومس به
<< قصم انهاا درج مقفل ولا أي مفتاح يفتحه
قالت : لا ياشيخه الحلال حلال أبونا والدبش قاموا ينزرونا
يالله مناك بس مناك ..

تفشلت أختنا في الله ولقطت خشيشتها ورجعت تنام


(5)

هاذي وحدتن الله يستر علانا وعلاها أختي
مدري وش قصتها ..
كانت نايمه هي ووحده من خواتي سوا
اختي الثانيه معها بنتها وتلعبها
قامت الاولى : وتدور .. وين (فخ فخ )<< عليها أسم ولا أسم كفر
وينها قالت أختي رقم 2 وقالت: قول بسم الله
قالت: أناا قاايمه بس وين (فخ فخ )
ردت بنت اختي الصغيرهعمرها 4شهور : آآآآآآآه << تغوغي
قالت (1) لاختي (2): عطينيااها اناا متعوده تنام جنبي

!!!!!!
!!!!!!!!!!!!!!!!
؟؟؟؟؟؟؟
؟؟؟؟!!!!!!!!!!

ماشااااء الله متعوده أجل خيييييييير
اختنا في الله لما فطست أختي عليها ظحك
توهاتذكر تقوم : وقامت تظحك على عمرهاا



(6)
هاذي وحدتن من بنات خاالااتي برضوا
محلمتن انها راايحتن للسوبر ماركت وقااشتن
حلااو
لما قاامت الظهر
نزلت تهوش .. وتصاارخ وتتوعد
تبي حلااوها .. وكل واحدن من أخوانها
يحلف لها وينطل اليمين أنه ماأخذه
عااد هي إذا وخذ منها حلاو تصير وحشن كاااسر
محدن يقدر يقااومه أبد
الموهم رااحت لخاالتي بالمطبخ
وهي تطبخ الغدا
قاالت : يمه وين حلااوي إلي شريته مـ ....
أنقطع الإرساال .. تذكرت انها تحلم ..
وااااق واااا ق وااااق
والله يالفشيله



(7)
عاد السابع الله لايهينكم انتم عطونااه
خل نستمتع بمواقفكم ولاا مواقف أهلكم

لاااتحرموناااا من قفشاتكم .. وه بس
يااحبذا لو تكون لجده ولا عمه كبيره يطلع الموقف طلدز

يالله ننتظر خنابيقكم ..
اختكم \تغربلت غرابيل

[ماجد نصار]

ههههههههههههههههه

والله احلام شي

احلام رائعه
احلام صوتها رهيب خاصه وهي تغني احسن الا منك زعلت احسن وعمرك مارضيت :)



,,

انا مامرت علي مواقف كثير زي كذا

بس انا يوم كنت صغير بالابتدائي
صحيت يمكن الساعه وحده
افكره وقت صلاة الفجر
رحت ووتوضيت
وطلعت
بس اخوي كان سهران هو وامي لان توه جا من السفر
ما امداني اطلع من البيت
الا وهو ينادين
استغربت , قلت متى جيت
قال وين........... قلت بروح اصلي
ضحك وقال بدري باقي الساعه وحده
وجا وسلمت عليه
ومن غرابة الموقف
رجعت انام وخليته


يسلمو ماقصرتي
واللي يخفف العشا
ويذكر أذكار النوم
نادرا ماتجيه كوابيس

[تغربلت غرابيل]

مشكووور اخوي الجرح الطاهر على هذا الموقف الحلو

ههههههههههههههههههههههههه ععععععععععع

ضحستنس مشاء الله عليك همك الصلاه

اختي يوم انها صغيره زيك قامت من النوم بالليل وجمعت القمامه وبمعنى اخرزبايل وطلعت بالشارع وذبتهم وجت امي الله يسكنها الجنه تروعت عليها وتناديها ولاماتناديها ماتسمعها

مشكور على المرور

[ماجد نصار]

8
8
8
ايه ياليتنا اذا بدأنا على الشي نستمر عليه
الحين مقصرين في كل شي
والصلاه من ضمنهم

[تغربلت غرابيل]

والله انت صادق

بس الصلاه اذاصرت تهتم بها وتدعي لنفسك وتصلي بالليل وربي ماراح تاخرها لان ربي بيعينك

[داخل بالغلط]

جرح طاهر
صار لي نفس الحلم تبعك لكن انا محد وقفني الين طبيت بصحن المسجد :biggrin:

موقف اخر ..
أنا دايم اسهر لان دوامي مسائي ... اذا جت الساعة 3 اسمع في البيت صوت يشق شبح السكون :biggrin:
وقتها على طول انطلق مثل جومارو واخذ جوالي وادخل غرفة اخوي واسجل السوالف اللي يسولفها وهو نايم :biggrin:
واحلى تحريج بيحصله ااذ قام من النوم ونسمع الكل المقطع <<<< ولايهون صوت الشخير من التسجيل :biggrin:

تحياتي

[تغربلت غرابيل]

هههههههههععععععععععع
مشكور على الموقف الحلو انا بس لو بكمرى فديو كان يكون احسن

مره سجلنا انا وبنات خالاتي بنت خالتي وهي نايمه تحلم بكمرى فديو وربي فله

مشكور على المرور

[معكم الشرطية]

ههههههههههههههههههههههههه هههههههههههه

الله يغربلكم فضايح

بس مثل اخوي ما شفت ولا سمعت وانا احب استجوب النايم رغم اني سمعت انه ما يجوز

المهم مره دخلت امي غرفه اخوي الكبير تبي تطبع اشياء من طابعه ولا تسمع هاذا اللي يقول

احبك ياعمري وحياتي ومادري اش قال وماقال ولا امي تقرب منه وتقوله شسم حبيبتك

قال : وربي ما اقول لاحد ههههههههههههههههههههههههه هههههههههههههههههههه

قالت امي ول مضبط وضعك حتى وانت نايم

ههههههههههههههههههههههههه ههههههههههههههههههههههههه هههههههههه

ومره كنا بأبهاا وقررنا اول يوم ننام بالخلا وثاني يوم نروح للفندق

المهم نمنا وانا مستحيل ارقد على ارض تراب صح نصبنا خيمه من هاااي ام سسته

بس انا فضلت انام بالجيب وطبعا شلنا المقاعد الخلفيه ونمنا انا وواحد من اخواني مثلي عنده كل مكان في عقرب

المهم نمنا والا احلم بذاك الثعبان اللي يفتح فمه ويقرب من وجهي

واصيح واصرخ وابكي واقول وخر عني بعد عني وانادي ابوي

ابوي خاف قال البنت تقول وخر بعد وينقز يفتح الباب حق الجيب الخلفي والا رجلي في وجهه ياحبيبي يا ابوي اعذرني

وصحيت طالع قلي وش فيك يا الخبله قلت راح قال من قلت تصبح على خير ههههههههههههههههههههههههه ه

ولقطت وجهي وذاك اليوم ما سيرتهم الا الخبله وحلمهااا

وربي فشيله ههههههههههههههههههههههههه ههههههههههههههههههههههههه

عارفه اني سدحت موضوع مو رد بس صبركم علي خخخخخخخخخخخخخخخخخخخخخخخخخ خخ

الشرطيه

[النجلاء]

احلى احلام من احلى غربوووووله ههههههههههههههههههههههههه

شوووفي انا احلامي واجد من فضل الله بس الزين انا ما امشي وانا نايمه ههههههههههههههههههه


برجع لك بمجموعه من احلامي الكرتونيه ,,,,,,

حلمت مررره اني ميكانيكية طيارات وفيه طياره خربانه وانا تحت الطياره ومعي عده ومفكات وقاعده اصلح فيها ههههههههههه المهم فكيت علبه مدري وشي حقته وطلعت علبة زيت الطياره وانكب كله على وجهي ويوم صحيت من الروعه الا اختي الكبيره راشه مويه على وجهي تصحيني ههههههههههههههههههه


برجع اكيد ...


وموضوع يستحق التثبيت


يعطيك العافيه

[تغربلت غرابيل]

مشكوورين على الردود الطلدزه

[نور بني تميم]

عند مصاارياا يالله من فضلك .. بت سعوديه وبنص الليل ياااالااهوي
اكيد بنت خالي والله انها مهوووووووووووووويه.......... وزين خالي وعياله مادرووووووووو
خخخخخخخخخخخخخخخخخخخ


اما سوالفكم وحلومكم رهيبه بس ماشا الله جرح قام يصلي الله يثبته
انا مرة دخلت غرفتي بنام وخذت اختي اخر العنقودتنام معي
المهم اهلي دخلو وسكرو سويتهم يبون ينامون.......
انا الااسمع بابهم ينفتح واحد منه طلع يركض على تحت ويطمر الدرج زي الغزال.........ومااتوقع ابوي ينطنط
خخخخخخخخخخخخخخخخخخخخخخخخخ خ
الا واطلع والقى ابو الشباب منسدح بكنب الصاله الي تحت وانادي اختي تجيب الجوال واصورة واكلمه وبيرد علي بشي ثاني
قعد اضحك عقب ماوريته امي تصحتني قالت بدال هالتصوير سمي عليه وقوميه يرقى ينام........وعقب هالشي الحمد لله...............

اما الشخير اختى الكبرى تشاخر وايام مع الاندماج مع النوم يرتفع الصوت وكم مرة اهددها اني بسجل الشخير قالت انتي ماتحسين بنفسك انك تشاخرين<<<<<<<<<<<<<<<<<<وكلماجيت بسجل راح الصوت<<<<<<<<قهر

خخخخخخخخخخخخخخخ وبس

[نور بني تميم]

على فكرة ابو الشباب اخوي الصغير<<<<<<<<<<<متعيجزة احط تعديل واكتب انه اخووووووووووووووي
ههههههههههههههههه<<<<<<<سودانيه

[غ ــــمــــووض]

ايوووووووووووووووووووه يالاحلام


ياسلام



احلم اني احكم الولايات الامريكية<<<<ياساتر

[تغربلت غرابيل]

احلم اني احكم الولايات الامريكية<<<<ياساتر
اختي غمووض انتي فاهمه السالفه زين انا ماقلت كل واحد يكتب وش يبي يحلم احلام يقضه انا قلت كل واحد يجيب حلم صارله شخصيا

[غ ــــمــــووض]

هههههههههههههههههههه

<<<<الله على المخ

ادري بس قلت خل اغير<<<<ترقع لنفسها

هههههههههههههههه

[_(جمعت الشوق)_]

هع هع هع هع هع


وربي اتضحتس هلحلام الي تقولينها يا اتغربلت غرابيل





تحياتي لك اخوك


جمعت الشوق

[شحروره]

على شاطئ مستنقع حارتنا .. وبين أسطر حروفي
إلى كل من يقرا حتسي المتلألأ في ظلمه الغرفه
في شاشه الكنبيوطر

تغربلت من ذا المقطع المفروض تصيرين مشرفة بقسم الخواطر والقصص القصيره هههههههههههههههه

أماا احلاااااااااااااااااامكم كوم ثاااني ..

<< تكره الأحلام خااطر أحلامها كلش طيحة بس ماتوصل للقاع ( وحد تبكي )



ثاااااااااااانكس ع الاحلام المنيسه دي