ماقلتلك !! انت الوحيد اللي اشوفه ذنب . مهما ارتكبته / مااحس انه حراام !

[عميد اتحادي]

http://1-ps.googleusercontent.com/x/vb.tgareed.com/img.tgareed.com/imgcache/x1118416.jpg.pagespeed.ic.Oqvv3Om3OQ.jpg (http://1-ps.googleusercontent.com/x/vb.tgareed.com/img.tgareed.com/imgcache/x1118416.jpg.pagespeed.ic.Oqvv3Om3OQ.jpg)






ماقلتلك ؟!
وحدك غديت النور .. والباقي ظلام !
وان السهر لابانت خيوط الفجر .. يبدا ينام !
يتركني بروحي اطيّر من حنيني / لك حمام !
وأحمله شوق وسلام ..

وماقلتلك !!
انت الوحيد اللي اشوفه ذنب
مهما ارتكبته / مااحس انه حراام !

/

وماقلتلك

ان الحنين رماح .. وان الغياب أحباب !
وإن الشعر مفتاح .. وإن القلوب .. أبواب !

وإن الهنى ماله على قلبي دروووب !
وان الحزن فيني بنى / بلدان وهمومي [شعوب ]

وإن الشعر مالي غنى عنّه .. وعنّه ماأتوب ..
وإن الحنين اللي بنا .. أطهر مساحات الذنوب ..

وإن الشعر ../ مثل الحزن قسمة ونصيب !
وإن المنافي ..مع مرور الوقت تصبح ديرة أولاد الغريب !

وإن الصبر .. مهما يواصلنا يجي يوم [ ويغيب ] !

يمكن لأنه مثلنا !
والا الصبر مل الصبر ..
مدري ولكن قلتلك ..
ماقلتلك !

أشيائي الحلوه قليل !
وإنك أحد أشيائي الحلوه القليل !
معاك احس إني سهر ليله طوويل
ألقابه لحزني .. خليل !
وأحس في صبري حطب .. وأيّام غيباتك فتيل !
ماادري متى يجتاحني هذا الملل ؟!
وأحرق من سنين الصبر !

وماقلتلك !!

لو جيتني مرّه مطر !
تلقاني بدوٍ تنتظر !
يستبشرون ان جت مقاديمك تغنّي عن حضورك يمّهم !

من طهرهم ..

البرق في تعريفهم يعني الحياة ..
والغيم صوته أغنيات !
من غبت عنهم عايشين بهمّهم !
تفرقوا .. وصاروا شتات !
وانت الوحيد اللي تجي وتلمهم !

وماقلتلك !

أشياء( ثلاثه) باقيه ماقلتلك ..
إنّك مثل حزني .. قدر
وإنّك مثل ليلي سهر
وإنّك عمر ..
والعمر مرّه بالعمر !
والعمر مرّه بالعمر !!