اللي تبي تروح ايران تدخل هني

[حواء غرابيل]

السلام عليكم خواااتي شخبااركم:eh_s(7):
اول شي حبيت اقووولكم انا سويت عملية خشمي ولله الحمد
وسويتها بايران (شيراز) شهر تسعه اللي طاف وشفت خشمي والحمدالله النتيجه جدا" اعجبتني طبعا" اول ما وصلت استقبلني المندوب واخذني للفندق انزل اغراضي تغديت بنات عقب اخذني اسوي الاجراءات الروتينيه من فحوصات واشعه وتحاليل وما قصر طبعا" الساعه سبع بالليل مرني مره ثانيه عشان موعدي عن الدكتور مرينا المصور وصورنا صوره اماميه ومن الجوانب ومن فوق ومن تحت ورحنا للدكتور ,, وطبعا" الدكتور قام يشرح لي اللي يناسبني وثاني يوم الصبح عمليتي والحمدالله ايده خفيفه وعوار تتحملينه يعني ما اتوقع اقوى من عوار الولاده :eh_s(11):
بنفس اليوم بالليل الساعه تسع او عشر رحت للفندق ,, واللي حلو في الدكتور عطاني غضروفي الزايد بعلبه فيها كحول وقال خليها عندج ل لمدة سنتين للإحتياط قال لا سمح الله صار شي الا غضروفج عندج ما يحتاج غضروف صناعي وماندري جسمج يتقبله او يرفضه
بس للحين متضايقه من ريحة الدم نفس مثل ماقالت الاخت شيهانه وهمن متضيقه من الرؤوس السودا اللي عندها طريقه اخففها بدون ماعور روحي ياليت تفيدنا بنات:eh_s(2):
وهمن صح كلام الاخت تيتانيوم لما قالت لما تكشين من روحج مو لان مو حلو بالعكس .. بس لانج مو متقبله شكلج بهالخشم
وبنات انا رحت عن طريق شخص يتعامل مع الدكاتره بايران وهو منزل موضوع عندكم ومادري اذا في بنات تعاملوا معاه بس صج صج بنااات وهذي امانه اتحاسب عليهاا ان رحت وانا ايديني ورجولي حاطتهم بماي بارده
والله رايحه بس بجنطني ومن باجر عمليتي اول ما وصلت
وكلفتني ( العمليه+ الفيزا+الفندق اسبوع مع الريوق فقط+التذاكر+ مترجم +خط ايراني استلمه وانا بالكويت+ مع الفحوصات والعلاج) 1100 :ggdw:يعني مبلغ الحمدالله حلوووو
وكلنا ندري انكم تقطون اكثر هني بالكويت
والخبررر الحلووو اكثرر يا بنااات انه الحين يتعامل مع محسن روشني للي تبيه انا سوين عمليتي مع دكتور ثاني يتعامل معاه لو لحقت على محسن جان رحت
وعلى فكره انا للحين متواصله مع الاخ اذا بغيت استفسر عن اي شي يخص عمليتي ,, صج صج شخص راقي بتعامله وما قصر معاي وحييييل تحملني :krkrkr:


هذا رقمه اسمه


((( أحمد ابو ناصر 55005541 )))



والاخت نرجس تذكر لما راسلتها عالخاص استفسر عن اسامي الدكاتره نررررجس اشهدي لي
عشان محد يقول دعايه ومادري شنو اعرف البنات الله يهديهم
وعلى فكره بنات ترا همن يسوي للخوات السعوديات ويضبط امورهم كلها واللي تبيه تتواصل معاه
وترا انا رحت والله الوضع جدا" عااادي وفي سعوديات راحوا والله وكل وحده وظروفها
وهمن كلمه اخيره بنات
اللي بتدخل وتقول ايران ومذاهب ومادري شنو تتوكل على الله لا تعلق
انا رحت هناك وشفت ارقى تعامل وناس طيبه ومالهم شغل فيك
وياليت محد يقول كلام ماله شغل بموضوعي
واي استفسار انااا حاااضره