][^^ متعـــب التركي ^^ ][

[بـنـت الـشـيـوخ]

بســــم الله الرحمـــــن الرحيـــــــــم

http://www.9q9q.org/index.php?image=hw39b7UVrjKghE

رمز من رموز الشعر المعاصر , شاعر بمعنى الكلمة ,

اسم كبير سطع في عالم الشعر والإبداع ,وشاعر جزل مرهف الإحساس ,

شاعر متميّز ومتمكّن ,قصائدة اتسمت بالعذوبة والسلاسة والإبداع,

<< الشاعر/ متعب التركي >>


لايحتــاج الى ثناء أو إشادة ,,وسأسرد لكـــم هنــا البعض من قصائدة العذبة :

http://www.9q9q.org/index.php?image=tCImNltuPJlG2Z


قالـوا حبيبـك يسمـع الشعـر قلـت أيـه =يـقـراه بعيـونـي قـبـل تسمـعـونـه

لـولاه حتـى طـاري الشعـر مـا أبيه = ميـر أكتبـه مـن شـان خاطـر عيونـه

هـو روح شعـري وأمنياتـه وماضـيـه=جذع الشجـر وش كـان لـولا غصونـه

اكتـب لغيـره والقصايـد تـجـي فـيـه = كـن القصايـد حالـفـه مــا تخـونـه

هـذاك لا منـه زعـل قـمـت أهـاديـه =حتـى وهـو مخطـي تـعـذرت دونــه

يمكـن لـو أنـه يلمـس الجـرح بيـديـه= يستغـرب ان الـلـي لمسـهـا طعـونـه

ابطـى وهـو غايـب وزلـت حــراويـه= وأنـا مـن الـعـام آتـحـرى مـزونـه

هـو مـادرى انـي فـي غيابـه محاتيـه = ليتـه نشـد عـن حالـي اللـي يجـونـه

واقلبـي اللـي تـوه أفـلـت عـراويـه = كيـف انسـرق وضلـوع قلبـي حصونـه

عجـزت أرده كــان مـانـي براعـيـه = يـوم انتثـر شوقـه وهاضـت شجـونـه

يبسـن عروقـي لكـن الـلـي يعـزيـه= ان أكثر العـالـم تــردد لـحـونـه

خافـوا مــن الله لا تجيـبـون طـاريـه= لا صـرت أنـا مـوجـود لا تذكـرونـه

لـو كـل غـالـي جـابـه الله لغالية = مـا شفـت لـك مخلـوق تبكـي عيونـه

http://www.9q9q.org/index.php?image=tCImNltuPJlG2Z




مرفـوض ياللـى بعـت غيـره عشـانـه=أزريـت عـن رد الـجـزا أو تهـاونـت

مابـي لـك أكثـر سـد بــاب الميـانـه =بانـت مـع الـوقـت الخفـايـا وبيـنـت

مـادام مالـى وســط قلـبـك مكـانـه =أنـا بعـد مثلـك عـن الحـب هـونـت

أنـا مـثـل خـيـال خـانـه حصـانـه=عـذره يقـول مـن الـرسـن ماتمكـنـت

غـرّه مـع المركـاض وارخـى عنـانـه=مخطى وانـا غلطـان يـوم انـى آمنت

لـو كنـت وافــى ماتـخـون الامـانـه =ياللـى تقـول تشيـب روحـك ولا خنـت

ذاك الهـوى لــو ماشـعـرت بحنـانـه=ماكنـت فـى حلـو القصـايـد تفنّـنـت

شاعـر تزلـزل مـن فـراقـك كيـانـه=لك يعتـرف مايسكـن القلـب غيـر أنت

لـو كـان قلبـك صافـى الـود خـانـه=فـى ذمّتـى ماهـان حـبّـك ولا هـنـت

أحـدٍ يخـون وواحـد الـوقـت خـانـه= أنـا تـرى الثانـى وألاوّل تـراه أنـت ؟

http://www.9q9q.org/index.php?image=tCImNltuPJlG2Z


توديع الأحباب مثـل المـوت لـه سكـره=أدمى جروحـي وشـق الصـدر منـيّـا

والقلـب طيـر ضلـوع الآدمـي وكـره =لأشـاقـه الطـلـع لاسـلـم ولاحـيّــا

مصيـر الأحـزان تنسـانـي وتفتـكـره =ماكـل الأيـام بيـض وسمـحـة محـيّـا

قـل غيرهـا ماأنـت لامجبـر ولامكـره=لاصـار ماهـي غـلا ماأبـي لـك حميّـا

لو في يـدي شـي ماقلـت الوعـد بكـره=حزمت حدب الضلـوع وقلـت لـك هيّـا

لو كـل غالـي يجـي دايـم علـى ذكـره=ماصـرت أشوفك هنـاك وحبـك هنيّـا
ياليتنـي لابغيـت اكـره قـدرت اكــره =ماكـان قلبـي ليـا جيـت أكرهك عيّـا

مادامـك معيـف رح لكـن علـى فكـره=ماقلـت لـي ليـه دمعـك ســال منـيّـا



http://www.9q9q.org/index.php?image=tCImNltuPJlG2Z



البارحـة مـدري وش الـلـي خـذانـي =يوم أجنبوا عنـي مـن الضيقـة اشملـت

جيـت أتكـلـم بــس عـيـا لسـانـي =ماكنـي إلا مرتكـب ذنــب واخمـلـت

الله يسـامـح مــن ذكــرت ونسـانـي =وأنـا أدري إنــي لاذكـرتـه تجمـلـت

عانيـت وأدري كــل طـيـب يعـانـي =وعلى حساب طعونـي الخضـر جاملـت

ياما خـذوا مـنـي ولا احــدأ عطـانـي =مـن طيبتـي فـي حـق نفسـي تساهلـت

عــزاي لامـنـه تـجـهـم زمـانــي =يمـمـت وجـهـي للكـريـم وتوسـلـت

واللـي يبـي قربـي وبـعـدي لقـانـي =يا مـا علـى نفسـي عشانـك تحامـلـت)

مرات احـس انـك معـي شخـص ثانـي =ومرات احـس انـك حبيبـي ومـا زلـت

لاتفـرح انـك دجـت بـيـن المحـانـي=لـو ماتخـون الذاكرة مــا تسلـلـت

( عشـان ماضيـك الجمـيـل وعـشـاني =حاول تشيل مـن الوفـا ربـع ماشلـت)

( مانـي علـى خبـرك حبيبـي ترانـي =حتى عـن اصغـار الامانـي تنازلـت)


http://www.9q9q.org/index.php?image=tCImNltuPJlG2Z

[خــــالـــــد]

بنت الشيوخ
http://www.sfsaleh.com/vb/attachment.php?attachmentid=21450&d=1150313192
الله يعطيك العافية أختي

وتسلم يمينك على هذا الموضوع الجميل

مشكوووورة

ولا تحرمينا جديدك !
http://www.sfsaleh.com/vb/attachment.php?attachmentid=21451&d=1150313192

[بـنـت الـشـيـوخ]

يا سعـود لا تنشـد تـرى مانـي مجيـب=خل الـذي خافـي لـه شهـور.. خافـي

إن شفتني مغتـاظ.. لـي حـق و مصيـب= يـا سعـود مزعلنـي جديـد اكتشـافـي

الغالـي اللـي كـان مـن قلبـي قريـب = بينـي و بينـه.. صـار مثـل التجـافـي

إن قلـت زلـه.. مثلنـا زلـتـه عـيـب = من قال لك شمـس الضحـى مـا تشافـي

إن قلت هقوه.. يمكـن تصيـب و تخيـب= كم لي سنه .. مـا شفـت فيـه اختلافـي!

و إن صار في نفسه بعض شكـة و ريـب = حتى البحر ما هـو علـى طـول صافـي

صرنا من الصـده .. سـوات المصاويـب =كلـن نقـل جرحـه و قـال: امتعـافـي!

((أصعب فراق.. فراق عكـف الأشانيـب =مـا هـو مفـارق لابسـات الغـدافـي ))

و الذيـب لا منـه عـوى.. جاوبـه ذيـب = و العلم حامـض.. بـس ويـن الأشافـي؟

دامـه لقـى لـه غيـر قلبـي معـازيـب = الله يسـمـح درب هـــاك السـنـافـي

يـروح.. لا يرجـي رسـول و مكاتيـب = هـو خابـر إنـي.. مـا التفـت خلافـي

واللـي تعلـى فــوق روس المراقـيـب = أكيـد مـا تسـقـى علـيـه السـوافـي

رح بشر اللـي _شـال شلفـا_ تريحيـب= قـلـه: تـراهـا كلـبـوهـا عـوافــي

اليـوم نفسـي طابـت.. و باكـر يطيـب =جرحي.. لـو انـه مـن يديـن المشافـي

خلصـت.. و الدنيـا دروس و تجـاريب = سجـل يـا بـو عبدالعـزيـز اعتـرافـي

http://www.9q9q.org/index.php?image=tCImNltuPJlG2Z


لا يـا علـي الوضـع هـذا مـا يناسبنـي =قلـه يفـارق تـرى لـي بـان تزييـفـه

يـروح يبعـد..وثـم يـرجـع يقربـنـي =يبينـي اتبـع هـواه واخـضـع لكيـفـه

يخطي..ويزعـل ويرجـع لـي يؤنبـنـي=اسكـت وانـا اسمـع تفاهاتـه وتخريفـه

مانـي بتمثـال وقـت الضيـق ينصبـنـي=عنـه اتــلقـى خـطــــأغـيـره وتهديـفـه

عذروبـي اللـي يعرفـه مــا يعيبـنـي =كتـاب مكشـوف واضـح فيـه تحريفـه

الموقـف اللـي حصـل بالحيـل متعبنـي= ولا يحـاول بـثـوب الـكـذب تلحيـفـه

قلـه فراقـه تـرى مـا عـاد يرعبـنـي =مـا عـاد يسـوى بعيني(ربـع تعريـفـه)

انغـام عزفـه تـرى مـا عـاد تطربنـي =عندي تسـاوى بـرود شتـاه مـع صيفـه

مـانـي معـاتـب وقـلّه لا يعاتبـنـي =جـوّي تعكـر ولا اطلـب منـه تلطيـفـه

نهـر العطـا جـف قـلـّه لا يحاسبـنـي = القلـب ممـا علـق بـه صعـب تنظيفـه

http://www.9q9q.org/index.php?image=tCImNltuPJlG2Z



مرفـوض ياللـى بعـت غيـره عشـانـه=أزريـت عـن رد الـجـزا أو تهـاونـت

مابـي لـك أكثـر سـد بــاب الميـانـه =بانـت مـع الـوقـت الخفـايـا وبيـنـت

مـادام مالـى وســط قلـبـك مكـانـه =أنـا بعـد مثلـك عـن الحـب هـونـت

أنـا مـثـل خـيـال خـانـه حصـانـه=عـذره يقـول مـن الـرسـن ماتمكـنـت

غـرّه مـع المركـاض وارخـى عنـانـه=مخطى وانـا غلطـان يـوم انـى آمنت

لـو كنـت وافــى ماتـخـون الامـانـه =ياللـى تقـول تشيـب روحـك ولا خنـت

ذاك الهـوى لــو ماشـعـرت بحنـانـه=ماكنـت فـى حلـو القصـايـد تفنّـنـت

شاعـر تزلـزل مـن فـراقـك كيـانـه=لك يعتـرف مايسكـن القلـب غيـر أنت

لـو كـان قلبـك صافـى الـود خـانـه=فـى ذمّتـى ماهـان حـبّـك ولا هـنـت

أحـدٍ يخـون وواحـد الـوقـت خـانـه= أنـا تـرى الثانـى وألاوّل تـراه أنـت ؟

http://www.9q9q.org/index.php?image=tCImNltuPJlG2Z


كل حاجه طعمها مـر فـي هـذا الزمـان =هـم هالدنيـا و حـنٌـا نعـيـش لهمـهـا

المكان اللـي عرفنـاه مـا عـاد المكـان= و القلوب.. أحـداث الأيـام زادت غمهـا

صاحبي حتى أنت ما عاد تستاهـل حنـان=أنـت بعثـرت المشاويـر و انـت تلمهـا

البكا في مثل هالحـال نـوع مـن الهـوان =و المهونة كـل رجـال حــر يذمـهـا

صاحبي.. لو كان للنـاس و الدنيـا أمـان = مـا تمـوت ورود الأحـلام قبـل نشمهـا

خل عنك علوم الأحبـاب .. واللـي كـان =انتهت..وسيـرة الأشـواق مانـي يمـهـا

كلما تظمـا لياليـك قمـت اكتـب عشـان= تنزف جروحـي و الأيـام تشـرب دمهـا

الكلام الموحـش يخـاف نـور الشمعـدان =تحتـرق أسمـى معانيـه قبـل يضمـهـا

من زمان أكتب على شان تقرا.. من زمـان= بس مـا شفـت المكاتيـب جابـت همهـا

http://www.9q9q.org/index.php?image=tCImNltuPJlG2Z

[ماجد نصار]

يعطيك العافيه بنت الشيوخ


بس هذا الشاعر وش جنسيته
هل له دواوين صوتيه او مقروءه



تحيتي لك

[بـنـت الـشـيـوخ]

http://www.9q9q.org/index.php?image=tCImNltuPJlG2Z


آخـر اللـي سمعتـه فـي نهـار الـوداع = دقت القلب مدري صوت عجـل الخطـاوي

نايـف الطـول وش سوابـي الانقـطـاع = صار بين الضلـوع القلـب كنـه فـداوي

بينـي وبيـن ضحكـات السعادة نــزاع = كني اللي قضى عمـره طريـدن جـلاوي

لا تلـوم الـذي سـوى لـك المستـطـاع = خف مـن الله وخـل جروحنـا بالتسـاوي

عن هذيـك النواعـس ليـه شلـت القنـاع =الحيا ويـن يلـي طـول عمـرك حيـاوي

كـن خـدك الطاهـر بــروق وشـعـاع = أثرها رحمة(ن) للنـاس بعـض الغشـاوي

وش يفيـدك عذابـي ياغريـب الطـبـاع =ليه دايـم علـى الملتـاع سيلـك نحـاوي

امتـلي غيض وازعل يـوم وارجـع بسـاع=راعي الجرح يستحمـل عـذاب المـداوي

غالطونـي وقـالـوا لـيـش هالانـدفـاع = أدوخوني عليـك مكثـريـن الحـكـاوي

عذربـوك بوجـودي بالجفـا والـخـداع = فيك حلو الوصايـف صوروهـا مسـاوي

التزمت السكـوت ورأيهـم فيـك ضيـاع =ليـن قالـوا متعـب علـى البعـد نـاوي

ميـت القلـب عرضـت الغـلا للضيـاع=والله إني على قطـع الرجـا بـك مـراوي

ماتغيـرت ليـن انـك لـويـت الــذ راع =تحسب إني على الهجـران مانـي بقـاوي

لوتقـول أنت ماعقـب الفـراق اجتمـاع =عندي اليـوم كـل اللـي تقـول متسـاوي

أو يقولون صـار يخـاف قلـب الشجـاع =من هك الليلة وبيـت القصيـد امتهـاوي

بيـن شقـر الجدايـل والعيـون الوسـاع =اذكر إني فقـدت القلـب فـي هالحـراوي

http://www.9q9q.org/index.php?image=tCImNltuPJlG2Z


يوم طاب السهـر عيـت تطيـب النفـوس =جت مـن الله وانـا كـم كنـت محتاجهـا

كنهـا مـن حلاهـا كـل ليلـه عــروس =خايفـه مـن عيـون النـاس وإحراجها

حي هالطـول يـا زولٍ عسـاه محـروس =مـن عبـث لوعـة الأيام وازعاجـهـا

تزعـل نفـوس ولا تمتلـي غيـض روس= مـن يقـرب لهـا وضلوعـي سياجـهـا

لي متى وأنت يا شـوق القلـوب محبـوس = طالـت السالـفـه وابطـيـت بعلاجـهـا

جعل قلبن علـى نـار الغيـاب محمـوس= يحـتـرق بـيـن صاليـهـا ووهاجـهـا

من خبر له غلا بيـن الضلـوع مغـروس= غرسـةٍ كـل ابـو شعـري مـن إنتاجها

لا تقـرب لـك الفرقـا هذيـك الهجـوس = مـن متـى والبحـور تفـارق امواجـهـا

لازم اصبر على وجـه الزمـان العبـوس= ليـن سـود الليالـي يضحـك احجاجهـا

من بغى يقطـع الفرجـه يعـاف الجلـوس = لـيـن يـاصـل نهايتـهـا ومخراجـهـا

كان شعري قصر ما طال شمس الشمـوس =تستريـح القصـايـد داخــل ادراجـهـا

http://www.9q9q.org/index.php?image=tCImNltuPJlG2Z

^
^
ليس للإبداع حدود ,,

وبعــــد كل هذا ماذا عساني أن اقول ....!!!


متعب التركي أنا اشهد انكـ اتعبت الشعر و القلوب والأرواح

وفي الأخير /

اسأل الله العلي العظيم ان يثبته على طاعته0

http://www.9q9q.org/index.php?image=hw39b7UVrjKghE

اقرأوه بصمــــت

[الدندووووونه]

حبيبتي كل الحنان

متعب التركي اتعب الجميع بقصائده واولهم انتي :اموه:

ومالووووووووووووووووووووو مك

والله انه شاعر جزل

وبيض الله وجهه ووجهك

واقول لجرح طاهر ان متعب التركي سعودي :11retcher

بس اختي جنبي وذبحتني تحلف بالله انه كويتي

خلني اتوكد ثمن ارد عليك

[sha3noona almajnoona]

متعب التركي اتعب الجميع بقصائده واولهم انتي


لالالالالالالالالا انا قبلها والله





متعب التركي أنا اشهد انكـ اتعبت الشعر و القلوب والأرواح



يااااااااااكل الحنان والعطف والرقه



والله مافيك حيله وجعل فالك التوووفيق باذن الله



انا اشهد ان تركي شااااعر وبقووووة بعد


الله عليه وعلى شعره لاني احب قصيده مبروك له اني من المعجبين فيه


عشان كذا اعتزل جعل الله يثبته على طاعته




صح لساااااااااااااان تركي



وسلمتي يا كل الحنااااااااان على الاختيار الرائع



بروعة حظورك وتواجدك






ياصاحبة المواضيع الملونه

[كاسر الضريبة]

السلام عليكم ورحمة الله وبركاته

تحية طيبة

من الذين لم يقدمهم الأعـــــــــــــــــلام ........

لم نعرف متعب التركي الأ بعد أعتزاله ....؟؟؟؟

كــــــــــــــتب الشعر وكـــــــــتبهُ التــــاريخ ,,,,,,

وأقول لمتعب التركي ............. :-

متعب التركي << أكبر فخر للشعر أنــــــــــك نطـــــــــاقة ,, ........

أختي بنت الشيوخ ممكن القصيدة اللي في توقيعك ماقريتهااااا كاملة

اشوف لك من وين مارحت ذكرى ------- لاشفتها صديت عنهاااا ودنقت ..


أشكرك اختي بنت الشيوخ على القصائد الجميلة .

دايماً مبدعة الله لا يحرمنااا من جديدك .......

مع أنك عورتي قلوبنـــــــــــا ..... الله يساامحك


>>>> يقراء القصيد ودموعه ماله قلب الخبل ههههههههههههههههه

بكل الحب وللحب بقية

أخوك

كاسر الضريبة

[بـنـت الـشـيـوخ]

اخي العزيز/


خـــــالد ,,

يعطيكـ العافية على مروركـ العذب

والله لايهينكـ



,
,
حيّاكـ الله ومنوّر

[بـنـت الـشـيـوخ]

اخي العزيز /

جرح طــــــــاهر

حيّــــاكـ الله ونورت الصفحة بوجودكـ

=========>>> نفسي اعرف متى امداك انت وخالد تدخلون

وانا قاعدة ارتب الموضوع ,, طلع مفصّل هههههههه


على العموم حيّاكـ الله

لاعدمناكـ

امّا بالنسبة لجنسيته فهو على مااتوقع انه سعودي ومطيري بعد

وهناك من خالفني وهناك من ايدني مثل الدندوونه

والشعنونه تقول <<ارفع راسك متعب سعودي غيره ينقص وهو يزودي>>

وقصائدة جداً رائعة ,,

[بـنـت الـشـيـوخ]

غاليتي /

الدندووووونه

حيّــــاكـِ الله ونورتِ متصفحي

ولاعدمتس يالغلا

والحال انتي باخسته زين ,,

يسلمووووو قلبي

[بـنـت الـشـيـوخ]

غاليتي /


الشعنووووونه


اي والله انكـ من متابعي تركي وبقووووووة بعد

و يابنت الناس انا وياكـ طلعنا نتشابه في اشياء كثيرة

في التخصص والسن وغيرهاااااا ,, وآخرها متعب التركي << لاعدمتس >>

واقول وش في متعب اعتزل ؟؟؟؟

الله يثبته قولي آمين

[بـنـت الـشـيـوخ]

اخي الفاضل /

كاسر الضريبة


لم نعرف متعب التركي الأ بعد أعتزاله ....؟؟؟؟

كــــــــــــــتب الشعر وكـــــــــتبهُ التــــاريخ ,,,,,,

ايّ واللة انكـ صدقت ,,



أختي بنت الشيوخ ممكن القصيدة اللي في توقيعك ماقريتهااااا كاملة

اشوف لك من وين مارحت ذكرى ------- لاشفتها صديت عنهاااا ودنقت ..

العفو اخوي ,, وعاد هالقصيدة من اروع القصائد ,,

مستغربة اني ماحطيتها ,, بس ابشر بعزكـ




لاتنشـغـل فـيـنـي أنا بـحـالـي أدرى=قلـبٍ تعلّـق فيـك ينسـى مـع الـوقـت

اكثرمـن اللـي صارلـي ويـش يجـرى=بيـن الرجا والـيـأس فـكـري تعلّـقـت

مثلـي ولوشفتـه عــن همـومـه ازرى = ماقـال ليتـك فـي جـروحـه ترافـقـت

هـاك القصـايـد لاتضايـقـت واقــرى =شـف وشكثرفيهـا لبسمـاتـك اشتـقـت

أثرالـوفـا ينـبـاع عـنـدك ويـشـرى= ماكنـت اصـدق فيـك واليـوم صـدّقـت

يامشتهـي فـرقـا الموالـيـف حــذرى =تبعـد وأنـا مـن سكـرة الحـب مافقـت

لاطافـت الفرصة تحـريـت الأخــرى = وتــروح ماكـنـي عليـهـا تشـوقـت

سـاري لـو إن الليـل مافـيـه قـمـرى= أشيل مـن حمـل الهـوى فـوق ماطقـت

لاصـارحـظ أقشـر والأيام قـشــرى= مافيـه احـد عاقـل يلومـك إليا ضـقـت

صحيـح بعـض النـاس فرقـاه بـشـرى= وبعـض البشرلاغـاب ليـلـه تضايـقـت

ليتـك خذيـت بليـل الأحباب مـسـرى=غربـت مـن كثـر الطـواري وشرّقـت

السيـل يبقالـه علـى الـقـاع مـجـرى =ويبقـالـك التذكار لـو كـنـت فـارقــت

أشوف لـك مـن ويـن مارحـت ذكـرى = ولاشفتـهـا صـديـت عنـهـا ودنـقـت

ماكـل جـرحٍ لاخــذى أيــام يـبـرى = بعض الجروح يزيـد شـره مـع الوقـت


,
,

ويعطيكـ العافية اخوي

ولاهنت على المرور

ودمت

[جريح الوقت]

كل الحنان..يابنت الشيوخ..

مافي حيل الآن بكرة أرجع وأقرأ..

لكن مجهوووودكـ راااائع وربي..

تحيااااتي.... وسلمتي..

[بـنـت الـشـيـوخ]

جريح الوقت

,
,

حيّــــــــــاكـ الله

واهم شئ تقراه حرف حرف ,,

او تحفظ الصفحة وتمعن قصائده

صدقني ,, ان تعاف تسمع لغيره

ويسلموووووو

[فوووووشي]

لو كنت وافى ماتخـون الامانـه
ياللى تقول تشيب روحك ولا خنت

هالله هالله هالله عليه

وربي قصايده بلسم وفيها نضوج فكري مميز

وبوه حكمه سابقه سنه

بنت شيووووخ

ياقلبي انتي زين مااخترتي من اشعار شاعرنا متعب التركي

والله امتعتينا معه

ومشكوووووووووووره ياقلبي عالاشعار الجونااااااااان


اختك فش فاشه

[بـنـت الـشـيـوخ]

لو كنت وافى ماتخـون الامانـه
ياللى تقول تشيب روحك ولا خنت

قليل في هالعالم الأوفياء

حبيبتي / فشفاشه

متعب التركي شاعر غير عن كل الشعراء

وشاعر وفيّ بعد ,, ههههههه ======<< وش درّاكـ

ويعطيكـ العافية على المرور يالغلا

======>> لاعدمتس

[جريح الوقت]

×××××
اكتب لغيره والقصايد تجـي فيـه=كن القصايد حالفـه مـا تخونـه
هذاك لا منه زعل قمـت أهاديـه=حتى وهو مخطي تعـذرت دونـه
يمكن لو أنه يلمس الجرح بيديـه=يستغرب ان اللي لمسهـا طعونـه
؛؛
؛

خافوا من الله لا تجيبـون طاريـه=لا صرت أنا موجـود لا تذكرونـه
لو كل غالـي جابـه الله لغاليـة=ما شفت لك مخلوق تبكي عيونـه
؛؛
؛

أحدٍ يخون وواحد الوقـت خانـه=أنا ترى الثانى وألاوّل تراه أنـت.
؛؛
؛

لو كل غالي يجي دايم على ذكـرهماص=رت أشوفك هناك وحبك هنيّـا
ياليتني لابغيت اكره قـدرت اكـره=ماكان قلبي ليا جيت أكرهك عيّـا
؛؛
؛

الله يسامح مـن ذكـرت ونسانـي=وأنا أدري إنـي لاذكرتـه تجملـت
عانيت وأدري كـل طيـب يعانـي=وعلى حساب طعوني الخضر جاملت
ياما خذوا مني ولا احـدأ عطانـي=من طيبتي في حق نفسي تساهلـت
؛؛
؛

صاحبي.. لو كان للناس و الدنيـا أمـان=ما تمـوت ورود الأحـلام قبـل نشمهـا
××××××
إبدااااااااااع وربي إبداااااااع..
بنت الشيوخ ..ياكل الحنان..لاتلوميني سأعووود مرارا" على هذه الصفحة..!.!
لامس الجرح نزفـه..فلله دره من شاعر..!!
ولله دركـِ على حسن الإختـيار...!.!
فسلمتي ودمتِ أيتها الرائعـة..بهذا النقاء والإنتقاء..
ولاحرمنا الله من جديدكـ..المنتظر..
دمتِ بأتم صحة وعافية..ودمتِ طاهرة نقية..
أخوكـ
**
*
،،، جريح الوقت ،،،

[بـنـت الـشـيـوخ]

كل اللي اقتبستهااا رووعة ياجريح الوقت

ومتعب التركي رائع بكل شئ
,,

ويعطيكـ العافية على مروركـ العذب ولاهنت