أقرب شاعر يتفضل

[غنام منصور]

سلام الله على الكل والشعار بالذات= عدد مالاح برق المزون ودن رعاد
نبي شاعر مخضرم فهيم بوزن الابيات=يجيد النقض والفتل يتعب كل نقاد

[هداج تيماء]

الله الله

يا سلااااام على هالبداية الرائعة

غنام منصور

صح لساااااااانك

ننتظر قبيلك من الشعارررر

وسجلني في صفك لاهنت

[حاكم الشور]

اخوي غنام منصور

الله يحييك بين اخوانك

ويشرفني الرد عليك

استلم


هلا يامرحبا من هجوس ( ن ) ساع ماجات = كما ريح الخزامى وريح المسك والكاد

وصلك الشاعر اللي يترجم عشرة لغات = ولو تبغى زيادة يابن منصور يزداد

[غنام منصور]

اخوي غنام منصور

الله يحييك بين اخوانك

ويشرفني الرد عليك

استلم


هلا يامرحبا من هجوس ( ن ) ساع ماجات = كما ريح الخزامى وريح المسك والكاد

وصلك الشاعر اللي يترجم عشرة لغات = ولو تبغى زيادة يابن منصور يزداد


الله يبقيك ياحاكم الشور لاهنت

الشرف تواجدك في هذا المتصفح

واستلم طال عمرك






عسى فيك البقا من هجوس (ن) جات عجلات=شذاها ريح عود وتساما نحو الامجاد
لغتنا واحده والــطــلب ترمــيــز لــهــجــات=وانا وياك طبعا مؤكــد من هل الضاد

[غنام منصور]

هداج تيما00 صح بدنك لاهنت
^^^
شكرا لتشريفك
^^^
الصف عامر بوجودك

تحياتي

[ربح السبيعي]

غنام منصور و حاكم الشور


صحت السنتكم يامبدعين


واصلو وانا متابعين معكم

[حاكم الشور]

يا سلام يا سلام


خلووووووووووووهاااااا



تراك اليا مشيت الطريق بدون لفات = تبا تلبس ثياب (ن) طوال أكمام وجداد


ليامني قريت الاسامي والبطاقات = ابا اعرف لهجة اهل المدينه وأهل بغداد

[حاكم الشور]

هداج تيماء



ربح السبيعي



مشرفينا الاعزاء


مروركم يهمني

وصحت ابدانكم


ولكم كل الود والتقدير

[غنام منصور]

ربح السبيعي00 صح بدنك
^^^
متابعتك شرف لاهنت
^^^

تحياتي

[غنام منصور]

نبي نمشي معك والطريق الي تبا أيات=وابااستخدم ماجلان في تحديد الابعاد

أجــل ماباقي الا تسويلــي بصامات=وبغداد أضحت لبوش الابن ولـ أحمد انجاد

[سعيد الأسمري]

وبغداد أضحت لبوش الابن ولاحمد انجاد




غنام صح لسانك
تحياااااااتي

[غنام منصور]

جليس الماسي صح بدنك
^^^
شكرا لتشريفك لاهنت
^^^
تحياتي

[هداج تيماء]

الله الله الله

على اللعب اللي على اصووووول

مرور وتسجيل اشاااادة واعجاااب

غنام وحاكم

لااااهنتووووا

[حاكم الشور]

استلم يا القرم


تخاويني على السفن ولا بالمطارات = وٍمااجلان شوش وخرب بحث الارصاد


ونأخذ لك تحاليل من دمك وأشعات= ونعرف كل صادر ونعرف كل وراد

[غنام منصور]

ياطيبك صادق القول واهدافك نبيلات=ياحاكم لاتعيد ترى ماجات الاعياد

عمــالــه وافده للعــمــل ولا زيارات=تحللهم فقط غيرهم(لا) بسك اعناد

[صلاح الأحمدي]

***


الله الله

فن وقن


غنام منصور ، حاكم الشور

ابداااع نااادر


متااابع


.

[حاكم الشور]

حمول شعيل فوقه من البارح ثقيلات = ولا يحتاج له من بعدها خرج وشداد

ليامنك تجاوزت كل الاختبارات = تبا تلقى محل(ن) جديد وفيه مقعاد

[غنام منصور]

يامسرع هد حاسب ترى قدمك مطبات=تركد زين كي لايصيبك بعض الاجهاد

يرفرف بيرق العز من فوق البنايات= ومن شرواك مااريد لاشرب (ن)ولا زاد

[حاكم الشور]

لو ان الطيب بين وتظهر له علامات = تبا تلقى نفوس(ن) ذبحها سم الاكباد


ليامني رميت الهدف صبت الاشارات = لكن اللي رمى ليه ياغنام ماصاد

[غنام منصور]

تصدو لشغب باالقنابل والـهـراوات=ولا يوخذ (ف) الجريره بري في ذنب جلاد

قريت الي كتبته ياكتاب الروايات= مابين اسهاب واطناب ومحقق ونشاد

[غنام منصور]

هداج تيما / صح بدنك لاهنت
^^^^
شكرا لتشريفك واعجابك محل فخرنا
^^^^

تحياتي

[غنام منصور]

بن عامر صلاح الأحمدي/ صح بدنك ولا هنت
^^^^

الابداع يكتمل بحضورك واشادتك محل فخرنا

^^^^
شكرا لتشريفك 00 تحياتي

[حاكم الشور]

غنام منصور


صح لسانك


وبيض الله وجهك

تشرفت باللعب معك

والله لايهينك

ولك كل التقدير والاحترام

[قيـس]

الله الله

متابع وسجلو اعجابي مره ثانيه

ماشالله عليكم لعب ((كبار))

[غنام منصور]

حاكم الشور // صح بدنك وجهك ابيض
^^^^^^^^^
والشرف لي باللعب معك

^^^^^^^^
ولك مني كل الود والاحترام
------------------------------------------------------------------------------------------------------------------------------------------------

الاشعث الروقي/// شكرا لتشريفك
^^^^^^^^^^^^^^^^^^

اعجابك محل فخري
^^^^^^^^^^^^^^^^^^^
دمت بود

[مسفرالفضيلى]

يالله قوهم واعطهم العافيه

الشاعر : غنام منصور

الشاعر : حاكم الشور

صح لسانكم وصحت قلوبكم