فهد بن عبدان
28-02-2007, 01:19 AM
للتواصل
بدون مقدمات ...
.
وشلون أنا والناس فعيونك عْدول=وطيفك يساوى في عيوني بلادي
يا أغلى من الألماس والدرّ واللول=ياعنبرونرجس وجوري وكادي
من أولٍ آمون وآقول وآطول=واليوم مايقوى ل حمْلي شدادي
ماعاد في قوه ولا عاد لي حول=تعبت ألوّح لك وأصوّت وأنادي
متّر سنين العمر بالعرض والطول=ياانفاسي ونبضي وشربي وزادي
طيور حبك في سما صدري تجول=تقتات من دمي وتسكن فؤادي
على كفوف العز والود محمول=ماارخصتك وشمّت فيك الأعادي
عشتك نهار وليل وأيام وفصول=شوفَتك عيد وسمع صوتك عيادي
لكن عجزت ألقى لهجرانك حلول=ولانفعني معك كثر اجتهادي
علاقتي وياك ف نزول ونزول=مصيرها في وجه الأيام بادي
تهدّني وآقول شده وبتزول =وتصدّني وآقول لحظة تمادي
يا لوعة الحرمان ماهوب معقول=كسرتني وأنا أحسب انك سنادي
قلبك قسى ومن دونه أبواب وقفول=وأصبح عقب ماهوب أبيض رمادي
والبارحه يالله دخيلك ولحوّل=جفاك أرهقني وقطّع رقادي
وأرسلت لك مرسول يتبعه مرسول= أناشدك باسم القيم والمبادي
لاتقتل اللي من عنا البعد مقتول=اللي بعمره دون عمرك يفادي
وأنت اتّعذرلي ب لاهي ومشغول=وآثور في وجهك غضب وأنت هادي
ياخي اذا ماعاد ترتاح لي قول=بكذب .. وأقول مفارقك شي عادي !
.
وسلامتكم
بدون مقدمات ...
.
وشلون أنا والناس فعيونك عْدول=وطيفك يساوى في عيوني بلادي
يا أغلى من الألماس والدرّ واللول=ياعنبرونرجس وجوري وكادي
من أولٍ آمون وآقول وآطول=واليوم مايقوى ل حمْلي شدادي
ماعاد في قوه ولا عاد لي حول=تعبت ألوّح لك وأصوّت وأنادي
متّر سنين العمر بالعرض والطول=ياانفاسي ونبضي وشربي وزادي
طيور حبك في سما صدري تجول=تقتات من دمي وتسكن فؤادي
على كفوف العز والود محمول=ماارخصتك وشمّت فيك الأعادي
عشتك نهار وليل وأيام وفصول=شوفَتك عيد وسمع صوتك عيادي
لكن عجزت ألقى لهجرانك حلول=ولانفعني معك كثر اجتهادي
علاقتي وياك ف نزول ونزول=مصيرها في وجه الأيام بادي
تهدّني وآقول شده وبتزول =وتصدّني وآقول لحظة تمادي
يا لوعة الحرمان ماهوب معقول=كسرتني وأنا أحسب انك سنادي
قلبك قسى ومن دونه أبواب وقفول=وأصبح عقب ماهوب أبيض رمادي
والبارحه يالله دخيلك ولحوّل=جفاك أرهقني وقطّع رقادي
وأرسلت لك مرسول يتبعه مرسول= أناشدك باسم القيم والمبادي
لاتقتل اللي من عنا البعد مقتول=اللي بعمره دون عمرك يفادي
وأنت اتّعذرلي ب لاهي ومشغول=وآثور في وجهك غضب وأنت هادي
ياخي اذا ماعاد ترتاح لي قول=بكذب .. وأقول مفارقك شي عادي !
.
وسلامتكم