حمدان بن سالم
27-02-2007, 11:34 PM
للسعادة ألف معنى وللحزن ألف لون = وكل حيٍّ بالأحاسيس له محض اختيار
فيه واحد عنده المال أغلى مايكون = يتبع الدينار لو هو مع الذعذاع طار
لاحبايب لاقرايب ولاهم يحزنون = الفلوس أبدى من الناس وأغلى من العمار
ماحَسَبْ للناس يرضون وإلا يزعلون = الرضا عنده رصيده إلياشافه عمار
العطا عنده جهالة وضرب من الجنون = وإنْ عطى يعطي مقابل مشاريهٍ كثار
يدّعي بالفقر دايم ويشكي من الديون = ومن طلب منه المعونة يصدّه باعتذار
وفيه واحد عنده الجاه أبدى من البنون = هو كبير وباقي الناس بعيونه صغار
المظاهر في حياته على راس الفنون = كل همّه يذكرونه مع الروس الكبار
الأنا عنده عظيمة وكل الخلق دون = راحته لاقالوا الشيخ ياحامي الديار
مجلسه مجلس مراءاة وإنفاق وفتون = مايجونه غير الأذناب وأصحاب الهذار
وفيه واحد يحسب العمر للمسلم سجون = مفرطٍ بالحزم ينفر منه حتى الصغار
عاقد حجابه وبالناس مايحسن ظنون = مستبد الراي صارم مثل ريح العصار
يغضب الياصار الأطفال حوله يلعبون = وإيتضايق من خويّه إذا ماهو بحار
مستبد الراي بالأمر مايقبل طعون = مايبي من سامع الراي إلاّ تم .. صار
وفيه واحد كل عمره ملذات ومجون= يضرب المبدأ والأخلاق في عرض الجدار
شهوته هي راس ماله وكل أمرٍ يهون = هايمٍ بالكون سارح بلا حد وإطار
طز بالعادات والناس لو هم ينقدون = هي شعاره لو يقولون : ياخس الشعار
وفيه واحد شغله الناس واللي يفعلون = مشقيٍ حاله بغيره بليله والنهار
كل بيتٍ يبي يدري هله وش يهمسون = كم تمنى يسمع اللي ورى سبع البحار
ينقل علوم الرجاجيل لو هم مايبون = وإنْ لزم من عنده إيضيف وإيزيد البهار
وفيه واحد كل ماشاف ناسٍ يكسبون = ينغزه قلبه من الحسد وإيصيبه دوار
كنّهم باقوا حلاله وصاروا يجحدون = وانفقر بستانه الخصب من عقب الخضار
تكره عيونه تناظر لناسٍ يضحكون = لو على كيفه ولاحي تاصله الثمار
وفيه واحد يخدع الناس وايشد العيون = لاهرج تقول هذا من رجالٍ خيار
ياكثر مادق صدره لناسٍ يطلبون = ينتخي وإيعشِّم الناس بآمالٍ كبار
وياكثر ماغش ناسٍ وكم ظلّل ذقون = وكم من السِّذَّج إيحسبوه خيّال البكار
ماعرف له غير بخصٍ بألاعيبه بخون = ماتطوفه زومة الكذب وصياح السطار
وفيه واحد دام خيرك بقيعانه هتون = هو خويّك مايفارقك في ليل ونهار
تحسبه ذخر الليالي وللعشرة يصون= وهو حقيرٍ ماتمشّيه فزعات الحرار
أشهد إنه ماربى بين ربعٍ يحفظون = للجماله والشدايد لهم صدق اختبار
من يعزّك لأجل حاجة يجي يوم وتهون = ومن يعزك لأجل ذاتك ألينه مااستخار
وفيه واحد من هل البلع وأصحاب البطون = ضاع عمره بين كبسة وهامور وحوار
لاهرج وسط الرجاجيل ماهم ينصتون = زالهينه والهديفة يحوس بكل كار
خبلٍ أبله كل يومه يرم من الصحون = ماتشوف إلاّ شدوقه تبش مْن الحمار
مابه إلاّ عِرض وجهه ونسفه للردون = ودّك إنك تلبسه خيش وإتزيده وثار
وفيه واحد فاقد الراي يفعل مايبون = إمّعه لاساروا الناس قلّدهم وسار
مع هجيج القوم يرثع ! نَزِلْ وإلاظعون = مايميّز سالك الدرب من درب العثار
لاهثٍ خلف الجماعة يكشّر بالسنون = مايفكّر في خطاويه لو كانت دمار
ماخذوا منه المشوره على مايفعلون = وين مانادوه يمشي شبيهٍ بالحمار
وفيه واحد ينشد الخير وبطبعه حنون = الله اللي خالقه هيك ماعنده قمار
لاعطى يعطي براحة وإذا قال بسكون = خطوته ماتزعج القاع وإتثير الغبار
لايعيل ولايعادي ولامرّه يخون = واضحٍ مايسمع العلم من خلف الستار
متِّزن بين العبادة وتصريف الشؤون = مبدأه إنّ أوسط الأمر هو نِعم القرار
يعشق الدنيا ويحسب إلما بعد المنون = يحفظ العشرة والأسرار وحقوق الجوار
بارٍّ في والدينه إلياعزّوا يهون = قايمٍ بحقوق بيته بحكمة واقتدار
مايجالس غير ربعٍ لشانه يرفعون = وإنْ حكى وسط الرجاجيل يحكي باختصار
والزمن فيه الف عيرة لمن هم يدركون = قصص التاريخ تهدي لمن شاء المسار !
يابن آدم ..يابن آدم يقول العارفون = العمر رحلة وفيها محطات انتظار
اعمل بدنياك طيّب وفاز العاملون = كل نبضة فيك نعمة تبي منك افتكار
استفد من سيرة الناس في شتى القرون = كن مثل ماربك أبدعك وإجنح للوقار
لاتغرك لذّة العيش مات المرسلون = يابن آدم لاتكابر ... كفى الموت اعتبار !
والله أعلم في عباده وماهم يضمرون = والجزا من جنس الاعمال والأخرى قرار
فيه واحد عنده المال أغلى مايكون = يتبع الدينار لو هو مع الذعذاع طار
لاحبايب لاقرايب ولاهم يحزنون = الفلوس أبدى من الناس وأغلى من العمار
ماحَسَبْ للناس يرضون وإلا يزعلون = الرضا عنده رصيده إلياشافه عمار
العطا عنده جهالة وضرب من الجنون = وإنْ عطى يعطي مقابل مشاريهٍ كثار
يدّعي بالفقر دايم ويشكي من الديون = ومن طلب منه المعونة يصدّه باعتذار
وفيه واحد عنده الجاه أبدى من البنون = هو كبير وباقي الناس بعيونه صغار
المظاهر في حياته على راس الفنون = كل همّه يذكرونه مع الروس الكبار
الأنا عنده عظيمة وكل الخلق دون = راحته لاقالوا الشيخ ياحامي الديار
مجلسه مجلس مراءاة وإنفاق وفتون = مايجونه غير الأذناب وأصحاب الهذار
وفيه واحد يحسب العمر للمسلم سجون = مفرطٍ بالحزم ينفر منه حتى الصغار
عاقد حجابه وبالناس مايحسن ظنون = مستبد الراي صارم مثل ريح العصار
يغضب الياصار الأطفال حوله يلعبون = وإيتضايق من خويّه إذا ماهو بحار
مستبد الراي بالأمر مايقبل طعون = مايبي من سامع الراي إلاّ تم .. صار
وفيه واحد كل عمره ملذات ومجون= يضرب المبدأ والأخلاق في عرض الجدار
شهوته هي راس ماله وكل أمرٍ يهون = هايمٍ بالكون سارح بلا حد وإطار
طز بالعادات والناس لو هم ينقدون = هي شعاره لو يقولون : ياخس الشعار
وفيه واحد شغله الناس واللي يفعلون = مشقيٍ حاله بغيره بليله والنهار
كل بيتٍ يبي يدري هله وش يهمسون = كم تمنى يسمع اللي ورى سبع البحار
ينقل علوم الرجاجيل لو هم مايبون = وإنْ لزم من عنده إيضيف وإيزيد البهار
وفيه واحد كل ماشاف ناسٍ يكسبون = ينغزه قلبه من الحسد وإيصيبه دوار
كنّهم باقوا حلاله وصاروا يجحدون = وانفقر بستانه الخصب من عقب الخضار
تكره عيونه تناظر لناسٍ يضحكون = لو على كيفه ولاحي تاصله الثمار
وفيه واحد يخدع الناس وايشد العيون = لاهرج تقول هذا من رجالٍ خيار
ياكثر مادق صدره لناسٍ يطلبون = ينتخي وإيعشِّم الناس بآمالٍ كبار
وياكثر ماغش ناسٍ وكم ظلّل ذقون = وكم من السِّذَّج إيحسبوه خيّال البكار
ماعرف له غير بخصٍ بألاعيبه بخون = ماتطوفه زومة الكذب وصياح السطار
وفيه واحد دام خيرك بقيعانه هتون = هو خويّك مايفارقك في ليل ونهار
تحسبه ذخر الليالي وللعشرة يصون= وهو حقيرٍ ماتمشّيه فزعات الحرار
أشهد إنه ماربى بين ربعٍ يحفظون = للجماله والشدايد لهم صدق اختبار
من يعزّك لأجل حاجة يجي يوم وتهون = ومن يعزك لأجل ذاتك ألينه مااستخار
وفيه واحد من هل البلع وأصحاب البطون = ضاع عمره بين كبسة وهامور وحوار
لاهرج وسط الرجاجيل ماهم ينصتون = زالهينه والهديفة يحوس بكل كار
خبلٍ أبله كل يومه يرم من الصحون = ماتشوف إلاّ شدوقه تبش مْن الحمار
مابه إلاّ عِرض وجهه ونسفه للردون = ودّك إنك تلبسه خيش وإتزيده وثار
وفيه واحد فاقد الراي يفعل مايبون = إمّعه لاساروا الناس قلّدهم وسار
مع هجيج القوم يرثع ! نَزِلْ وإلاظعون = مايميّز سالك الدرب من درب العثار
لاهثٍ خلف الجماعة يكشّر بالسنون = مايفكّر في خطاويه لو كانت دمار
ماخذوا منه المشوره على مايفعلون = وين مانادوه يمشي شبيهٍ بالحمار
وفيه واحد ينشد الخير وبطبعه حنون = الله اللي خالقه هيك ماعنده قمار
لاعطى يعطي براحة وإذا قال بسكون = خطوته ماتزعج القاع وإتثير الغبار
لايعيل ولايعادي ولامرّه يخون = واضحٍ مايسمع العلم من خلف الستار
متِّزن بين العبادة وتصريف الشؤون = مبدأه إنّ أوسط الأمر هو نِعم القرار
يعشق الدنيا ويحسب إلما بعد المنون = يحفظ العشرة والأسرار وحقوق الجوار
بارٍّ في والدينه إلياعزّوا يهون = قايمٍ بحقوق بيته بحكمة واقتدار
مايجالس غير ربعٍ لشانه يرفعون = وإنْ حكى وسط الرجاجيل يحكي باختصار
والزمن فيه الف عيرة لمن هم يدركون = قصص التاريخ تهدي لمن شاء المسار !
يابن آدم ..يابن آدم يقول العارفون = العمر رحلة وفيها محطات انتظار
اعمل بدنياك طيّب وفاز العاملون = كل نبضة فيك نعمة تبي منك افتكار
استفد من سيرة الناس في شتى القرون = كن مثل ماربك أبدعك وإجنح للوقار
لاتغرك لذّة العيش مات المرسلون = يابن آدم لاتكابر ... كفى الموت اعتبار !
والله أعلم في عباده وماهم يضمرون = والجزا من جنس الاعمال والأخرى قرار