مساكم الله بالخير ياوجيه الرفاقه

[فتال]

سلام ياهل الشعر واهل الثقافه=واهل الكرم والعز واهل الضيافه
من شاعرً مايرغب اهل اللقافه=ياعنك مايزعل من الحق رجال

سلام ياهل المنتدى والعلم خير=رديتً مابعدها الا العافيه
ياوين ابلقا شاعرً عقله كبير=ماودنا باللي علومه هافيه

[ربح السبيعي]

صح لسانك يا فتال


على هالمبداء الطيب


ننتضر الشاعر المقابل

[منور العوني]

الله

الله

ياسلااااااام

متابعين

[هداج تيماء]

صح لسانك يا فتاااااال

مبداااااارائع لااااهنت


منتظرين قبيلك ومتابعين

[سعيد الأسمري]

حي الله اللي جـاب مفتـول قافـه
الشاعر اللي تنعرف قعدته من وقافه
اقلط ولـك مدهـال مابـه كلافـه
ياعنك مايزعل من الحـق رجـال



يامرحبا والقلب يتبعه الضمير=بالشاعر اللي له علوم وافيه
العين يافتال لك نون ونظير=اخذ الكلام اللي ردوده شافيه

[فتال]

ربح ومنور وهداج تيماء

شرفتونا بحضوركم

[فتال]

دام البقا والله يعز الرياجيل=اللي ترحب بالرجال المشاكيل
والليل ياشعار ما اطولك ياليل=ياعنك مايزعل من الحق رجال


دام البقا والحمل في ظهر البعير= والشوك يدمي من رجوله حافيه

خل المجامل واستمع جاك النذير= عن معنى الاسم ابغى اجابه ضافيه

[سعيد الأسمري]

سمحان يبرك للحمـول المثاقيـل
وغيره برك والحمل في ظهره يميل
والعلم واضح مايبـي زود تحليـل
ياعنك مايزعل من الحـق رجـال



اسمع كلام وثرثره والاهدير=ماني بدور علة بك خافيه
اسمي ويكرم ماتطوله لوتطير=مير انتبه خل الخواطر صافيه

[فتال]

جليس يا ابن الناس خلّك تكانه=الادمي دايم لسانه حصانه
وفتال بين الناس يعرف مكانه=ياعنك مايزعل ... شيلوها :)

ياللي تفرّ الدرب وتعكس المسير=ياكيف تسري بالشموع الطافيه
الشعر روّح مع زهير ومع جرير=يامن تحسب الشعر وزن وقافيه

[سعيد الأسمري]

الشعر عنوان الامم في زمانه
والبيت وافي قافيه مع وزانـه
يااللي تغني ليل دانه لا دانـه
ياعنك مايزعل من الحق رجال



ياللي بينقدني وماله شوير=منا يبا يلقى علوم كافيه
ياللي بسفك الدم دايم خبير=عطنا الخبر عن عصبة المافيه

[ناصر محمد السبيعي]

الله الله


صح لسانك يافتال وصح لسانك ياجليس المأسي


متابع وفي صف فتال

[فتال]

لي الشرف ياشاعر الغلبا انك في صفي

ـــــــــــــــــ,,,,,,ـــــ ـــــــــــــــــ

اخوي جليس الماسي

صح لسااااااانك

وترا صدر البيتين فيها خلل فالوزن

واتمنى من المشرفين انهم يوضحون هل هذا الشي صحيح

والا ان اللي ماعنده سالفه انا :)

اخوك

فتال

[سعيد الأسمري]

يعطيك العافيه اخوي فتال
بس فيه مشرفين وحكام بالمنتدى
ومو من حق الشاعر ينتقد من يتحاور معه
النقد للحكم؟؟؟؟
وحتى لوفي بيوتك كسر او خلل استحي اقولها لك
عشان لاتفكر انه هروب من الرد عليك
وهذا ما حصل معك
تحياتي