اظن ربح وزعم ,,,,,,,,,,,,

[هداج تيماء]

السلام عليكم ورحمة وبركاته

الاستاذين الفاضلين / بعيد المراميس وربح السبيعي

يسرني ان اخذ هذا الطاروق للفائدة مع واااااحد منكم والطارف منكم يسد

وان ما حصل فرصه وفراااغ خلوه يولي ويفداااكم :


استلم لاهنتت /




سلام تسليمة ً تمشي مع العربان ليل ونهار=من هاجس في تهاتيه الفيافي غاديً له ذهيب
اظن ربح وزعم من واقع الخبره وسجّ الديار=معهم طرف علم للنشّـاد والا مار رايً مصيب




































,


,

[بعيد المراميس]

يامرحبا ياهداج

وعلى الرحب والسعه يالقرم واللعب معك نوماس ومكسب ولو ماحصل فرصه يحصل لاعدمتك

استلم عني وعن زميلي ربح السبيعي وعسانا نتجمل بس:


يامرحبا ياهلا باللي لهم حشمه وقدر ووقار=عداد ماغنت الورقى وناحت فوق غصن رطيب
مانارد العد ياهداج تيما بالحبال القصار =مدام رايك صليب اعرف ترا رايي وعظمي صليب

[هداج تيماء]

بعيد المراميس ((((استاذ في تواضعك ))) الله يبقيك ويعافيك

وانت راع الجمالة والوفا ويعلم الله الفخر والفائده لي بلا شك


استلم لاهنت /



دام البقا واعرف ان الشك زايل في طوال العمار= والجرح ماله ولو طالـت به الايـام غيـر الطبيب
ليت المصلي نهار الجمعـه يوقـّف مجـال الحوار =وقبل الصلاه يتحرى لين يسمع وش يقول الخطيب















,


,

[بعيد المراميس]

ماعليك زود ياهداج ..والشرف لي باللعب مع شاعر بحجمك وبأخلاقك

استلم



الله يبارك بكم ياهل المعرفه والبخوت الكبار=جرحن مع الوقت طاب وجرح لو طال الزمن مايطيب
يمكن يصدر قرار ويمكن انه مايصدَر قرار=والحق بيّن ولابالحق ياهل الحق شك ٍ وريب

[هداج تيماء]

دوووووك لاااهنتتت /



.



حفل المـزايين شارك فيه مجموعة جمالً حرار=وقدّام صرف الجوايز قامت اطيبها تذب الشـعيب
راح اربعه ؟؟من غلاها يا زعم طويت كـل القفـار=ولا ادري الوم المنظـّم للحفل والا رداة النصيب















,



,

[حاكم الشور]

هداج تيماء


و



بعيد المراميس



يا سلام يا سلام

ابداع منقطع النظير

صحت السنتكم


ومتابع للفائدة

والمعاني الجزله السمينه

ولكم كل الود والتقدير

[بعيد المراميس]

مرحبآ ياحاكم الشور

وجودك بحد ذاته يزيد المحاوره شرف


لاهنت ولاهان حظورك يالقرم

تحياتي

[بعيد المراميس]

الله الله


هي للجمال العفر والا على ماقيل معها بكار=ان كانها للجمال ..شعيل اخذ حقه بليا رقيب
ياذيب ياللي تجر عواك وعيونك تقادح شرار=لولا سواتك مع العربان ماسموك ياذيب ذيب

[هداج تيماء]

ياسلاااااااااام

عندك :




اربـع جمالً (يابن غنام)؟ معروفـت..ة قدر واعتبار=ما وسمّوها ومشراها على اهل السوق جداً صعيب
ضــاعت علينا وطال البحث يابن الناس والانتظار=ومريتك انشد عسى شمسك وشمس اهل الفخر ماتغيب




























.


.

[هداج تيماء]

حاكم اشوووور

ياهلااااااا ويا مسهلااااااااا

حضورك هو المكسب والفائدة


صح بدنك طال عمرك


ولاهنت على هذا التواجد المشرف

[بعيد المراميس]

طيب طيب


اجمالك الاربعه ياصاحبي ماحط فيها هجار=وشعيل فيها على ماقيل من سم الهوا مستصيب
حطوا لها مزاينن بين العرب حسب الخبر بالجوار=وانا ترا لارقيبن فوق خلق الله ولاني حسيب

[بعيد المراميس]

ياهداج نكمل بكره وراي دوام وماحب السهر :)

لاكن بكره جعلك عمرك يطول

[هداج تيماء]

هههههههه

الله الله

عندك :


,



انت العقيد الخبير وتعــرف بليـهان يومه حوار=وشباب عندك خبر قصة شديده مع عضيده شبيب
لعل هاك الذهيب اللي غدى بين الفيافي بخـــار=كني بعد غيبته مثل المهلهل بعد فرقاااا كليب



































و

[هداج تيماء]

يا بعيد المرميس ( زعم )

ابد ابد ........خذ رااحتك وانا اخووووك

وعسى عمرك يطول في طاعة للرحمن واستطاعة

[ربح السبيعي]

الله الله الله


صح لسانك والله ياهداج تيماء هداج على اسمك


وصح لسانك يابوجسار


محاوره قمه وبين شاعرين لايختلف على قوة لعبهم وجزاته اثنين


لله دركم ياثنين


واصلو وانا ماسك صف ابوجسار

[بعيد المراميس]

ربح السبيعي

مشرفنا الغالي مرحبى ومسهلآ

وشرفتنا بحظورك العذب

والصف يتشرف بحظور مثلك وشرواك الله لايهينك


تحياتي لك

[ملحق المخلين]

عساك ماتفقد غالي ياهداج ..




صح لسااانك


وصح لسااانك يازعم


شعار عمالقه مازلنا نتعلم منهم ..



تحياتي لكما ..

[بعيد المراميس]

الله يتم عمرك على طاعته ياهداج واستلم



الوقت يدرج رحاته يالمغني والزمان استدار=شابت عيون الهواوي قدم راسه من زمانه يشيب
الخلفه اللي تبيها ليه ماحطيت فيها صرار=قدام تقنب بصوتن في فيافي نجد ماله مجيب

[بعيد المراميس]

مرحبآ ياملحق المخلين


ومن طول الغيبات جاب الغنايم


حظورك مكسب يعلم الله

ولو درينا كان بدعنا المحاوره منذ مبطي عشان نشوفك :)


كل الود


اخوك

[هداج تيماء]

جزاك الله خير


الله الله

عندك

.


ما كنت اظن الليالي لا بلت ذودي تشيل الخيار=مار البنادم يجرب في حياته لين يصبح اديب
وشلون تقطع تذاكر وانت خابر يامدير المطار =ما اغلقت كل الوسايل دام فالدعوى حقوق وطليب

[هداج تيماء]

ربح السبيعي

هلااااا والله وغلااااااا

وصح بدنك طال عمرك

متابعتك تسرناااااا

وحضورررك يشرفنا

ومدام انت وابو جسار في كفه << رحنا فيهاااااا



ملحق المخلين

ارحب ارحب تراحيب المطر يا ملحق

حي والله هالحضور وهاالاسم

صح بدنك وقلبك

ولاهنت على هذا التواجد المشرف

[بعيد المراميس]

آسف على التأخير بس مأموريه خارج النطاق العمراني :)


استلم


هداج لا تضرب بكفك على الرقه يطير الغبار=ثم عاد بكره يحطون العسل فالقله ام الربيب
والله لو احط ياهداج تيما جدار دونه جدار=الطيبه طيبه ياهل النظر والعرف والعيب عيب

[سعيد الأسمري]

صحت الالسن
وبيض الله وجيهكم
ولاعدمناكم
7
7
7
7
7
تحياااااااتي

[ابن نميش]

يا سلام


سلم


كذا الكلام ولا لا

حرفنه

ومساله
وعلم
رجال

[هداج تيماء]

معذور وعندك عندك


لازم تشوفون للدعوى من اهل المعرفه مستشار=يوسـّم اغلى المزاين قبل تاخذها يدين الغريب
يا بعيد مـاتامن الدنيا ولا تامن مجنن شهار=ومهما سقيت الشجر ما ينبت الافالمحل الخصيب

[هداج تيماء]

جليس الماسي

هلااااااا وغلااااااا

صح بدنك ووجهك ابيض يالطيب

اسعدنا تواجدك ومتابعتك ولاهنت


ابن نميش

ارحب ارحب اسفرت وانورت

ابك انت وان تغطس

عموماً شرفتنا بتواجدك ولاهنت

[دانـــــه]

صح لسانك يابعيد المراميس وصح لسان هداج
الله يعطيكم العافيه
فعلا محاوره جزله واستمتعت فعلا بقرأتها ..
وفي صف بعيد المراميس ........

[بعيد المراميس]

جليس الماسي: مرحبآ ومسهلآ حظورك يشرفنا طال عمرك ولاهنت

ابن نميش: هلا هلا يالجني ههههههه انت وين تغطس صدز لاكن اهم شي حظورك لاعدمتك

دانه: مرحبآ وصح بدنك يابنت الرجال حظورك ومتابعتك تزيد المحاوره نور دمتي بخير ودام حظورك العذب

===================

هداج صح لسانك وبيض الله وجهك واسمحلي لانه (( عرجبي )) ههههههه

والجايات اكثر ..فعلآ شرفتني باللعب معك..لاعدمتك يالجزل




تحياتي للجميع

[هداج تيماء]

دانه

هلاااا ومسهلاااا

وصح بدنك ولاهنتي على هذا

التواجد المشرف والمتابعة

بعيد المراميس ( زعم )

صح لساااانك اولاً واخيراً .......ووجهك ابيض

يعلم الله شرفتنا بهذا الطاروق

يابو جسااار واستفدت من اللعب معك

لك خالص التقدير على هذا التألق

والابداع وسعة الصدر

ورايتك بيضا لااااهنت

[الرويحـــي]

هداج تيما

اسم على مسمى مشالله عليك

الله لايضرك وصح السانك ملايين



بعيد المراميس
صح السانك
ولاهنت
كبير والكبير الله

محاوره من أجمل المحاورات

وشي طبيعي لأن طرفيها هداج وبعيد



ارجع واقول صحت السنتكم ملايين

[هداج تيماء]

يا هلاااا وغلااااا

بشااااعرنا المبدع الرووويحي

صح بدنننك مليااااااااااااار

ولا عدمناااك يالذيب

نورت الصفحة وشرفتنااااااا

بتواجدك لاهنت واشادتك وساااام

[بدوي رحال]

هداج تيما/ بعيد المراميس
صحت السنتكم
محاوره جزله