ناصر مطلق البقمي
22-02-2007, 04:07 AM
(((بسم الله الرحمن الرحيم)))
أحبتي أسعد الله اوقاتكم باليمن والمسرات...
من جديدي..
بين الحلم والواقع.. خيطٌ رفيع.. هُنا اعتقد اني امسكت به ..
أليكم القصيدهـ ... عسى ان تنال رضاكم واستحسانكم..
فـي مملكـة بلقيـس قابـلـت آرب=مارد من ملـوك الجنـون السلاطيـن
جده من اللي قـد بنـو سـد مـارب=وخاله من القادات في حـرب حطيـن
تقـول فيْدينـه سلـوك الكـهـارب=واْعيونه الثنتين عيـنٍ علـى عيـن
دقنـه ليـا سـره مـن دون شـارب=واظـافـره متعاكـفـاتٍ سكاكـيـن
شفتـه وفـز وقـال حـي المـآرب=اللي تجيبك وانت في بحر عشريـن
ترحيبتـه تُوحـي بـأنّـا اقــارب=وانا ما اعْرفه تونـي شفـت الحيـن
قلت البقى وانـا عظامـي تضـارب=من هول ما شفته بغى عزمـي يليـن
قال استرح حيـاك بيـن المضـارب=مضارب الشيخ المفـدا حمـر عيـن
جلست وحزامي على الظهْـر كـارب=بغيت اسولـف قـال بعديـن بعديـن
وأخْذت لي أسبـوع آكـل وشـارب=من ليلـة الاثنيـن لا يـوم الاثنيـن
أناظـر الساعـه واعـد العـقـارب=وفجأه واشوف الباب عنـده غلاميـن
قالـو علامـك كنـك بهـم كــارب=اْمن الكرب كنـك بصـف المعزيـن
قلت النعاس أأويـه ويعـود هـارب=قد لي سبوع الحين وينه وانـا ويـن
قالو بسيطـه حـل وقـت التقـارب=زعيمنـا طالبـك بالخاطـر الزيـن
وقمنا وركبنا فالنهـر متـن قـارب=وجدّف بنا الجـادف وحنـا مصنيـن
ويوم اْعزمت شمس النهار المغـارب=وقّف بنا المركب على جال قصريـن
ونزلت والما تحـت الاقـدام سـارب=ومشـوا امامـي واتبعـت المقفيـن
وضرب على كتفي من الخلف ضارب=وأشر على سـرداب فاللفـه اْيميـن
قـال الملـك جلالـة الـمـارد آرب=في آخر السرداب منتظرك اْسنيـن..!
وجيته بمجلس به حطـام القـوارب=قال استرح عندي سؤال او سؤاليـن
قال: البشر. قلت: أكثر الناس تـارب=لكّن انـا مااْلومهـم اصلهـم طيـن
قال: الحياه. وقلـت:درس التجـارب=قال: الزمان. وقلت:قلـب الموازيـن
قال: الشجاعه.قلت:وطـيّ العقـارب=قال: الجبن. وقلت:انـدراق الردييـن
قال: الكـرم. قلت:الكـرام الاعـارب=قال: البخْل. قلت:اليهـود الملاعيـن
قال: البحـر. قلت:البـلا فالغـوارب=قال: الصحاري. قلت:جدب الشراييـن
قال: العرب. قلت:البـلا مـا نحـارب=موتـا ولكنـا علـى اشكـال حييـن
قال: العراق. وقلت:هالحيـن خـارب=وقبله ترى لاهـور لحقـت فلسطيـن
والاندلس راحـت بعصـر التضـارب=وحنا نغنـي ليـل يـا ليـل ياعيـن
مطرب ومطروبه ومطـروب طـارب=متطربلين بطربلـه (بيـن قوسيـن)
قال الجرب يعـدي بقـرب الاجـارب=وانتم بلا قطران فـي عالـمٍ شيـن
والمصطفـى يقـول سـدد وقــارب=وانتـه مسـدد والخلـل فالنياشيـن
والعمـر رحلـه والليالـي تجـارب=وبه ناس ماتدري وبه نـاس داريـن
والحين قلي وش تبـي مـن مـآرب=ولديـت يمـه قلـت ودي بشيئـيـن
وسمعت لي صرخه صداهـا بمـارب=وصحيت من حلمي وانا اقوله وين...!
أحبتي أسعد الله اوقاتكم باليمن والمسرات...
من جديدي..
بين الحلم والواقع.. خيطٌ رفيع.. هُنا اعتقد اني امسكت به ..
أليكم القصيدهـ ... عسى ان تنال رضاكم واستحسانكم..
فـي مملكـة بلقيـس قابـلـت آرب=مارد من ملـوك الجنـون السلاطيـن
جده من اللي قـد بنـو سـد مـارب=وخاله من القادات في حـرب حطيـن
تقـول فيْدينـه سلـوك الكـهـارب=واْعيونه الثنتين عيـنٍ علـى عيـن
دقنـه ليـا سـره مـن دون شـارب=واظـافـره متعاكـفـاتٍ سكاكـيـن
شفتـه وفـز وقـال حـي المـآرب=اللي تجيبك وانت في بحر عشريـن
ترحيبتـه تُوحـي بـأنّـا اقــارب=وانا ما اعْرفه تونـي شفـت الحيـن
قلت البقى وانـا عظامـي تضـارب=من هول ما شفته بغى عزمـي يليـن
قال استرح حيـاك بيـن المضـارب=مضارب الشيخ المفـدا حمـر عيـن
جلست وحزامي على الظهْـر كـارب=بغيت اسولـف قـال بعديـن بعديـن
وأخْذت لي أسبـوع آكـل وشـارب=من ليلـة الاثنيـن لا يـوم الاثنيـن
أناظـر الساعـه واعـد العـقـارب=وفجأه واشوف الباب عنـده غلاميـن
قالـو علامـك كنـك بهـم كــارب=اْمن الكرب كنـك بصـف المعزيـن
قلت النعاس أأويـه ويعـود هـارب=قد لي سبوع الحين وينه وانـا ويـن
قالو بسيطـه حـل وقـت التقـارب=زعيمنـا طالبـك بالخاطـر الزيـن
وقمنا وركبنا فالنهـر متـن قـارب=وجدّف بنا الجـادف وحنـا مصنيـن
ويوم اْعزمت شمس النهار المغـارب=وقّف بنا المركب على جال قصريـن
ونزلت والما تحـت الاقـدام سـارب=ومشـوا امامـي واتبعـت المقفيـن
وضرب على كتفي من الخلف ضارب=وأشر على سـرداب فاللفـه اْيميـن
قـال الملـك جلالـة الـمـارد آرب=في آخر السرداب منتظرك اْسنيـن..!
وجيته بمجلس به حطـام القـوارب=قال استرح عندي سؤال او سؤاليـن
قال: البشر. قلت: أكثر الناس تـارب=لكّن انـا مااْلومهـم اصلهـم طيـن
قال: الحياه. وقلـت:درس التجـارب=قال: الزمان. وقلت:قلـب الموازيـن
قال: الشجاعه.قلت:وطـيّ العقـارب=قال: الجبن. وقلت:انـدراق الردييـن
قال: الكـرم. قلت:الكـرام الاعـارب=قال: البخْل. قلت:اليهـود الملاعيـن
قال: البحـر. قلت:البـلا فالغـوارب=قال: الصحاري. قلت:جدب الشراييـن
قال: العرب. قلت:البـلا مـا نحـارب=موتـا ولكنـا علـى اشكـال حييـن
قال: العراق. وقلت:هالحيـن خـارب=وقبله ترى لاهـور لحقـت فلسطيـن
والاندلس راحـت بعصـر التضـارب=وحنا نغنـي ليـل يـا ليـل ياعيـن
مطرب ومطروبه ومطـروب طـارب=متطربلين بطربلـه (بيـن قوسيـن)
قال الجرب يعـدي بقـرب الاجـارب=وانتم بلا قطران فـي عالـمٍ شيـن
والمصطفـى يقـول سـدد وقــارب=وانتـه مسـدد والخلـل فالنياشيـن
والعمـر رحلـه والليالـي تجـارب=وبه ناس ماتدري وبه نـاس داريـن
والحين قلي وش تبـي مـن مـآرب=ولديـت يمـه قلـت ودي بشيئـيـن
وسمعت لي صرخه صداهـا بمـارب=وصحيت من حلمي وانا اقوله وين...!