بعض اعضاء المنتدى يقهرو

[الاهلي الراقي]

والله منتدانا غريب سواء ف الفوز ولا ف الخسارة لاازم تلاقي مواضيع مالها داعي
لو اتعادلنا يسب ف فلان وعلان ومايخلي احد ف حالو
لو فزنا يجي يسب ف المعلق او الحكم او مدير القنوات الرياضية او اي شخص اخر
ياحبايبي ماتعرفو تفرحو لاازم تحرقو اعصابكم وتنكدو نفسكم
والله لمن الفريق يفوز ماهتم باااي شي غير الفوز افرح ليش انكد نفسي
واجي اقول ليه المخرج ماطلع اللوحة دي وليه ماطلع الجمهور دا
دام الملعب كان فل والفريق قدم مستوى رااائع ونتيجة اكتر من رائعة بالطقاق ف البااقي
اهم شي الفريق يفوز ويحصد البطولات لا يجي واحد يقول يضيع تعب الجمهور والكلام الفاضي دا
الجمهور يسوي دا كلو عشان اللاعيبة الي ف الملعب عشان يحمسهم ويعطيهم طاقة
مو عشان الي جالسين ف البيت ينبسطو تبغى تنبسط مع الجمهور روح الملعب واحضر
مو تقعد ورا الشاشة وتقول ليه ماورونا الجمهور

اسف ع الاطالة بس لعل كلامي يجي بفايدة لانو من جد المنتدى ساير غريب كلو سب
مافي شخص الا سبوه

بالتوفيق للاهلي في المباريات القادمة