مرحبا بكم في الزعيم الفقراوي

[االزعيم الهلالي]

السلام عليكم ورحمة الله وبركاته

اليوم بتكلم عن حقائق ومعلومات يجهلها كثير من مشجعي الزعيم ، ولا حلتفت لمن يطالب

بالمصدر ، لان الهدف ماهو سبق صحفي او تحدي ، الهدف توضيح الامور على حقيقتها بخصوص قامات وهامات هلاليه ، من المعيب التطاول عليها او الانتقاص من حقها .

اولا / بندر بن محمد : لن اتحدث عن انجازاته وماذا فعل ، لكن بختزلها لكم في موقف يبين لكم

معدن هذا الرجل .طبعا الكل يذكر ماذا حدث لعبدالرحمن بن مساعد بعد خروج الهلال من الاسيويه

اخر مره وكيف كانت هناك حمله شرسه عليه ، والكثير طالب باستقالته ، اللي حدث والكلام هنا

على لسان بندر بن محمد ، يقول جميع الترتيبات بعد خروج الهلال ومشاورات اعضاء الشرف

اتفقت على ان اتولى رئاسة الهلال ، ولكن تفاجاءت باتصال من اخوي عبدالرحمن بن مساعد

يقول فيه ان ياولد عمي طالبك هالموسم اني ابقى عشان اقدر احقق مع الهلال شي يحسن

صورتي امام الجماهير ، طبعا(والكلام على لسان بندر بن محمد) انا قلت له ماعندي مانع وانا

اول المساندين لك .

اما بخصوص موضوع اعتراض بندر بن محمد على تولي سامي تدريب الهلال فالكلام ايضا على

لسان بندر بن محمد يقول ( صحيح اعترضت على توقيت استلام سامي للفريق من باب خوفي

على سامي فلاقدر الله فشل او ماتوفق كيف نحرق صورة هالنجم امام الجماهير الهلاليه ونعرض

تاريخه للخطر) .

ثانيا / محمد بن فيصل اذكر لكم موقف له هو ووالده ، قد يخفى على البعض انه دفع في احد

المواسم 150 مليون للهلال ، والكلام هنا على لسان وكيل والده ، حيث ان والده الامير فيصل

قام بشراء مجموعه من الاراضي لاستثمارها على المدى الطويل لحسابه ، ولكن عند تولي ابنه

لرئاسة الهلال كان كل فترة يقوم ببيع مجموعه من الاراضي لتوفير الدعم المادي واحتياجات النادي

ويذكر الوكيل انه حاول يناقش الامير فيصل انو حرام هالاراضي تباع في هذا الوقت ومن باب

اولى عدم بيعها وصرفها على جلد منفوخ على حد قوله ، حيث انها ستحقق مكاسب خياليه اذا

بيعت فقط بعد سنه او سنتين ، لكن جاء الجواب من الامير فيصل نفذ هذا الهلال وابني هو

الرئيس .

ثالثا/ عبدالرحمن بن مساعد : يضحي بسمعته ويصر على البقاء هذا الموسم ، لاجل اسعاد

الجماهير الهلاليه ، وتعويضها عن بعض الاخفاقات وهو محقق فكل سنه بطوله او اكثر ، من

اجل الهلال اولا ثم من اجل سمعته ثانيا والمستفيد بالنهايه هو الكيان الهلالي .

رابعا / سامي عبدالله الجابر : اخجل وان ما خجلت خجل قلمي بالكتابه عن تضحيات هذا السامي

لانها ما حتوفيه حقه ، اذكر في موسم استلام محمد بن فيصل ، تقابلت معاه كمشجع هلالي

باحد المقاهي وكنت مقهور من النتائج اللي حصلت في اخر عهد عبدالله بن مساعد ، كان النقاش

بين مجموعة هلاليين وماتوقعنا ان صوتنا عالي وسمعنا سامي ، اذكر كنت اقول وانا متنرفز

سامي وسامي وفيه وفيه وبالاخير قلت مع اني احب سامي بس يقهر ، لحظتها التفت علي بكل

تواضع وقال وانا بعد احبكم ، اعتذرت منه وقلت ياسامي انت قهرتن ، قاطعني وقال انا كرهت

الكوره خلاص لكن اذا ببقى ببقى عشان الهلال محتاجني ولا يمكن اتخلى عنه وهو بهذا الوضع

ابدا، قلت له سامي شف حسام حسن ماكره الكوره وكبير بالسن ومبدع، قال لا تقارني

بغيري ، بكل ادب استاذن وقال عندي موعد مهم ، وعموما في شي بصير هالموسم ان شاء الله، قلنا

له عسى ماهو اعتزالك قال ماحقول حتشوفون ، اصرينا عليه الشي وشوه ، قال شي حلو ان شاء

الله ، وبعدها حقق الهلال كل بطولات الموسم ، رغم اختلافه مع محمد بن فيصل وقتها ، لكن

لان الكبار يظلون كبار ، كان همهم الاول والاخير الهلال فقط ، وقدمو مصلحته على اي شي اخر .

لذلك وخاتمة القول ، اذا كان اي احد منهم خرج واختلف مع الثاني ، فالاخوان فالبيت الواحد

يحصل بينهم اكبر من كذا ، ولكني متاكد مثل ما سمى وارتفع الهلاليون وقت اختلاف محمد بن

وسامي ، واتفقوا على تقديم مصلحة الهلال والهلال اولا ، باذن الله هذا اللي بيحدث هذا الموسم ،

لكن الخوف كل الخوف من جهلة جمهور الزعيم ،او اللذين يصطاطون بالماء العكر ، فلا نجعل

ماحل بفقرهم ، وسنوات التشتت والضياع تحل بزعيم اسيا.

اخيرا ، اقول للجميع ان اي معلومه ذكرتها هنا اتحدى ينفيها بندر بن محمد او محمد بن فيصل او

سامي واحتى الامير عبدالرحمن نفسه ، ولو احد قدر يثبت عكس كلامي او احد منهم كذبه ،

لامانع من حذف عضويتي ، وفالكم البطولا ان شاء الله