المساعد الشخصي الرقمي

مشاهدة النسخة كاملة : عجائب النساء



شبل الاسلام
15-02-2007, 03:51 PM
من المعروف أن المرأة تقدر تتحمل آلام ما يتحملها أقوى الرجال وهذا الشي مو جديد علينا ومعروووووووووووووف لدى الجميع

بس الجديد هو اللي بقولكم

ذاك اليوم كان في عباره تقول:
(( المرأة تتحمل الآلام من اجل جمالها))

وقفو عند هالعباره كثيييييييير


==================

يعني الكعب اللي يلبسونه الحريم وكما يسمونه (( الشوكه )) من اسمه يرووووع
هذا الكعب الله يسلمكم أتحدى رجال يمشي فيه متر واحد
والله اني استغرب بعض الأحيان
الوحده تلبسه وتروح مناسبه ولين رجعت وفصخته تنرحم تقول
كنهاأسير توهم فاكينه تقعد تتشكى وآآآآآآآي يا ظهري ومقدر أحركه وحااااااله (( طيب وش اللي حادك يوم تلبسينه ))؟؟
أنا أقولكم ليش عشان تطلع طويله ورزه
باختصااااااااار عشان تطلع أحلى...!!!؟؟

=================

صارت مناسبه والبنت "ومازلت اقول البعض" تبي تروحها لبست وكشخت وما لقت جزمه (( الله يكرمكم )) تناسب الفستان
وش تسوي لاااااااااااااااااااازم تلبس شي يناسب
تروح تحوس عند خواتها او وحده تمون عليها تلقى وحده مناسبه تقوسها تطلع ضيقه
وعناااااااااااااد

إلا بتدخلها (( تذكرني بأخوات سندريلا ))
وأخيرا قدرت تحشرها برجلها

وراحت المناسبه

والمسكينه رجعت ورجلينها وارمه ومحمره
والله تنرحم كل هذا عشان الكشخه
عشان تطلع اجمل وأحلى..!؟؟

================

بعض البنات تلتهب إذنهم من الحلق
واذا طلعو مكان لازم يلبسون حلق ولازم نفس لون اللبس
ومايمدي المسكينه ترجع إلا على طول تفصخه هذا إن ما شالته بالسياره ثم تغسل مكانه بمويه بارده وتحط كريم وحاله

كل هذا عشان تطلع أحلى..!؟؟

================

وفيه حلق نازله قبل فتره تكون طووووويله أو حلقه كبيره
وفي حلقات كبار ما تتحملها الإذن البشريه
يعني يالله إذنين فيل عشان تناسب حجمه
استغرب من اللي يلبسونها خطر تقطع إذنهم
يتحملونها عشان الموضة

عشان يطلعون أحلى..!؟؟ ==================

العدسات الملونة ما تناسب عيون الجميع
بعضهم يلبسونها وعيونهم محمممممممممممره وتدمع وتوجعها
بس الضعيفه مقاومه ومتحمله

عشان تطلع أحلى...!!؟؟

==================

ولا التسريحات بالعروس حدث ولا حرج

يمكن البعض ماقد شاف درازن التوك والبنسات المدعسه في هالتسريحات
يعني لو وحده تجيها خبطه على راسها يمكن ينخرم من البلاوي اللي تحت التسريحه
وبعض التسريحات ثقيله ومليانه اكسسوارت وبعضها يوجع الراس ويكون مشدوووووود

طيب لييييييييييش مستحملين العذاب

عشان نطلع أحلى...؟؟؟

==================

والبعض ما يتحمل الشدو أو الظل والكحل لأن عينه حساسه
ويحطونه وعيونهم توجعهم
وترجع البنت وأنواع القطرات وغسول العين من البلاوي اللي حطتها
طيب ليش تحطها وعينها ما تتحمل...!!؟؟
كني في البنات يقولون الحين...؟
يا خزياااااااه تبونها تروح بدون ما تكمل الميك أب جعل عيونها تنحول أهم شي الكشخه

عشان تطلع أحلى..!!؟؟

==================

بعض الحريم تبي تلبس فستان ضيييييييييييق ومنطقة البطن ماتساعد ابد
تروح تلبس مشد
الاسترش بختلاف انواعه
ولا يخفى على الجميع ما يسببه ذالك المشد من آلام..
يعني ذولا اللي يلبسونه ينرحمون حتى ما يعرفون ياخذون نفس منه
ويمكن ما يتعشون حدهم الشاهي
مافي أمل الفستان بينشق

كل هذا عشان تطلع أحلى....؟؟!!

==================

والبعض نفس الشي تنانيرهم ضيقه مررررررررررررررره
السحاب شوي بينقطع
تلقاهم اذا جو يتعشون فكو السحاب عشان تدخل اللقمه
ياحراااااااااااام ليييييييييييش...!!؟؟

عشان تطلع أكشخ وأحلى..!!؟

==================

ولا الميك أب وما أدراك ما التلطخ والتلحوس!!؟
طبقات على خشة الوحده
والله ينرحمون حتى ريحته تكتم كريم واساس وطبقات وبودره ومدري وش وووووو

كل هذا عشان تطلع فتنه عشان تطلع أحلى..!!؟؟

==================

ولا الوحده اذا طولت أظافيرها تحسبونها مرتاحه فيها
تكذب عليكم لو تقول إنها مرتاحه
وأنا اعني بتطويل الاظافر اللي موب صاحي يعني انسب شي سنتي متر واحد هذا اكثر شي وعقبه تقررررررف
وتتحمل البنت عشان المناكير
والموضة والحركااااااات

عشان يعني اني مااشتغل ولا اسوي شي
وتطلع أحلى...!!؟؟

==================

==================
منقوووووووووووووووووووووو ووووووووووووووووووووووووو ووووووووووووووووووووووووو وووووول

النجلاء
15-02-2007, 04:05 PM
شبل الاسلام ,,,


حيّاك الله وتسلم على نقلك الجميل الساخر ههههههههه

وانت فتحت على نفسك باب الله يعينك عليه لأن الشباب هاليومين ماهم بعيدين عن الوضع هذا ويمكن اكثر بعد يعني لو اسعفني الوقت جيت وعددت لك مثالب الشباب المشابهه لما ذكر اعلاه ,,,

وان لم يسعفني ففي اخواتي الفتيات هنا من ستقوم بالمهمه خير قيام <<<<< تحريض مبطّن ههههههههه


يعطيك العافيه

بـنـت الـشـيـوخ
15-02-2007, 05:37 PM
فعلاً عجايب

بس مو كل النساء بهالشكل , اتوقع هذي حالات خاصه





,
,

يعطيكـ العافية

واشكركـ

بسمة العشاق
15-02-2007, 06:38 PM
شبل الاسلام يسلمووو على النقل

لكن زي ماقالت بنت الشيوخ مو كل النساء كذا




تحياتي

فوووووشي
16-02-2007, 12:38 AM
(( المرأة تتحمل الآلام من اجل جمالها))

يشيخ الشنه تهتم بجمالها والجميله تهتم بجمالها

المرأه من اول ما الله خلقها وهي تبحث عن مواطن الجمال بجسمها وتحسن منها

((انتبه على كلمة مواطن ))

هههههههههههههههههههه

ولا بعد ازيدك من الشعر بيت قامت النساء تخركم بأذنها الف خرم وتشكها بالحلق

كل ذا عشان تصير جميله

يا ربي وش كثر نعاني حنا يالحريم..مدري وش يعجبكم يا رجال ان تزيننا قلتوا عجيب

وان اهملنا قلتوا عجيب وش نسوي

ههههههههههه

ومشكوور اخووي شبل على الموضوع الناااااااايس

بس ياليت يشيخ تكتب لنا بيدك والله راح تمتعنا اكثر واكثر

ويا هلا بك معنا يالغربله ومنووورنا..

وخطوه عزيزه على قلوبنا


اختك فش فاشه

طايشه بس عايشه
16-02-2007, 02:22 AM
يحـــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــول

مايعجبهم العجب ولا الصيام في رجب

بعدين وش دخلكم فينا تراه بعورنا حنا مو انتم ياتماسيح يامهبل

اكرهكم ..اكرهكم..بس مو كلكم بس اكره الي زي كذا الاغبياء

يالله ياجميلات ياصبورات عليهم خل نوريهم الشغل ونجوم الليل بعز الظهر ولاتخيبون ضني فيكم هاه ياحلوات :11bomb: :11bomb: :11bomb:

الي تتحمل عشان تطلع احلى طايشه بس عايشه الصبوره

لمياء الديوان
16-02-2007, 03:28 AM
العجيب في الامر


ليس النساء وما يعملن بل العجب

أن الرجال متضايقيين مدري ليش ؟؟؟؟؟؟؟؟؟؟؟؟؟؟؟؟

أحس أنكم تغارون من البنات

وبعدين الشباب هذي الايام مو مقصرين

يتشبهون فينا حد الثمالة

أخوي كل كلامك صح بس ايش نسوي

قدر احمق الخطا !!!!!!!!!!!

لمياء الديوان

ابو تبله
17-02-2007, 02:33 AM
مشكووووووووووووور

chocolate
25-02-2007, 03:04 PM
الموضوع يهبل بس ليه الحقد علينا لاتنسون(ان المرأه نصف المجتمع)