الاشعث يوم يلعن خير الدب...وخالد تاجا

[قيـس]

كان فيه واحد مبطي مبطي مره

قديم الكلام هذا يارجال وحنا ورعان عند البهم..نعلب اللحوه ونتطارح

ونترامح..المرامح ماهوب دايم احيانا نترامح..المهم لا هاك الدب اللي

كبر العار ماهوب ورع دب دب .لا لا لا لاحيوان والضاهر انه الدب القطبي

اللي يقولونه..المهم جاني يمشي يمشي يمشي ويقول تعال يقصدني انا

تعال يالاشعث..هو مايقول تعال يهرج يعني ..لا بس كنت احس في عيونه

الشر ....المهم عاد انا قلت له من خالك يادب ..سكت ماقال شي..

قلت ويحك يادبيب..من خالك يادب..<<= بغيت اقول ياجبير...المهم

لاوالله ان الحمار..الجحيش اللي كنت امهده مع البراري للمسافات

الطويله ماكنت اروح عليه الا المشاوير الطوال..المهم قال الجحش

يالاشعث والله ان قتلته ليقتل ابوه.. يقصد ابو الدب..فحل ماينشد عن

خاله..العار كان يقصدني لان الديره اللي كنا فيها ..كنا محيلين ندور

الربيع..مافيه فحل الا انا..وابوي واخوي..والباقين.طوط طوط

طوط..المهم قلت للعار اقطع واخس يالخنيطوط طوط طوط..عاد وان اسل

العجرا من تحت المرتبه..وانا ارصع الدب على عمر الزقم وانا الخه

واناالخه وانا الخه ..اربع مدري خمس والحمار يقول انها ست لخات ..

عاد انا محب الكذب ...والله مدري كم لخيته لخه لاكن الوكاد ان الدب

طاح على ضهره وحط رجله على الحبل حق الحلبه ..

يحسبن فيه حكم يبا يقول كبه يالاشعث..

المهم وانا اركب على ضهر الحمار وانا انقز ..عاد في بالي وانا طاير

فالجو اتذكر امرؤ القيس يوم يقول ..كجلمود حصاتن حطها السيل من

علي..

وعلى نزلتي على الدب والعجرا في يدي ومتحميله ابرصع امه الرصعه

القاضيه..الا واسمع..طربق طربق طربق طربق..اثره ابن عباد على

النعامه ماسكن حجانه ورابطها ببخنق..يعني اني مصلط ابن ربيعان..

المهم ويقول ..كسرت ضهري يالاشعث كسرت ضهري..لاقتلن منكم عدد النجوم والحصى

اهااااا اهااااا..يرغي ابن عباد..قلت اقطع واخس ياخالد تاجا نعبو

ذا الوجه وجهه يالرخل يالمعرطوط طوط طوط طوط ..تحسبني معرفك

يالسوري النصاب.......


ترقبو الجزء الثاني..يوم امصع قذلة ابن عباد واكسر ضهره واخليه زي الكلب ..هالحيوان ابن عباد..حقير وقح منيوطوط طوط طوط طوط طوط



اللي فاته الجزء الاول ..يرعص هنا ويسمع الحكايه بصوتي..هجيني..مدري مسحوب (http://www.sfsaleh.com/vb/showthread.php?)


الجزء الثامن عشر..من قصتي المذيله بعنوان..الاشعث يوم يلعن خير الدب...وخالد تاجا..





وين وصلنا ايه عند يالسوري الن طوط طوط طوط طوط طوط طوط طوط طوط طوط

كل هاذي شتائم متبادله بيني انا وبن عباد بس انا اشتم بقوتي كلها

وهو لا نص ونص..المهم راح لقبيلته ..الحقيقه انا كنت شارب نبيذ هاك

النهار ومدري ويش اقول ..رايحن قرد..اثر ابن عباد نادا عيال عمه

وبني جلدته جلده جلده ماخلا ولا جلده ماجابهم.وهجدنا الله يهجده

وحنا ممرحين واسمع صديقي مطلق ابن جعيفر يقول..تكفا يالاشعث

يابطل ياداهيه يالشجيع ياكاسر خشم الدب ..اول من فالها فالتاريخ

تراه صديقي مطلق ابن جعيفر..عاد انا زي ماقلت لكم كنت معطيها

فالنبيذ للنعال..وهاك الليله مخومره معي ومال نفس في شي قلت يارجال

ابن جعيفر ماهو برخمه يبا يلعن خير ابن عباد

وابن عباد مايشوف فالليل .. وهاجدنا ورى ما اصبح ..دلخ

المهم واسمع طربقت الخيل ..والعالم اع اع اع واللي يقول خذهذ واللي

يقول قتلتني واسمعهم يقولون اربطو الاسرى ومدري ويش ..كربعه وصفق

سيوف الليل كله..وانا اقول خير الله اما اقعله خير..احسبنه حلم

المهم اصبح الصبح وقمت اتمغط عند الدريشه الا واشوف الريجيل نطلي

والدمامين نطلي والعمايم نطلي والعقل نطلي

المهم نطلي في نطلي في نطلي..والله وانطلي نطه وانط لي نطه..نطتين

قلت قربو الددسن مني قربو عجراي ((الدبسا))مني يابن جعيفر يال\طوط

طوط طوط طوط طوط طوط طوط..اركب فالصندوق الهمام نبا نصبح ابن عباد

ونلعن الطيب في قبيلته هالعود المخثرق ال..طوط وااااااااااجد

قال ابن جعيفر ابركب معك فالغماره قلت تخسا وتعقب يالرخل..احمد ربك

اني خليتك تركب فالصندوق والا المفروض تعدي على رجلك ورى الددسن لين

ناصل ديرة ابن عباد..المهم دقيت سلف لاوالله ان البطاريه

فاضيه..((الددسن هاذي كنت حاط فوقها بطانيه ولا اروح علاها الا مثل المره.))

قلت يابن عرير ماعندكم اشتراك اعد جبه..قال ابشر ويحط رجله ويجيب

الاشتراك..قلت طيب وين السياره اللي نشرك منهاياطوط طوط طوط طوط

المهم دقيت سلف مره ثانيه واشتغلت الددسن ..والله وامحط ابن جعيفر

بالاشتراك على الوجه ..

قلت الصندوق ياطوط طوط طوط وانقز يابن جعيفرفالصندوق ..

ومشينا يم ديرة ابن عباد..المهم الليل امسانا وقمت

اتصيد جرابيع ..وابن جعيفر ماشالله علاه لاشاف الجربوع نقز من الصندوق

مقرطن في ثوبه.. ولحضه لين الجربوع في فمه ..

المهم ...<<==كم مره قلت المهم..اقبلنا علا ديره ابن عباد وقامت

البطاريه حقت الددسن تضعف ..والنور غبس((يعني ضعف))واثر ابن جعيفر

شاف جربوع ونقز من الصندوق وانا ماشفته ..النور كان مغبس..والله

واتوطاه بالددسن وانا مادريت مخلن سيرها عدل ...

ودخلت ديرة ابن عباد..

نسيت اعلمكم اني كنت محلق راسي على الصفر<<==كنت حاج

هاك الايام الحج في اي وقت ماهو مثل الايام هذي اله وقت محدد

متا ماطنت في راسك حج

المهم واشوف ابن عباد وولد عمه ابونويره يسولفون يقولون كلام ماهو

زين في خويي ابن جعيفر ..قلت ابن جعيفر انزل العن جد ابونويره

وازهل الباقين عندي..مانزل ابن جعيفر.. ابوجعيفر انزل ياولد ..

ماتكلم ..والله كلت ياطوط وطوط طوط..وانزل اتلفت مافيه فالصندوق احد

واجي قدام الددسن واشوف عمامت ابن جعيفر ناشبه فالصدام حق الددسن

قلت ياااااابن عبااااااد الشماااغ ذي لك..قال ايه لي ..

طماع الله يقلعه ونفسه ضعيفه..قلت تعال خذها ياشيخ وراي اشغااال




.

[العجراء]

يهووووووووووه دب مره وحده وبعد تلخه اجل يدك مرزبه خطير والله اجل الاسد وش تسوي معه

[قيـس]

اييه على بالكم ماني داااهيه

[طايشه بس عايشه]

ياحليلك متاثرن بالمسلسلات التاريخيه بالحيل :icon_conf

لا..لا..صراحه مالهم حق ماخذوك تمثل معهم في الزير سالم

ايه والله منتب هين:vampire:

تحياتي طايشه بس عايشه:wink:

[قيـس]

ياحليلك متاثرن بالمسلسلات التاريخيه بالحيل :icon_conf

لا..لا..صراحه مالهم حق ماخذوك تمثل معهم في الزير سالم

ايه والله منتب هين:vampire:

تحياتي طايشه بس عايشه:wink:


عايسه يس طايسه والله انتس حلاله

[قيـس]

يالربع ماقريتو الجزء الاخير

[النجلاء]

الاشعث ههههههههههههههههههههههههه ههه

حيّاك الله ومنور الغربله

ياخي انت شابك الموضوعين سوا وحاط رابط مدري منين جايبه ههههههههههههههههههههههههه ههههههههههههههههههههههههه ه

المهم خلني اقراها زين وارجع لك ,,,,


يعطيك العافيه

[قيـس]

هذي ..عشان تعطي الموضوع رونق..لاتقولين رونق وشهو..مدررررري

[ْْبنــggتـه كـــggلْْْ]

:هاها: :biggrin: :biggrin: الاشعث >>>> وربي انك فلـــــــه الله يرجك ياااادب :هاها: :biggrin: :هاها: :biggrin: :هاها:




قلت ويحك يادبيب..من خالك يادب
>>>>>>عجبتني يادبيب :هاها: :هاها:



المهم قلت للعار اقطع واخس يالخنيطوط طوط طوط.
..هالحيوان ابن عباد..حقير وقح منيوطوط طوط طوط
.

>>>>>الاشعث ترى عندي جهاز يفك التشفير :wink: يعني انتبه يالطووط طووط اوكي:biggrin: >>>>> :wink: :biggrin:

..عاد انا زي ماقلت لكم كنت معطيها فالنبيذ للنعال.وهاك الليله مخومره معي

>>>>>>مخومره :biggrin: الله يخومرك قل امين

نسيت اعلمكم اني كنت محلق راسي على الصفر<<==كنت حاج :هاها:
>>>>>>>:biggrin:
قاااعده اتخيل شكلك هههههههاااي>>>>>>>>>>:017:
>>>> تحااول تكتم الضحكه عشاان لاتجرح مشااعر التمسووح عشان لا يتوطى فبطنها وترووح فيها :biggrin:


الاشعـــــــث وربي انك بــــطل :017: :11umbup:
تحياتي::
:009: