راجع الاحوال ,,,,,,,,,,,, اسامه

[هداج تيماء]

السلام عليكم ورحمة الله وبركاته

صاحبي القديم اسااااامه

استلم لاهنت :




اسامه بعد غيبة شهر اظنه راجع الاحوال=حدث تغيير عنده وانتحى عن صاحبه مره
تغيّر فالحروف وخالـطه تبديل فالاحـوال=جحد هاك السنين وضيع الحلوه مع المره
































,


,

[سعد البراق]

الله الله

هلا والله بهداج تيماء ويشرفني العب معك والفائده لنا



واستلم لا هنت




نغيب ولن حضرنا نبدع القيفان والامثال = على وضحى النقى ياصاحبي ما جيت بالغره
ترى راع الجمال يغير المنزال بالمنزال = ليا شاف الغنم قامت تحوس الارض بالجره








اعذرني عن الشقر لانه ما يعجبني فهو في نظري تكلف بالشعر لا فائده منه

[هداج تيماء]

الله يبيقيك ويعافيك ياسعد والشرف والفائدة لي بالتأكيد وانا اخوك .


/


/


/


احترم وجهة نظرك في الشقر واستلم لاهنت :



^


^


^

خلف هذال مهما غاب يبقى اسمه خلف هذال= ولـو انه يطـوف الكـون كله بحـره وبره
وسيعين البنايد يبعدون الشوف يالوبال =يشوفون الجبال الراسيه ما شافوا الذره



















.

.

[القنــّـــاص]

صح لساانك يا هداج تيماء وصح لسانك يا سعد العتيبي ...متابع لكم

[سعد البراق]

الله الله


خلوووووووها




اباعلمك والدعوى بسيطه جالها حلال = تعب راع القزاز يحذف راع الجدر ما ضره
يبا يبطا العراق بوضعه الماسوف يارجال = بعد جت كندليزا يم بوش وشوشت فكره

[سعد البراق]

القناص


صح بدنك ومتابعتك تشرفنا

[ربح السبيعي]

ياسلاااااااااااام


على العب والمحاوره إللي على اصولها


صحت السنتكم يا اساتذه


واصلو وانا متابع للفايده

[هداج تيماء]

هاااااااااااااك


^



^


^



مدام المسأله عندك بسيطه يا عريب الخال=اجـل عجل بتفسير الحدث وافتك من شره
يسود الامن في شبه الجزيره وانشد العقّال = حماها الله ثم سيف العداااله واصبحت دره


























.


.

[هداج تيماء]

القناااص

هلا هلا شرفناااا تواااجدك ومتابعتك

صح بدنك ولاهنت يالقرم



استاذنا الفاضل / ربح السبيعي

حياالله هالطله ولاااااااا عدمنااااااك

تواجدك دااااااائماً يشرفناااااااا

ومتابعتك بلا شك مصدر اعتزاز

صح بدنك وعسااااك ساااالم وغاااانم يا ربح

[لطّام]

تبون العلم يازين لعبك انت وياه علي الملازيم اني عند ربي صادق :)





مير صف ابو اسامه وين ؟



< عصب شماغه ولاعنه وعن صف ابو اسامه مجناب




هداج احسن لك تراجع وفكر فالموضوع << كنه يستخدم حرب نفسيه :)





متابعين ياعمالقه

سلامي واحترامي ,

[حاكم الشور]

هداج تيماء

و

ابو أسامه


صحت السنتكم

وبيض الله وجيهكم

والله لايهينكم

[عوادالعلي]

هداج
*
*
*
واسامه


>>>>>>>>>> لله دركم <<<<<<<<<<<<<


وصحت السنتكم يااساتذه

[سعد البراق]

ربح السبيعي


صح بدنك يالغالي ومتابعتك شرف لنا


----------------------

لطام


تسلم والله وشهادتك نعتز بها ويشرفنا متابعتك

------------------

حاكم الشور


صح بدنك ولا هنت يالقرم

---------------


عواد العلي


صح بدنك واشكر لك التوااااجد

[سعد البراق]

الله الله


هااااااااااااااااااخذ




ما دام ان الاذاعه صافيه بالبث والارسال = عطيتك موجزً وقت الحدث يغني عن النشره
تفتح عين وتجيب الاجابه والحمول ثقال = وتغِمض عين من زود الكاعه فيك والحره

[هداج تيماء]

هااااادوووووك لاهنت /



/



/






حشا ما جبت علمك يا مراسلنا من الصومال=بلشت بذكرهااااك العلم ما ادري وودك تصره
لكن احسب حسابك واعرف المخراج والمدخال=ترى مـا كل مـره يالعـتيبي تسـلم الجـره

















لطام

ارحب ارحب تراحيب المطرررر

شرفنااا تواااجدك وتسعدنااا متابعتك

ونفخر بشهادتك يالقرم

ولا تقف في صف الا وانت

وووواثق من انتصاااره << يالله الخررراج


حاكم الشوووور

هلاااا وغلااااا

وصح بدنك يا حاكم

ويشرفناااااااا حضوررك

ومتابعتك

وووجهك ابيض ولا هنت


عووواد العلي

مرحبااا مرحباااا

وصح بدنك ولاهنت على المتاابعة

و هذا الحضورر المشرررف

[سعد البراق]

الله الله

هاااااااااادوك الله يكفيني شرك هههه




نخفيها ونوفيها ليا جاء الكيل بالمكيال = ونعرضها علاكم وانت عضو بمجلس الاسره
على عد الروى نارد ونشرب والحبال طوال = وغاري لو ورد للعد ما يشرب ولا قطره

[هداج تيماء]

هااااااااك لاهنت /




^



^


^



اجـل خـل القضيه تنحفظ في ذمة الجوال= عجز ينقل تفاصيل الخبر ما ادري خرب زره
وانا خاابرك يا زومااان ودك مار فيك عقااال=تبا تهجم على العربااان لكن قيدك نزرره



































,

[سعد البراق]

الله الله


استلم لا هنت



اثرك تدور التفصيل بالاخبار كيف الحال = رسيفركم لقط شفره وضيع تالي الشفره
انا ودي اقص الشجره الي ما تجيب ضلال = عساها للزوال الشجره الي ما بها ثمره

[هداج تيماء]

يا سلاااااام

اسممممع لاهنت



^



^


^



رسيفرنا بعيداً في مدااه ويقطع الاميال=لكـن بث الحديده مختلـط دخنه على بره
ترى بعض البضايع بايره يبلش بها الدلال=و لـو ان الاوادم في طريقة سيرهاا حره
































.

[سعد البراق]

الله الله


استلم طاااااااااال عمرك على طاااااعته






خيال الشعر عندي وافيً بالوصف لا تحتال = اجيب الوصف وافي لا لمحت الشئ من نظره
نجيب الغاليه والغاليه يبذل لها الاموال = يا راع المتجر الي دوب حاله ما معه قدره

[لطّام]

مامعه قدره :)




< يشجّع بعنف




اذهن الرجال :)




واصلو والمتابعه للفائده ياعمالقه

[سعد البراق]

لطاااااااااااااااااااااام


سلمت هذا والله التشجيع الي يزيدني قووووووووووووة قدام هالهررررررررش الاكله

[بعيد المراميس]

هداج تيما و سعد العتيبي ابو اسامه

ماقول غير الله لايضركم يالاثنين :)

محاوره من اجمل ماقرأت

متابع وعيوني تزالم :)

[هداج تيماء]

اسمممممع لاهنتتت يابو اسااامه //




^


^

^


بعد سجلت في مرماك يابو زيد عشر اقوال =ماعاد يفيدك الانكار لو ثويبك تقره
على شمس الحقيقه مستحيل يغطي الطربال = اشعتها الشديده من اثرها العين محمره















.



لطام

هذي والله المساااانده ماهيب لعب انا واااان

القالي واااحداً مثلك مرتكي << ماشاء الله عليك

نورت الصفحة وشرفتنااااااااااااا بتواجدك يا لطام لا عدمنااااااااااك




:

استاااذنا العزيز /بعيد المراميس

مرحباااااااااا مليااااااااااار واسفرررت وانوورت

شرفنااااا تووووواجدك يا زعم

واشاااادتك مصدر فخر لنا يالذييييييب

ومتابعتك تسرناااااااا لا هنت

[سعد البراق]

هبك كيف عشره هههههه

طيب طيب



استلم لا هنت






يا طيب الشاعر الناقض يا طيب الشاعر الفتال = وفالميدان يعرف من يعرف الفر والكره
ابعدها واناظرها واطيب فالها بالفال = لكن انته تقربها وتتركها بلا ستره

[سعد البراق]

بعيد المراميس

نتشرف بمتابعتك

اشكر لك التواااااجد





------------------------------------


هداج تيماء

صديقي اللدود وعدوي الحميم


صح لسانك يالجزل

المحاورة معك ما تمل ولو ابتل احاورك ما مليت

لكني مرتبط في مشاغل وامور عسى الله يعين عليها

وانا والله من تالي ما من واهس على الشعر وبالاخص المحاورة

لكن المحاورة معك لها طابع خاص ومستحيل اني افوتها

ونبي نغيب ونرجع بعد فتره نقاشرك وتقاشرنا والقلوب نظاف

تسلم يالغالي ونشهد الله على حبك


لك مني اجمل تحيه واجل تقدير وسامحنا ان بدى منا قصور

[هداج تيماء]

سعد العتيبي ابو اسامه احبك الله

واطال عمرك على طاعته

وما عزيت الا من يعزك ويقدرك يالذيب

والله يعينك على ارتباطاتك ومشاغلك

وانا الذي استمتع واستفيد من اللعب مع شاعر بجزالتك

وبمعانيك الساميه التي لاتنزل الى الطمان مهما كاان

وصح لساااانك مراراً وتكراراً على هذا المستوى الراقي

وتأكد ان غيااابك لا يسرناااا بأي شكل من الاشكال

ولا نسمح لك ابداً الا حسب مشاغلك وتعود الينا فانت

يعلم الله من الذين اسعد لقرااءة ما يكتبون واستمتع بذلك

وماجا منك قصووور ,,,, القصووور بعيد عنك

وافي وعلمك غانم

تقبل اصدق التحايا واطيب الامنيات يا سعد ابو اساامه

من اخوووك /

هداج تيماااء