تسجيل الدخول

مشاهدة النسخة كاملة : رحلة برية ( 6 ) .. [ ليلة لا تُنسى ]


جواهر عبدالله
14-02-2007, 01:57 AM
يمر على كل إنسان لحظات يكون لها وقع خاص بحياته .. إما لحلاوتها .. وإلا لمرارتها .. ويكون لها ذكرى خاصة ..

" ليلة في البر لا تُنسى " .. أعضاء غرابيل مر كل واحد فيهم بليلة برية لا تُنسى بالنسبة له .. فيها المغامرات .. وفيها الذكرى المؤلمة .. وتطعيس .. وشغالة سنافية و ... ما راح أطول عليكم ..

ليلة في البر لا تُنسى

[ أهداب ] : خروجي للبر لأمرين..
1- الرماية ..
2- قيادة السيارة ..
الرماية كنت لا أجيدها بل وضعت في موقف تحدي ..وكان والدي يقول لي ضعي كذا وأعملي كذا ووضع كتفه لأسند البندق عليها وبفضل الله تم إصابة الهدف بجدارة.ولا كنت من جنبها ...ومن بعدها عشقت الرمي ..وعشقت التحدي ..
2- القيادة ..
كنا في مكان شبه خالي ماعدى مجموعات من الخيام سكنى لمن يقوموا برعاية الماشية من الأغنام والأبل ..
وأثناء تعليمي ..لم ألحظ سوى سيارة قاربت أن تتخطاني ولا أعلم من أين خرجت لنا ..فأضطررت لرخي رأسي ..وعلى من كان أمامي الركض بأسرع ما يمكنه ..حتى لا أقوم بدهسه...
سواءاً الرعاة أو أغنامهم ...

http://www.w6w.net/album/35/w6w_200505201629065997abc5f0fb.gif

[ جوري بريدة ] : امطار غزيرة اجبرتنا على الرحيل على عجل لأن المكان (شعيب)
ركب الجميع بأقرب سيارة إليه .. و إنطلقنا إلى اقرب محطة .. نزلنا للمصلى وعندما همما برحيل في ذلك الجو .. تابعنا مسيرنا وبعد قليل لاحظ الجميع أن السيارات التي خلفنا تلحق بنا وبعد التوقف إذا هم مجموعه من الشباب ومعهم أحدى اقاربنا ذهبنا وتركنه .. وركب معنا وهو خائف ولكن الحمد لله هلى سلامته .

http://www.w6w.net/album/35/w6w_200505201629065997abc5f0fb.gif

[ أميرة الحزن ] : هذا الموقف حصل لخالي ..يوم كنا طالعين الثمامه ..
خالي بعد قلبي قام يتفلسف واخذ هايلكس جدي وقام يطعس..والناس متجمعين على بالهم يعرف ...يشوي الى يغرز بصراحه انا اقدر الاحراج والمأساه ((فشيله)) الي حصلت له..

http://www.w6w.net/album/35/w6w_200505201629065997abc5f0fb.gif

[ مشاعر حالمة ] : ليلة كنا مع اعمامي في رحلة لمدة ثلاث ايام ياحلوها قسم بالله كنا اذا ناموا اهلي في الليل نروح يابنات ورى الخيمه ونجلس نسولف ونغنّي وناكل فصفص ونشرب شاهي خخخخ لا والله صراحه كانت ايام ماتنسى ياليتها ترجع بس .

http://www.w6w.net/album/35/w6w_200505201629065997abc5f0fb.gif

[ منصور الحربي ] : قبل ثلاثة سنوات وفي ليلة ربيعية كنت برفقة بعض الاصدقاء ( خمسة على ماأذكر ) جميعهم من الغاوين بإعتباري الشاعر الوحيد .. المهم أنني أخذت مكانا ليس بالبعيد عنهم بعد ان خلدوا للنوم وجلست أرقب النجوم ثم سرح بي الخيال فأرغمني على كتابة قصيدة .. ورحل أكثر من ثلثي الليل قبل أن أذهب في نوم عميق لم يقطعه سوى لسعات أشعة الشمس .. وحين أستيقظت فوجئت بغياب أصحابي ... وبعد محاولات مستميته للأتصال به أجاب أكثرهم دراية بأمور النكاية أنهم لن يعودوا .. وبعد ان اقسمت باغلظ الايمان انني لن اسهر مجددا أفادني انهم سيعودوا بعد العصر !!!!!! ولن تفلح محاولاتي أبدا .. لكن قلوبهم الطيبة أبت ان أظل في البر وحيدا مخافة ان أصاب بضربة شمس ربما تقضي على ماأبقاه الشعر والسهر ...!! فعادوا من جديد ولازلت أذكر وجهي حينها كان ( كوكتيل ألوان ) ..!!

http://www.w6w.net/album/35/w6w_200505201629065997abc5f0fb.gif

[ النوري ] : الليالي الباردة....مع اني لم ابت يوما في البر ولله الحمد .

http://www.w6w.net/album/35/w6w_200505201629065997abc5f0fb.gif

[ سعد الغنامي ] : ليله لم آخذ فيها اللحاف الازم فلم اذق طعم النوم .

http://www.w6w.net/album/35/w6w_200505201629065997abc5f0fb.gif

[ وافي السبيعي ] : كنت وانا صغير في البر منتقل من مكان الى مكان واظلم الليل وظليت الطريق وكان في صحبتي كلاب صيد المهم نزلت في مكان من طرف جبل انا وصديقي .. الكلاب سلوقي الصيد كل شوي ينبح وطار النوم ههههههههه الى الصباح .

http://www.w6w.net/album/35/w6w_200505201629065997abc5f0fb.gif

[ مهدي بن مسفر بن عليان ] : وجودي مع مجموعة من الزملاء والاخوان كنا معزومي عند أحد المسئولين عند أبله في الهضب قبل عدة اشهر بوجود المرحوم بأذن الله النقيب فهد بن ماجد الدوسري رحمه الله فهذه الليله لن أنساءها ما حييت حيث هي أخر طلعه لي مع رجل له مكانته الادبيه وأخلاقه الراقيه فرحمه الله رحمة واسعه .

http://www.w6w.net/album/35/w6w_200505201629065997abc5f0fb.gif

[ sha3noona almajnoona ] : هذا سلمكم الله (( رالي خرفان)) هذا قريب لنا (( ماودها تفضحه)) ماله بالذبح ولا بالطلعات جديد على حياه البران اخذ اهله ومعاهم الضيف وقال انا اللي راح اذبح واطبخ يعني سوبرمان زمانه .. وصلو لموقع الحدث وبدات رحلتهم هروووووووووب الخروووووووف وابوهم طبعا من كثر الفشله طردي وراه وطالع صارووووووووخ ماهوب خروووف قام خوينا وركب سيارته ويلحق الغزال حشى ماطلع خروف .. يوم قرب منه طبعا نزل من السياره عشان يهجم على الفريسه لكن الظروف ماسمحت له خوينا طاح وانكسرت ايده وطبعا مع الفشله مادرى بذا الشي همه الوحيد انه يرد اعتباره قدام عياله وهم بعد ما القى القبض على المتهم وتوسطو اهل الخير وتم القبض على المذكور .. والحين نبدا رحله الذبح ..
خوينا وابنه بدو بيذبحون الذبيحه يوم شافو الدم جاتهم دووووخه وماقدرو يكملون مراسم الذبح (( جديدين على الشغله)) تخيلو ان الشغاله طلعت ذيبه ضحكت عليهم وحطتهم على جنب وقامت ذبحت وطبخت مابقى الا تسوق السياره وتردهم للبيت ههههههههه .. ومن بعدها خوينا يقول لزوجته هذي الشغاله ماتقعد بالبيت اخاف تذبحنا لانها شافتنا مانقدر نذبح خروف وش راح تكون صوره عن البيت وراعيه .. هذي صووور طلعه عيد الحج وبعده

http://www.w6w.net/album/35/w6w_200505201629065997abc5f0fb.gif

[ كليوباترا ] : مافيه ليالي فيه ساعات وساعات التطعيس يوم طعست فينا عمتي اخذنا السياره من ابوي على اساس انها تسوق ماشفنا نفسنا الا وهي تطعس من جد ساعات حلوة بس تخووف .

http://www.w6w.net/album/35/w6w_200505201629065997abc5f0fb.gif

[ محمد المحلكم ] : ليلة كان عمري 9 ضعت انا واخي الي اصغر مني ولم يجدونا الي بعد وقت طويل بعد ما عنينا من الخوف في ظلام اليل .

http://www.w6w.net/album/35/w6w_200505201629065997abc5f0fb.gif

[ فايز بن ماجد ] :كنت انا ومجموعة من الاصحاب طالعين بالبر قبل ثلاث سنوات ويوم جاء الليل ضبطنا المشوي (ذبيحة :11oud9: ) وكان معنا واحد من الشباب الله يستر علينا وعليه طول الليل وهو يسولف ومتربع على الجلسة وحنا نشتغل وحلات الطلعة بتعبها وكل بين كلمة وكلمة يقول يالله حسن الخاتمة ..يسولف ويقول يالله حسن الخاتمة وهذا شي جميل المهم هو حق سوالف واكل بس (مهايطي يعني )ههههههه وكرشة كبيرة الله يستر علينا وعليه ويوم حطينا العشاء المشوي وقعدنا نبلع هو ياكل ويسولف وهو ويحط اللقمة بثمه قال انا اكبر لافيني كرشي و.....والشباب يضحكون وهو يضحك وفجأة الا خوينا سكت (لامن تمه ولامن كمه) ويوقف ويحط يديه على حلقه
لا صوت لا كحة ولا شي اللقمة سدت الحلق تماما الشباب اللي يضربه مع ظهره واللي يعطيه ماء والحالات اللي من هالنوع ماينفع معها كذا خصوصا لاصار مافيه نفس ومن حسن الحظ اني كنت اعرف بالاسعافات الاولية وامسكه من الخلف وارجع يديه ورى واحاول بقبضة يدي اضغط على منطقة السرة طبعاً بعد جهد جهيد ومحاولات لتطويق خصره قدرت احتوي كرشه :هاها: وانا قاعد اسوي كذا كنت اقول ياربي ماتتطور الحالة ويدوخ بمنطقة بر لا اسعاف ولا مستشفى ولا شي لكن الحمدلله بعد الضغط المتوالي على المعدة بفضل الله قدر يتنفس بعد ماانفتح مجرى الهوى ورجع وضعه طبيعي الغريب لا كحة ولا شي وانا قاعد اضغط قال خلاص :هاها: والحمدلله على السلامة حقيقة مرينا بوقت عصيب
وعدى على خير وكنا نقول له بغت تصير خاتمتك على كلمة مالها سنع وبغصة بعد يابو كرش ..ياربي لاتبلانا ..والحمدلله بعدها الرجال صار يقدسني :هاها: صرت كل شي بالنسبة له يسالني عن اي شي حتى الفتاوى يبيني افتي الله يذكره بالخير شكلي بسير عليه اليوم تذكرته :biggrin: .

http://www.w6w.net/album/35/w6w_200505201629065997abc5f0fb.gif

[ المملوحة ] : يوم لقيت عرجون بغيت اصيييييييييح من الفرحه شوي وافتح باب السياره وه تمشي :هاها:

http://www.w6w.net/album/35/w6w_200505201629065997abc5f0fb.gif

http://tbn0.google.com/images?q=tbn:fy7NF-BFacE4vM:http://www.awda-dawa.com/sounds/acc1493550.jpg http://tbn0.google.com/images?q=tbn:_IaI8thgYa7OuM:http://www.alriyadh.com:81/2006/04/22/img/224004.jpg http://tbn0.google.com/images?q=tbn:WhbWQmKGwC4t_M:http://geoimages.berkeley.edu/GeoImages/Eley/Kiwai/YELLSNAK.JPG http://tbn0.google.com/images?q=tbn:WvxSUpfKeh_meM:http://www.decordova.org/Decordova/images/exhibitions/2001/whatunderbed/scharthyman.jpg

هذا ما سيتخيله كل شخص تاه في البر .. ذئاب .. عقارب .. أفاعي .. وحوش ..

بصراحة شي يخوف ـ الله لا يجعلكم بهالموقف ـ ..

ماذا لو ضعت في البر ؟

[ أهداب ] : سأبقى في مكاني حتى لا أستهلك قوتي ..وحتى يتم إنقاذي والعثور علي أو أستدل بالنجم ، الحقيقة ..كلام السعة غير كلام الضيق.. ونطلب الله عز وجل عدم الوقوع في مثل هذا الموقف..

http://www.w6w.net/album/35/w6w_200505201629065997abc5f0fb.gif

[ سعد الجميلي ] : انا مااطلع للبر الااذاكنت اعرف منطقته واعرف الطرق فنحن كما تعرفين اهل بر ونعرف جميع المناطق التي نخرج لها .

http://www.w6w.net/album/35/w6w_200505201629065997abc5f0fb.gif

[ مشاعر حالمة ] : مادري مافهمت سؤالج بس باقول لج عادي شعوري شعور اي مواطن سعودي تعوّد على البران هع صراحه يعني ، راح اتيمّم واوجّه وجهي للقبله واصلي وادعي ربي يستر علي ويحميني من الوحوش :vampire:

http://www.w6w.net/album/35/w6w_200505201629065997abc5f0fb.gif

[ منصور الحربي ] : بالتأكيد سأقف على مكان مرتفع وأردد لابارك الله في شركة الاتصالات ..

http://www.w6w.net/album/35/w6w_200505201629065997abc5f0fb.gif

[ هاني محمد السلوم ] : لوضعت في البر لاادري كيف ساتصرف حسب ظرف المكان والزمان .

http://www.w6w.net/album/35/w6w_200505201629065997abc5f0fb.gif

[ النوري ] : أتصل بصديق...قارمن.....

http://www.w6w.net/album/35/w6w_200505201629065997abc5f0fb.gif

[ سعد الغنامي ] : من سأل ماتاه .

http://www.w6w.net/album/35/w6w_200505201629065997abc5f0fb.gif

[ وافي السبيعي ] : عارف حياة البر والحمد لله .

http://www.w6w.net/album/35/w6w_200505201629065997abc5f0fb.gif

[ مهدي بن مسفر بن عليان ] : لم أتعرض للضياع ولله الحمد وعندي خبره خصوصاََ في الاماكن الذي يتم الطلوع لها .

http://www.w6w.net/album/35/w6w_200505201629065997abc5f0fb.gif

[ sha3noona almajnoona ] : ابركها من ساعه الواحد يلاقي مكان احلى وارقى من البر فلة حجاج وتشاهد الضبان وتلعب مع الناقات هههههههههه .

http://www.w6w.net/album/35/w6w_200505201629065997abc5f0fb.gif

[ كليوباترا ] : بصراحه بوقف مكاني في البدايه (( باصارخ )) وبعدها بامشي االين ماأحصل احد واذا جالليل ومالقيت احد <<< بتصيح ((لله لايجيب هذاك اليوم)) .

http://www.w6w.net/album/35/w6w_200505201629065997abc5f0fb.gif

[ جوري بريدة ] : مبسوووووووطه أكيد :biggrin:

http://www.w6w.net/album/35/w6w_200505201629065997abc5f0fb.gif

[ أميرة الحزن ] : الله يستر ..بصراحه احاول ادور على اهلي وادعي ربي انه يرجعني سالمه او ممكن ((اكيـــــــــد))ابكي واصارخ حتي يسمعوني .

http://www.w6w.net/album/35/w6w_200505201629065997abc5f0fb.gif

[ محمد المحلكم ] : اتصرف على طبيعتي .

http://www.w6w.net/album/35/w6w_200505201629065997abc5f0fb.gif

[ محمد مساهج ] : أمرح بمحلي ..... ( ولكن حاليا مع الماجلان مامن ضيعه ) .

http://www.w6w.net/album/35/w6w_200505201629065997abc5f0fb.gif

[ فايز بن ماجد ] : سابقاً ماضعت وحالياً ..الله يخلي الماجلان وأجهزة الكنود .

http://www.w6w.net/album/35/w6w_200505201629065997abc5f0fb.gif

[ المملوحة ] : كان اموووووووووت من الطفش واذا مامت من الطفش بموت من الخرعه لااظلم الليل:11ctor:

http://www.w6w.net/album/35/w6w_200505201629065997abc5f0fb.gif

http://www.l22l.com/l22l-up-1/9e495114c6.png (http://www.l22l.com)

وسلامتكم من الضياع .. تعالوا نتمشى شوي (( هُنا )) (http://www.sfsaleh.com/vb/showthread.php?t=91815) ونتفرج على الطبيعة .. بس انتبهوا تضيعون .
بـنـت الـشـيـوخ
14-02-2007, 04:10 AM
صراااااااااااااااااحه ليالي وناسه وماتنسى


sha3noona almajnoona ] : ابركها من ساعه الواحد يلاقي مكان احلى وارقى من البر فلة حجاج وتشاهد الضبان وتلعب مع الناقات هههههههههه .

يخرب بيت عدوينكـ يالشعنووووووووونه

ماطلعتي هيّنه ,, وتقولين ان احنا نتشااااااااااابه,,


<<<<<<<<<<ههههههههههههه

,
,

مواقف رائعه من الاعضاء يعطيهم العافية

,


يسلمووووووو جواهر
اميرة الحزن
14-02-2007, 10:47 AM
هههههههههههههههههههه
احلى ليالي من جد
يعطيــــــــــ العافيه ـــــــــــك,,
اختي الغاليه :جواهر
تحياتي,,
النجلاء
14-02-2007, 12:08 PM
هلا بجواهر القمررررررررر


مرور سريع بس ولي عوده للحلاوه هذي هههههههههههههه


يستاهل التثبيت بجداره


يعطيك العافيه
داخل بالغلط
14-02-2007, 03:42 PM
كشتة هالسنة راحت بسرعة .. بسرعة غريبة .. ولا سرعة بعض الناس اللي طلع من الخيمة وهو خايف من راعي السوزو ويقول (لحظة .. هيه .. بتروحون وتخلوني) الله يلعنك يالخواف ..:biggrin: .. !

وفوق هذا كان البرد مهب قارص .. والله أن بعض الأحيان تراودني نفسي أحشي مرقدي جمر .. واتوسد حطبة سمر والعة :biggrin: .. !

والله كان البرد لا يطاق .. لدرجة أن غسيل الصحون طالع عليه مطاحن .. و ملزقين عند رفرف الموتر ورقة تواقيع زي اللي في حمامات كودو .. اللي ينظف يوقع .. ويكتب وصيته في نفس الوقت لأن محتمل يموت من البرد :biggrin: .. ولأن بعضهم ما عنده ذمة .. يغسل أي كلام .. وناكل بكرة بقايا تايد وفيري وتطلع خششنا من الرغوة كنّها خشة بعير مزبّد .. !


كشتة السنة هذي كان أبرز ما فيها /

1 / كثرة التهنيق والبدليات من شدة البرد .. نورد هنا بعض البدليات :

* واحد من الشباب .. راكبين السيارة أنا وياه وهو السواق .. لاحظوا انه هو السواق .. جاء واحد من عند دريشة - الراكب - وقال يا فلان - ينادي اللي يسوق - الثور .. فتح دريشته وهو يناظر عكسها ويقول هاه .. :biggrin: يعلن أم الشرح يا شيخ .. اتوقع انكم صحتوا من سوء الشرح ما ضحكتوا .. ! :biggrin:

* قال ايش .. قال عطني المقلاط ..هههههههههه يقصد الملقاط :biggrin:


2 / كثرة الكبكبة .. ما فيه بيالة ولا علبة ببسي ولا شطة ولا موية ولا حليب ولا قهوة إلا وانكبت .. آخر يومين صرت أنام برى الخيمة لأن الخيمة صارت مستنقع سوائل :biggrin: .. برضو ما نلومة .. مرتبك وتوّه متزوج ..

3 / البدوي اللي يرعى غنمه - جعلهن يرعن به في جهنم - .. جايبهم عند خيمتنا .. وخيمتنا ما حولها خضار .. مدري عناد ولا غنمه ترابيين - على وزن نباتيين - :biggrin:

4 / الحطب اللي استخدمناه كان مخزن في البحر الأحمر :biggrin: شبعااااااان مويه :biggrin: الظاهر ان اللي جايب هاك الحطب حاطبن في الشاطئ اللي جاه تسونامي :biggrin:

5 / كثرة الضحك آخر الليل .. !

6 / وجود Emily Rose حولنا .. يا حبني لها :huglove:

7 / راعي السوزو الذهبي .. والذي اختلفت الآراء حوله .. اللي يقول أنه جني .. واللي يقول أنه البدوي بس متنكر .. الزبده أنه كشف الخوّافين :biggrin:

8 / كثرة الخيانات .. بسبب لعبة بنت السبيت أو اللي أحب اسميها - الموت البطيء - .. :biggrin:

9 / وقت الظهرية يروح كله وزن في الخرازة .. !

10 / كثرة أكل الكيك اللي نسميه - كيك سليب هاي - .. وسوينا به كبسة كيك من حب الشباب له .. مع انه تعذيب .. يعطّش بشكل غريب .. لدرجة انك تتفل قطن من زود الضما :biggrin:

11 / تناقص أعداد حيوان اللاما بشكل مخيف .. وبعضها يشعر بالفرح بعد خبر وفاة الصياد الأسترالي .. :biggrin:

12 / مشكلة تقفيل باب الخيمة .. واللي يطفي الماطور .. !

قلنا لواحد من الشباب رح طف الماطور .. قال ما أعرف وش لون .. ؟

قلنا كبّ عليه مويه رجال كبر في عرض ما يعرف يطفي ماطور .. علينا يا مناحي ..:biggrin: قل خايف وريح نفسك يا جبان .. !

بالمختصر كنا كاشتين في الاسكا مو في السعودية :biggrin: بس احلى مافيها الجمعة

يسلمو على طرح الموضوع ياجواهر

تحياتي
طيف
16-02-2007, 03:15 AM
:هاها: :هاها: :هاها: :هاها: :هاها:


مواقف حلوووووه ..



الف شكر حبيبتي جواهر


جهد رائع


وفقكـ ِ الله
لمياء الديوان
16-02-2007, 03:15 AM
مع أني عمري ما طلعت بر ولا عارفة ايش ممكن يحصل

لو يطلع لي ذئب او عقرب او افعى او وحش

يمكن أموت خوف

وتعالوا بعدين ويش الي يجبركم تتعرضون للوحوش

كل واحد منكم يجلس في بيتهم ويكون بأمان .................

تقبلوا مرور وحده دخلت الموضوع غلط

أحسنت جواهر موضوع غير تقليدي وكل شي فيه واقعي

لمياء الديوان
النجلاء
17-02-2007, 03:50 AM
[ أهداب ] : خروجي للبر لأمرين..
1- الرماية ..
2- قيادة السيارة ..
الرماية كنت لا أجيدها بل وضعت في موقف تحدي ..وكان والدي يقول لي ضعي كذا وأعملي كذا ووضع كتفه لأسند البندق عليها وبفضل الله تم إصابة الهدف بجدارة.ولا كنت من جنبها ...ومن بعدها عشقت الرمي ..وعشقت التحدي ..
2- القيادة ..
كنا في مكان شبه خالي ماعدى مجموعات من الخيام سكنى لمن يقوموا برعاية الماشية من الأغنام والأبل ..
وأثناء تعليمي ..لم ألحظ سوى سيارة قاربت أن تتخطاني ولا أعلم من أين خرجت لنا ..فأضطررت لرخي رأسي ..وعلى من كان أمامي الركض بأسرع ما يمكنه ..حتى لا أقوم بدهسه...
سواءاً الرعاة أو أغنامهم ...


هدوووووبه القمررر حسيت وانا اقرا ردك انك لابسه خوذه عسكريه والبندقيه على الكتف وراكبه دبابه ههههههههههههههه وش ذا ياقلبي رمي واصابة الهدف ,,,, طيب والله ذكرتيني مره واحنا صغار وطالعين كشته واثنين من عماني تحدوا بعض في الرمي وقام واحد منهم قال للثاني شايف الحصاة البيضا البيعيييييييده ابيك تحط الفشقه في قلبها ونروح نشوف وماكذب خبر الثاني لقط البندق وطاخ ,,,, شوي الا قامت الحصاه ههههههههههههههههههههه طلعت ماهي حصاة طلع الله يكرمكم حمار يقيّل وماعرفوه من بعيد ههههههههههههههههه المهم الحمار لف لفتين على نفسه وقرررربع على وجهه ,,, راح ضحيّة تحدي ,,

اما السواقه فانا تعلمتها في نفس السن تقريباً واللي علمني واحد واحد من عماني ربي يحفظه والغريبه اني اول ماجلست ورا الدركسون قعدت ادور على شريط رايق اشغله قبل التدعيس بخلق الله ههههههههههههههههههههههه عمي قال اقول لاحقه على الطرب الحين سوقي اول ,,, وبس لفتين وانا سواقه محترفه




[ جوري بريدة ] : امطار غزيرة اجبرتنا على الرحيل على عجل لأن المكان (شعيب)
ركب الجميع بأقرب سيارة إليه .. و إنطلقنا إلى اقرب محطة .. نزلنا للمصلى وعندما همما برحيل في ذلك الجو .. تابعنا مسيرنا وبعد قليل لاحظ الجميع أن السيارات التي خلفنا تلحق بنا وبعد التوقف إذا هم مجموعه من الشباب ومعهم أحدى اقاربنا ذهبنا وتركنه .. وركب معنا وهو خائف ولكن الحمد لله هلى سلامته .

الحين وراكم كلكم ماسكه معكم على الفصحى هههههههههههههه انتي وقبلك هدوووبه ,,, خلينا نشوف اللي بعدك ياقلبي ياجوووري



[ أميرة الحزن ] : هذا الموقف حصل لخالي ..يوم كنا طالعين الثمامه ..
خالي بعد قلبي قام يتفلسف واخذ هايلكس جدي وقام يطعس..والناس متجمعين على بالهم يعرف ...يشوي الى يغرز بصراحه انا اقدر الاحراج والمأساه ((فشيله)) الي حصلت له..


هههههههههههههه بس تغريزه ,, بعدين اشوا انك كاتبه بالرطين ياامووووره



[ مشاعر حالمة ] : ليلة كنا مع اعمامي في رحلة لمدة ثلاث ايام ياحلوها قسم بالله كنا اذا ناموا اهلي في الليل نروح يابنات ورى الخيمه ونجلس نسولف ونغنّي وناكل فصفص ونشرب شاهي خخخخ لا والله صراحه كانت ايام ماتنسى ياليتها ترجع بس .

ماسويتوا شي بس نقلتوا جلسات الحش البناتيه للاجواء الربيعيه احسن الله اليكن هههههههههههههههههههههه




[ منصور الحربي ] : قبل ثلاثة سنوات وفي ليلة ربيعية كنت برفقة بعض الاصدقاء ( خمسة على ماأذكر ) جميعهم من الغاوين بإعتباري الشاعر الوحيد .. المهم أنني أخذت مكانا ليس بالبعيد عنهم بعد ان خلدوا للنوم وجلست أرقب النجوم ثم سرح بي الخيال فأرغمني على كتابة قصيدة .. ورحل أكثر من ثلثي الليل قبل أن أذهب في نوم عميق لم يقطعه سوى لسعات أشعة الشمس .. وحين أستيقظت فوجئت بغياب أصحابي ... وبعد محاولات مستميته للأتصال به أجاب أكثرهم دراية بأمور النكاية أنهم لن يعودوا .. وبعد ان اقسمت باغلظ الايمان انني لن اسهر مجددا أفادني انهم سيعودوا بعد العصر !!!!!! ولن تفلح محاولاتي أبدا .. لكن قلوبهم الطيبة أبت ان أظل في البر وحيدا مخافة ان أصاب بضربة شمس ربما تقضي على ماأبقاه الشعر والسهر ...!! فعادوا من جديد ولازلت أذكر وجهي حينها كان ( كوكتيل ألوان ) ..!!


لاحوووول رجعنا للفصحى ,,, ههههههههههههههههه اجل ماع مخك من الشمس يامنصور ,,,
خل الشعر ينفعك ههههههههههههههههههههههههه هه




[ النوري ] : الليالي الباردة....مع اني لم ابت يوما في البر ولله الحمد .


ياقلبي يالنوري هو احلى مافي المخيمات الربيعيه لياليها البارده وشبّة الضو واللمه حولها لين تشهّب وجيهنا هههههههههههههههههه




[ سعد الغنامي ] : ليله لم آخذ فيها اللحاف الازم فلم اذق طعم النوم .

عساها بس جت لك درس هههههههههههههههههههههه




[ وافي السبيعي ] : كنت وانا صغير في البر منتقل من مكان الى مكان واظلم الليل وظليت الطريق وكان في صحبتي كلاب صيد المهم نزلت في مكان من طرف جبل انا وصديقي .. الكلاب سلوقي الصيد كل شوي ينبح وطار النوم ههههههههه الى الصباح .

وافي ههههههههههههههههههههههههه ههههه الله يكرمك ويكرم القاري السلوقي طال عمرك وش تبيه يسوي يعني ,,, يغنّي ؟؟؟ ههههههههههههههههههههههههه هههههه لازم ينبح ويمارس مهامه الطبيعيه




[ مهدي بن مسفر بن عليان ] : وجودي مع مجموعة من الزملاء والاخوان كنا معزومي عند أحد المسئولين عند أبله في الهضب قبل عدة اشهر بوجود المرحوم بأذن الله النقيب فهد بن ماجد الدوسري رحمه الله فهذه الليله لن أنساءها ما حييت حيث هي أخر طلعه لي مع رجل له مكانته الادبيه وأخلاقه الراقيه فرحمه الله رحمة واسعه .

عليه رحمه الله وبعض الذكريات برغم جمالها تكون مؤلمه ,,,,



[ sha3noona almajnoona ] : هذا سلمكم الله (( رالي خرفان)) هذا قريب لنا (( ماودها تفضحه)) ماله بالذبح ولا بالطلعات جديد على حياه البران اخذ اهله ومعاهم الضيف وقال انا اللي راح اذبح واطبخ يعني سوبرمان زمانه .. وصلو لموقع الحدث وبدات رحلتهم هروووووووووب الخروووووووف وابوهم طبعا من كثر الفشله طردي وراه وطالع صارووووووووخ ماهوب خروووف قام خوينا وركب سيارته ويلحق الغزال حشى ماطلع خروف .. يوم قرب منه طبعا نزل من السياره عشان يهجم على الفريسه لكن الظروف ماسمحت له خوينا طاح وانكسرت ايده وطبعا مع الفشله مادرى بذا الشي همه الوحيد انه يرد اعتباره قدام عياله وهم بعد ما القى القبض على المتهم وتوسطو اهل الخير وتم القبض على المذكور .. والحين نبدا رحله الذبح ..
خوينا وابنه بدو بيذبحون الذبيحه يوم شافو الدم جاتهم دووووخه وماقدرو يكملون مراسم الذبح (( جديدين على الشغله)) تخيلو ان الشغاله طلعت ذيبه ضحكت عليهم وحطتهم على جنب وقامت ذبحت وطبخت مابقى الا تسوق السياره وتردهم للبيت ههههههههه .. ومن بعدها خوينا يقول لزوجته هذي الشغاله ماتقعد بالبيت اخاف تذبحنا لانها شافتنا مانقدر نذبح خروف وش راح تكون صوره عن البيت وراعيه .. هذي صووور طلعه عيد الحج وبعده

ههههههههههههههههههههههههه ههه شعنونه الله يرج ابليسك على الموقف ذكرتيني بمسلسل لراشد الشمراني يمثل فيه انه دكتور وحياته كلها برا وناصب عليهم ان تخصصه جراحه ويوصف لهم العمليات وكيف يفتح الراس ويشيل الورم ويرجع يقفله ويوم جاه ضيوف اول ماشاف دم الخروف اغمن عليه وطاح فوق الخروف ههههههههههههههههههههههههه ههههه


[ كليوباترا ] : مافيه ليالي فيه ساعات وساعات التطعيس يوم طعست فينا عمتي اخذنا السياره من ابوي على اساس انها تسوق ماشفنا نفسنا الا وهي تطعس من جد ساعات حلوة بس تخووف .

كليوبترا للاسف انا مامارست التطعيس ولاعشته كتجربه
بس من كلامكم شكلي بمتحنهم لين يطلعونا يوم نطعس ههههههههههههههههههههههههه هههههه




[ محمد المحلكم ] : ليلة كان عمري 9 ضعت انا واخي الي اصغر مني ولم يجدونا الي بعد وقت طويل بعد ما عنينا من الخوف في ظلام اليل .

هههههههههههه ياشين الضيعه صدق في البر




[ فايز بن ماجد ] :كنت انا ومجموعة من الاصحاب طالعين بالبر قبل ثلاث سنوات ويوم جاء الليل ضبطنا المشوي (ذبيحة ) وكان معنا واحد من الشباب الله يستر علينا وعليه طول الليل وهو يسولف ومتربع على الجلسة وحنا نشتغل وحلات الطلعة بتعبها وكل بين كلمة وكلمة يقول يالله حسن الخاتمة ..يسولف ويقول يالله حسن الخاتمة وهذا شي جميل المهم هو حق سوالف واكل بس (مهايطي يعني )ههههههه وكرشة كبيرة الله يستر علينا وعليه ويوم حطينا العشاء المشوي وقعدنا نبلع هو ياكل ويسولف وهو ويحط اللقمة بثمه قال انا اكبر لافيني كرشي و.....والشباب يضحكون وهو يضحك وفجأة الا خوينا سكت (لامن تمه ولامن كمه) ويوقف ويحط يديه على حلقه
لا صوت لا كحة ولا شي اللقمة سدت الحلق تماما الشباب اللي يضربه مع ظهره واللي يعطيه ماء والحالات اللي من هالنوع ماينفع معها كذا خصوصا لاصار مافيه نفس ومن حسن الحظ اني كنت اعرف بالاسعافات الاولية وامسكه من الخلف وارجع يديه ورى واحاول بقبضة يدي اضغط على منطقة السرة طبعاً بعد جهد جهيد ومحاولات لتطويق خصره قدرت احتوي كرشه وانا قاعد اسوي كذا كنت اقول ياربي ماتتطور الحالة ويدوخ بمنطقة بر لا اسعاف ولا مستشفى ولا شي لكن الحمدلله بعد الضغط المتوالي على المعدة بفضل الله قدر يتنفس بعد ماانفتح مجرى الهوى ورجع وضعه طبيعي الغريب لا كحة ولا شي وانا قاعد اضغط قال خلاص والحمدلله على السلامة حقيقة مرينا بوقت عصيب
وعدى على خير وكنا نقول له بغت تصير خاتمتك على كلمة مالها سنع وبغصة بعد يابو كرش ..ياربي لاتبلانا ..والحمدلله بعدها الرجال صار يقدسني صرت كل شي بالنسبة له يسالني عن اي شي حتى الفتاوى يبيني افتي الله يذكره بالخير شكلي بسير عليه اليوم تذكرته .

ههههههههههههههههههههههههه ههه وش ذا يافايز ريكو ,,, بالع حصاة هذا هههههههههههههههههههه ؟؟؟
وعلى فكره تصرفك صحيح جداً ويسمى الاختناق وطريقة اسعافه باحتضان الشخص من الخلف وضم يديه على منطقة المعده والضغط بقوّه باتجاه الاعلى بشكل متواصل لاخراج الشيء المختنق فيه من الحلق وقذفه للخارج ,,, بس خويكم قذفه للداخل شكله ماهان عليه يرميه ههههههههههههههههههههههههه ههه بجد موقف رائع




[ المملوحة ] : يوم لقيت عرجون بغيت اصيييييييييح من الفرحه شوي وافتح باب السياره وه تمشي

هههههههههههه طيب وبعدين ؟؟؟؟


جواهر العسسسسسسسل ,,,,

ربي يوسّع صدرك ياشيخه بجد مواقف روووووعه وضيوف ارووووووع وترى والله ماتذكرت رسالتك الا يوم شفت الموضوع فاعذريني ,, والعذر ايضاً للتأخير ,,, وبجد موضوع قوي ومتعوووب عليه


ربي يعطيك العافيه
عبد الرحمن مازن العطاوي
17-02-2007, 08:30 AM
.
.


الله يكفينا الشر :)


المواقف كثيره
لذلك نلتزم الصمت



جواهر
عزالله ماقصرتي

تحيتي لك


.
.
فوووووشي
17-02-2007, 02:37 PM
مبدددددددددددددددددددددعت نا الشيخه جواهر

والله ان شهادة الكل فيك مجروحه يا بنت الاجاويد..

هنا اقف اجلالا لشموخ موضوعك المميز ..طبعا لان صاحبته مميزه ودايما في الطليعه

اما المواقف مير حلوووه

البدووويه اهداب

ماشاء الله عليك تتعلمين الرمايه .....ما اقووول الا مالت علينا ..<<تقول كبرت وما تعرف الا تنبل الا بنبيطه

او اذا تطورت وجيت بصيد فريسه ..افلعها على مقفاها بالحجر وتطيح مغشين عليها

ههههههههههههههههههههههههه هههههه

بس ما تنلامين بدووووويه ويا حظ هلك فيك لو انا مكان ابوك كان علمتك كل العلوم الزينه

من ضمنها الفروسيه

جوري بريده

امطار غزيرة اجبرتنا على الرحيل على عجل لأن المكان (شعيب)

بل ولا غرقتوا ان اشهد ان اعماركم طويله <<بتذبحها

ههههههههههههههههههههههههه هههههههههه

أميرة الحزن


يشوي الى يغرز بصراحه انا اقدر الاحراج والمأساه ((فشيله)) الي حصلت له

ويه ويه ويه أمبيه <<غطت وجهها بطرحتها من الفشله..

لو انا مكان خالك بقول عادي تصير باكبر العوايل

مشاعر حالمه ..


ونجلس نسولف ونغنّي وناكل فصفص ونشرب شاهي خخخخ لا والله صراحه كانت ايام ماتنسى

ههههههههههههههههههههههههه ههههههههه

اجل فصفص هااا ..والله انكم وناسه يا حبي لتس ولخوياتس سلمي لي عليهم مير حبيتهم <<ممداك يالمتينه

منصور الحربي


لكن قلوبهم الطيبة أبت ان أظل في البر وحيدا مخافة ان أصاب بضربة شمس ربما تقضي على ماأبقاه

اييييييييييه كذا الحمية ولا بلاش ..والف الحمد الله على سلامتك

اصلا هم ما ارجعوا لك الا عشان انك شاعر القبيله ..وخافوا لمت محد يشيد بقبيلتهم <<وربي بيشوتونك

ههههههههههههههههههههههههه هههههههههههههههههه

[ sha3noona almajnoona ]

هههههههههههههههههههه وربي متي بصاحيه يا مره با يعه الدنيا تعجبيني وربي انك فللللللله

[ كليوباترا ]

: بصراحه بوقف مكاني في البدايه (( باصارخ ))

ههههههههههههههههههههههههه هههههه

وهـ فديتك انا يا لبى قلبك رقيقه اعرفك وتخافين من هيك مواقف

جواهر

وربي ابدعتي حد الثماله ..تسلمين يا قلبي على الراااائعه والله لايحرمنا من ابداعاتك بالغربله

منورتنا دوووم هلابداع مو يوم

اختك فش فاشه
النجلاء
17-02-2007, 09:34 PM
داخل بالغلط ههههههههههههههههههههه


انت ردك بلحاله موضووووع ,,,, بجد فطست ضحك هههههههههههههههه


يعطيك العافيه
لــيــل
18-02-2007, 01:56 PM
هههههههههه والله موتيني ضحك,واتحفتينا يااخت جواهربهالروائع,اما انا فطلعات اهلي ومواقفنا ماتنعدالمضحك منهاوالمخيف والمحرج.
لمن كنت اناوبنت عمي وولدعمتي صغاركنا مشهورين بتغبية الاشياءبالبرعن طريق دفنهن بالتراب ك"السبانة والاوتادالاحتياطية والمطرقةوالشيول" وحلييني على ما نطلعهن وكان عمي مرات يترجانا ومرات يبخششنا بقروش علشان نطلعن ومرة قال لنا :اللي بيطلعهن ابعطيه خمسين ريال, وخبرس اول الخمسين تسنه خمست الاف عندنا ياالبزران ولمن طلعنا له اللي يبي قال: كنت حاس انكم انتم اللي مغبينهن ودافنينهن وما شفنا منه و لاحتى خمس هللات يعني "عطانا بومبه".
اما ايام الدراسةبالكلية فطلعت مع بيت عمي لم البر واول ماطقوا الخيام والابنات عمي يتروكضن لم الخيمة وانا ماني عارفةسر الطبخةواثاريهن يبن يحتلن الاماكن اللي بعيدة عن الباب وصرت انا يالمسكينة قبال الباب والهوى يصفق صفق بوجهي خاصة بالنهار لان الباب دايم مفتوح علشان اللي طالع واللي داخل وكانت هكالسنةبرد يلسع ولماجانامطر ومن حمدربتس وتخر الخيمة من كل الاماكن إلامكاني"رب ضارة نافعة"واناالوحيدةاللي نمت والباقين ياقلبي عليهم مانامواوالكل غابطن على هكالنومة,والاجمل اني تعلمت السواقةمن بنات عمي واول يوم يحليلي ويازيني حتى اني خمست وثمنت وطعست اما ثاني يوم فصارت لي انتكاسةوبغيت اخش على خيمة الحريم وكانت مليانةوكل من به يصرخ ويقول وقفي وقفي, مير ربتس سترووقفت باخر لحظة بعد مادخلت على اوتاد الخيمة والحبال ونشفت حلوقهم من الصراخ.:icon_redf :blushing:
اما قبل العام فأول يوم طلعنا يازيننا وياحليلنا اماثاني يوم فطلع معنا ولد عمتي وحرمته وحزة العصر وانا قاعدة اسولف مع حرمة ولدعمتي والا البزران يجوننا ويقولون به مرة تشحد"تطر"وتبي لبن وتمر؟؟؟؟؟؟قلنالبنية ولدعمتي قولوله ماعندناشئ وراحت تقول له,وقام وجه المرة يتصوفق وانا اسأله وشبس؟وهي ترد:تراه جنييه ماهي مرةوتأكدت من الحكي لمن جت نفس البنيه تقول ان عيال المرة ياكلون تراب؟؟وليل علينا الليل وبعدالعشاء الرجال كلهم نامو والبزران والحريم الكباروقعدنا نتسامرخواتي وحرمة ولد عمتي لحالنا والااللي قاعد عندالقز"فرن صغير"كأنه كيس زباله الله يعزكم ويصوت "ياهيه"اكثرمن مرةوسمعنا صوت غطا القدر ينفتح ويطيروصقع بالارض وهذيك الليلة ماكان به ولانسمة هواءالاكان رطوبه,وقالت لنا المرة :قومن ولا تلتفتن ومن حر الشفايةالتفت انا واخيتي الكبيرة وونشوف اللي يطير بالسماء ويختفي وحنا نركض ونتخابط وياكثرماتكرفست باوتادالخيمة وحبال الشراع ودخلنا لم خيمتنا وحنا انتنافض من الخرعةوقام الكل على صوتناوكل واحدمنهم يفتي ويقول تتوهمون يمكن كلب الله يعزكم اوذيب كأنهم هم اللي شايفينه واتصلنا على الرجال وشرحنالهم الوضع وجاناأبوي ونسمعه هو واخوي يحكون عندقزنا اللي قريب من خيمتنا ومشبناللنار وجينا والاوش نشوف رزمبربس وعظام فخذ الدجاجةمسخوبةوطايحة بالارض وحناتزيدنفظتناوندخل لم الخيمةوكل واحد ينبطح بفراشةوراح اخوي وعباالماطور ونام هو وابوي والانسمع صوت بزران مع امهم عند خيمتنا وعلىبساطنااللي كنا قاعدين عليه وشابين جنبه النارقلناحلو رجعواوحناانشغل اذاعة القران الين مافضت بطارية الراديووقعدت الين الصبح مانمت واختي اللي قبل اخر العنقودقامت اتنافض هي وبطانيته من كثر الخوف هذا وهي ماحضرت السالفةاجل وشلون اللي حضره؟اماانا فاقامت ركبي اتتصافق من الخوف وعجزت لاانام الين بدايشق النور شوي,وحرمةولدعمتي جته حالة نوم غيرطبيعية وصادناحصر"من شدةالخوف"ولمااصبح الصبح والانلقى الجن معبثين بأغراضنااللي على البساط وماكلين الكيك"يحليلهم يعرفون يحلون"وفوق هذالمن طفى الراديوبعدمافظت البطاريةفكوا جزءمن باب الخيمة وطلوا علينا:icon_twis :icon_twis :icon_twis :icon_twis والحمدلله انناسلمناومااذونااكثروانه يوم جمعة وبعده سبت "دراسة"وعقبه مارجعنالهكا المكان,وصرنا نروح لم بر ثاني.
هذه بعض سويلفاتنا عن البريااخت جواهرواتي لاتنسى ابدا,وش رايس لو يصييرلتس مثل هالموقف وش تسويين؟؟؟.
ولك جزيل الشكرعلىحسن اختيارو طرح هذا الموضوع الشيق جدا...
اختك:العضوة الجديدة
ليل"lael
فايز ماجد
19-02-2007, 03:07 PM
تسلم يمينك ياجواهر

موضوع رائع ورااااائق :هاها: وفكاهي

وممتع

الله يعطيك العافية

تحيتي لك




[color=#FF0000]


وعلى فكره تصرفك صحيح جداً ويسمى الاختناق وطريقة اسعافه باحتضان الشخص من الخلف وضم يديه على منطقة المعده والضغط بقوّه باتجاه الاعلى بشكل متواصل لاخراج الشيء المختنق فيه من الحلق وقذفه للخارج





أحلى

يادكتورة :11oud9:


بس شكلي برفع بدكتورتكم مدري دكتوركم شكوى للبروفيسور سراج
لانه يدرسكم سي بي آر خطأ يدين المصاب يا أما تكون على جنب أو للخلف والمسعف هو من يضع قبضة يده على كرش المريض :هاها: وفوق السرة بالتحديد وتحت القفص الصدري مباشرة
حياك ربي وتسلم يمينك يادكتورة نجنج على التعليق الأكثر من رائع كعادتك
أمل عبدالعزيز
19-02-2007, 03:54 PM
والله ياجماعةا لخير موضوع أكثر من رائع وأنا أنصرعت ضحك من الردود ألي لها سنع وألي مالها سنع بس رد الأخ داخل بالغلط ذا غير

غيررررررررررررررررررر

من جد بموت ضحك الله يوفقه ياناس وش هالرحلة ماصارت ولاستوت


على العموم أنا ماعرف البر نهائي:هاها:
عزتي في سمو ذاتي
19-02-2007, 06:20 PM
ههههههههههههههههههههههههه ههههههههههههههههههههههههه ههههههههههههههه
وافي السبيعي
22-02-2007, 12:32 PM
وافي ههههههههههههههههههههههههه ههههه الله يكرمك ويكرم القاري السلوقي طال عمرك وش تبيه يسوي يعني ,,, يغنّي ؟؟؟ ههههههههههههههههههههههههه هههههه لازم ينبح ويمارس مهامه الطبيعيه


النجلاء ههههههههههههه

السالفه ماهي هيييييك السالفه الكلاب اكرمكم الله والقاري

الكلاب مزعج والنوم طار ههههههههه



الاخت الفاضله جواهر عبدالله مشكورين كل الشكر على هذا الموضوع

الرائع لك اجمل وارق التحايا
النجلاء
22-02-2007, 08:03 PM
فايز ريكووووو ههههههههههههه


بس شكلي برفع بدكتورتكم مدري دكتوركم شكوى للبروفيسور سراج
لانه يدرسكم سي بي آر خطأ

لا لا انا كذا اجزم انك ماخذ سي بي آر على اصوله ههههههههههههههه وكلامك صحيح اذا كان المصاب نحيف يمديك تلف ايديك عليه بس اذا هرش واكس لارج زي خويك لازم تكتفه لتضييق المحيط ولا يبيلك ثنين يلفون يديهم ويالله يضبط الوضع ههههههههههههههههههههههههه هههههه ,, ودكتورتنا ترى ماجاب لها الجنان الا حنا لو اعلمك وش سوينا لها بالامتحان التطبيقي الاخير تموووت ضحك وهذي شكلي بنزلها بموضوع مستقل بس عشان خاطرك


سي يوووو كابتن ريكوووو
اللـــــيث
22-02-2007, 08:20 PM
جواهر عبدالله

تسلم يمينك على جهودك وعلى مواضيع الرائعه ... صراحة من اشد المعجبين بافكارك ....

واقدم الشكر للاعضاء المشاركين على انجاح الموضوع ...

سعدت بقراءة الموضوع ...

وموقف البر الله يكفينا شرها ...
داخل بالغلط
23-02-2007, 01:18 AM
النجلاء وامل عبدالعزيز

اناشفت الموضوع حلو وتحسفت اني ماكنت مشارك وصرت مثل ناصر القصبي لمن
يقول لاخويانه وهم طالعين البر الله يخليك ياسعيدان خذني معك
فقلت اشارك بطرريقة غير شرعية من خلال الردود وماكان قصدي والله مجاكرة الموضوع الخيالي والروعة
وكان عندي صور لهالرحلة الخبلة لكن قلت تراك مصختها ياداخل بالغلط وش ذالمصالة واستكف

اعجابكم بالرد اسعدني كثير

تحياتي .
النجلاء
23-02-2007, 06:09 AM
النجلاء ههههههههههههه

السالفه ماهي هيييييك السالفه الكلاب اكرمكم الله والقاري

الكلاب مزعج والنوم طار ههههههههه

هههههههههههههههههه وافي ,,,
طيب وش ازين بالله يزعجكم او ينام مثل اكثر سيكيوريتية البنوك اللي كلما مريت لقيته نايم وثلاث ارباعه طايح من الكرسي ويسري عليكم قطيع ذيابه بعيد الشر عنكم يعني هههههههههههههه وساعتها لو الله فككم منها بتعودون عليه تهاوشونه ليش ينام ؟؟
النجلاء
23-02-2007, 06:14 AM
داخل بالغلط ,,,,,


من خلال الردود وماكان قصدي والله مجاكرة الموضوع الخيالي والروعة
وكان عندي صور لهالرحلة الخبلة لكن قلت تراك مصختها ياداخل بالغلط وش ذالمصالة واستكف

هههههههههههههههه بالعكس الردود اللي مثل ردك ورد الاخت ليل هي اللي تثري الموضوع وتطلعه بصوره اجمل ,,,, ورحلتك الميمونه مايمنع تنزلها بموضوع بالصور شكلها رحله غير شكل ههههههههههه والله الله بالصور السنعه واهمها صور الاسوزو الجني ههههههههههه

يعطيك العافيه
النجلاء
23-02-2007, 06:23 AM
حضره؟اماانا فاقامت ركبي اتتصافق من الخوف وعجزت لاانام الين بدايشق النور شوي,وحرمةولدعمتي جته حالة نوم غيرطبيعية وصادناحصر"من شدةالخوف"ولمااصبح الصبح والانلقى الجن معبثين بأغراضنااللي على البساط وماكلين الكيك"يحليلهم يعرفون يحلون"وفوق هذالمن طفى الراديوبعدمافظت البطاريةفكوا جزءمن باب الخيمة وطلوا علينا والحمدلله انناسلمناومااذونااكثروانه يوم جمعة وبعده سبت "دراسة"وعقبه مارجعنالهكا المكان,وصرنا نروح لم بر ثاني.

ههههههههههههههههههههههههه هههههه الاخت ليل ,,,
اجل تعبثوا الجن بقشكم وكلوا كيككم ههههههههههههههههههههههههه ه

بجد عليك اسلوب روووووعه ,,,,,,

لاتطولين علينا بالغربله

يعطيك العافيه
فايز ماجد
24-02-2007, 02:18 AM
اقتباس من النجلا

<<<<< زول عاجز يضغط اقتباس

وهذي شكلي بنزلها بموضوع مستقل بس عشان خاطرك


كلك ذوووق

والاهم شي انا نقرا جديدك

ويالله معك يومين ودي اقرا الموضوع واعلق عليه قبل اسافر

<<< وهقك ههههههههه

بالنسبة للسي بي آر فأنا ما أعرف عنها شي بتاتا البتة

بس تعودت آخذ من كل بحر قطرة < مهايطي هههههه

والا انا مامعي الا سادس ليلي وماخذها دور

ثاني بالواسطة وانا الاول والاخير لاني لحالي بالصف:هاها:

وعطوني شهادة شكر وتقدير مو لاني ممتاز لاني بريحهم من خشتي :biggrin:

وافارقهم

تحياتي لك
جواهر عبدالله
04-03-2007, 06:12 AM
بنت الشيوخ

،

،

الله يسلمك يا الغالية

وما عليك من الشعنونة .. مسوية فيها قوية ..

بس لو يصير ـ بسلامتها طبعاً ـ .. تشوفين التهاويل .
جواهر عبدالله
04-03-2007, 06:13 AM
أميرة الحزن

،

،

الله يعافيك

وعساها دوم ضحكتك .
جواهر عبدالله
04-03-2007, 06:15 AM
النجلاء

،

،

هلا بك ومليون غلا بك ..

مرورك وتعقيبك على بعض الردود أسعدني

وأثبت لي إن الموضوع أعجبك ..

تسلمين على التثبيت .
جواهر عبدالله
04-03-2007, 06:17 AM
داخل بالغلط

،

،

يا هلا .. وردك غطى على الموضوع كله

الله يسعدك .. مواقف تستحق موضوع خاص لها .. وتخصيصها كرد في موضوعي أسعدني .
جواهر عبدالله
04-03-2007, 06:18 AM
جوري بريدة

،

،

الله يعافيك يا رب

وعساها دوم هالضحكة .
جواهر عبدالله
04-03-2007, 06:20 AM
لمياء الديوان

،

،

هلا بك والله

تصدقين عاد .. دائماً طلعاتي للبر ما تتعدى ساعتين بالكثير مع قلتها ..

وهي مرة وحدة اللي جلست بالبر ليلتين .. ومنها طلعت فكرة هالرحلة .
جواهر عبدالله
04-03-2007, 06:21 AM
عبد الرحمن العطاوي

،

،

الله يعافيك

وتشرفت بحضورك هنا ..

ألف شكر .
جواهر عبدالله
04-03-2007, 06:23 AM
مشاعل الغالية

،

،

تسلمين على إطراءك .. وإن شاء الله أكون عند حسن ظنكم

مع إني أحاول أرد رد يناسب الغربلة .. بس ما قدرت .. الشكوى لله .
جواهر عبدالله
04-03-2007, 06:24 AM
ليل

،

،

هلا بك .. وردك مثل رد داخل بالغلط .. يستاهل موضوع خاص

تسلمين يا الغالية .. الله يسعدك .
جواهر عبدالله
04-03-2007, 06:25 AM
الله يسلمك يا فايز

هذا من ذوقك ..

ألف شكر على الحضور .
جواهر عبدالله
04-03-2007, 06:27 AM
هلا بك يا أمل ومليون غلا

أهم شي الموضوع كله أعجبك بردوده

والبر إن شاء الله أكون أفدتك بالرحلة هذي

الله لا يحرمنا من طلاتك .
جواهر عبدالله
04-03-2007, 06:27 AM
عزتي في سمو ذاتي

،

،

دوووووووم يا رب هالضحكة .
جواهر عبدالله
04-03-2007, 06:29 AM
وافي السبيعي

،

،

الشكر لكم أنتم

مشاركاتكم .. هي اللي نجّحت الموضوع .
جواهر عبدالله
04-03-2007, 06:30 AM
الليث

،

،

الله يسلمك .. وإن شاء الله أكون عند حسن الظن دائماً

والشكر لك على حضورك .