المساعد الشخصي الرقمي

مشاهدة النسخة كاملة : عااااام وخااااص


القنــّـــاص
13-02-2007, 02:40 AM
الشاعر الشاعر :


سلامي سلاماً مثل نبت النواوير =يعم الديار وينعش القلب شوفه
سرى الليل واللي محتزم ياهل الخير= يولـّم دروعه قبل يشهر سيوفه
النوري
13-02-2007, 12:42 PM
الله الله يالقنّاص

حياك الله

وبداية اشيد بقوافيك الجزله
وسجلني متابعه....يالنشمي
هداج تيماء
13-02-2007, 07:03 PM
صح لسااااااااانك

ودام ابدااااعك

ننتظرررررر قبيلك من الشعااااار

ومتابعين
حاكم الشور
13-02-2007, 11:53 PM
القناص


صح لسانك

والله لا يهينك

والمحتزم اكيد

يبي يجي

متابع
صتمان
14-02-2007, 12:03 PM
بسم الله القناص حياك الله اولا

ثانيا اسمحلي بمجاراتك والاستفادة منك طال عمرك واستلممممم



هلا مرحبا باسمي وباسم المناعير =ارحب واهلي مالحقني كلوفة

بدا الليل توه ماسرى بالمقادير =وفارس هل النخوة تبين وصوفه
ربح السبيعي
14-02-2007, 01:38 PM
صح لسانك يالقناص


وصح لسان صتمان


بدايه رائعه


ومن شعار جزلين


واصلو وانا متابعين
القنــّـــاص
14-02-2007, 09:20 PM
اولا ابقاك الله يا صتمان والاستفاده لي طال عمرك:



لعل البقا لك يا زبون الخطاطير= ويبقى المحل اللي يكـرّم ضيوفه
ليا ثار عج معسكرات المسامير =احد له سنام شعيل واحدًاً ردوفه
القنــّـــاص
14-02-2007, 09:24 PM
هلا يالنوري اشكر لك مرورك واشادتك وسلمتي

ـــــــــــــــــــــــــ ــــــــــــــ

مرحبتين يا هداج تيماء وصح بدنك ولاهنتت على المتابعة

ـــــــــــــــــــــــــ ـــــــــــــــ

حياك الله يا حاكم الشور وصح بدنك واشكر لك متابعتك

ـــــــــــــــــــــــــ ـــــــــــ

مرحبا يا ربح السبيعي وصح لسانك ولك الشكر

والتقدير على متابعتك
سعد البراق
14-02-2007, 09:36 PM
صح لسان الشاعرين


متابعين للفائده
صتمان
16-02-2007, 02:42 AM
استلم والمعذره على التاخير



ليا ثار عج الخيل مابه معاذير = ابه ناس مجحودة وناس معروفة

توقع ترى منت بزبون المخاسير = ولا بيني وبينك هوان ومروفة
القنــّـــاص
16-02-2007, 07:29 PM
الله يحييك يا ابو اسامه سعد وصح بدنك والله لا يهينك





استلم يا صتمان ومعذور /


يموح الدلو عنتر ويشرب من البير=وغيـره على الجمه يصفق كفوفه
نضـد العدو ونعشي الذيب والطير= ومثـلك عن العليا تحده ظروفه
صتمان
17-02-2007, 01:44 PM
اسمــــــــــــــــــــع ياقنــــــــــــاص




على العد ياقناص ورد ومصادير = ومن لاسقته يمناه بقعاء تحوفه

ماغير الله اللي راحمٍ سالم الزير = لو انك لحقته كان شلّت كتوفه
القنــّـــاص
17-02-2007, 09:44 PM
الله الله

انت توحي اسمع :



لـو انّ الورود اللي على الما طوابير =وكـلــن على الميراد نفسه شغوفه
نبــا نحتـديهم لجل عفرن مصاغير=ونطعن عقيد القوم في وسط جوفه
منور العوني
17-02-2007, 11:27 PM
ياولد ياولد

وش المحاوره الناريه هذي

القناص وصتمان

واصلوا وعساكم على القوة
صتمان
18-02-2007, 11:05 AM
انا اسمع ياقناااااااااص


واسمع اسمع



مااقوللك غير ونعم في تالي السير = وراس ٍ ماهوراسي زمانه يلوفه

انا بنشدك عن وسم راع المغاتير = سهير الليالي في هواهن وخوفه
القنــّـــاص
19-02-2007, 01:57 AM
هاااسمع يا صتماان


ونعمـن بحـالك وانت بين المشاهير=عســى الله يجنبك الزمان وصدوفه
تشـوف الوسم لا جا يسوق المظاهير=عليــها سـلايل روق ستـر الهنوفه
صتمان
20-02-2007, 10:28 AM
اسمع اسمع



الا ياسلايل روق انا مقصدي غير = ولو غيرك اخطا ماعليه الحسوفة

عصنك بنات الفكر واقفن محادير = وذلولك على الطرقة ماهي بمعسوفة
القنــّـــاص
21-02-2007, 02:25 AM
هاااا توح ّ توح ّ




تخونك ( يابو وجهين ) بعض التـعابير=وحالك معي حـال الندم والكسـوفه
كما الاثرم اللي مع رجـال التفاسير=يحاول يخاطبـهم وتعجـز حرووفه
القنــّـــاص
21-02-2007, 02:30 AM
حياك الله يا اخ منور العوني ومنـــــوّر الصفحه يا منـــــور ولك الشكر على متابعتك وتشريفك
صتمان
21-02-2007, 07:57 PM
اسمع اسمع



توقع ترى باقلك شوي واطير = سهالة سهالة كدتك ومخلوفة

ترى بيننا حكام عدل وجماهير = وكل ٍ يثبت حجته في وقوفه
القنــّـــاص
21-02-2007, 09:26 PM
خلــــــــــوها


استلم



تهب الهبوب ولا تحرك شمنصير=رسى قدم صكات الزمان وصروفه
حججنا عليها يشهدون المغاوير=وشرواك يبلش لو نفتش ظروفه