الطير
31-12-2003, 08:38 AM
الـــــــــــــSــسلااااا� �اااام عليكم ..
قمت من النوم متأخر وناظرت في الساعه قلت الظاهر اني باخذ اجازه ارتاح فيها واتأمل مستقبلي واخذ اجازه <<<<<<<<< ليه وانا اصلا عاطل ..
وادخل المطبخ واسوي لي براد شاهي في ترمس ..
واخذ الشاهي واطلع لغرفتي واسكر الباب وانكش شعري العراده حتى يزبط معي التأمل وانسدح على سريري وارعص ريموت التلفزيون واول مافتح التلفزون كان على قناة السودان وجلست اشرب من الشاهي واتأمل وشفت ان التأمل غامق بالحيل قمت وغيرت المحطه على قناة LBC واتأمل وجازلي التأمل الثاني فرق مابين الصوره والمسوده ..
وانا جالس اتأمل في الصوره ومعطي اشكل للمسوده اسمع مع الدريشه صوت جارتنا حصيصه في الشارع تهاوش سواقها الهندي راجو !!
( حصيصه جارتنا مطلقه وساكنه لحالها في بيتها وتشتغل مدرسه وكل اخر شهر نسمع هواشها مع سواقها الهندي راجو وياكثر ماتهاوشت مع سواويقها اللي قبل راجو والسواق منهم ياجوده ان قعد عندها ستة اشهر, من بخلها ما تعطي سواويقها رواتبهم الا عقب شكاوي وطلايب )
المقصد نزلت ابي افزع للهندي راجو لا تفقش راسه ها البخيله واقرب من راجو يوم قام يصيح ويهز رويسه يبي راتبه حق خمسة اشهر ويبي خروج نهائي وحصيصه ماهي راضيه تعطيه رواتبه تقول انها خايفه تعطيه رواتبه ويفسدها على اشرطة فيديو بافلام هنديه وتبي تحفظها له مع ان الهنيدي الضعيف اصلا ماعنده فيديو ..
وماهي راضيه تعطيه خروج نهائي حتى تعطل المدارس , وانا اصلح بينهم انها تسفره برواتبه وهو يتنازل عن الباقي .
قالت حصيصه: انا موافقه يا الطير بس كذا ابقعد من غير سواق ..
وانا اطق على صدري وقلت : انا اشتغل سواق وبنفس راتب الهندي بس لا تجحديني مثله ..
واتفق معها على اني اشتغل بدل راجو بس اوديها واجيبها من المدرسه ومن بكره الدوام ..
وادرعم البيت واطلع غرفتي اكوي شماغي وثوبي وانام بدري وراي دوام الصبح ..؟؟
واقوم الصبح بدري والبس الشماغ والثوب الحجازي والكبك واتعطر والبس العقال وادرعم قدام بيت حصيصه احتريها لين ظهرت وتعطيني مفاتيح سيارتها وافتح لها الباب اللي ورى ( حركات ) وهي اللي تفتح الباب القدامي وتقعد جنب كرسي السواق قلت عادي حنا في القرن الواحد وعشرين اعتبرها مثل اختي ..
واقعد انظف قزاز السياره وافتح باب السياره واركب جنب حصيصه واحط يدي على الدركسون والأبتسامه شاقه وجهي ..
وناظرتني وقالت : هو ,, الطير ماتستحي على وجهك وش مركبك جنبي ؟
وانا اللي انزل واركب في الكرسي اللي ورى بس ماشفت دركسون قلت يمكن هي بتسوق فيني ولا بيجي احد يسوق فينا ..
وقالت : صحيح انك ماتستحي انزل من السياره !!!
قلت : وش انا مسوي ركبت قدام ماعجبتس ركبت ورى ماعجبتس نسيتي اني سواقتس ؟
قالت: لا مانسيت بس انت اللي ناسي انك ما نت محرم لي الله لايهينك شف شغلك ودف السياره لين المدرسه ثمن ارجع لي اخر الدوام ..
قلت : وش ادف !!! وش محرم !!!! بعدين كم مره انا موصلتس بسياره ابوي للمدرسه من غير محرم ولا يمكن سيارة ابوي ماتحتاج محرم !!
وتصرخ علي حصيصه انزل دف السياره تأخرت عن المدرسه ..؟؟ وانا انطم وانزل من السياره انا مع كشختي
واتلطم بشماغي لا احد يعرفني وارفع ثوبي واعضه بسنوني وافك الكبك واحطه في مخباتي واشمر عن ذرعاني وادف السياره لين المدرسه وافتح لها باب السياره وهي نازله قالت : الطير على فكره نسيت اعلمك ترى السياره مافيها بنزين من شهرين مثل ما انت شايف مانيب في حاجته !! ( والله من البخل ) ..
جيت ابي اوقف الموتر قدام المدرسه وعيت حصيصه تبيني ارجع بالسياره وادخلها في الكراج في بيتها تقول انها خايفه على سيارتها من الشمس ..
وارجع ادف الموتر لبيتها وادخله الكراج وادرعم بيتنا واتلين لي شوي واخر الدوام انكس ادف الموتر للمدرسه اجيب حصيصه وعلى هالحاله شهر لين طقت سبدي ..
ويجي ذاك اليوم وانا جايبها من المدرسه وانا اللي ادعس راسي مع الدريشه ..؟؟
وقلت : ياحصيصه شوفي انا ماعاد لي نفس اشتغل سواق تعبت من الدف من كثر ما اكتم هوا وادف اكتم هوا وادف صارت زغوودي تدودل والله مادري ياحصيصه انتي تبين سواق ولا حمار يجرتس ابي راتبي الله يعافيتس وخليني امشي ..
قالت : افا بس ياالطير وش ذا الكلام افا بس افا, اسمع عاد انا في خاطري شي من زمان ودي اقوله لك بس كنت متردده ؟؟ اسمع اش رايك تتزوجني يادرعومي !!
انا فتحت اثمي ماعرفت ارد على البنت ..؟؟
قالت : وراك ماتكلم يعني اعتبرك موافق ؟؟
قلت: واصير محرم وتعبين السياره بنزين ؟؟
قالت : تصير محرم ايه بس اعبي بنزين انا اشوف ماله داعي لأنك اذا دفيت السياره وانا فيها يجيني أحساس انك تحبني و شاريني وطلبتك ياطيوري ماتحرمني من هالأحساس ..
تدرون عاد اهم شي هو الأحساس .. واعرس على حصيصه وتسكني عندها في البيت ..
وتكثر مسؤلياتي في الدف كنت قبل العرس ادف سيارتها ردين اوديها المدرسه ثمن اجيبها لكن عقب العرس كثر دف الموتر من ثمانيه الى عشره ردود في اليوم بس ادفدفها هي وسيارتها في ذا الشوارع يارايحين السوق ياراجعين , يارايحين تزور صديقاتها ياجاين , وانا صاير مدفعجي ..
ادوختني هالبخيله بس الصراحه انا اللي استاهل يوم اني اتجيود واطق على صدري اني اصير سواق عندها, المراد وانا جاي من مشوار دفه واول ماشافتني داخل مع باب البيت جاتني تركض فرحانه تبشرني ؟؟
قالت: طيوري وش ابشرك فيه من اليوم ورايح بنتفرج على قنوات ال Orbit
قلت : بعدي والله شريتي دش ال Orbit
قالت : لا اهلك هم اللي شارينه ..؟؟
قلت : اخلصي علي بس وين عشانا ..
وتفرش السفره وتحط عشانا علبة زبادي والا ماعندنا خبز نغمس في الزبادي وجيت طالع ابي اجيب خبز الحقتني حصيصه وعطتني مفتاح السياره ..
قلت: لا مافيه داعي للخساير باروح مشي ؟؟
قالت : لا طيوري اخاف تبطي ..؟؟
وانا اخذ المفاتيح وادف الموتر وادرعم على الخباز وانا في الطريق افكر اني اطلقها واشتري زغوودي ابرك واوصل الخباز واشتري خبز واجي راجع والله اني تعبت هذا وانا رايح بالسياره وشلون اجل لو رحت مشي اكيد باهلك من التعب ..
وادخل البيت تافل العافيه من كثر المشاوير واعطيها الخبز وانا مالي نفس اكل, وادخل الحمام ابي اغسل وجهي واناظر زغودي في المرايه واشوف كأن شكل وجهي متغير وصوتي بدا يحرش واذاني يخيل لي انها كابرت شوي ..
قلت تلاحق عمرك ياالطير لا تغدي واطلع من الحمام واحط اصابعي في اذاني اصارخ على حصيصه واقول : الزغود وصبرنا عليها قلنا مايخالف لكن اصير حمار ,,, لا لا لا ,,, ياحلابة النمل ..
وهي اللي تطمر من على سفرة العشاء وتومي بيديها في وجهي وهي تقول : وانا بنت ابوي انا حصيصه تقول عني حلابة نمل انا تطول صوتك علي انت وجبهتك اللي ما ناقصها الا قده وتصير ملعب اسمع عقب اللي سمعته منك بيتي يتعذرك والباب ياسعك انت و زغودك ولا تحسبني متزوجتك حب في سواد عيونك ؟؟
؟
؟
؟
؟
؟
؟
؟
؟
؟
؟
؟
؟
؟
انا ماتزوجتك الا ابي اوفر راتبك :p
تحياتي لكم ..
الطــــــــــ طير الحب ــ شيخ المنتدى ـــير .. :اموه:
قمت من النوم متأخر وناظرت في الساعه قلت الظاهر اني باخذ اجازه ارتاح فيها واتأمل مستقبلي واخذ اجازه <<<<<<<<< ليه وانا اصلا عاطل ..
وادخل المطبخ واسوي لي براد شاهي في ترمس ..
واخذ الشاهي واطلع لغرفتي واسكر الباب وانكش شعري العراده حتى يزبط معي التأمل وانسدح على سريري وارعص ريموت التلفزيون واول مافتح التلفزون كان على قناة السودان وجلست اشرب من الشاهي واتأمل وشفت ان التأمل غامق بالحيل قمت وغيرت المحطه على قناة LBC واتأمل وجازلي التأمل الثاني فرق مابين الصوره والمسوده ..
وانا جالس اتأمل في الصوره ومعطي اشكل للمسوده اسمع مع الدريشه صوت جارتنا حصيصه في الشارع تهاوش سواقها الهندي راجو !!
( حصيصه جارتنا مطلقه وساكنه لحالها في بيتها وتشتغل مدرسه وكل اخر شهر نسمع هواشها مع سواقها الهندي راجو وياكثر ماتهاوشت مع سواويقها اللي قبل راجو والسواق منهم ياجوده ان قعد عندها ستة اشهر, من بخلها ما تعطي سواويقها رواتبهم الا عقب شكاوي وطلايب )
المقصد نزلت ابي افزع للهندي راجو لا تفقش راسه ها البخيله واقرب من راجو يوم قام يصيح ويهز رويسه يبي راتبه حق خمسة اشهر ويبي خروج نهائي وحصيصه ماهي راضيه تعطيه رواتبه تقول انها خايفه تعطيه رواتبه ويفسدها على اشرطة فيديو بافلام هنديه وتبي تحفظها له مع ان الهنيدي الضعيف اصلا ماعنده فيديو ..
وماهي راضيه تعطيه خروج نهائي حتى تعطل المدارس , وانا اصلح بينهم انها تسفره برواتبه وهو يتنازل عن الباقي .
قالت حصيصه: انا موافقه يا الطير بس كذا ابقعد من غير سواق ..
وانا اطق على صدري وقلت : انا اشتغل سواق وبنفس راتب الهندي بس لا تجحديني مثله ..
واتفق معها على اني اشتغل بدل راجو بس اوديها واجيبها من المدرسه ومن بكره الدوام ..
وادرعم البيت واطلع غرفتي اكوي شماغي وثوبي وانام بدري وراي دوام الصبح ..؟؟
واقوم الصبح بدري والبس الشماغ والثوب الحجازي والكبك واتعطر والبس العقال وادرعم قدام بيت حصيصه احتريها لين ظهرت وتعطيني مفاتيح سيارتها وافتح لها الباب اللي ورى ( حركات ) وهي اللي تفتح الباب القدامي وتقعد جنب كرسي السواق قلت عادي حنا في القرن الواحد وعشرين اعتبرها مثل اختي ..
واقعد انظف قزاز السياره وافتح باب السياره واركب جنب حصيصه واحط يدي على الدركسون والأبتسامه شاقه وجهي ..
وناظرتني وقالت : هو ,, الطير ماتستحي على وجهك وش مركبك جنبي ؟
وانا اللي انزل واركب في الكرسي اللي ورى بس ماشفت دركسون قلت يمكن هي بتسوق فيني ولا بيجي احد يسوق فينا ..
وقالت : صحيح انك ماتستحي انزل من السياره !!!
قلت : وش انا مسوي ركبت قدام ماعجبتس ركبت ورى ماعجبتس نسيتي اني سواقتس ؟
قالت: لا مانسيت بس انت اللي ناسي انك ما نت محرم لي الله لايهينك شف شغلك ودف السياره لين المدرسه ثمن ارجع لي اخر الدوام ..
قلت : وش ادف !!! وش محرم !!!! بعدين كم مره انا موصلتس بسياره ابوي للمدرسه من غير محرم ولا يمكن سيارة ابوي ماتحتاج محرم !!
وتصرخ علي حصيصه انزل دف السياره تأخرت عن المدرسه ..؟؟ وانا انطم وانزل من السياره انا مع كشختي
واتلطم بشماغي لا احد يعرفني وارفع ثوبي واعضه بسنوني وافك الكبك واحطه في مخباتي واشمر عن ذرعاني وادف السياره لين المدرسه وافتح لها باب السياره وهي نازله قالت : الطير على فكره نسيت اعلمك ترى السياره مافيها بنزين من شهرين مثل ما انت شايف مانيب في حاجته !! ( والله من البخل ) ..
جيت ابي اوقف الموتر قدام المدرسه وعيت حصيصه تبيني ارجع بالسياره وادخلها في الكراج في بيتها تقول انها خايفه على سيارتها من الشمس ..
وارجع ادف الموتر لبيتها وادخله الكراج وادرعم بيتنا واتلين لي شوي واخر الدوام انكس ادف الموتر للمدرسه اجيب حصيصه وعلى هالحاله شهر لين طقت سبدي ..
ويجي ذاك اليوم وانا جايبها من المدرسه وانا اللي ادعس راسي مع الدريشه ..؟؟
وقلت : ياحصيصه شوفي انا ماعاد لي نفس اشتغل سواق تعبت من الدف من كثر ما اكتم هوا وادف اكتم هوا وادف صارت زغوودي تدودل والله مادري ياحصيصه انتي تبين سواق ولا حمار يجرتس ابي راتبي الله يعافيتس وخليني امشي ..
قالت : افا بس ياالطير وش ذا الكلام افا بس افا, اسمع عاد انا في خاطري شي من زمان ودي اقوله لك بس كنت متردده ؟؟ اسمع اش رايك تتزوجني يادرعومي !!
انا فتحت اثمي ماعرفت ارد على البنت ..؟؟
قالت : وراك ماتكلم يعني اعتبرك موافق ؟؟
قلت: واصير محرم وتعبين السياره بنزين ؟؟
قالت : تصير محرم ايه بس اعبي بنزين انا اشوف ماله داعي لأنك اذا دفيت السياره وانا فيها يجيني أحساس انك تحبني و شاريني وطلبتك ياطيوري ماتحرمني من هالأحساس ..
تدرون عاد اهم شي هو الأحساس .. واعرس على حصيصه وتسكني عندها في البيت ..
وتكثر مسؤلياتي في الدف كنت قبل العرس ادف سيارتها ردين اوديها المدرسه ثمن اجيبها لكن عقب العرس كثر دف الموتر من ثمانيه الى عشره ردود في اليوم بس ادفدفها هي وسيارتها في ذا الشوارع يارايحين السوق ياراجعين , يارايحين تزور صديقاتها ياجاين , وانا صاير مدفعجي ..
ادوختني هالبخيله بس الصراحه انا اللي استاهل يوم اني اتجيود واطق على صدري اني اصير سواق عندها, المراد وانا جاي من مشوار دفه واول ماشافتني داخل مع باب البيت جاتني تركض فرحانه تبشرني ؟؟
قالت: طيوري وش ابشرك فيه من اليوم ورايح بنتفرج على قنوات ال Orbit
قلت : بعدي والله شريتي دش ال Orbit
قالت : لا اهلك هم اللي شارينه ..؟؟
قلت : اخلصي علي بس وين عشانا ..
وتفرش السفره وتحط عشانا علبة زبادي والا ماعندنا خبز نغمس في الزبادي وجيت طالع ابي اجيب خبز الحقتني حصيصه وعطتني مفتاح السياره ..
قلت: لا مافيه داعي للخساير باروح مشي ؟؟
قالت : لا طيوري اخاف تبطي ..؟؟
وانا اخذ المفاتيح وادف الموتر وادرعم على الخباز وانا في الطريق افكر اني اطلقها واشتري زغوودي ابرك واوصل الخباز واشتري خبز واجي راجع والله اني تعبت هذا وانا رايح بالسياره وشلون اجل لو رحت مشي اكيد باهلك من التعب ..
وادخل البيت تافل العافيه من كثر المشاوير واعطيها الخبز وانا مالي نفس اكل, وادخل الحمام ابي اغسل وجهي واناظر زغودي في المرايه واشوف كأن شكل وجهي متغير وصوتي بدا يحرش واذاني يخيل لي انها كابرت شوي ..
قلت تلاحق عمرك ياالطير لا تغدي واطلع من الحمام واحط اصابعي في اذاني اصارخ على حصيصه واقول : الزغود وصبرنا عليها قلنا مايخالف لكن اصير حمار ,,, لا لا لا ,,, ياحلابة النمل ..
وهي اللي تطمر من على سفرة العشاء وتومي بيديها في وجهي وهي تقول : وانا بنت ابوي انا حصيصه تقول عني حلابة نمل انا تطول صوتك علي انت وجبهتك اللي ما ناقصها الا قده وتصير ملعب اسمع عقب اللي سمعته منك بيتي يتعذرك والباب ياسعك انت و زغودك ولا تحسبني متزوجتك حب في سواد عيونك ؟؟
؟
؟
؟
؟
؟
؟
؟
؟
؟
؟
؟
؟
؟
انا ماتزوجتك الا ابي اوفر راتبك :p
تحياتي لكم ..
الطــــــــــ طير الحب ــ شيخ المنتدى ـــير .. :اموه: