عبدالعزيز العضياني
09-02-2007, 11:17 PM
جيت آتظـلّـم سيدي وأطلبك في لفت النــــظــر = هل تنصف المظلوم من ظلـم الزمان اللي وطـــاه
معـذور لو جيت أعتذر غيري تعـذر وأنعذر = ما أخطيت لكن الزمـان أخطى وحمـًّلني خطاه
حقْ علي أصبر ومن صـِبٍّر على شي ظفر = والصبر لو فيه المراره من ملذات الحياه
على سفينة حبكم ظميان في عرض البحر! = هبـّت عليه العاصفة ثم أنتثر ماعون مـاه
بين البداية والنهاية لا إتجاه ولا مفر = يقبل ويقفي يستدير بدون وجهه وإتجاه
والموت قام يدرج التابوت لأبواب القبر = والموج غاضب والكفن منسوج بخيوط الوفاه
يبـّس شفاياه الظما واذا تصبـّر ماقدر = وإذا شرب من ماء البحر زاده ظما على ظمـاه
قطع رجاه من الحياه وبـرّكه حكم القدر = بارك كما يبرك بعير ٍشال حمل ٍ ماقواه!
وحارت بعينه دمعته لو جات في صلد الحجر = ذاب الحجر مثل ما يذوب الكحل في عين الفتاه
ماهوب ودّه يلفظ أنفاسه ولا حوله بشر = إمـّا صديق ٍ بيـَّحه ولا ولد عم ٍ بكـاه
ولاّ عفيفات ٍ يطـرّنْ الجيوب من القهر = هذي رمت عنها القناع وذي رمت عنها العباه
على ظهر سفينته يطوي مسافات العمر = مستوحش ٍ! وحشة نبي الله يونس في دجـاه
وفجأه وهو ساهي خطف عينه سنا برق ٍ ظهر = يبرق على بعد المدا يلوح في الغبـّة سناه
وحـّنت مباكير الرعود وهب نسناس المطر= ريح المطر يطرق وريده والسحب غطـّت سماه
وأسقاه ربي من سحابه وأنجلى عنه الضجـر = وشرب وصـدّر وأرتوى وأبحر على درب النجاه
أديب ومغامر وشاعر له مع الذكرى عبر = يسرد مسلسل قصـّته للي وراه من الرواه
لاحظ على بياض ثوبه نقطتين ٍمن حبر = هاضت شجونه مد كفـّه للقلم جر الدواه
وتذكرك ياظامر السرجوف ياترف النحر = يا غايته ومناه في دنياه ياشمعة هواه
أنت السفينه والبحر إن جاك علمي والخبر = أنت الظما والماء بليـّا شك وبدون إشتباه
البارحة لك وأمس لك واليوم وأيام الدهـر = الليل ليلك والنهار يشعْ من خـدّك ظياه
وأنت الذي طيفك يسامرني على ضوح القمر = أوسّـدهـ يمناي وأقلب صفحة الذكرى معاه
وقّف ترى عمري بدونك يابعد عمري هدر = ولا تعال آودّعك وأكتب معك لأهلي وصاه
وصاة مجنون ٍ قضى نحبه وهو يهذي شعر = يهذي بحب اللي غرس رمح المحبة في حشاه
ياونتي ونة كسير ٍوعظم ساقه ماجبر = وإلاّ ونة الأسحم! اللي طاردينه عن عشاه
ياما عليك آجر ونـّات العشاياوالفجر = وأبكي كما يبكي يتيم ٍ يكسر الخاطر بكاه!
ياسيدي حلمك علي وانا أعتذر عن مابدر = أصفح عن المذنب ولا تسمع دعايات الوشاه
وانا حصان ٍطمرته تعجب عيونك لو عثر! =يصهل صهيل العزْ والطـرّاد مايلحق مداه
هذا وانا ياسيدي جيت أطلبك لفت النظر = هل تنصف المظلوم من ظلم الزمان اللي وطاه
القصيده منقوله
وصح لساااان شاعرها
واتمنى ان تنال اعجابكم
معـذور لو جيت أعتذر غيري تعـذر وأنعذر = ما أخطيت لكن الزمـان أخطى وحمـًّلني خطاه
حقْ علي أصبر ومن صـِبٍّر على شي ظفر = والصبر لو فيه المراره من ملذات الحياه
على سفينة حبكم ظميان في عرض البحر! = هبـّت عليه العاصفة ثم أنتثر ماعون مـاه
بين البداية والنهاية لا إتجاه ولا مفر = يقبل ويقفي يستدير بدون وجهه وإتجاه
والموت قام يدرج التابوت لأبواب القبر = والموج غاضب والكفن منسوج بخيوط الوفاه
يبـّس شفاياه الظما واذا تصبـّر ماقدر = وإذا شرب من ماء البحر زاده ظما على ظمـاه
قطع رجاه من الحياه وبـرّكه حكم القدر = بارك كما يبرك بعير ٍشال حمل ٍ ماقواه!
وحارت بعينه دمعته لو جات في صلد الحجر = ذاب الحجر مثل ما يذوب الكحل في عين الفتاه
ماهوب ودّه يلفظ أنفاسه ولا حوله بشر = إمـّا صديق ٍ بيـَّحه ولا ولد عم ٍ بكـاه
ولاّ عفيفات ٍ يطـرّنْ الجيوب من القهر = هذي رمت عنها القناع وذي رمت عنها العباه
على ظهر سفينته يطوي مسافات العمر = مستوحش ٍ! وحشة نبي الله يونس في دجـاه
وفجأه وهو ساهي خطف عينه سنا برق ٍ ظهر = يبرق على بعد المدا يلوح في الغبـّة سناه
وحـّنت مباكير الرعود وهب نسناس المطر= ريح المطر يطرق وريده والسحب غطـّت سماه
وأسقاه ربي من سحابه وأنجلى عنه الضجـر = وشرب وصـدّر وأرتوى وأبحر على درب النجاه
أديب ومغامر وشاعر له مع الذكرى عبر = يسرد مسلسل قصـّته للي وراه من الرواه
لاحظ على بياض ثوبه نقطتين ٍمن حبر = هاضت شجونه مد كفـّه للقلم جر الدواه
وتذكرك ياظامر السرجوف ياترف النحر = يا غايته ومناه في دنياه ياشمعة هواه
أنت السفينه والبحر إن جاك علمي والخبر = أنت الظما والماء بليـّا شك وبدون إشتباه
البارحة لك وأمس لك واليوم وأيام الدهـر = الليل ليلك والنهار يشعْ من خـدّك ظياه
وأنت الذي طيفك يسامرني على ضوح القمر = أوسّـدهـ يمناي وأقلب صفحة الذكرى معاه
وقّف ترى عمري بدونك يابعد عمري هدر = ولا تعال آودّعك وأكتب معك لأهلي وصاه
وصاة مجنون ٍ قضى نحبه وهو يهذي شعر = يهذي بحب اللي غرس رمح المحبة في حشاه
ياونتي ونة كسير ٍوعظم ساقه ماجبر = وإلاّ ونة الأسحم! اللي طاردينه عن عشاه
ياما عليك آجر ونـّات العشاياوالفجر = وأبكي كما يبكي يتيم ٍ يكسر الخاطر بكاه!
ياسيدي حلمك علي وانا أعتذر عن مابدر = أصفح عن المذنب ولا تسمع دعايات الوشاه
وانا حصان ٍطمرته تعجب عيونك لو عثر! =يصهل صهيل العزْ والطـرّاد مايلحق مداه
هذا وانا ياسيدي جيت أطلبك لفت النظر = هل تنصف المظلوم من ظلم الزمان اللي وطاه
القصيده منقوله
وصح لساااان شاعرها
واتمنى ان تنال اعجابكم