بعد الغياب أقرب عتيبي لا هنتوا

[ناصر الجهني]

الأخوة الأعضاء

السلام عليكم أعود لكم بعد الغياب الطويل و الذي لازمته فترة إختبارات

و إن شاء الله نكون عند حسن ظن الجميع

و أقرب عتيبي لا هنت إستلم



يا سلامي على أهل القسم و الدار كله=ردةٍ من رجل يمشي على خير مله
شاعرٍ محتزم بحزام و سيفه يسله=و البنآدم معرّض للشقا و السعاده




سلام حسب الأصول و عرفنا المعتبر=رديةٍ وافيه ترجح بميزانها
بعد الغياب المطّول جيت و أبغى إستمر=و المعلبه ودنا تحظى بفرسانها




ذهب
من
هنا
وهو ينتظر أقرب

شاعر عتيبي ليتجاوب معه

[الصقر البرازي]

اتيت

وانا

اقول


صح لسانك


واستغرب عدم الرد على هذه الجزاله


يمكن 00000000000000000؟


ههههههههههههههههههههه



لك التحيه من \ الصقر البرازي

[ناصر الجهني]

الصقر البرازي


هلا و غلا و صح بدنك يا غالي و غريب لم يتواجد أحد علماً

أن الشعار من عتيبه واجدين لكن الله يجيب اللي فيه خير



ذهب
من
هنا
وهو يشكر الصقر البرازي

لتواجده في المشاركة

[ناصر الجهني]

شعراء عتيبه

خمسة أيام و أنا إنتظر و لم يجد شاعر يرد على السلام لذلك




يا عتيبه ضيفكم له خمسة أيامٍ ينادي=ما وجد واحد يجيبه كنكم مستصغرينه
يا رجال المعرفه لا شك يُذكر فالمبادي=شرهتي على رجال القسم و اللي ماسكينه





إلى هنا و الأمر يا مشرفين ؟



ذهب
من
هنا
وهو يردد

يا عتيبه ضيفكم له خمسة أيامٍ ينادي

[فهده]

ياعتيبــــة يالحمية وينكم وين المنـــادي
ياعتيبــــة ليه واحد من جهينــة تاركينه
والله اني ما كتبت القاف يومٍ في البوادي
مير هذا العلم والله زاد في الخاطر حنينه

والله اني مااكتب الشعر
بس الرد واجب

سلام..

[لطّام]

وعليكم السلام ورحمة الله وبركاته



يامرحباا يامرحباا بعد طول الغياب :)




دقيتزه بس ابا اصلي الفجر واجيك

[سعود العصيمي]

حياك الله ياناصر الجهني واستلم



مرحبا يامسلم بعد طول المغيبه = مرحبا فالبعيدة وانتبه للقريبه


كان تبغى عتيبي جاك شاعر عتيبه = والبنادم معرض للشقاء والسعادة


يامرحبا ياهلا اقلط وهات الخبر = والطيبه من جلبها جاته اثمانها

اعبر طريقك ولا تقرب طريق الخطر = وانته بذهنك وكل الناس باذهانها

[لطّام]

استلم استلم طال عمرك والفايده لي :)



مرحبا مرحبا ياللي تنادي عتيبه=الهقاوي بعيده والخطاوي قريبه
بعد ماجيت حذرى لاتضوّي مصيبه=والبنادم معرض للشقا والسعاده



يامرحبا عد ماغنو بيوت الشعر=ترحيبتن وافيه ما اختل نيشانها
من بعد ماجيت يارجال هات الخبر=من قبل بقعاء تجي ويثور دخانها

[سعود العصيمي]

وعليكم السلام ورحمة الله وبركاته



يامرحباا يامرحباا بعد طول الغياب :)




دقيتزه بس ابا اصلي الفجر واجيك



لطام انا اسف يعلم الله اني ماانتبهت


لملاحظتك الابعد رديت


لكن واصل مع ناصر لاهنت

اخوك سعود العصيمي

[سعود العصيمي]

استلم استلم طال عمرك والفايده لي :)



مرحبا مرحبا ياللي تنادي عتيبه=الهقاوي بعيده والخطاوي قريبه
بعد ماجيت حذرى لاتضوّي مصيبه=والبنادم معرض للشقا والسعاده



يامرحبا عد ماغنو بيوت الشعر=ترحيبتن وافيه ما اختل نيشانها
من بعد ماجيت يارجال هات الخبر=من قبل بقعاء تجي ويثور دخانها



صح لسانك

يالطام واصل مع ناصر


وانا وانت فالحال واحد وانا مثل ماقلت لك

اعلاه لم انتبه لملحوظتك الا بعد رديت لاني عندما دخلت وشفت ابيات ناصر دورت للرد فقط

[لطّام]

يامرحبتين ياسعود



ماحصل الا كل خيرومثل ماقيل يسد عنّا فالمواقف حدينا


لو اني سويت تحديث كان ماحطيت شيء مير ما امداني :)



على العموم ماحصل الا كل خير يالغالي


وننتظر الاخ ناصر الجهني

[سعود العصيمي]

يامرحبتين ياسعود



ماحصل الا كل خيرومثل ماقيل يسد عنّا فالمواقف حدينا


لو اني سويت تحديث كان ماحطيت شيء مير ما امداني :)



على العموم ماحصل الا كل خير يالغالي


وننتظر الاخ ناصر الجهني


عشت القرم صحيح اللي يحضر منا يسد لكن انا ابا اداوم

وكلم واحد من الشرفين خله يحذف ردي وانت واصل لاعدمتك

[حامل الرآية]

ناصر الجهني

سعود العصيمي

لطام

صحت ا لسنتكم جميعا

ونتمنا مواصلة اللعب

وللكل التحية

حامل الرآية

[ناصر الجهني]

لطّام


هلا هلا و إستلم لا هنت




البقاء يا مرّحب بعد فات الآواني=أربعه أيام أسلّم ما أحد رحب و جاني
سلمكم يا عتيبه كيف ضاع بثواني=و البنآدم معرّض للشقا و السعاده




إبك البقا و إعلم إن نارك تعود جمر=لا صار شاعر من جهينه بميدانها
كل كسر يا صاحبي قد قيل يلقى جبر=لكن بعض الكسور إعتل جريانها



ذهب
من
هنا
وهو يردد

البقا يا مرّحب بعد فات الآواني

[لطّام]

حامل الرايه يامرحبا الـ1000ـف



عندك ياناصر




الرعيه ليا ناديتها جات بدري= والشيوخ اتثاقل مشيها وانت تدري
ضاق صدرك وانا غنيت ماضاق صدري=والبنادم معرض للشقا والسعاده




الغيب مايعلمه ياكوود رب البشر=من يخبر جهينه تقوله لورعانها
مدري بعيد النظر ولا قصير النظر=الخيل تبرالها ماتلزّم عنانها

[ناصر الجهني]

لطّام

هلا هلا و إستلم لا هنت




الرعيه تهاوت بين يومٍ و ليله=و ثقلة المشي ما هي للشيوخ الأصيله
ثقلة المشي قالوا يا عرب ( للحلِيله )=و البنآدم معرّض للشقا و السعاده




مؤمن و أعبد الولي و أرضى بحكم القدر=و جهينه شيوخ ثابت ساس عمدانها
ترى الجريمه لها بين الأوادم خطر=حتى إن بعض الخوان تخون بأخوانها





ذهب
من
هنا
وهو يتواصل مع الشاعر

لطّام في هذا الطاروق

[هداج تيماء]

يا سلااااااااااااام

صحت السنتكم


ولا هنتووووووا


متابعيبن

[لطّام]

هداج حياك الله


ناصر استلم



يانديب المساعي لاتضيع المساعي=قايد القافله حول بها للضياعي
مايعرف الشيوخ اللي مع الناس راعي= والبنادم معرض للشقاء والسعاده





الظاهر انه يبالك يانويصر شهر=من شان بنت الهواء تقدر لبيبانها
انته تعرف الغدر وانا ما اعرف الغدر=اذهن قبل لاتلّد الناس باعيانها

[ناصر الجهني]

لطّام

هلا هلا و إستلم لا هنت




نعرف شيوخكم يا خي ذيك الليالي=يومهم للبلد شدوا خبيث الحمالي
لكن ربي حما البيت العزيز الموالي=و البنآدم معرّض للشقا و السعاده




أعرف جميع الأمر يا أخوك بطن و ظهر=و بنت الهواء حكمها في يدين سلطانها
الغدر ورثه مع عتيبه في ظل الوكر=و الناس ما تجهل اللي حرّك أسكانها



ذهب
من
هنا
وهو يواصل مع الشاعر

لطّام هذه المحاورة

[لطّام]

حظر ويلقي التحيه

< مايعرف يقلّد :)



استلم طال عمرك




كل رجل ٍ على البيدا ويشعب حصانه=ويوم ذيك الليالي وانت مالك مكانه
الرخامه تسميها اساس الامانه= والبنادم معرض للشقا والسعاده



انته تجيد المحاسب عند جلب التمر=ولا الميادين ماشانك مثل شانها
لاياطويل العمر مدري قصير العمر=منته مقيّم رجال تغيض عدوانها

[سعد البراق]

حظر ويلقي التحيه

< مايعرف يقلّد :)



استلم طال عمرك




كل رجل ٍ على البيدا ويشعب حصانه=ويوم ذيك الليالي وانت مالك مكانه
الرخامه تسميها اساس الامانه= والبنادم معرض للشقا والسعاده



انته تجيد المحاسب عند جلب التمر=ولا الميادين ماشانك مثل شانها
لاياطويل العمر مدري قصير العمر=منته مقيّم رجال تغيض عدوانها


صح السانك يا لطام وعز الله انك على اسمك

وفي صفك يا ولد العم

ولا اوصيك بالجهني عطه النااااااااااااااار ههههههه

----------------------------

ناصر الجهني

صح السانك

الله يعطيك العااااااافية

[صلاح الأحمدي]

***


ناصر الجهني ، لطّام


صح الله منكما اللسان

يعطيكم العافيه


متابع


.

[ناصر الجهني]

لطّام

هلا هلا و إستلم لا هنت




قيل غيّر جبال و لا تغيّر طبيعه=نحمد الله ما خنّا رجال الشريعه
و من يعادي بيوت الله عساه القطيعه=و البنآدم معرّض للشقا و السعاده





الحمد لله متواضع ما أعرف الكِبر=و الناس ندري بفاضيها و مليانها
السالفه واضحه مع زيد و ألا عمر=و من إعتدت للبلد لا خير بأعوانها






ذهب
من
هنا
وهو يواصل المحاورة

مع الشاعر لطّام

[لطّام]

يامرحبتين يا ابو اسامه



والصف وراعي الصف يتنومسون بحضورك جعل عمرك طويل :)



مرحبا ومسهلا يابن عامر


شرفتنا طال عمرك

[لطّام]

ناصر ارحب ارحب طال عمرك



واستلم لاهنت




ياطويل العمر من ثبّت شداد ريمه=فالليال الجديده والليال القديمه
يوم بعض البشر عايش سوات البهيمه=والبنادم معرض للشقا والسعاده



من ماضي الوقت وانته ماتعداّ شبر=اجواد بدوّن تمشى خلف طليانها
ياراعي السالفه بنشدّك جالك ٍذكر=من عقّب ماثبتو دارك بسيسانها

[ناصر الجهني]

لطّام

هلا هلا و إستلم لا هنت




لا تفاخر بفعل يسوقك لنار حيه=يا ضعيف الإيمان و يا كريه الهويه
الصقر صقر و أما العيه يعيش عيه=و البنآدم معرّض للشقا و السعاده




على معزة و شرف ما جيت درب الوزر=ما خنّا السنه العطرة و قرآنها
من قبل ذيك الليالي و فعلنا ينذكر=رجال صانت عهود المصطفى و صانها


ذهب
من
هنا
وهو يواصل المحاورة

مع الشاعر لطّام

[لطّام]

مرحبا ومسهلا ياناصر الجهني



تشرفت جدا ً بهذا الطاروق وصح لسانك


مع العلم ان عندي ملاحظه ولا ادري هل هو كسر في البيت او انا قاريه خطاء


ما خنّـا السنـه العطـرة و قرآنهـا



على العموم بيض الله وجهك وماقصرت ولنا لقاء اخر ان شاءالله




سلامي واحترامي ،