المالطية.. ولاني بمتأكد.. الفزعة يا أهل الخير

[تاجر مواشي]

اغنام - ابل - دواجن - طيور


المالطية.. ولاني بمتأكد.. الفزعة يا أهل الخير (http://www.aghnam.com.sa/vb/showthread.php?t=270827)


السلام عليكم ورحمةالله وبركاته
انا سبق وعرضت مشكلتي في هالمنتدى
وهي ان اللي الحلال صابها اجهاض بأعداد كبيرة وبعضكم قال مالطية
ورحت للزراعة وللأسف من موعد لموعد بس عشان يطلعون يحللون هل في الحلال مالطية او لا
المهم يا جماعة الحلال كانت تطرح باليوم اربع وخمس
وكان فيها امراض مختلفة
رحت وتعاقدت مع بيطري على حسابي الخاص يطلع للحلال كذا مرة بالشهر وطعمها معوي ودموي وطاعون
والحمد لله وضع الحلال طاب
لكن فيه عدة ملاحظات
الاجهاض قل بنسبة كبيرة لكنه ماوقف فصار بالشهر تطرح ثلاث اربع
لكن للأسف كأن اللي اجهضوا مامسكوا للآن مع ان الفحول بينها وعليها دايم
يا اخوان انا قرأت ان مسبب المالطية قد تكون الأنثى وقد يكون الفحل.. ويقولون الفحل اكثر.. فكيف اعرف اي فحل هوه المصاب من بين ثمانية فحول؟؟؟
ورحت للزراعة قالوا تخلص من كل اللي اجهضوا.. فهل هذا صحيح؟؟ وكيف اتخلص من مئة وخمسين رأس من اطيب حلالي وافضلها؟؟
ولما رحت للزراعة عطوني موعد بشهر ثلاثة الجاي عشان يطلع ياخذ عينة.. فهل انتظرهم او اشوف لي علاج من أي بيطري خاص؟؟
هل فيه علامات ظاهرية لإصابة الحيوان بالمالطية؟؟
هل فيه علاج بديل اعشاب او حبوب يفيد لهاالمرض؟؟
ملاحظة /الحلال سمينة وطيبة جدا ومايبين عليها أي اثر للمرض..
تقريب لكم لمعرفة مدى الخسارة.. كان معدل المواليد الشهري ثلاثين مولود.. والشهرين الماضية أربعة مواليد لكل شهر فقط
تكفون ساعدوني والله انها طابت النفس من هالحلال لكن ماودي ابيعها على احد وأغشه فيها.. وش السواة.. واعذروني على الاطالة

المصدر: منـتـديات أغـــنـام (http://www.aghnam.com.sa/vb) - من قسم: >المنتـــدى الطــبي (http://www.aghnam.com.sa/vb/forumdisplay.php?f=57)


hglhg'dm>> ,ghkd fljH;]>> hgt.um dh Hig hgodv