من أجمل ماقرأت لشعراء غرابيل [الأرشيف]

همسة غلا

01-02-2007, 01:34 AM

السلام عليكم ورحمة الله وبركاته .

سلامتكم نبي موسوعه لعيون شعراء غرابيل

الفكره بسيطه وهي المشاركه بأبيات من أجمل ماقرأت في غرابيل من بيت الى خمسة أبيات والمشاركات مفتوحه وليست محدده

يعني تستطيع تكرار المشاركه كما ترغب وتختار الابيات التي تعجبك من قصائد الأعضاء حتى نستطيع فتح موسوعه خاصه بالأعضاء والأبيات المميزه فقط في جميع أغراض الشعر ؛

النصح و الإرشاد الحكمه والتجربه والغزل والى أخره .......

في انتظار أرائكم حول الفكره ...............

محمد العطاوي

01-02-2007, 01:39 AM

همووسه :)

هلا فيك

عليك أفكاار موب صااحية وفكرتك حلووهـ كثير

انا اؤيدك الرأي وفالك المليووون والموافقه من لجنة التحكيم <<<< يقلد :)

لاهنتي ..

اخووكـ

فيصل العتيبي

01-02-2007, 03:39 AM

فكرة رائعة ياهمسة غلا وتشكري عليهااا ,,

والبداية عندي

هناك ابيات جميلة ولكن وقع اختياري على هذة الابياتألا وش قيمة ( أهل الحاشية ) في حضـرة ( السلطـان )
حبيبـي لا حضـر حـرّك شعـور القـلـب وشجـونـه =أنـا قلبـي ( سفينـة ) والحبيـب بوسطهـا (الربّـان )
وإلى من غاب مـا تمشـي السفينـة يـوم مـن دونـه =غلاتـه سـوّت بقلبـي سـوات اللـي سكنـه الـجـان
تمكّـن حبّـه بقلبـي وصــرت الـيـوم مسكـونـه !! =أحاسيـس الغـلا يمـه تزيـد و مـا بـهـا نقـصـان
سطـى حبـه علـى قلـبـي وبـيـح كــل مكنـونـه=والتي تحمل الكثير من المعاني والتصوير الرائع ,
أمل عبد العزيز
وكل الشكر مرة ثانية ياهمسة غلا

تحياتي

فيصل العتيبي

فهد مفلح

01-02-2007, 04:18 AM

(مشكوره همسة غلاااا)

انا...... والهم...... وجروحي .....تخاوينا مع اللوعات
ولقيت .......الياس .....والحيره ... على دربي تخاويني
تعبت اركـض ورى الدنيـا وجـاوب صرختـي باهـات
بلـم لـم باقـي سنينـي وابجـمـع مابـقـى فيـنـي
...الا ياحـب فارقنـي تعـب قلبـي مـن الحـسـرات
جنون....وشوق ...مـع غيـره وانـا خلـي مجافينـي
لوانـك ذقـت ماذقتـه عرفـت ان الـهـوى نكـبـات
وانـا مانـي مثـل ظلـك عـلـى كيـفـك تمشيـنـي

من أبيات__عبد المجيد العنزي

جارح الكسر

01-02-2007, 06:01 AM

السلام عليكم ورحمة الله وبركاته:-

الله يعطيك العافية

فكرة ذات رونق إبداعي

لك كل الدعاء بالتوفيق

أعتقد فكرة ماتحتاج إلى رأي

جارح الكسر

خــــالـــــد

01-02-2007, 10:07 AM

همسة غلا
http://www.sfsaleh.com/vb/attachment.php?attachmentid=21450&d=1150313192
الله يعطيك العافية أختي على هذه الفكرة الرائعة ..

وسلمتِ على هذه الفكرة التي سـ تفيدنا في " إثراء الأبيات والقصائد " الجميل

--

يـوم ودعنّـي تلعـثـم فــي كـلامـه=وشفـت فعيونـه دمـوع الحـب حـيّـه
دمعتـه سالـت وفـوق الـخـد شـامـه=وضـاع قلبـي بيـن ذيـك وبيـن ذيّــه
ما قويـت أقـولّ لـه( مـع السلامـة )=قلـت مـن زود الولـه ( يـا الله حيّـه )
لـ الشاعر المبدع والمتألق / مفرح بن مناحي
http://www.sfsaleh.com/vb/attachment.php?attachmentid=21451&d=1150313192

نشمي مقعد العتيبي

01-02-2007, 11:37 AM

همسة غلا

الله يعطيكي الف عافيه

فكره اكثر من رااااااااائعه

اوايد هذه البااااااااااااااادره

ةاتمنى لك التوفيق

همسة غلا

01-02-2007, 03:05 PM

هلا وغلا بكل من مر من هنااااا

ولاااااااااااخاب من استشار بكم ..............

دمتم بهذا النقاء والصفاء

لكم تحيتي

محمد العطاوي

01-02-2007, 06:16 PM

عودهـ مرة آخرى

من فيض ماكنه هجوسٍ مارده بحـراً غزيـر
غبة بحر ومواجهـا تصـفق يمينـه بيسـره
تسعين قامه طولها وأتحيـر أفكـار البصيـر
فيها لبيب المعرفـه يحتـار فكـره وبصـره
والحمد لله واشكره مالي عويـن ولا خشيـر
الله عطانيهـا وأحمـد الله عليهـا واشكـره
منها أستمد القوه اللي حدهـا حـد الشطيـر
سيفٍ يشيل السـم بطنـه والمنايـاء بظهـره
يامفردات الشّعر غوصي واسبحي بحر الظمير
واسترسلي من قوةٍ داخـل محيطـه وبحـره
حسبي على منهو حداني واعترظلي فالمسيـر
شيطان أبن شيطان زيره كـل ليلـه ينقـره
ياللي على المقفي رحاتـك بالنمايـم تستديـر
عطني نهايتها معك واللـي سواتـك نستـره

للمبدع / مقعد الدغيلبي

..

همسة غلا

01-02-2007, 07:07 PM

عُــــــــــــــــدنا

آخر دوى المرضان قد قيل بالكي
وبعض العرب مافاد طبّه وكيّه

ماجيتك ابغى شي ياحاتم الطي
ريّح ملايكتك وسْرج العبيّه

مدام أنا راسي يشمّ الهوا حي
هبّي عليّه يالهبوب العذيّه

ياللي كلامك غي ومشاهدك غي
اضيع أنا مابين هذي وذيّه

سلّمت لك روحي على راحة ايْدي
واهديتني منْك التجافي هديّه

لولا الشرف والدين والهاجس الحي
والحاجه اللي في خفوقي خفيّه

ماكان يمنعني عن امقابلك شي
الفرق واضح بين شمسٍ وفيّه

ارفق عليّ شوي واستلطف شوي
ماعاد فيني للمواجع بقيّه

غيرك طويته عن هوى خافقي طي
واهدرت لك دمّي خليّه خليّه

ومادمت معتبرك لي الزاد والمي
يعني بوجودك تصبح الروح حيّه

تعال محصول الغلا ناقصه ري
اروه وفا مابين روحه وجيّه

أما كذا وألا على ماطرك عي
ويغنيني الله من سحابه وريّه

وأنت انتعم بالعز والظل والفي
وأن شفت زولك قلت : يالله حيّه

صحيح بأن آخر علاج المرض كي
بس البلا من نقّض الجرح كيّه

بصرااااحة ماقدرت اتنااازل عن اي بيت فيها

أجبرتني أن اكتبها كااااملة

للشاعر المتألق دوماً/ راكان بن بدن

منصور البرقاوي

01-02-2007, 07:17 PM

همسة غلا فكره جميله ورائعه0

تسلمين والله تسلمين على الفكره الرائعه 0

حجز ولي عوده بحول الله 00

دمتي بود 00000000

همسة غلا

01-02-2007, 07:18 PM

مـــــــــــــرة أخـــــــــــــــرى

عاتب على كيفك وأنا أقول مسموح
من لايسامح ياهوى البال روحـه

لك ماتبي لو زتني هـم وجـروح
مدام نفسك في عذابـي شفوحـه

باب الرضى لك ياهوى البال مفتوح
حقق طموحك يوم حقق طموحـه

بيض النوايا صافحت صادق البوح
وختصرت لقربـك بقايـا نزوحـه

ومحبتك في ناظري جالها ضـوح
امررر ترى قربك شغفني وضوحه

سمه غـلا ولا محبـه ومشفـوح
من وين ماوّجه غرامـك يلوحـه

وافي معك ماجابها ضحك ومـزوح
لين انتهى من جاير الصبر بوحـه

واليوم مهما قلت وخطيت مسموح
محدً يزعّل ياهوى البـال روحـه
للمبدع / عبدالله بن راجس

منصور البرقاوي

01-02-2007, 08:16 PM

همسة غلا اوهيجنـات ومواويـل
وريح اقحوان وجـو دار ٍ مريفـه
بعد سقاه مـن المـزون الهماليـل
صادق حقوق الوسم مدري خريفه
ونار ٍ سناها مرعب ظلمـة الليـل
والجو هادي والسوالـف طريفـه
مع دلة ٍ رسـلان ومبهـره هيـل
فنجالهـا للـراس طبـه وكيـفـه
وفي لحظة ٍ مني وانا اراعي اسهيل
دق الرقم نـواف واثـره رديفـه
صوت ٍ غنوج ويفتر الجسم والحيل
والقلب زادت سرعته عن رجيفـه
تقول وين الناس ياشاعـر الجيـل
نسيتنـا والا خـذتـك الوظيـفـه
والله ياشعـار ساحـة غرابـيـل
ان اتصالـه والعـلاقـه نظيـفـه
خامس سنه يروح ليل ٍ ورى ليـل
وأنا أنتظر وصل الوليف الوليفـه
ودار الحديث وزان حلـو التعاليـل
يوم اغمد الوشاااي رمحه وسيفـه
مالي جليس الا القمـر والمعاميـل
ومعاتبات أهل القلـوب الشريفـه
وزفت لنا ريضان نجـد التباجيـل
وغنت لها صـم الجبـال المنيفـه

قصيده لشاعرنشمي مقعد العتيبي اعجبتني جدا جدا وصح لسانه مدد بلا عدد00

ليــن القســا

01-02-2007, 11:38 PM

فكرة رائعة ..بارك الله فيك أخية ..
لاشك لي عودة ...

جواهر عبدالله

01-02-2007, 11:42 PM

الله يعطيكم العافية

فكرة رائعة يا همسة غلا ..

ولولا خوفي إن التثبيت ( يقتل ) الفكرة كان ثبت موضوعك ..

لكن إن شاء الله أشوفه دائماً بالصفحات الأولى .

خيالات الشعر

02-02-2007, 12:07 AM

يسلموووو همووووسه

ولي

عـــــــــــوده

ان شاء الله

فكرة جدا جميله

دمتي يالغلااااا

همسة غلا

02-02-2007, 01:45 AM

http://www.geocities.com/aqmar_123/beet1.jpg

عايدالعنزي

02-02-2007, 02:09 AM

الاخت

العزيزة

المبدعة

همسة غلا

كل الشكرلكِ

على هذه الفكرة

الرائعة بروعة ابداعكِ

اسمحي لي نقلها

الى مكانها المناسب

ودمتِ في سماء الابداع

لكِ

تحياتي

وتقديري

بـنـت الـشـيـوخ

02-02-2007, 03:01 AM

غاليتي/

همسه غلا

فكر رائعه

,
,

جــــــارح الكســــر

والله احبـك حـب بالصـدر منحـوت
00000000000000000000نحت الحجر لارسخـوا بـه كتابـات
روحك ترى روحي ولو يسبق الفـوت
00000000000000000000والله أحبـك حـب ينفـي العـبـارات
لاتترك الجارح على خطـاك مرفـوت
000000000000000000000تحمـل ذنوبـه بارتكابـك جنـايـات
لمه بيـدك واجعـل الصـدر تابـوت
00000000000000000بامشي معك وأقطـع بعيـد المسافـات
لو عشت في صدرك عن الناس مبخوت
0000000000000000000يكفيني اداعـب مـن الجـود نسمـات

,

,
عبدالرحمن العطاوي

علامه جرحك الداكن.. كأنه واحـدن مذنّـب
0000000000000000000000كره عمره وهو جاني توفى لحظـة الإعـدام
هموم/ وجرح/ وأوقاتٍ/ في هاللحظه تبي تكّتب
000000000000000000000مسيرة دنيا تعبانه ..بكت منهـا ورق وأقـلام
زمانٍ يشبه الكوره ولاعب في وسـط ملعـب
0000000000000000000000يطارد كورته يلعب بجمهور وبشـر وإعـلام
وانا مع هالزمان أشبه مشجّع لأنهزم عصـب
0000000000000000000000وحارب كل من حوله مادام إن الزمـن مـادام
طلبتك تكفى ياربي.. وأنادي (طلبّتك يـارب)
000000000000000000000000تزيل همومٍ بقلبي عشاهـا وزادهـا الأوهـام

ولي عوده بغيرها

صرااااااااااااااااحه فيه قصائد جداَ رائعه يحتار الشخص وش يكتب منها ووش يخلي0

بـنـت الـشـيـوخ

02-02-2007, 04:21 AM

هالقصيده بالذاااااااااااات

ماقدرت اقتبس منها ,, يعني لازم تجي كلبوهااااااااااا

للشامخه __ امل عبدالعزيز ___

انتهـى حبـك وراحـت كـل كلماتـي العذّيـه
0000000000000ما بقى لك في خفوقي غيركلمـة ( لا ) و ( آه )
كنت فيني مثل نبضي ,, مثل مجرى الـدم فيّـه
00000000000000عشق ( أمل عبدالعزيز ) وكـل هالعالـم فـداه
كنت أقول إنك هديّه وإنـك أغلـى مـن هديّـه
00000000000000000للأسـف قلبـك تنكّـر للخفـوق اللـي رعـاه
وكنت ما أعـدّك بقلبـي أنـت والعالـم سويّـه
0000000000000وكنت ألبّي لا سمعتك ما اذكر أني قلـت : هـاه
,
,

لين شفت جروح قلبي من طعـون الغـدر حيّـه
000000000000000000من حبيبٍ كنـت أشوفـه سـور قـدّام العـداه
السعادة مـن نصيبـك والحـزن مكتـوب ليّـه
000000000000000000قلبي اللـي لاجـل حبـك يرمـي أحزانـه وراه
لا تقـول إنـي غبيّـه الغـلا مـا بـه غبيّـه
00000000000000000000الغـلا لا زار قلـبٍ ياخـذ عروقـه مـعـاه !!
قلت لي من عام : ( والله فيك ما احتاج لوصيّه )
0000000000000000وأنت ناوي بالخيانة كيـف تحتـاج لوصـاه ؟!
,
,

الخيانـة فـي عروقـك وألا أنـا دايـم وفيّـه
00000000000000000وكـلٍ يعامـل حبيبـه مثـل مـا ربـي حبـاه
هاك صورة من جروحـي لا سـلام ولا تحيّـه
0000000000000000بس شفها وأنت تدري عن خفوقـي وش بـلاه
والكلام اللـي بقلبـي لا تحسـب أنّـه شويّـه
00000000000000000للجروح أحيـان كلمـة مـا توصلّهـا الشفـاه
ألف شكراً ,, كنت خاين عاش في قلب أجوديّـه
00000000000000000درس من ضمن الدروس اللـي تعلمنـا الحيـاه

,
,

ناصر الجهني

هـيّ كـذا و ألا كـذا مـا علـيّـه
000000000000لا جاء فبالي أنسـاك و الله لأنسـاك
الفرق واضـح بيـن هـذه و ذيـه
00000000000000و إنتَ تمعناهـا علـى قـد رؤيـاك
مـا همنـي قـول البشـر دام ليّـه
000000000000الحق في نسيـان مثلـك و شـرواك
خلـك وفِـي مثـل العبـاد الوفيـه
0000000000000و ألا قسـم بالله لأعلـن بفـرقـاك
و كاد إن أخـذت السالفـه عنجهيـه
00000000000لا أبوك لا أبو من على ذيه ربـاك !!

همسة غلا

02-02-2007, 05:06 PM

قلبك يغـرّك وانت ( فالحب ) تحتال =
وشلون شايل بين الاضلاع ( قلبك )

مدام مالك بالهوى ( فـــيّ ) وظلال=
ما يختلف لو شفت ( سلمك ) وحربك

كنت احسبك .. تعطي على كل الاحوال=
واثر ( العطا ) ما وافق بيوم ( دربك )

عشتك ( ألم ) كلك متاهات .. وهبال=
معنى العذاب .. وجاير الهم .. قربك

طبعك تجاوز للاسف طبع ( الانذال )=
ليتك تحس بحــرّ ( نارك ) وكربك

في داخلي يبني لك ( الكره ) تمثال=
بين ( الحنايا ) لو تصورت .. يربك !!

خنت العهود وجيتني ( حيل ) تختال !!=
الوجه شرق و ( نـيـتك ) يم غربك

غدرك معك في داخلك ( حـيّ ) ما زال=
ماهو غريب ان صار ( زادك ) وشربك

لا تحسبن جروح .. مثلك على البال =
من صد ( جيشك ) قادر إيـبـيـد ( سربك )

مات الشعور ولا بقى فيه ( مثقال )=
تعبت اجامل .. وادفع ( اتعاب ) كذبك

خذها صريحة واصدق القول .. ينقال=
هجرك دواك وزايد ( الــبُـعد ) طبك

وش تنتظر بالله .. يا متعب الحال=
إرحل ولملم .. مع بقاياك .. ذنبك

ماعاد قلبي ينظرك ( عـزّ ) واجلال=
لو ( مت ّ ) عنده ترتجي .. ما شعربك

فرصه عطيتك وانتهى وقت ( الامهال )=
اعلنت فيها ( للملأ ) موت .. حبك

للشاعر الغائب

http://nsor.********************************************/M.jpg

همسة غلا

03-02-2007, 06:23 PM

تعال اقعد وافضفضلك عشق وسط الحشا وهوجـاس
صديقي واسمع امالي ......وآلامـي .....وتأملهـا

أبـاوصفلك (حنان) بقدها الممشـووووق والميـاس
ابـارسملك ملامحها.... وعليـك انـت ..اتّخيلهـا

عليها خدود وش بيض الحمام ابيض من القرطـاس
عليها - عيون - واهداب - وقـوام - الله مكملهـا

تخيل يوم تضحكلي... وتسلهملي... غنـج ونعـاس
ومع الضحكه تعض شفاههـا؟؟؟؟ وتنثـر جدايلهـا؟

يفز العشق بضلوعي ..... واباريها بدون احسـاس
توصلني الجنون بزينها المجنـون << واسألهـا>>

اقولـ: بربك اللي اعطاك زيـن بـلا قـدر وقيـاس
وحطك ..في ..وسط ..قلبي ..سعاده مقـدر آصلهـا

تحبيني ؟.. تقولـ: بكثر ما بالارض رمـل ونـاس
واحلفهـا- مـن الفرحـه - وانرفزهـا - وامللها

وحتى بالزعل تحلى !!!! تصيـر بروعـة الالمـاس
تصدقني .... بعض مرات ....انا اتقصـد وازعلهـا

تهب عطور من مفرق شعرها ،،،،عذبـة الانفـاس
مثـل عطـر ..المطـر ..لا عانـق التربـه وبللها

(حنان) اجمل بنات الارض واصدقهن دفا واحسـاس
حنااااان بنضرتـي هـي اااااااخـر الدنيـا واولهـا

اهني الريح لا هبت لاراضيها.... واهنـي النـا س
واهني ..هالجبال.. اللي ..قريبه.. مـن.. منازلهـا

تفارقنا.. مثل فرقا الجسد ..والـروح.. هـم ويـاس
بكت ضحكه ... ضحكت دموع... لحضه ...ما تخيلها

يا ليـت الله يجمعنـا بعـد هالبعـد رااااس لـراس
واغيّبها عن الدنيا .... وهي دنياااااااي..... باكملها

لشاعر الشام

أسعد الروابة

أبوعبدالرحمن

03-02-2007, 10:52 PM

الله يعطيكم العافية

اختيارات رائعة

متابع هنا

همسة غلا

04-02-2007, 12:43 AM

هلا وغلا بكل من مر من هناااااhttp://www.kshcool.com/Agif/image/4~5.gif

ابو عبدالرحمن ( عشق ليل )
حللت أهلاً ........... ونزلت سهلاً
ولأووووووووووووول مره تعطر متصفحتي بمرورك العطر

دمت بهذا العطاء

همسة غلا

04-02-2007, 01:15 AM

الوقت ماغيّر من أوجاعنـا شـيّ
نفس الظروف اللي عليَّه..عليَّـه

قِد مات قلبي وألاّ أنا عادني حـيّ
ارجي لقاك بكل صبـح وعشيّـة

يانور وآمال الهوى بيـن عينـيّ
ياطبّ نبضـي والجـراح النديّـة

باكر لقاك..وهمسة الشوق..وايْديّ
في حضن جدة غير..ياأبها البهيّة

بعد العطَش..من رحلة الظيم والكيّ
نروى وتدفى مـن يدينـك يديّـه

أنا فدى لرضاك..وأنتي فدى لـي
يعني سوا حتـى تجينـا المنيّـة

أبقى بقَربِك..وانت تبقى حوالـيّ
في الحلو والمرّة..سويّـه سويَّـه

والوعْد..كان ابطيت..لك يابعَد حيّ
اِنّي لأجي قـدّام عيـد الضحيـة

ياعيدي اللّي قبل لا كون لك شـي
من صُغْر سِنِّك..جايب العيد فِيَّـه

للشاعر الجنوبي / علي عبدالرحمن الأسمري

][ وريـــــف ][

04-02-2007, 01:26 AM

0
0
0

فكره جميلة ,, همسه غلا

0
0

فايز ماجد

أقـول دايـم ليـا طالعـت بالـصـورة=كنتـي ولازلـتـي اول وآخــر احبـابـي

حبيبتـي نفسـي مـن الاحـزان ممـرورة=ابسألك..أنتـي بعـد تبكـيـن لغيـابـي؟!!

وياهل ترى حالك بهذا الوقـت مسـرورة؟؟=والا عيونك ساهرة من حزنهـا اسبابـي؟؟!!

أو ان مثلـي مـن حيـاتـك انتـهـى دوره=واصبح غريباً عنْك من عـرض الاغرابـي

0

0

فيصل العتيبي

ويافاتنة تدرين معنى الحب عنـدي وش يكـون=اني اسلم قلبـي المكسـور واعطـي ماخذيـت

وانتي مداي اللي نويت امشيه والرحلـة فنـون=لانك اهم انسانه بعمـري وانـا لأجلـك نويـت

بمشي ولو كانت تراقب رحلة العاشـق عيـون=دام العزيمة مصدر المشـوار لعيونـك مشيـت

انا عميل احلى مشاويـر الغـلا وانـا الزبـون=لو انها صعبة على كثر الغـلا بعـت وشريـت

فايز ماجد

وينـه؟!! سـؤالاً مالـه ايــة إجـابـة=الا صـدى صوتـي لياقلـت ويـنـه

حبيبـي الـلـي مارحمـنـي غيـابـه=راحل ولا ادري ويييييين؟!! ل ايّة مدينة؟!

مـن غيبتـه كــل الليـالـي تشـابـه=واااااعينـي اللـي مـن فراقـه حزينـة

ياليتـنـي حـرفـاً قــراه بكـتـابـه=واقـرا بعيـنـه ماجـرالـه واعيـنـه

يبكـي واضمـه لاشكـى لـي عـذابـه=وابقـى معـه باللـي بقـى مـن سنينـه

مشتـااااق لـه واشتـاق أسمـع عتابـه=لاغبـت لحـظـة يحتويـنـي حنيـنـه

0

0

احمد بن ناحل

صاحبي ياصاحبي اسمعنـي وركـز تـرا=بالمثـل مالحـب إلا للحبـيـب الأولــي

وأنته معرض هبوب شبـاط قلـبٍ ماضـرا=للجفا.. ولا أستفيد إن قلـت ياربعـي هلـي

ولايفيـد الشعـر لكنـه يوضـح مـاجـرا=أكتبه .. وأطرب لبدعه وانبهـر بالأجزلـي

بالنبـط يشدنـي شعـر ابـدويًـا مـاقـرا=وبالفصيح الأصمعي.. صوت صفير البلبلي

0

0

همسة غلا

04-02-2007, 11:51 PM

اليـوم ابانسـى واتناسـى طـواريـك
وان مرطيفـك يـوم صـدّيـت عـنّـه
***
من اوّلن لـك الغـلا وكنـت شاريـك
واليـوم ابيـع الحـب لا جلـه بمـنّـه
***
ياشيـن حـب المـن عـزّي لمغلـيـك
تـرى مـنّ الغـرام مـا فـيـه بـنّـه
***
الحـب فـن وصحّحـي فـي مباديـك
مثلـك غشيـم ولا عـرف ذوق فـنّـه
***
الحـبّ إحسـاس وشعـور(ن )يناجـيـك
الحـب فـي جيلـك قليـل اعرفـنّـه
***
الحب مـا هـو كلمتـن تنطـق بفيـك
حتـى انشـدي اللـي حبّـن وجرّبنّـه
***
لوكـان بـك قلبـن تضمّـه محانـيـك
قـد حـس مثـل خافقـي وون ونّــه
***
كـم ون ّلـك بليلـن اظـلـم ينـاديـك
وكـم فـز وكـم طواري (ن ) افزعـنّـه
***
قد كان ظنّي اكبـر مـن الرجـا فيـك
لكـنّ بــان ان الرجـاخـاب ظـنّـه
***
صـدّي ولا بــد الليـالـي توعّـيـك
قـد وعّـن اللـي غافـل (ن )ماتركـنّـه
***
جنـّه بـلا منـادي ولا بـد تنـاديـك
كـم مثـل بابـك يـوم جـن اطرقنّـه
***
يومن لك ويومن عليـك يـوم بيجيـك
ومـداول الأيـام فـي الخلـق سـنّـه
***
وسلامـة اللـي قالهاقـاصـد(ن )فـيـك
وسلامةاهـل القـاف ومـن ذاق فـنّـه

للشاعر القدير / عبدالرحمن الجبابرة

همسة غلا

06-02-2007, 01:45 AM

إنشد وانا اعلمـك عـن ليلـة العيـد
إنشـد وانـا علمـك عنـهـا وعنـهـا

انشـد ولا تقعـد مـن ابعيـد لبعـيـد
قلبـي حفرهـا مـن زمـان ودفنـهـا

أيآآآم مـا قلبـك صـدوق المواعيـد
وانته لنـا الفرحـات وانتـه وطنهـا

ايام كنت سعود ..مسعود وسعيـد
وانته على مركـاك تآآآمـر وتنهـا

وانا معـك موجـود لـو انـي بعيـد
واكتب لك إجزال البيوت ولحنهـا

هذااااك كان العيد يـا باشـة الغيـد
ايــام طـعـم العـيـد فيـهـا ومـنـهـا

والحين جيت تجدد الجرح تجديـد
مـدري تبـا روح العـنـا تمتحنـهـا

خلاص انا ما ريد ما ريد ما ريـد
روحي ترى ما عاد شي(ن) فتنها

لا ضحكة(ن) منكم تـرد التناهيـد
ولا بسمـة(ن) منكـم نقـدر ثمنـهـا

يا هيـه خـل العيـد للـي يبـا العيـد
لاهي بلا مني ولالآلآلآنـي بمنهـا

للشاعر / صالح الأزوري

عبد الرحمن مازن العطاوي

06-02-2007, 12:12 PM

.
.

موضوع يستحق الرفع

انا هنا متابع

ولي عوده بإذن الله

تحيتي لك ياهمسة

.
.

همسة غلا

08-02-2007, 12:58 AM

رضيت بعدك غصب وانا تمنـاك
رضيت بك لو كنت اكبر ذنوبـي

ياصاحبي روحي مع القلب تفـداك
والنفس عيت عن هواكم تتوبـي

تقول صعب تفارقه شخص يهواك
ماتدرى ان القلب معهـا يذوبـى

للشاعر / سعد الحويماني

همسة غلا

08-02-2007, 01:09 AM

والله اني يالطيف الروح رجـال ٍ قنـوع

ماطلبتك غير نظره من بعيـد وبالعبـاه

الشاعر / بدر محمد السبيعي

( أسير الذكرى )

همسة غلا

08-02-2007, 01:17 AM

البارحه ما ذقت نـوم المخاليـق
بين المنام وبين عينـي جفـوه

أسامر نجوم السمـاء يامطاليـق
أخفي دموع العين وتهـل قـوه

أجاهد همـومٍ تضيـم المعاليـق
أجحدصوابٍ داخل القلـب جـوه

كله سبب من حرُق القلب تحريق
مايعرف الرحمـة ولافيـه خـوه

قبله وانا بيبـان قلبـي مغاليـق
حتى فتحها غصب ماهي مـروه
ليته يدش بداخل القلب ويويـق
يلحق على باقيه ويشـب ضـوه

وجدي على شوفه ولوهي تراميق
وجد المريض اللي ترجـا بـروه

وجدي وجود اللي يتل المسابيـق
الطلع زان وعكـر البـو جـوه

والبارحه ماذقت نـوم المخاليـقا
نا أشهد ان العشق ليـلٍ يتـوه

للشاعر / نياف العتيبي

نياف العتيبي

08-02-2007, 02:22 PM

مشكوره همسة غلا

وتسلمين يالشيخه

تحياااااتي للجميع

النااااايف

مقعد الدغيلبي

08-02-2007, 03:20 PM

ألى متى ياقلـب تغفـر خطايـاه=دامه يزيد الوجـد فيـك ويشبّـه
إلى متى ياقلـب وأنتـه ترجـاه=وهو الغرور أعماه عنك وذهبّـه
إلى متى ياقلب تصّبـر برجـواه=دام إمتحان الصبر خلـك رسبّـه
اللي نسى ياقلـب لابـد تنسـاه=واللـي تكبّـر لازم إنـك تكبّـه
ماهي بلحيـة صبـر ولا مـداراه=المقفيـه بالمثّـل ياقلـب طبّـه
صبرك على جرحك يفيدك وتلقاه=وصبرك على المقفي هبال ومسبّه
شفت آخرتها قال مأنتـه بويـاه=عنك أنتحى في صوب ماخاف ربّه
ودامه نوى يسري بغيّه وعميـاه=أنا علـي ّ أقـول وأنتـه تنبّـه
الحر مايصبر على الضيم لاجـاه=ما يقبل الحقـران غـار الجلبّـه

00000000000000000000000000000000000000000000000

نيااااااااااااف العتيبي (الناااااااااااايف)

أمل عبدالعزيز

08-02-2007, 03:22 PM

,
,
,فكرة رائعة ياهمسة غلا
فكرة ولا أروع وبصراحة أشكر كل من نال نبضة قلب من حروفي اعجابه وهذا جزء من ابداااعهم ولهم مني.
.
.

وهنا مقطع للشاعرة ملاك الشعر:

عليه يحداني من الشـوق حـادي
اليّا طرا ذكره مع اهل السواليـف
انا على رجـواه سلـم وجهـادي
ماوالله ألحق في غرامه تحاسيـف
لو ضيّع المقفي دروب الرشـادي
مجبور ياكسر القلـوب المواليـف
ان كـان مايذكـر ليـالـي ودادي
هو ليه يتعبنـي بكثـر التكاليـف
الجـرح مايبـرى بليّـا ضمـادي
ان كان ماتبريه بعض المواقيـف
امـا يلبّسهـا ثيـاب الـحـدادي
والا يوفّيهـا عهـود ومحاليـف
.
.
.
.
وكثير مايعجبنا ولوأردت الكتابة فسيكون الأمر محير لذا كتبت ماهو قريب العهد.
.
.
للكل أجمل وأعذب تحية أيها الغالين..
.

همسة غلا

09-02-2007, 01:53 AM

لاتغلى وانت تدري عن غـلاك
غالي(ن) ما اغليت غيرك يالغلا

والله أن العمر مع غيرك هـلاك
ولاتظن القلب مع غيرك سـلا

انتي اروع من رأت عيني ملاك
مستحيل إن شفت مثلك بالمـلا

ياحلو حلو القصايد .. من حلاك
انتي حِلوه .لا. بل . منك الحلا

ما اعتليتي الجمال /اللي أعتلاك
ويفتخر فيك الجمال إليا أعتـلا

تملكين العـز والجـاه إمتـلاك
بنت شيخ(ن) بالملاقـا ماجـلا

جيت انا والشوق يمك ودخلاك
وأحتمي يابنت من جوك دخـلا

وانتي الدوله وانا جيت لـولاك
ومايخون العهد من صان الولا

ورددي : للي ينافسني بغـلاك
الخـلا ثـم الخـلا ثـم الخـلا

وكل مايطري على بالي غـلاك
مرحبا وأهليـن يـاذاك الغـلا

http://barzatarab.com/vb/uploads/img-904-img-898-kaleed.jpg

همسة غلا

09-02-2007, 02:02 AM

نياف العتيبي

09-02-2007, 02:37 AM

وشــــتــــبـــيــــن ..........

وش تبين؟انسان حطمتي شعوره=كل شي ٍ صارفـي وجهـه حطـام
يحسبك فعلأ على حبه غيـوره=مادرى ان الحب مع مثلك حرام
كان لك برواز وانتي فيه صوره=ماتخلـى عنـك حتـى بالمنـام
لعنبو حباً يسبب لـي خطـوره=لعنبو حبـاً كلامـاً فـي كـلام

الرااقي ... عااااايد العنزي

همسة غلا

09-02-2007, 03:01 AM

الكلام اللي بلا معنـى إتركـه
مايفيد اللي تقولـه مـن كـلام

كل هرج ٍمايجـي فيـه بركـه
لاتسولف لي بعض هرجك حرام

دام غيري في هوانـا تشركـه
إتبعه وإكتب على الحب السلام

كل منّـا لـه طريقـه يسلكـه
إنتهى شوقي وشوقك والغـرام

هات قلب ٍٍٍٍكنت مبطـي تملكـه
قلبي المجروح صعب إنه يضام

خطتك بانـت ودربـك مهلكـه
تحسب إن النور مابعده ظـلام

لاتحـاول تلتفـت لأي حركـه
لاتغرّ ك ضحكتي وسط الزحـام

إعتبر بينـي وبينـك معركـه
يوم صاربقلبك الصافي غمـام

للشاعر / سعد الجميلي

همسة غلا

10-02-2007, 11:59 PM

هلا وغلا بكل http://www.9o9i.com/uploads/7325bd5c4e.gif من مر من هنااااااا http://www.9o9i.com/uploads/7325bd5c4e.gif

http://www.9o9i.com/uploads/7325bd5c4e.gif

http://www.9o9i.com/uploads/7325bd5c4e.gif

همسة غلا

11-02-2007, 12:54 AM

من فكر صافي يبدع الحرف بشعور=ماغيـرنـه مغـريـات الليـالـي
جيت بعبارة حب مع باقـة ازهـور=للي لهم في القلب منـزال عالـي
عيدك مبارك كل ماشعشـع النـور=يامن ملك عقلي وفكـري وبالـي
جيتك جريح الوقت تايه ومكسـور=في داخلي شـي يفـوق احتمالـي
جيتك من اقسى قسوة الوقت مقهور=واشيـل حمـل مثقـلات الجبالـي
واليا ذكرتك والهواجيـس طابـور=لانك على قلبي عزيـزن وغالـي
تبدلـت هـم الهواجيـس بسـرور=ويمكن بعد لو نطعم المـر حالـي
لوغبت عني عدت ايـام وشهـور=تبقى العزيز اللي على القلب غالـي

للراقي/ نشمي مقعد العتيبي

أحمد السكران

11-02-2007, 01:04 AM

بس النصيب اللي عن الزين وداك
شمس الرجا به هيفـت للغروبـي
الله كتبها تصير ياشـوق فرقـاك
تسكرت قدمـي جميـع الدروبـي
هذا شعوري جاءك ماظن يخفـاك
حبك خسرته سلم قبـل الحروبـي

ياجماعه

اقسم بالله يطربني الحويماني في كل قصايده

لله دره

دكتور غرابيل

11-02-2007, 04:35 AM

همسه غلا

فكره حلوه

متابع لاني جديد
بعدين بادخل معكم

العجله ما فيها خير

بـنـت الـشـيـوخ

11-02-2007, 05:05 AM

لا تكثر التسويف فكـر.. و..قـرر
000000000000000000وقناعتـك إن المحبـيـن شقـيـا
وجهة نظر..!! لكن بها لا تـزرر
000000000000000000عندي لحل زرارهـا حلـول نقيـا
حلين... مانـي بإعتقـادي مغـرر
00000000000000000للحب وصل؛؛ وللمسابيـب رقيـا
وإن ما امتثلت العلـم مـا ينتكـرر
0000000000000000ماعاد لي ظنـون بالوصـل هقيـا
أببتعد ما دمـت منـك امتضـرر
000000000000وعذري نشف ريقي وأناأرجيك سقيا
لو كان صوتـك للمشاعـر مـدرر
000000000000000000ما فيه حب يتم!! من غيـر لقيـا.!

احمد بن ناحل

همسة غلا

11-02-2007, 03:37 PM

"هلا بك قد ماتدمع عيوني مـن سبـب فرقـاك=هلا بـك كلمـا زاد الغـلاواستسعـر هيامـي
هلا بك قد ماشفت الوفاء يبكي علـى شـرواك=لأنـك مـن مواليـد الوفـاء يابسمـة أيامـي
هلا بك وان سكنت القلب قـال القلـب ياحيـاك=هلا بك وان ملكت الروح هذا منتهى أحلامـي
أنا لك بين شوق / وبين خوف / إني أجي مالقاك=تصور كيف ساعتهـا /يصيـر الكـون قدامـي
أنا ياشمس عمري ما /فهمـت المسألـه لـولاك=كتبت الشرح فوق الجرح /حتى بانـت أرقامـي
أحبك حب لو يمشي / على رجليه هـج وجـاك=عليك الله وش اللي حط /حبك مصـدر الهامـي
عليك أخلاق مايحتاج /والموت الحمـر بشفـاك=ملكت الغيمة اللي ير /توي من غيثهـا الضامـي
تدلل فـي مفاهيـم الغـرام / وهاتهـا برضـاك=الى جريت صوت الود /قامـت ترقـص أنغامـي
أشوفك صورة الفتنة /عسـى الفتـان مايـالاك=لو المفتي يشوفك كـان / لاصلـى ولا صامـي
متى تمشي على خط الرجـا / مابيـن ذاك وذاك=تحط البلسم الشافي / يـداوي جرحـي الدامـي
على عطفك شكيت الحال / وانت الحال ماتخفـاك=متيم في غرامك /جد /أحبـك والهـدف سامـي

للشاعر / ناصر القزلان

مشاعر حالمه

11-02-2007, 04:21 PM

السلام عليكم ورحمة الله وبركاته

همسة غلا

موضوع جمييييييييييييل يالغاليه مشكورة فديتج

انا بصراحه كثير كثير اللي يعجبني ومنها

ماشفت غصن الود يومنه تمايل وانثنا=يميل شوقه يمكم وافراح دنياه اختفن

لا واهنيك سالين قلبك وانا موتي دنا=اشوف طيف الموت وطعونك تعدن واسرفن

لامارحمت الحال وش علمك تصدّد عننا=اقفيت عني يالغلا ودموع عيني يذرفن

حرّمت ضحكن عقبكم اوليل فرحن اوهنا=تهديني الطعنات؟؟ وجروحك تبشّرني لفن؟

لو طالت الغيبه فلا تنسا دخيلك حبنا=وانا على عهد الوفا وايدَيْ بيديك ارجفن

يخرب ابو بيت الجروح الي تعكر جونا=أردد الابيات وعيوني على ذكرك غفن

كلمات الشاعره /00العنود00

ولي عوده ان شاء الله

سلام

همسة غلا

12-02-2007, 01:12 AM

مراااااحب

http://www.al7elwa.com/data/media/17/wro@od5%20(3).gif

بكل من عطر هذه الصفحه

بمروره العطــــــــــــــــــر

اليكـــــــــــــــــــــ ـم أجمل التحايااااا وأزكاااهااا

همسة غلا

12-02-2007, 03:21 PM

تعلنين بجور صدك طيبة الخاطر لعانة
. . . . . . . . .علميني إن كنت فعلا ً بالخطا جاير وبادي

لاتضنين السكوت يشكّك بذاتي ذهانة
. . . . . . . . .عارف نفسي ولكن قلت ابطمن فؤادي

ماجرحت العز والله في سؤالي ياجبانة
. . . . . . . . .إحتراماً للغرام وجيت لاجل أرضي بعادي

عللي الفرقى وروحي كان في راسك خيانة
. . . . . . . . .دام ماخطيت بسلامك لك من بعادك عنادي

ماعلي ناقص هموم وكان ماعندك إدانة
. . . . . . . . .هم فرقاك يتنحّى مع زوال الوقت عادي

قلتها من باب تأنيب الضمير وإمتحانه
. . . . . . . . .لاتضنيني شفقت لوصل من يجحد ودادي

إن رجعنا للحنان وطيبة القلب وكيانه
. . . . . . والوفا والجود الأسخى كان ضعتي في بلادي

صح بوصالك وفية قلتها لك للأمانة
. . . . . . . . .لكن بنكران طيبي استويتي لانتقادي

كنتي بمحبس فراغك جايعة ودّ ومُهانة
. . . . . . . . .وانعتقتي يوم جيتك بالغلا وارهيت زادي

اجتهدت وصنت حبك لين صافحت الإهانة
. . . . . . . . .وماجنيت الا التخاذل منك عاتب إجتهادي

ياخسارة كنت اشوفك بالسمو كلك رزانة
. . . . . . . . .راقية والذوق ناهي طبع راهي لا إرادي

والله انك منتي بقد الغرام وعنفوانه
. . . . . . مصلحة عشق وتفادي إحساس عذب بجور هادي

يوم شفتي حجم حبك وسط قلبي والمكانة
. . . . . . . . .استغليتي وقلتي ليه ما أخــــــذ مرادي

انتهزتي فرصة الخداع في كيد وشطانة
. . . . . . . . .وجيتي بدمعة عيونك تستفزين إعتمادي

استبحتي حرمة الطيّب وجوده واتزانه
. . . . . . . . .لين أخذتي مايسرك وادري اني كنت غادي

ماكسبت الا الخساير يوم طيّحت الميانة
. . . . . . . . .انتهزتي كل فرصة عمر في شف المعادي

لاتضنين اللعانة بالهوى ذوق وفطانة
. . . . . . . . .إتخذتي الكذب حرفة واستهنتي بالتمادي

آه ياكبر الحسافة كنت اضن انك تكانة
. . . . . . . . .يوم أماري فيك واخسر كل معشوقة تنادي

كنتي أجزل حرف يكتب بالغلا يكسب رهانة
. . . . . . . . .قافي المبدع وفكري بالشعر كنتي عتادي

بالغزل أول قصيدة شادت بشعري حصانة
. . . . . . . . .كنت في وادي هواك اعيش والعالم بوادي

ودي اسئل كيف قلبك طاوعك واطلق عنانه
. . . . . . . . .استهنتي بالحرام وصار لك شي إعتيادي

ياخسارة كنت اشوفك بالسمو كلك رزانة
. . . . . . . . .لكن بنكران طيبي اعترضتي لانتقادي

الرااقي / فيصل الباهلي

همسة غلا

14-02-2007, 02:02 AM

عًـــــــــــــــــــــــ دنا

ساقتني اقداري على درب ممشـاك=وانته على دربك تسوقك خطاويـك
سبحان رب الكون ومديـر الافـلاك=اللي رماني في طـوارف حراويـك
اسهر وعيني مستهمّه بلااااااامـاك=والنفس من طول النوى منك تشكيك
منك واليك الحـق والحـق يفـداك=لد بنظر عينك علـى حـال مغليـك
فالقلب لك عرش ٍ ورا شبك شبـاك=وفي نون عيني لك قصور ومماليـك
جاوزت حد العقـل وحـدود الادراك=حتى وانا فـي لـذة النـوم اناديـك
تلفي علـي حلـوم ليلـي برويـاك=كنك قدم عيني بنومـي واراااعيـك
قلي ويش آصف يالغضي من مزاياك=ازريت للقى فالبشـر مـن يحاليـك
الصبح كنـه يبتسـم فـي محيـاك=والليل بسدوله من الستـر كاسيـك
وحمرة شفق شمس الغروب بشفاياك=يكشف وراها برق مـزن ٍ مشابيـك
سبحان رب ٍيااتلـع الجيـد سـواك=من مفرق الغره ليا اخمص قدميـك
هذا وانا روحـي وداعـه بيمنـاك=بعت الخلايق لجل عينك و شاريـك

للشاعر / بعيد المراميس

مقعد الدغيلبي

15-02-2007, 12:22 PM

يامواويل الغرام وياصدى صـوت الحنانـي
ويانسيم الليل داو الجرح والنفـس العليلـه

.................................................. ..................

والمحبه والغلا والبعد وظـروف الزمانـي
أرهقتني مير أنا مالي على المكتوب حيلـه

.................................................. ..........

والعلاقـه بيننـا مندوبهـا كوفـي عنانـي
بس كوفي من فصيله والحبيب من فصيلـه

http://www.sfsaleh.com/upload/uploaded//mog3ed2.gif

اختي همسة غـــــــــــــــــــلا

مشكووووووووووره على الجهووووووود

في خدمة المنتدى واشكرك

على اختياااااااااااااارك وحسن ذوووووووقك

لك خااااااااااااااالص موووووووووودتي

مهدي بن مسفر الحبابي

15-02-2007, 04:12 PM

الله يعطيك العافيه

موضوع راقي

ولي عوده

لك فائق احترامي

همسة غلا

16-02-2007, 03:47 AM

http://www.asmilies.com/smiliespic/ar_welcome/9.gif

بكل من مر من هنااااااااااا

الرقي ..و... التميــــــــــــــــــــ ــــــــز
0
0
0

هو مروركم العـطــــــــــــــــــــ ــــــــر

تحيتيhttp://www.kshcool.com/Agif/image/039.gif

همسة غلا

16-02-2007, 09:13 PM

في عيد ميلادك بعد عـام فرقـاك=حبيت اجـدد عهـد حبـك بذاتـي

ذكرت همساتك..وضحكك..ونجواك=وهلت على خدي دمـوع امنياتـي

بكيت.. لين انـي تمنيـت لقيـاك=ومسحت دمعي وسط زري العباتي

وكتبت لك شيٍ ولو كـان يخفـاك=ياارق.. والطف من مشى بالبناتـي

تبي الحقيقة..يوم انا كنـت ويـاك=كن السعاده هي بعض من صفاتـي

متملـكٍ كـل السعـادة بـلامـاكوبعدك فقدت اشياء تبهـج حياتـي

كلش بعمري يامنى الروح يفـداك=يـاكـل ذاتي..ياهناي..وممـاتـي

الشعر..منك..لك..ياقف ..ويقـراك=عساك تقرا في قصيدي وصاتـي!!

http://www.kshcool.com/Agif/image/039.gif

للراااقي / زبن بن عميــــــــر

محمد الجبريني

17-02-2007, 03:33 AM

موضوع رااائع وتشكرين عليه همسة غلا

آخـر لقـا كـنّ المشاعـر جماعـه
,,,,,,,,,,,,,,,,,جمّعت من بعـد مـا كانـت شتـات

والكـون كلـه رغـم كبـر اتساعـه
,,,,,,,,,,,,,,,ما فيه ألا أنتي مـلا العيـن بالـذات

ضميت حسنـك يـوم بيّـن شراعـه
,,,,,,,,,,,وعوّضت معك اللي مضى قبل بإنصات

ولو تسأليـن القلـب قـال بشجاعـه
,,,,,,,,,,,,وقتي معك غطّى على كـل الأوقـات

ابيات من توقيع ابو عبد الرحمن
اعجبتني وحبيت اكتبها ولي عوه واختيار أخر

ناصر محمد السبيعي

17-02-2007, 04:26 AM

مشكوره على الموضوع لا يحظرني شي الان

لي

عوده

تحياتي

همسة غلا

20-02-2007, 02:49 AM

عًـــــــــــــــــــــــ ــــــدناااا

تدري عن البارح وش اللي تذكرت=صوتك ومرت صورتك في خيالـي

سويت روحي ماعرفـك وتنكـرت=صديت عن ذكراك واشغلت بالـي

قلت اقفل الموضوع بعدين فكـرت=وشلون اعيش بقلب من دون غالي

الرااااقي / فيصل العتيبي

http://www.kshcool.com/Agif/image/011.gif

عايدالعنزي

20-02-2007, 04:15 AM

لاخان خلـك والليالـي تخلـت=احسن تعيش بدون قلب ومشاعر
حتى لو الهقوات فيهـم تعلـت=طعني وجنب درب كله مخاطـر
ماهي بدايمـة ٍ معـك لوتسلـت=تضحك معك ليله وليله تهاجـر
اقولهـا يـوم الحقيقـه تجلـت=لاني بظالمهـا ولانـي بفاجـر
من حقها تتـرك مـادام ملـت=وتاخذ من اللي عندها بالدفاتـر
ياكثرهم عشاقهـا حيـث حلـت=كل ٍ يقول ابشر وتامر وحاضـر
لو تلمخه كفيـن ماقـال زلـت=لوتنصحه يقول ويش انت خاسر
روحه معودها على الـذل ذلـت=لاشافها كوبـان يجيـك فاغـر

للرائع

نياف العتيبي

عايدالعنزي

20-02-2007, 04:21 AM

http://www.emiratesvoice.com/imagecenter/pic/remove.jpg

أببدع في القصيد اللي يكدّر راعي الفله=وأبكتب في القوافي اللي تزيح الهم عن صدري

وأبكسر حاجز ( الروتين ) وأنتي مثل خلق الله =محيتك من خفوقي قبل انا ما امحيك من فكري

أنا قلبٍ وقف نبضه وحزن وروح معتله =ولا عادت تناسبني عبارة (( يا بعد عمري ))

وأنا في الحب لي ملة ولك أنتي مية مله =ولك كذبك ولك غدرك ,, وأنا مالي سوى شعري

ترى بعض الغلا ينعاف لا من خالطه ذله =درست إني أعز النفس وأرقى فوق من صغري

أسوق الرجل للعليا ,, ودرب الذل ما أدله = وابيع أغلى محبيني ولكن ما نقص قدري

ترى ما كنت أحبك موت ابي تصفيقة الشله =ولا هوب الطموح إن الجميع بحبنا يدري

عرفت إني ( خوي الصمت ) لو زادت بي العله =سكوتي عن تفاهاتك حشيمة حبنا العذري

تمنيت الغلا بعضه وانا ما ابي الغلا كله =على لسانك تكسّر كل حلمٍ والجفا يطري

غموضك شئ ذابحني عجزت ايام عن حله =وإذا كنتي تلوميني على هالصمت ,, من عذري !!

وأنا دايم إلا مني بغيت الشئ اوصله =واشوفك كل ما قربت يمك زدتي في هجري

ما عاد ابغى دفا شمسك وقلبك ما ابي ظله =وما عاد ابغى تحبيني وحرفك يرفضه سطري

سمعت إن العرب قالوا (عدوك وش تبي خله) =وانا كلي ترى ضدك (خفوقي وحرفي وحبري)

وسمعت ( إن الخليل إليا تضايق راحته خله ) =وأنا عكس الخلايق يفرح الخلان في كسري

صبرت أيام ,, إلا شهور ,, ألمّ الجرح وأفلّه =ولو إن الصبر ينطق تعجّب من كثر صبري

حرام إني ما عاد اشتاق لك لو كنت متولّه=خذيتي قبل احساسي ,,, تعالي جربّي نذري

وأنا لو كنت أبنوي لك زعل وأدوّر الزله =لك الله كان فارقتك قبل أهواك من بدري

للمـبـدع

أبوعبدالرحمن

منور العوني

21-02-2007, 01:18 AM

في عيد ميلادك العشرين@@ احترت ما ادري وش اهديلك
اهديتك العام قلب وعين@@واليوم انا جيت كلي لك

النجم // محمد السليس

منور العوني

21-02-2007, 01:20 AM

نسيت اقول

يعطيك العافيه ياهمسة غلا
على الفكره المبتكره والرائعه

همسة غلا

22-02-2007, 01:41 AM

لا تعتذر يازين مليت الأعذار=ماعاد فيني ينفعن المعاذير
ياما تحملت القسى رغم ماصار=وياما قبلت العذر من غير تبرير
ياما سقيتيني من أنواع الأمرار=أصبر وأقول الصبر يقفى بتيسير
واليوم باح السد وأصبحت محتار=بين الأمل والظلم عايش بتقصير
جارح تغير بدل الدار بديار=قفت خيول الحب عنكم مصادير
أقفت وتحمل واقع الخزي والعار=لا واخسارة يالليال المدابير
يوم أقبلت ترقص على نغم الأوتار=واليوم تبكي والدموع التعابير
لابد يذكرني على مر الأطوار=ويشوف حبي له من النسمة يغير
هذي حياتي قربها جنة ونار=راضي بتعذيبة ولا جنة الغير
الله يجنبها صواديف الأقدار=تعيش في فرحة ومن الفرحة تطير
أماني بحروفها شعت أنوار=وادركت من دونه على الكون مااصير
جارح تغير والهوى يعم الابصار=تشوف شين الوقت زرع ونواوير
روحي فمان الله والوقت غدار=وعهد الوفاء عندي بقاله تباشير

الرااااااااااااقي

http://www.graaam.com/up/p3ic/8fddc4ca18.jpg