(انكـــســــــار الـــشـــجـــــاع)

[sha3noona almajnoona]

(انكـــســــــار الـــشـــجـــــاع)

قصيدة رائعة للشاعر الجزل / ســـعـد بــــراك

اتمـــــــــــنى تحــــــــــوز اعجـــــــابـــــكم,,,











كل يوم بعمري لـك فـراغ كبيـر=كن عمري بدونك من ضياع بضياع


والله إني بعد فرقاك مانـي بخيـر=مثل حاجة فقارى وانكسارة شجاع


غبت والحزن في عيني وقلبي كسير=وانتهت كل مزنه وامحلت كل قـاع


ارتباط المشاعر وافتراق المصيـر=ضيقة ما تروح وحمل ما يستطـاع


واختناقة عيوني وانجراح المصيـر=أول أعراض بعدك في نهار الـوداع


صبري اللي تعرفه فالشدايد جديـر=انكسر منه مجدافي وطاح الشـراع


فاقدك وأعترف لك كان فقدك مرير=كن الأحزان ميزاني وفرقاك صـاع


كل ما لاح برق وكل مـارف طيـر=أتذكـرك وأدخـل عالـم الالتيـاع


وكل ما مر لك طاري وجفني سهير=صار قلبي وليمة والطواري جيـاع


شبت من لوعة الفرقا وتوي صغير=حسبي الله على حزني تقول انطباع


كل شوق لغيرك في غيابك ضريـر=وكل حب بعد حبـك مجـرد خـداع


ايه محتاجلك مثل احتيـاج الفقيـر=للغنى بس فقـرة ينتزعـه انتـزاع


وينك؟أرجوك ما باقي بعمري كثيـر=وأنت فرقاك هم وفي وصالك متاع


لا يطول الغياب وينكسر بـك كبيـر=طالبك كل شي إلا انكسار الشجـاع ]