الشمراني ونيفز يحتاجون الراحه يابو عبدالله امام الرائد..وجهة نظر

[االزعيم الهلالي]

ينتظر الهلال مباراه قادمه امام الرائد وتعتبر هذي المباراه سهله نوعا ما على اعتبار الفروقات الفرديه بين الفريقين وفي نفس الوقت المباراه على ملعبنا يعني مباراه مافيها ظغوط نفسيه اتمنى من الكابتن القدير سامي الجابر ان يريح اكثر من لاعب خصوصا النجم المبدع ناصر الشمراني واعطاء الفرصه للنجم يوسف السالم حتى لايفقد حساسيته على الكوره وبالتالي يقل حسه التهديفي ونندم وقت الحاجه لان مشاركة خمس او عشر دقايق ماتخلي الاعب في الفورمه وبالذات المهاجم اللي ترتفع معنوياته بالتهديف والتهديف فقط .

اعتقد ان منح السالم وياسر القحطاني الفرصه في مباراه بمستوى مباراة الرائد تعتبر خطوه ضروريه وموفقه حتى لو شاركوا كل واحد شوط وفي نفس الوقت لو استمر ركن يوسف السالم احتياط ممكن نكرر نفس اللي صار للخلوق عيسى المحياني اللي طلب الانتقال مع انه هداف ومشكلته ان الهلال نادي نجوم.

ايضا العملاق البرازيلي نيفز وضح الارهاق عليه في الشوط الثاني في مباراة الاهلي وقل عطائه اتمنى من الكوتش سامي اراحته ومنح الفرصه للعائدين الشلهوب وعزوز الدوسري واكيد رح يقدمون مبارة قويه وفي نفس الوقت نكسب منح نيفز فرصه لالتقاط انفاسه بعدما بذل مجهود جبار وخرافي واكل الجو من جميع نجوم الدوري اكيد بعد الراحه رح يرجع بقوه وبرغبه قويه لمواصلة الابداع .

انا اعرف ان ابو عبدالله فاهم شغله صح ومسبب قلق للحاقدين ولكن من باب طرح اراء الجماهير اتمنى اللعب بأغلبية الصف الثاني امام الرائد.

اللهم وفق الهلال اينما حل وارتحل.