الملكي / فريق النعناع.. ملاحظات سريعه

[االزعيم الهلالي]

السلام عليكم ورحمة الله وبركاته

الحمدلله على كل حال.. وهذي الكوره يوم لك ويوم عليك

هاردلكم التعادل وان شاء الله القادم اجمل

بدخل بصلب الموضوع

لانه فيه لاعبين لازم يشوفون لهم حل

عبدالله السديري : انقذ الفريق في اكثر من كوره ومستواه يتصاعد
لكن استغرب من اضاعة الوقت اخر الدقايق وكنه يبي ينهي المباراه!!
تصديت لكورة الشهري.. تفك الكوره وتناظر باللاعب الين يجيك!!
يا عبدالله نبيك تطمح للفوز مو للتعادل

عبدالله الزوري : صدقوني لازم يجرب الدكه.. هاللاعب لا هجومي ينفع
ولا دفاعي ينفع.. نقطة ضعف وثغره.. ولو تلاحظون كل الهجمات من عنده
ونفس الاخطاء تتكرر..

المرشدي : ممتاز في الكرات الهوائيه.. دايخ عالارض.. لا عزيزي فيه الحافظ ترا
افضل منك الف مره اذا ماضبطت وضعك.. ولازم يجرب الدكه عشان يحس بالمنافسه
عالمركز

الفرج : بعد تجديد العقد ومستواه رايح في عين امها من نهاية الموسم الماضي
والمصيبه انه جرب الدكه لكن مستواه ثابت عالهبوط!!!

العابد : عندي امل انك راح ترجع لمستواك في الجولات الجايه

سامي الجابر : لازم تسوي تدوير بالتشكيله عشان اللاعبين يحسون بالمنافسه عالمركز
والا كل لاعب بيضمن انه اساسي ما بيلعب بنفس الرتم

سالم الدوسري افتقدنا ثلث قوة الهلال اليوم لكن قدر الله وماشاء فعل
وان شاء الله ترجع سالم

عزوز الدوسري ياسر الشهراني تياقو نيفيز واللاعب الكوري هم رجال المباراه

انا مجرد محب للكيان وماعندي محبة لاعب على لاعب

اللي راح يبدع نصفق له ونشجعه.. واللي مستواه سيء ضروري ننتقده

عشان يراجع اخطائه