تسجيل الدخول

مشاهدة النسخة كاملة : وين محمد الجبريني


منيرة الحربي
24-01-2007, 04:23 AM
مرحبا من هاجس ٍ توه وردنا = مثل ريح الهيل بوسط الشاذليه



اقلط اقلط يامحمد في بلدنا = ونتبه لا تحسبن النار فيه
محمد الجبريني
24-01-2007, 06:05 AM
الله الله استلمي ولاهنتي يابنت الامراء ولي الشرف في مجارات شرواك يالاميره




البقابك بعد جيتي في نصدنا = من هواجيس مراقيها عظيه
ان عقدتيها بلشتي في عقدنا = ونارك انتي ماتشكلي قضيه
majroh-tamem
24-01-2007, 07:53 AM
مرحبا من هاجس ٍ توه وردنا = مثل ريح الهيل بوسط الشاذليه



اقلط اقلط يامحمد في بلدنا = ونتبه لا تحسبن النار فيه

تسلمين يابنت الأمراء محاورة جديد مع شاعر كبير يملك التصوير والمعاني مثل شاعرنا السابق (ناصر)

الصف مع بنت المراء بكل اعتزاز وفخر نحن بصف الأمراء

روعه جمال تصوير حكمه رائعة.
ابن نميش
24-01-2007, 08:04 AM
صح لسانك يامحمد

وصباح الخير

يالي معانا
منيرة الحربي
24-01-2007, 01:23 PM
استلم يامحمد الجبريني




رافيعين اعلامنا نعلن سعدنا = والله اللي جابك ابدربي ضحيه


لو تصيح اتقول بالله وش قردنا = يوم لقيت البكار المهمهيه
majroh-tamem
24-01-2007, 01:29 PM
استلم يامحمد الجبريني




رافيعين اعلامنا نعلن سعدنا = والله اللي جابك ابدربي ضحيه


لو تصيح اتقول يالله وش قردنا = يوم لقيت البكار المهمهيه

نسلمين على هذا الرد يابنت الامراء

بس



أنتبهي تضحينبه مثل (صدام)


يمكن هو مقرود ويحب القراده يستاهل أجل ما يجيه
منيرة الحربي
24-01-2007, 01:45 PM
مجروح تميم عساك تسلم هذا من طيبك يالطيب


وعساني ماخلا منك والله انك غمرتني في طيبك


ابن نميش هلا وغلا شرفني مرورك يالطيب
مقعد الدغيلبي
24-01-2007, 02:07 PM
استلم يامحمد الجبريني




رافيعين اعلامنا نعلن سعدنا = والله اللي جابك ابدربي ضحيه


لو تصيح اتقول بالله وش قردنا = يوم لقيت البكار المهمهيه





الله
الله
المهمهيه
ياسلاااااااااااام
على الابداااااااااااااع
راح فيها محمد
تحيااااااتي للجميع
محمد العطاوي
24-01-2007, 02:08 PM
هههههههههههههههههههههه


صح لسااانك يابنت الامراء

كــلاااااااااااام كبييييييييييييير ولاترحمين الجبريني عليك ابه


واصلي ..



===========================



محمد الجبريني صح لسااااانك ..على ردك الوااافي


وياويلك من بنت الامراء طحت في يدينها :)


واصل واصل :)
مقعد الدغيلبي
24-01-2007, 02:10 PM
الله الله استلمي ولاهنتي يابنت الامراء ولي الشرف في مجارات شرواك يالاميره




البقابك بعد جيتي في نصدنا = من هواجيس مراقيها عظيه
ان عقدتيها بلشتي في عقدنا = ونارك انتي ماتشكلي قضيه





مراقيها عظيه؟؟؟؟؟؟؟؟؟؟؟؟؟
صح لسانك ملايين
جزل لاكن الله يعينك
على بنت الامراء شكلها
نااااااااااااااااويتك
مووووودتي لك وخالص شكري
ناصر القزلان
24-01-2007, 02:20 PM
السلام عليكم ..
المعذرة جيت متأخر ..

بنت الامراء .. محمد الجبريني .. ثنائي يستحق المتابعة ..

طبعا ( دايركت ) على صف الاميرة .. ومعي ( ابو رجه ) المعروف .. مجروح تميم ..

مبدا كايف من الاميره.. ورد طيب من الجبريني ..

ابداع ياابداع .. واصلوا ..

لكم كل التحية والاعتزاز ..
majroh-tamem
24-01-2007, 04:24 PM
مجروح تميم عساك تسلم هذا من طيبك يالطيب




تسلمين يالأميرة يابنت الأمراء هذا من طيبك ومن طيب أصلك.

أرجوا أن أكون حضور خفيف الدم(( بس أنتبهي لا تجيني الجه وأحول من صفك للصف الثاني بس هذا بعيد؟؟؟؟؟))

تقبلي خالص تحياتي
majroh-tamem
24-01-2007, 04:55 PM
السلام عليكم ..
المعذرة جيت متأخر ..

بنت الامراء .. محمد الجبريني .. ثنائي يستحق المتابعة ..

طبعا ( دايركت ) على صف الاميرة .. ومعي ( ابو رجه ) المعروف .. مجروح تميم ..

مبدا كايف من الاميره.. ورد طيب من الجبريني ..

ابداع ياابداع .. واصلوا ..

لكم كل التحية والاعتزاز ..
الحمد الله على تحقق طلبي وأمنيتي وزاد شرفي ذروته بأن أول من كتب اسمي (لقبي) هو حبيبي ناصر القزلان.

شكراً والف شكر وهولا يكفي للغلي (أعذريني يالأميره) القزلان أنا ناوي أخربها الليله بالصف ((بالزار)بس مدري تجي بدون طيران؟؟؟؟؟؟؟؟؟


أختي الغالية الأميره ترى الليلة ليلة خميس لا تعزلون بدري ناوين نخليها سهاري.

أبو محمد أنت تسمعني




أبومحمد رد على


خلك بجنبي بالصف عشان تمسكني أذا جتني الرجه لانه مايعرفلي ألا أنت هذا قدرك رماك على.


أرجوا أن تكون المشاركه تدخل السرور للجميع

تقبلوا تحياتي
سعودعبدالله
24-01-2007, 10:35 PM
يا سلالالالالالالالام


بنت الامراء


صح كلك على هالبداع الغير مستغرب


الجبريني


صح لسانك ولاهنت على الجزاله الغير مستغربه


واصلووو لاهنتووووو
محمد الجبريني
25-01-2007, 12:56 AM
استلمي يابنت




من سليم وعنك والله مانشدنا = نارنا تقبس وفالمقباس حيه
الضحيه رحتي انتي يابعدنا = والرسن مقرون فرقبة المطيه
محمد الجبريني
25-01-2007, 01:19 AM
مجروح تميم حياك الله مرورك يسعدنا والصف واحد لاهنت



اخوي العزيز والغالي على نفسي ابن نميش الساعه
المباركه الى شفنا فيها مرورك وتعليقك يالقرم خلك في صفي ياولدهههههههههههه
الناس دايم كلها ضدي ,, وانا عنيد ولاعليه من الناس
ولايهمك بنت الامراء ازززهلها عندي والله يستر منها
شاعره كيبيره وداااهيه مير عساني اسريها تحياتي وفااائق احترااامي لك الخاااصه




الشاعر مقعد الدغيلبي لاهنت مرورك شرف يالقرم
ومكسبنا هو وراس المال تقبل فااائق احترااامي





محمد العطاوي مرورك شرف في متصفحي يالقرم ولاهنت
وراك الله يهديك توصي على وانا ماعملتلك حااااقه يابيه
هههههههههههههه دنا مسكين ولحيلي وانتم بعد
تواصون علي
الله معي ويسدني عن عباده ومن كان معه الله فلاشك ربحان

وتسلم تقبل اطيب التحايا واصدقها ود واحتراااام


ناصر القزلان حياك الله يالقرم ولاهنت على المرووور
تقبل فااائق احترااامي وتقديري



سعود عبدالله لاهنت
توجدك يشرفني ويهمني الى الغااايه عساك سالم وفي صفي منت معهم
خابرك رجال صرفه وقرم وشاعر كبير ولاتغباك المعاني
تقبل فااائق تقديري واحتراااامي
منيرة الحربي
25-01-2007, 02:13 AM
ها استلم




بالشحايذ ياعميلي ماعتمدنا = يوم بعض الناس يشحذ بالخفيه


الشرود الخايف ابخوفه شهدنا = استلمها وانا بنت اهل الحميه
محمد الجبريني
25-01-2007, 02:46 AM
تشحذين انتي وحنا ماشحدنا = واعتقد منتي من الدعوى صريه
الشرود انتي واحنا ماشردنا = اثر في قلبك شويت عنصريه
محمد الجبريني
25-01-2007, 02:57 AM
بنت الامراء الليل الليل نبها مباشره اخلصي
يالله الليل الليله مايفكك من احد هههههههههههه
وخليهم ينفعونك ههههههههههههههه
محمد العطاوي
25-01-2007, 03:15 AM
هههههههههههههههههههههههه


واصلو واصلووو ...



والجبريني انا بصفك ولايهمك يالقرم .. الصف اشيله من جده للخبر :)




اللييييييييييل سرووها ..
محمد الجبريني
25-01-2007, 03:34 AM
الله لايهينك اخوووي محمد
تسلم يا الذيب وكفو خل بنت الامراء ذي تجي
والله يغير اعسفها لك عسف لين تعرف ان
الله حق وان الرجال فوق كل شي
مغتره في شعرها الظاهر
مدري محرشه على من احد ههههههههههههههههههه
امزح امزح ابنفرزها حتى ترد مير ماش احد
ههههههههههههههههه
منيرة الحربي
25-01-2007, 04:05 AM
استلم استلم



عدنا مرهي واستاذك ماوردنا = تقصر احباله عن اعدودن نقيه



الجبريني خاسر وحنا استفدنا = صار مثل العنز تبحث للمنيه
فيصل العتيبي
25-01-2007, 05:00 AM
متابع
محمد الجبريني
25-01-2007, 05:03 AM
هييييييييييييييييييييه تحلمين انتي ولا تلعبين هذا شعر ولا سااالفه

ههههههههههههههههههههههه


كان هذا الجهد واضاعت جهدنا = نحسب انك مثل لليلي العامريه
تنزلين انزول واحنا صعدنا = والمراجل لرجال الاجوديه اسلم عليك باي باي
منيرة الحربي
25-01-2007, 05:17 AM
محمد رد ببيوت شعر فقط بدون هذر اللي في خاطرك حطه في بيت شعرك وانا افهمه


شف ابيوتي بدون هذر مافيها الى استلم لاغير تبيني اكمل معك كملت ماتبيني اكل قللي خلاص


انكان ماهو جايزلك اللعب معي قلي خلاص
فيصل العتيبي
25-01-2007, 05:31 AM
يارب سترك

انتم وش فيكم ؟؟

أنا اتوقع أن اللي داخل القلوب غير اللي نشوفه

وأهم شئ كل واحد يصلح سيارته يالربع ,,

تحياتي لكم

فيصل العتيبي
محمد الجبريني
25-01-2007, 05:33 AM
اشكوى لله الخبل اللي لاعب معك مع السلاااامه


شكوااااي لله الخبل اللي لاعب معك مع السلامه ,, تصحيح فقط

ههههههههههههههههههه




وحسافه ليتنا الليله رقدنا = ياخساره راحه النومه عليه
ياعساها عدة ومحدن نقدنا = نحسب انك شاعره وثرك غبيه
محمد الجبريني
25-01-2007, 05:42 AM
يارب سترك

انتم وش فيكم ؟؟

أنا اتوقع أن اللي داخل القلوب غير اللي نشوفه

وأهم شئ كل واحد يصلح سيارته يالربع ,,

تحياتي لكم

فيصل العتيبي



الشاعر فيصل العتيبي

مرحبابك ومسهلا لاوالله الا نقدت علي مافيها كلام وسيارتي انا مافيها كلام جديده ههههههههههه
ولاكن مرووورك وسام شرف يالقرم وان كان وني مخطي في شي أمانه معك تقوله انت شاعر وحكم بيننا
وتقبل تحياتي وفااائق تقديري واحتراااامي
فيصل العتيبي
25-01-2007, 05:47 AM
محمد صباحك عسل

بنت الامراء صباحك جوري

انتم إذا ماخاب ظني من أهم الاعضاء في منتدى غرابيل

اكتفي بهذا الرد ,,

وكل الشكر لكم

فيصل العتيبي
محمد الجبريني
25-01-2007, 05:55 AM
محمد رد ببيوت شعر فقط بدون هذر اللي في خاطرك حطه في بيت شعرك وانا افهمه


شف ابيوتي بدون هذر مافيها الى استلم لاغير تبيني اكمل معك كملت ماتبيني اكل قللي خلاص


انكان ماهو جايزلك اللعب معي قلي خلاص


صبحك الله بالخير وش الأخلاق التجاريه اليوم معك يابنت الحكام هو احد مزعلك ,,, العب له وصول واهداف
وانا موجود وماخرجت عن الأطار المتعارف عليه وابياتي موزونه ميه بالميه
لاتقولين انهزم وشرد انتي تبينني اروح على شان تقولين طرته
بدري على القمرى تعلى على اسهيل ,, انا سهيل المعتلي مفترعها
ههههههههههههههههههه
محمد الجبريني
25-01-2007, 06:02 AM
محمد صباحك عسل

بنت الامراء صباحك جوري

انتم إذا ماخاب ظني من أهم الاعضاء في منتدى غرابيل

اكتفي بهذا الرد ,,

وكل الشكر لكم

فيصل العتيبي


وصباحك اطيب واسعد من ذالك ورد مبهم وكفو ماقصرت
وتقبل شكري وتقديري
فيصل السلمي
26-01-2007, 03:46 AM
هييييييييييييييييييييه تحلمين انتي ولا تلعبين هذا شعر ولا سااالفه

ههههههههههههههههههههههه


كان هذا الجهد واضاعت جهدنا = نحسب انك مثل لليلي العامريه
تنزلين انزول واحنا صعدنا = والمراجل لرجال الاجوديه اسلم عليك باي باي

ياحبني لك يا ابن عمي شاعر كبير ولا انت بسهل




اجل تحسفت على النومه يامحمد هاه هههههههههههه

ادهر وانا ابن عمك وابشر بالصفوف وانت شاعر كبير ولا عليك كلام
صادق الإحساس
26-01-2007, 04:27 AM
الناس دايم كلها ضدي



الله يسامحك بس

كبيرة هذي بحقي وأنا صادق

وشلون ضدك وأنت تعرف معزتك وغلاك عندي

ما أقول غير الله يسامحك بس

طيب وش رأيك أنت ومحمد بن ضاوي

وربي أني أحرص على قراءة ردودكم ومشاركاتكم

عارف ليه !!؟

لأني أجد فيكم ::ـ


سعة الصدر / ونظافة السريرة / وصفاء النية / وروح المرح


لجل كذا أحرص وربي على قراءة ما تكتبون
ودايم وربي أضحك وأنا أقرأ مشاركاتكم يمكن
لأني جاد شوي وفاقد سعة صدوركم وعلى ما قيل

( فاقد الشي لا يعطيه )

المهم تأكد أنك أنت وبن ضاوي أحرص كل الحرص على
متابعة ردودكم وأقف متعجبا للكم الهائل من سعة الصدر
وربي أني أغبطكم ولا أحسدكم على هذه الميزة الجميلة


المهم لعاد أقرأ كلمة ماحد معي / أو كلكم ضدي !!


أنا بصفك حتى ولو كان مقابلك أخويه وش عاد تبي


صح ألسانك يا محمد الجبريني الطيب
وصح لسانك يا بناخيتنا بنت الأمراء






لكما
ود و ورد




صادق الإحساس
محمد الجبريني
26-01-2007, 07:13 AM
ياحبني لك يا ابن عمي شاعر كبير ولا انت بسهل




اجل تحسفت على النومه يامحمد هاه هههههههههههه

ادهر وانا ابن عمك وابشر بالصفوف وانت شاعر كبير ولا عليك كلام



اخوي العزيز فيصل السلمي

جزيل شكري لك وتقديري
ولاهنت على مرورك وشهادتك
وسام شرف اتقلده واضعه
فوق راسي وكفو
ووفيت وكفيت ياسنايدي

وابشر في المرااه القادمه
اما في هذي المحااوره
جفت الاقلام ورفعة الصحف

وتقبل فااائق احترااامي