اقرب واحد يشرف عندي .. !! [الأرشيف]

فيصل العتيبي

22-01-2007, 05:25 PM

اذكروا الله . ؟

المجال مفتوح للرجال فقط .. !!

سلام الله عليكم والتحية ردها الترحيب=يقوله شاعرن زانت هجوسه ..... واسرّ ياساري
نبي شاعر على المعنى يجيد الحبك والتركيب=ولا يخطي ولا ينسى دروسه ..... واسرّ ياساري

سعد الحركان

22-01-2007, 06:19 PM

هلا يامرحبا ياذيب جاك الذيب عان الذيب=وآكيد إن الخطر دقت نقوسه .. واسر ياساري
تهيض واطرق البيبان يافيصل عساك تصيب=وعلم الغيث تلفي به عسوسه .. واسر ياساري

ناصر القزلان

22-01-2007, 06:23 PM

أرحب يافيصل .. هلا وغلا .. استلم وان سبقني احد تراي هونت ..

هلا يامرحبا بالذيب .. وابشر بالعشا ياذيب = خطم لك واحد ٍ يسحن ضروسه .. واسر ياساري
حفظنا الدرس يافيصل .. وجبناها على الترتيب = على وضح النقاء تمشي عسوسه .. واسر ياساري

ناصر القزلان

22-01-2007, 06:25 PM

عندكـــ يابن حركان .. فيك الخير ..
فرصة ثانية يافيصل .. وخيرها بغيرها ..

فــــارس نجــــد

22-01-2007, 06:32 PM

صح لسانك مدد بلا عدد
يافيصل طاروق ممتع
ومتابعين للابداع
وازهل الصف يافيصل

فيصل العتيبي

22-01-2007, 06:43 PM

مرحبا مرحبا

سعد والقزلان عز الله انكم شعـــراء ,,

وعن اذنك يالقزلان مادم انه سبقك وانت تنازلت وكلكم عينين في رأس لكن خلك في صفي يالذيب ,,

تقدم ياسعد وأخذ الحذر تلعب معي وتغيب=ترى مانيب من يهوى النكوسه ...... واسرّ ياساري
انا غصت البحر جبت المحارة وانت ويش تجيب=ليا صارت نواحيه محروسه ...... واسرّ ياساري

الليل ,, الليل

أبوعبدالرحمن

22-01-2007, 06:43 PM

نبي شاعر على المعنى يجيد الحبـك والتركيـب
ولا يخطي ولا ينسى دروسه ..... واسرّ ياساري

//

تهيض واطرق البيبان يافيصل عساك تصيـب
وعلم الغيث تلفي به عسوسه .. واسر ياساري

صحت قلوبكم

اساتذه وسنستمتع معكم بكل تاكيد

متابع لكم هنا

فيصل العتيبي

22-01-2007, 06:50 PM

هلابك فارس نجد والله يعزك لانك عزيت الصف ,,

ابو عبد الرحمن خلك حولي ؟

والليل الليل

أبوعبدالرحمن

22-01-2007, 06:51 PM

انا غصت البحر جبت المحارة وانت ويـش تجيـب
ليا صارت نواحيه محروسه ...... واسرّ ياسـاري

متابع هنا

وصحت قلوبكم

سعد الحركان

22-01-2007, 07:01 PM

لهالحينه ما قدمك غير كيف البن جنب الطيب=علام اللي ضريسه في ضروسه .. واسر ياساري
ياطيبك غصت بحر يصطفق موجه وبان الشيب=وانا ماهمني كثرة حروسه .. واسر ياساري

الأخ فيصل

والله الظاهر إن المغيبه بتحصل هههههههه

الوقت هذا مثلك عارف صلاه وبعدها عشا والله الله

لكن متى ماودك نواصل ابشر بسعدك

انا لي عوده إن شاء الله بدون بطا

الى اللقاء

.

سعد الحركان

22-01-2007, 07:05 PM

اشكر جميع الأخوان الذين مرو

ووجودهم شرف لنا

لكن يالربع تراي وحيد في غرابيل لاتوحدوني لحالي :icon_frow

وإن وحدتوني بآتوكل على الله وينصرني :icon_smil

فيصل العتيبي

22-01-2007, 07:20 PM

ياسلام ياسلام

استلم .. ؟

بداياتك جميلة وانتبه لاتعلن التخريب=نبي نشرح تفاصيل العنوسه ..... واسرّ ياساري
انا طبعي ليا جيت البلد علمتها التهذيب=اعلم شعبها وان ضقت احوسه ..... واسرّ ياساري

على راحتك ومتى ماجيت رد ,,

تحياتي لك

أبوعبدالرحمن

22-01-2007, 07:22 PM

لهالحينه ما قدمك غير كيف البن جنـب الطيـب
علام اللي ضريسه في ضروسه .. واسر ياساري
ياطيبك غصت بحر يصطفق موجه وبان الشيـب
وانا ماهمني كثرة حروسه .. واسـر ياسـاري

صح لسانك ياسعد

وتراني بصفك

وننتظرك الليلة

فــــارس نجــــد

22-01-2007, 07:43 PM

فــــارس نجــــد

22-01-2007, 07:45 PM

سعد الحركان جزل ياسعد
وانا في صفك ولايهمك
لاكن اغلب الاحيان في صف ابن العم
واعذرني يابطل
متابع للمحراف المبدع

فيصل النفيعي

22-01-2007, 09:50 PM

صحة السنتكم

وانا في صف سميي فيصل ما يعتازز

والليل

majroh-tamem

22-01-2007, 10:05 PM

بداياتـك جميلـة وانتبـه لاتعـلـن التخـريـب=نبي نشرح تفاصيل العنوسه ..... واسرّ ياسـاري
انا طبعـي ليـا جيـت البلـد علمتهـا التهذيـب=اعلم شعبها وان ضقت احوسه ..... واسرّ ياساري

الله الله يافيصل عندك به تسلم على هذه المعاني الجميله وحسن التصوير

بس ها ياخوى فيصل أنتبه تضيق وتخرب اللعب الليله ترانا ما نسمحلك وأنت مثل الموج ما يلعب معك إلا بحذر

تسلمون على هذه المحاورة الجميله سجلوا أعجابي ((صف فيصل)

فيصل العتيبي

22-01-2007, 10:25 PM

فيصل النفيعي ... اغليك مدري ليش .. !

مجروح تميم ... لعيونك صوتي للبكر ,,

الله لايهينكم على المرور

عطرتوا الصفحة بوجودكم

اخوكم

فيصل العتيبي

majroh-tamem

22-01-2007, 10:36 PM

فيصل النفيعي ... اغليك مدري ليش .. !

مجروح تميم ... لعيونك صوتي للبكر ,,

الله لايهينكم على المرور

عطرتوا الصفحة بوجودكم

اخوكم

فيصل العتيبي

تسلم عيونك ياولد روق

حنا معك اليوم وبعد اليوم

أشكرك لحرصك الكبير على الرد على صفوفك ورفع المعناويات ((بس الشاهي وينه)) لا هنت

عـــكـــاش

22-01-2007, 10:55 PM

صحت السنتكم

ولاهنتم اثنين

شعراء مبدعين وفنيين

سجلو اعجابي

وتحياتي

عكاش

سعد الحركان

22-01-2007, 11:32 PM

مسيتو بالخير

اعذروني على التأخير الإجباري

إســـــــــــمع يا فيصل

انا ما آفكر إلا في لزوم ماعنه تجنيب=لوإن كل يجمع في فلوسه .. واسر ياساري
ترى ما انته بامير ولا نبي ولا علمت الغيب=لكن ادرس كتابك لاتدوسه .. واسر ياساري

فيصل العتيبي

23-01-2007, 01:18 AM

أمل عبدالعزيز

23-01-2007, 01:43 AM

هههههههههههههه

موجودة الصفوف بس وراهم دوام هههههههههههه

صحت القلوب

محاورة ولا أروع

ابدااع يافيصل

وابدااع ياسعد

متابعة

ذيب غثاة

23-01-2007, 10:13 AM

اييية صح لسانك يالدماسي...خابرك شاعر نظم بس...اما شاعر محاورة هذي جديدة علي..بعدين ياخي وينك ورى معاد تسير ...وش هالقطاعة..ماكن لك صدقا فالديرة اللي جنوب من الفحيحيل!!!!!!!!!!!!!!!!

majroh-tamem

23-01-2007, 11:08 AM

مرحبا مرحبا والله اني صادق

لكن أنا كنت بالاستراحة وتوي جاي للبيت وشفت ردك يالذيب ,,

على العموم استلم ,

سعد ياصاحبي في ذمتي ماجيتكم تهريب=اعرف الشخص وادري عن طقوسه ..... واسرّ ياساري
عطيتك رميتين ورميتي ماتختفي وتخيب=وكفٍ ماقدرته قوم بوسه .... واسرّ ياساري

وين الصفوف وينهم ؟؟
موجودين من البارحه

صح لسانك قبل بدنك ياصاحب الحروف الذهبية

ياخوي كم مرة أقول الشاهي واذا أنت توك جاي من الإستراحة متقهوي حنا من البارحه سهراني نحرتي السمره والقهوه معكم بس الظاهر ((نفسي نفسي)).

أذا أنت تعرف الطقوس ترى بعض القنوات قامت تنافسك على معرفة الطقوس (( هههههههههههههههه،،، بايخه صح يافيصل))

فيصل العتيبي

23-01-2007, 11:29 AM

هلا ومليون غلا

أمل عبد العزيز : سعيد بهذا التواجد والنوم سلطان مثل مايقولون ,

ذيب غثاة : الله لايهينك وابشرك اني العب كورة بعد ههههه

مجروح تميم : تصدق اني حبيتك وقمت افكر فيك هههههههههااااي

تحياتي لبياض قلوبكم

فيصل العتيبي

majroh-tamem

23-01-2007, 11:56 AM

هلا
مجروح تميم : تصدق اني حبيتك وقمت افكر فيك هههههههههااااي

تحياتي لبياض قلوبكم

فيصل العتيبي

شكرا لك أخي فيصل يامن فصلت ضلوع صدري وسكنت أعماق قلبي.

لك الود مني والشوق يطير مع نسمات الهواء ويقع على حروف شعرك كي يتغذاء منها ويعود إلى قواعده سالماً غانماً

سعد الحركان

23-01-2007, 02:09 PM

ياطيب اللي يهوز المستحيل وقال ماش صعيب=على قده يفصل في لبوسه .. واسر ياساري
نشوف الدعم متوالي باعدادٍ تتعب الحسَييب=لعل السن مايدخله سوسه .. واسر ياساري

فيصل العتيبي

23-01-2007, 07:53 PM

صح السانك ياسعد

وعزالله انك اطربتني جدا ,

وكل الشكر لمن خطت انامله في متصفحنا ,,

اخوكم

فيصل العتيبي