تسجيل الدخول

مشاهدة النسخة كاملة : بــــرج المملــكــه..حج مبرور وسعيا مشكور


الرويحـــي
21-01-2007, 03:01 AM
السلام عليكم ورحمة الله وبركاته


مساك او صبحك الله بالخير يابرج


واستلم لاهنت



يوم برج المسمى مرزح ٍ بين سبعه=كمل الركن سبعه طهر البيت سبعه
شرد الصيد حازه بين ضبعه وسبعه=كل رجل ٍ على ماقيل عقله يدله



تحيزم ياعميلي وانت شاعر ماعليك قصور=اقوله والحبال البيض مثنيه ومربوعه

ترى بعض المواقف تظهر اللقمه من الحنجور=توحى فالرويحي خل عنك ابيات دلوعه
محمد العطاوي
21-01-2007, 11:46 AM
الله الله


موال وشقر وطاااروووق = ابداااااااااااااااااااع




صح لساااانك مدد بلا عدد يالرويحي




وبأنتظااار البرج ...




..
خالد الشليخي
21-01-2007, 04:08 PM
هلا بالرويحي

صح لسانك على الموال الزين
والمطلع الجزل وعادتك والله ما تجيب الا الجزل
معك ومع برج المملكه تطيب لنا المتابعه

تحياتي للجميع
حاشر القيفان
21-01-2007, 04:32 PM
ياســـــــلام يالروويحي ..




مبدا حلو .. وشقر x شقر ..ونحن موعوودون مع لعب جميل .. في انتضار برج





صح اللسنتكم مقدماً





حــــــــاشر
أمل عبدالعزيز
21-01-2007, 10:50 PM
,
,

الله الله يالرويحي

صح لسانك
ووينك يالرويحي


الموقف اليوم بيكون محايد

وصحت القلوب.
.
برج المملكه
22-01-2007, 12:57 AM
وعليكم السلام و الرحمه و الاكرام

واسعد الله جميع اوقاتك

تفضّل



ياهل المنتدى ياهون علم الرّويحي
كل عرق ٍ على سقاية الما الرّوي حي
اه ويحي من اللي يشرب المرّ ويحي
كل رجل ٍ على ماقيل عقله يدلّه


/
/



اثر دربك بعيد وتضرب الغبات بالبابور=ومثلك يالرويحي خابر ٍ وضعه و موضوعه
ترى الله يعطي الجنه و يعطي من بنات الحور=على وضح النقا المجرود و الرايات مرفوعه
برج المملكه
22-01-2007, 01:00 AM
محمد العطاوي
خالد الشليخي
حاشر القيفان
امل عبدالعزيز


/
/
/

سلمتوا ولاهنتوا حضوركم يشرفنا طالت اعماركم

برج المملكه
حاشر القيفان
22-01-2007, 01:04 AM
وعليكم السلام و الرحمه و الاكرام

واسعد الله جميع اوقاتك

تفضّل


ياهل المنتدى ياهون علم الرّويحي
كل عرق ٍ على سقاية الما الرّوي حي
اه ويحي من اللي يشرب المرّ ويحي
كل رجل ٍ على ماقيل عقله يدلّه

/
/
/



اثرك دربك بعيد وتضرب الغبات بالبابور=ومثلك يالرويحي خابر ٍ وضعه و موضوعه
ترى الله يعطي الجنه و يعطي من بنات الحور=على وضح النقا المجرود و الرايات مرفوعه





ههههههههههههههههههههههههه هه



ياســلام سلم يابرج ..والله ابــداااع في ابــــــداع



الله يزوجك حور فـ الارض وفـ السماء وانا معك بعد .. ولايهونون الحظور من التماسيح فـقـط





واعتبرني في صفك . من هــ الحين لين دايم :biggrin:





لاهنتو




حــــــاشر
الرويحـــي
22-01-2007, 02:10 AM
محمد العطاوي
صح بدنك والله لايهينك وحياك الله



يامرحبا ومسهلا يا ابو خلود
يشرفني متابعتك وتواجد يالغالي
وصح بدنك


حاشر القيفان
يالله لاتحشرنا (:

حياك ربي والصفين واحد


أمل عبدالعزيز
صح بدنك وحياك الله
الرويحـــي
22-01-2007, 02:15 AM
الله الله يابرج




البحر لاتلاطم يغرق البرج مده=لو بعض الخلايق فالمواقيف مده
الرويحي يابو قلبين معروف مده=كل رجل ٍ على ماقيل عقله يدله



كحيل الطرف يومنه شهدلك ماشهدلك زور=شهادة ود بين الناس مقريه ومسموعه
حبيّب منت بحبيّب ولا مطلق ولا مستور=عسى ربي يعين اللي سهر ليله على كوعه
برج المملكه
22-01-2007, 03:41 AM
يوم بعض العرب في دربنا دسّ عمره
ماتوسّع مع الناس الله يوسّع امره
مير ليته يحاول يعتمر بسّ عمره
كل رجلٍ على ماقيل عقله يدله

/
/
/


اقول ان العيون الحور اخير من العيون العور=الا يا لشاعر اللي في بحور الشعر موسوعه
انا توّي دريت ان الرويحي شاعر و مشهور=اشوف الفنّ و الابداع و الامتاع و الرّوعه
غزلان بنت البدو
22-01-2007, 06:53 AM
الرويحي

برج المملكه

صحت السنكم


متابيعين لكم
هداج تيماء
22-01-2007, 07:25 PM
برج المملكه والرويحي

الله الله

يا سلاااام

صحت السنتكم وقلوبكم مدد بلا عدد

محاورة قمة وتستحق المتابعة وشقر ولا اروع

متابع وفي صف زميلنا البرج جهرا والعين ترا ولا يهون اخونا الرويحي


اثر دربك بعيد وتضـرب الغبـات بالبابـور
ومثلك يالرويحي خابر ٍ وضعه و موضوعـه
ترى الله يعطي الجنه و يعطي من بنات الحور
على وضح النقا المجرود و الرايات مرفوعه / ......يا سلااام



الليل الليل

يابرج
الرويحـــي
23-01-2007, 12:04 AM
غزلان بنت البدو
حياك ربي
وصح بدنك


هداج تيما
حياك الله وصح بدنك
والصف واحد
يكفي حضورك
الرويحـــي
23-01-2007, 12:10 AM
طيب طيب



استلم




كل رجل ٍ لسانه ياعميلي حصانه=ومن بنا بيت في وجه المفاليح صانه
وانت رجل ٍ محصن والك حصن وحصانه=كل رجل ٍ على ماقيل عقله يدله



ألي جمهور يابرج المسمى وانت ألك جمهور=لكنك ضعت بين احلام مسموحه وممنوعه
والا يابرج لو انك تعشى من سنام الثور=ترا محد ٍ يموت اليوم يابن الناس من جوعه
برج المملكه
25-01-2007, 03:00 AM
دين الاسلام له شرع ووصول و مشاعر
وانت من غابة الاشباح مالك مشاعر
لا يغرّك ليا سوّاك الاعلام شاعر
كل رجل ٍعلى ماقيل عقله يدله

/
/
/



انا خابرك زين و خابر ٍ جمهورك المذكور=معك من ظلم مجموعه ومن رضوان مجموعه
تهرّج يالرّويحي وانت لا منهي ولا مامور=ولا تحسب حساب الدفع فاتورتك مدفوعه
برج المملكه
25-01-2007, 03:06 AM
حاشر القيفان

هلا و مرحبا تراحيب الحيا و الصف وراعيه يرحبّ بك منّا لين دايم :biggrin:

غزلان بنت البدو

مرحبا و صح بدنك

هداج تيما

مرحبا ملاييين و ابرك الطواريق والله اللي يجيبك في صفي

هلا و مليون غلا يا استاذي الكريم

للجميع تحيتي
الرويحـــي
26-01-2007, 09:10 PM
الله الله يابرج



لو تدر المنيحه ماملت ربع كاسه=مير بعض الآوادم مايكب العكاسه
انتكاسه يابرج المملكه انتكاسه=كل رجل على ماقيل عقله يدله



تقوله وانت ضايع لاتشير ولاتحكم الشور=تلبسلك عباة ٍ ياحلال القوم مرقوعه
نديمك خاطره مكسور وانته خاطرك مكسور=تصبّر وامسح دموعك وعود وامسح دموعه
حاكم الشور
26-01-2007, 10:20 PM
تقوله وانت ضايع لاتشير ولا (( تحكم الشـور))

الرويحي

صح لسانك وش طرى علاك حاكم الشور

هههههههههههههههههه

الرويحي

(صديقي )

برج المملكه

( زميلي )

صحت السنتكم

على الجزاله والابداع

وبيض الله وجيهكم

متابع للشعر الجزل والمعاني المدفونه

تحيتي لكم
صتمان
27-01-2007, 01:23 AM
ياسلااااااااااااااااااااا ااااااااااااام ياااااااااااااااااااسلااا اااااااااااااااااااااام


صحت السنتكممممممممممممممم الثنين

واشهد انها جزالة ودرس فالمحاااااااااااااااااااا اااااااااوره

بيض الله وجيهكم


وانا في صف برررررررررررررررج لاني ماداني الرويحي

لاتزعل يالرويحي ياخي مادانيك

واصل واصل واصل واصل
برج المملكه
27-01-2007, 07:25 PM
الله الله

عندك :)


يالرويحي سريت الليل و الليل حالك
مير خاواك احد والا سريته لحالك؟
الله يزيد من حال الحلاحيل حالك
كل واحد على ماقيل عقله يدلّه



عسى الله لا ينوّر وجه رجّال ٍ يغط النور=ياراع الصنعه اللي من يدين الغير مصنوعه
الا تعلم بـ إن الشعر في معناه ادب وشعور؟=هذا وانت الاديب وصورتك في كل مطبوعه!
برج المملكه
27-01-2007, 07:35 PM
حاكم الشور

مرحبا ومسهلا ووجهك ابيض شرفتنا بحضورك الكريم

صتمان

مرحبا ياهلا حضورك يكفي عن الصف لاعدمتك

شكراً جزيلاً

شرفتوووناااا
فهـد الشمري
27-01-2007, 07:50 PM
صحت السنتكم

على الجزاله والابداع

وبيض الله وجيهكم




تحياتي لكم
الرويحـــي
28-01-2007, 10:49 PM
انت في البال دايم
ياحاكم الشور (:
واشكرك على هالمتابعه والحظور
وصح بدنك وسلمت يا (صديقي) العزيز



صتمان

قطع الطاري (:

صح بدنك ووجهك ابيض وشكرا شكرا شكرا على هالحظور
وخلك في صف برج لانك لو جيت في صفي خنقتك
لاني مدانيك




فهد الشمري
مرحبا ومسهلا
صح بدنك يالغالي
ويشرفنا حظورك طال عمرك
الرويحـــي
28-01-2007, 10:59 PM
اسمع




ناركم عودت يابرج برد وسلامي=مير بلغ تحياتي وبلغ سلامي
الله انه يلوم الي من الناس لامي=وكل رجل ٍ على ماقيل عقله يدله



انا مرضى عليك الجور لو انك رضيت الجور=وفيه علوم ممنوعه وفيه علوم مشروعه
تبا تزعل وتقنع ثم ترضى رضوة المقهور=يطوعك الزمان الي يمشي الناس في طوعه