المصارعة يا ملحق ،،،،،،،،،،،،

[هداج تيماء]

السلام عليكم ورحمة الله وبركاته

ملحق المخلين كيف الاحوال .......يشرفني

اخذ معك هالطاروق يا ذيبان للفائدة

وعلى فضاوتك وان مافضيت خله يروووح





مصارع من الوزن الثقيل وقوي باس= يجيد الركل والمسكه المخلبيه
طلع ويتحدى محتزم عاصب الراس=يناديك يا ملحق زبون الونيه












,

[سعودعبدالله]

من طول الغيبات جاب الغنايم يا هداج


اول شي ارحب وحيك وحي ما جبت وصح كلك



وانا الليله ابي اجي ضدك في صف ملحق المخلين عقابن لك وردعن لامثالك عشان معاد تطول الغيبه



ملحق ملحق الليل الليل



ودمتووووو

[ربح السبيعي]

الله الله



ياهداج تيماء



صح لسانك على هالمبداء



ننتضر ملحق المخلين



وانا في صفك يالزميل

[المعبر]

أولاً سجل أعجابي بالمصارعه الحلوه

ثانياً ما أعتقد أنك تنهزم وعندك مسكه مخلبيه

ثالثاً تسلم على هذه الجميله تمنيت أن أستطيع الرد ولكن؟؟؟؟؟؟؟؟؟

[محمد العطاوي]

مصارع من الوزن الثقيل وقوي باس
يجيـد الركـل والمسكـه المخلبيـه
طلع ويتحدى محتزم عاصب الـراس
يناديك يـا ملحـق زبـون الونيـه



ياااوويلك يا ملحق ههههههههههههههههههههه

لا رحت فيها مدام فيها ركل ورفس ومسكات مخلبية :)


هدااج تيماا صح صح لسااااااانك يا مبدع على هالبدعة الاحترافية


وعلاك بملحق احشره في زاية يابعدي :)





لاهنت وبأنتظار ملحق المخلين صح لسانه مقدماً


..

[القنــّـــاص]

الله الله الله

صح لسانك يا هداج تيماء مبدا روعة وكلام على مستوى وين ملحق المخلين

سجلوني فالصف ولاهنتوا يالنشاما

[ملحق المخلين]

وعليكم السلام ورحمة الله وبركاتة


وأبشرك بخير يا جعلك بخير ..

أستلم


حزام البطوله منت وياه والكاس=وخطتك ما والله تمشي عليه
يا هداج تال الوقت خابرك حساس=ولكّنك اليومه بتسعين نيه

.

.

[هداج تيماء]

سعود عبدالله

هلا والله وغلا والغنايم

حضورك المشرف يالقرم .........الله يبقيك ويعافيك

وعسااااك ساااالم.... وصح بدنك والصف واااحد لاهنت

ربح السبيعي

مرحبا مرحبا بالزميل شرفتنا بحضورك

يا ربح ....... صح بدنك والصف نور بتواجدك

المعبر

اولا :اهلاااااااا وسهلاااااااا

ثانيا : الهزيمة الظاهر ماهيب بعيدة عني...ترى ملحق مصارع لا يستهان به

ثالثا : سلم غاليك والشر مايجيك.............. ولاهنت

غرابيل الدهر

يا هلااااا ويا مسهلاااااا يا غرابيل

والابداع هو حضورك المشرف يالنشمي صح بدنك ولا عدمناك

وملحق ازهله ان كان ما تدخل الجمهور تراه محبوب << ههههه


القناص

مرحباااا مليااااار وصح بدنك يشرفنا تواجدك والصف يزداد نور بك

[هداج تيماء]

استلم لاهنت




^


^


^


اجل طرف جغودك وبطنك للابقاس=يا جيمي سنوكا جاك توني قريه
وعطني اشاره كان ضيعت الانفاس =قبل تكبر الدعوى وتصبح قضيه













,
,

[ملحق المخلين]

سعود عبدالله

يامرحباً الف

سعود إذا غفل الحكم أطمر داخل الحلبه ..

الله مار يحييك فالصف اللي يحتريك ..

ربح السبيعي

يامرحبا وياهلا

ومتابعتك شرف يالغالي

المعبر

حياك الله وكلنا نسجل إعجابنا بالمحترف هداج ..

وأنا مثلك أعتقد أنه ماهو بمنهزم إلا إذا الله أراد ..

سلمت على الحضور والمتابعه ..

غرابيل الدهر

صح بدنك

وسلمت على الحضور ..

ولا تضحك يبلاك الله . ..


القناص

حياك الله ومتابعتك شرف يالغالي ..

[ملحق المخلين]

هاااك


عسى ماتروح أن عد ثم دق الأجراس=ياطيبك ليا من ماتلقيت ذيه
ومن شاف الي هداج مابين هالناس=أبا أعلن عنه فالدوله الأجنبيه

.


.

[هداج تيماء]

استلم :


^

^


^



وساع البنايد لا اعتلوا قب الافراس = يداوون عين وعين منهم شقيه
حدتك السويدا لين شبيت فالفاس=وضيّعت مالك فالديار الخليه













,

,







((((((((سعود إذا غفل الحكم أطمر داخل الحلبه )))))))))) ملحق هههههه

ممنوع دخول الحلبة..واسامي والبرج واقفين على الباب

[البــــــواردي]

يا مصارعين صحت قلوبكم وعضلاتكم ""هداج تيماء وملحق المخلين رائعين

متابع من خارج الحلبه ويا ساتر

[ملحق المخلين]

هااااك




أنا مالقيتك يوم فالهوش الأشواس=ولا فالسريه وأنت راع السريه
ترا بعض هرجك مايجيب الك نوماس=تقوله وعينك ياعميلي قويه!
.
.






(( ممنوعين من دخول الصفحه)) .. (أسامي _ برج المملكة) بأمر : أبو عبدالرحمن المشرف العام .

[محمد السحيل]

مصارع من الوزن الثقيل وقوي باس
يجيـد الركـل والمسكـه المخلبيـه
طلع ويتحدى محتزم عاصب الـراس
يناديك يـا ملحـق زبـون الونيـه


هداج تيماء صح السانك وبيض الله وجهك

كلام والله تشكر عليه لوني ملحق طفيت الجهز وحطيت رجلي مع العبله


صح السانك يا ملحق المخلين وبيض الله وجهك

رد ولا اروع منه ما ينقصكم غير حلبه وحكم


واصلوا لاهنتو


متابع

[هداج تيماء]

دووووك



^




^

^



غطا عينك العج القوي يابو نواس=ولا شفت ابن سعدون فوق العبيه
اشوفك لبست الجوخ والدرع والطاس= ولكنّ سيرك صار خطوه بطيه















<

<


عندهم بطاقة حصانه درجه اولى << ههههه

[هداج تيماء]

البواردي

مرحبتين حياااااك صح بدنك والجمهور ينتبه من ملحق تراه ليا زعل

نزل على الجمهور وترك خصمه فالحلبه ....... شرفنا تواجدك ويا هلا

محمد السحيل

ارحب ارحب ويا هلا والله ومسهلاا

صح بدنك ووجهك ابيض يالطيب وملحق انا ادوّر الخراج منه

والحلبه موجوده لكن ناقصنا حكم يعدّ بس كلما ثبتّ ملحق قمز كنه الذيب<< ههههه

[نجاء بن محمد الجبيري]

السلام عليكم

هداج تيما

ملحق المخلفين


مصارعه من الوزن الثقيل


ونعم والله بكم جميعاً


ترا ماسكين الصف


لاعدمناكم



الجبيري

[هداج تيماء]

نجا الجبيري

وعليكم السلام

وهلاااا هلاااااا وغلااااااا

شرفتنا بحضورك والصف زاااد نور بتواجدك

ماعليك زود يا نجا والنعم بك يالقرم

وخلك قريب اما تحكم والا تفرق

[محمد العطاوي]

غطا عينك العج القوي يابو نـواس
ولا شفت ابن سعدون فـوق العبيـه
اشوفك لبست الجوخ والدرع والطاس
ولكنّ سيـرك صـار خطـوه بطيـه



صح لسااااااااانك ايه هذا الكلاااام هههههههههههههه


واصل يالقرم وانا بصفك ..



وانا اشوور ياملحق عليك الشوور انك تاخذ الحذر من الضربة القاضية :)




صحت السنتكم يا كباااتنه ..




..

[ملحق المخلين]

هاااك



ياهداج تلعب مع بعيدين الأرماس=ولا أظن تاخذ مع هل العرف شيه
مضرا على غدر الشجيعين جساس=أنا مدري أنك تالي الوقت حيه

.

.





(إذا جو يبغون يخربون المصارعه ) يبون يدخلون بالمشاعيب..

ياعيني عليك ياسعود .. أنت ومناغشاتك للمصارع بطريقه ماينتبه الحكم فيها ..

[ملحق المخلين]

البواردي

ياهلا ويامرحبا

صح بدنك

ومتابعتك شرف






محمد السحيل

ياهلا ومرحبا

صح بدنك ..

وأبشرك طلعنا نعرف بعض وكل واحد يحلف أن الحزام ماهو بله ..



نجاء محمد

ماعليك زود

وحياك الله ونشكر لك المتابعه ..


محمد العطاوي

صح بدنك

وحنا في مصارعه ماحنا في محاوره لا تقول في صف أحد ..

ونشكر لك المتابعه

[هداج تيماء]

عندك يا مصارع :




^



^


^


انا خابرك في بحر الاهوال غطاس=ونارك ليا جوك المناعير حيه
لكنك بعد طول المدى صرت محتاس=تلقتك بقعا والحظوظ الرديه







للاسف الاتصال بطيء وسيء جداً ما ادري عندي فقط والا عند الجميع

[ملحق المخلين]

هااااك




هذاه أنته اللي راسمٍ له ياعباس=تماري من الليله تباها كذيه
ظلمتك ليا ماقلت ياطير قرناس=وهاذيك ماوالله تحسب بذيه


.

.

[هداج تيماء]

غرابيل الدهر ( محمد العطاوي )

ارحب ارحب

صح بدنك يالذيب ولاهنت

والصف يتشرف وراعيه يتشرفون بك

وانا اللي اخشى من الضربه القاضيه

من ملحق والله يستر < الليله شكله ما عاد هو مقدر احد ههههه

[ابن نميش]

مساكم


زي



الورد

[هداج تيماء]

استلم استلم يا كحيلان والخاتمه عندك :



<



<




ابو دباس يا ملحق ليا فارق دباس = فقد كل صفحات الحياه الهنيه
يابنك الجزيرة وينك وين الافلاس =مواردك ماشحت ودايم غنيه










.



.


شاعرنا القدير الرائع دائماً ملحق المخلين

شاكر لك استجابتك وقد شرفتني بهذا المحراف يالغالي

وختاماً صح صح لسانك وقلبك مليون ولا يكفون

ولك صادق التقدير


اخوك / هداج

[هداج تيماء]

ابن نميش مساء النور والسرور


وارحب ارحب تراحيب المطر


يا اخوي انت وين تغطس اما انك راعي حلال وتمشي مع الحيا والا مدري عاد

[ملحق المخلين]

هااااك ..




ياهداج لو أن الحصاء مثل الألماس=يروح الغنى والفقر عندي سويه
لكّن الشكر موصول ياطيب الساس=والك ياوسيع العرف مني تحيه

.

.


الأستاذ /هداج تيماء

صح لسااانك وبيض الله وجهك والشرف الي بمجاراتك ..

ويعلم الله أن الفايده لي أنا ...

[برج المملكه]

هداج تيماء و ملحق المخلين

اول شي

احب ارحب بزميلنا وحبيبنا هداج تيماء ومن طول الغيبات جاب الغنايم

ثاني شي

صحت السنتكم انت ياهداج وانت ياملحق وعانوني مادخلت غير لين انتهت المحاوره :)

ثالث شي

ابدعتوا في المسكات المخلبيه و السوف لكس الخلفي و الارتطام في الزاويه .. :)

سلمتوا و دمتوا يامبدعين ..

برج المملكه

[ملحق المخلين]

مساء النور يا بن نميش


ونشكرك على المرور ..

[ملحق المخلين]

برج المملكة




ياهلا ويامرحبا


صح بدنك



ومتابعتك شرف يالغالي

<<<<<<<<<< فحمان وهلكان ولا ينصحكم بالمصارعه .. الفسقان يحمد الله ويلزم الحزم

[غزلان بنت البدو]

هداج تيما

ملحق المخلين

صحيح مصارعه


صحت السنكم متابيعين

[هداج تيماء]

برج المملكه الشامخ : اسفرت وانورت


يا هلاااا ويا مسهلااااا


والله يبقيك ويعافيك ....والغنايم انت راعيها يا استاذنا الفاضل


صح بدنك ولاهنت على هذا التشريف الذي نوّر المتصفح


ولا عدمنا تواجدك وعسااااك سااالم وغاااانم


غزلاااان بنت البدوو

هلا وغلا وصح بدنك

وسلمتي ودمتي بخيرررر


ملحق ....الفحمان انا ماهو ب انت الله لا يعود طرقتك << ههههه

[فــــارس نجــــد]

هداج تيما صح لسانك والله يستر من المسكات
المخلبيه جزل ياهداج متابع

[فــــارس نجــــد]

ملحق المخلين مبدع ورد وافي
الجميع لاهنتو --متابع للجزاله والفايده

[محمد المحلكم]

صح السنتكم ياشعار

[هداج تيماء]

فارس نجد

ارحب ارحب

وصح بدنك

متابعتك تسرنا ولاهنت

محمد المحلكم

هلا هلا

صح بدنك ولا هنت

[majroh-tamem]

متأخر كثير بس السبب عدم الإلتحاق بما يوجد بهذا المنتدى أرجوا قبولي بأحد الصفوف اللي يبيني بصفه يمدحني((هههه))

مبدعين بس عسى المصارعه منتهة واذا هي باقيه بأي جوله هالحين .

تسلمون على هذه السطور الجميله

[ملحق المخلين]

غزلان بنت البدو


صح بدنتس

وشاكرين لك المتابعه


فارس نجد

مشكور على المتابعه والحضور يالغالي

لاهنت يالقرم
محمد المحلكم


صح بدنك

ولاهنت على المتابعه يالغالي

مجروح تميم

سلمت على الحضور وحياك ..

والمصارعه أنتهت ..ولله الحمد