%%جاكم فارس نجـــد وليلكم ليل%%

[فــــارس نجــــد]

الله يمسيكم بالخير والموالي سداد مافي الرياجيل تخير



سلام من هاجسٍ مافيه خوف ورهاب=وليا بداء لآزمه يبدي ولايتركه
نويت أثبت قواعد ناطحات السحاب=اعلى من الفيصليه واختها اللمملكه

[محمد العطاوي]

صح لساااانك ملااايين



نويت أثبت قواعد ناطحات السحـاب
اعلى من الفيصليه واختها اللمملكـه




اي والله ثبتها يالمهندس :) وسجلني في صفكـ




... بأنتظار احد الشعار .....






..

[غرابيل الشعر]

يا مرحبا مرحبا بك يا عزيز الجناب=في حلّةٍ تضرب الخصمين وتشربكه
ان طعتني كب عنك الفلسفه والعذاب=دوّر لنا غارها ! والهرج هاذا اتركه

[فــــارس نجــــد]

انا توقع واقول انك صغير وشباب=يالله عسى اعيالنا فيهم ثقه وبركه
ان كان منته بذيب أتروح لقمة ذياب=شاور وفكرقبل تصبح عشا المعركه

[فــــارس نجــــد]

حياك الله ياغرابيل الدهر وهذا من طيبك ياغالي

[النوري]

غرابيل الدهر

غرابيل الشعر


فارس نجد


ارحبو يالغانمين

سجلوا اعجابي...بهالمطر الديم...

وتراني متابعة ...ومستمتعه ..

واصلواااااوالله معاكم0

[غرابيل الشعر]

الصغر صغر العقل والكبر عجز وذهاب=ذا بيت حمكه وفي عقلك لزم تشبكه
حنا ليا من حضرنا افحول ما من عجاب=وانتم عشاير واشوف اليوم فيها احركه

[ناصر القزلان]

فارس نجد ..

غرابيل الشعر ..

الله يغربل ابليسكم .. فوق السحاب ..

واصلوا متابعين ونصفق بحرارة ..

عيوني لكم الاثنين ..

[فــــارس نجــــد]

لاتحجز الامؤكد عند وقت الذهاب=والحر يخدم ليامن طاح وسط اشركه
دور على رزقك اللي في جناح الذباب=يمناي من مد خشمه قدمها تفركه

[فــــارس نجــــد]

النوري

وناصر القزلان تشكرون على حضوركم

[ربح السبيعي]

مرحبابك يافارس نجد


وصح لسانك على هالمبداء الطيب


وصح لسان غرابيل الشعر

[فــــارس نجــــد]

ربح السبيعي صح لسانك والله يبقيك

[غرابيل الشعر]

وانته توقع ولن فاتك ذهاب واياب = الحر مايصيد حرن غير بالفبركه


الضلع قدام عينك صعب ضمن الصعاب= عادتك تفرك خشم صاحبك وتحكحكه

[فــــارس نجــــد]

مابين حمر الرقاب وبين سود الرقاب=مالي طريقٍ لك بينها واسلكه
الضلع في ربع ساعه راح كنه تراب=جنب عن الكهربا والسلك لانشبكه

[فــــارس نجــــد]

غرابيل الشعر تشرفت باللعب معك والذيب ماياكل الذيب
وانت شاعر واستفدت منك كثير واستر ماواجهت وتصبح على خير

[غرابيل الشعر]

النووري


هلا فيك منورتنااا

سلمتي يااابنت الرجااال ,, من ذوووقك والله

[غرابيل الشعر]

ناصر القزلان %% ربح السبيعي



سلمتو وعشتووو وصحت ابدانكم

وشاكر لكم متابعتكم.

[غرابيل الشعر]

فارس نجد صح لسااانك والشرف لي

وعلى قولك الذيب ماياكل الذيب ياذيب
ماواجهت الا الطيب وتصبح على خير

[فــــارس نجــــد]

غرابيل الشعر
صح بدنك ولاهنت لنا الشرف ولاحصل شي
وحنا نتعلم مع من مثلك وشرواك