&& دلة الكيـــــف &&

[فــــارس نجــــد]

مصافحه اولى عسا تنال رضاكم==طبعا مساجله
واحد من الزملا ارسل هذه القصيده لشخص ولارد هذا الشخص على القصيده
وارسلها لي عن طريق الجوال وانا عندي خبر انه سبق وان وجهها لزميل له ولارد


المرسل/ماجد
يقول


أثر الفقر نكبه يابندر وعله=علة نحر ماله طبيبٍ مداوي
أزريت في نقله وحمله وشله=حاولت اشيله مير مانيب قاوي
والحظ عندي طايحٍ في محله=ماعاد تنفع فيه كثر المناوي
وانا ترى والله والله والله=ماني على جمع الدنانير هاوي
لآشك قصدي كامل الزين كله=أللي حداني عنه نابح وعاوي
حاولة احل الحبل وازريت احله=حبل الرجى معقود بامرٍ سماوي
ساسه ترى ساسي وقلبي محله=وانا على لآماه شفقٍ شفاوي


رديت طبعاً القصيده ماوجهتلي الافالاخير



بهرتلي من نادر الكيف دله=كله لجل صوت الندى والنداوي
خطك ياماجد مايبي زود أدله=الخط واضح والطريق متساوي
لو كان مالي (حرف)وسط السجله=لآكن كثرة الندى والعزاوي
واليوم دربك قدم عينك تدله=والفقر بلوى من كبار البلاوي
لاتشتكي من فقر وقتك وذله=أبشر بعزك يابعيد الهقاوي
وان كان تشكي خل ماشاف خله=هاذي بسيطه ياقوي العراوي
عطني عنه نبذه ووضح محله=هو يم خشم أجراب والا الصداوي
وان كان نجد وماحوى مدهلله=سيلي على نجد العذيه نحاوي
أبشر بسيفٍ في لزومك نسله=شامان لايرحم ولاهوب ياوي
نبي نشكل دولةٍ مستقله=ونعيد عصر(......) هو والعطاوي

[سـعـد الحويماني]

صح لسانك يالغالي


صوت وصدى


فيها من الجزاله الشي الكثير



همسه

من شروط النشر في قسم الشعر الشعبي
الكتابه بالاسم الحقيقي



دمت بود

[فــــارس نجــــد]

صح لسانك يالغالي


صوت وصدى


فيها من الجزاله الشي الكثير



همسه

من شروط النشر في قسم الشعر الشعبي
الكتابه بالاسم الحقيقي



دمت بود


شكراً ياسعد على مرورك
وانا اسمي الحقيقي فارس بس الديره نجد جعل يسقيها وبل هماله
ولآبد تعرفوني اكثر واكثر

[سـعـد الحويماني]

باذن الله


ونعم بك وانا اخوك

[المحتـــار]

فارس نجد


صح لسانك وكلك

بوح جميل لاهنت


تحيتي

محبكم//المحتـــار

[ابوخالد4]

الله اجمل ماكتب ماجد وأطيب من رد عليه هو انت يافارس



يعطيك مليون عافيه وصحة انت ومن يقراء والله ابيات جميلة

:11ap: :11ap: :11ap: :11ap: :11ap: :11ap: :11ap: :11ap: :11ap: :11ap: :11ap: :11ap: :11ap: :11ap: :11ap: :11ap:

:11umbup: :11umbup: :11umbup: :11umbup: :11umbup: :11umbup: :11umbup: :11umbup: :11umbup: :11umbup:

[فــــارس نجــــد]

المحتار
صح بدنك ومشكووور
على المتابعه

[فــــارس نجــــد]

ابو خالد4
صح بدنك تشرفت
حضيت بمرورك وتشرفت بوجودك

[فــــارس نجــــد]

ههههههههههههه

والله حنا مساكين ياشعار المستقبل

حتى مشرفينا ماحد مر علينا وعطانا رايه

والا عطونا تشجيع وحوافز ومن هذا القبيل

لاكن نتخرج عن قريب ونسوي فيهم مايسوون فينا

هههههههههههههههه مجرد مداعبه بسيطه لاأحد ياخذ في

خاطره علينا

[ســـهران]

صحححححححححححح لسااااااااااااانك يافااارس جميل ماكتبت يا اخي
عز الله انها من افضل المساجلات اللي مرت عليّه


لاهنت لاهنت لاهنت يابطل