تسجيل الدخول

مشاهدة النسخة كاملة : @@ منور العــــــونى اكرب حزامك واقلط @@


محمد السليس
19-01-2007, 03:01 AM
استلم لاهنت


منور العونى علامه مايجرد مايشيله = خابر ٍ سيفه محنا بس مبطى في جفيره
يا احمر الناظر تقدم وانته تمثل قبيله = صيتها من سالف الايام في شبه الجزيره
سعد النخيش
19-01-2007, 03:08 AM
محمد السليس


صح لسانك


وننتظر منور العوني
مقعد الدغيلبي
19-01-2007, 03:13 AM
استلم لاهنت


منور العونى علامه مايجرد مايشيله = خابر ٍ سيفه محنا بس مبطى في جفيره
يا احمر الناظر تقدم وانته تمثل قبيله = صيتها من سالف الايام في شبه الجزيره


الله
الله
علييييييييييك
مبداء كاااااااااااااااااايف
من شاعر متمكن
صح لسانك يابن العم
ولك خاالص شكري
أمل عبدالعزيز
19-01-2007, 03:24 AM
ههههههههههههههه

راح فيها العوووني

صح قلبك يابوعلي


ابيات جزلة من شاعر جزل

وأنا بصفك ياعزيزي ولايهون منور


وينك يالعوني
فــــارس نجــــد
19-01-2007, 07:50 AM
صح لسانك يالسليس محاوره شيقه
وشكراً لك على المبدا الطيب
حزن النوايف
19-01-2007, 08:33 AM
الله عليك يا محمد 00

دائما تغمرنا ان نتابع جديدك الراقي وبكل لهفة ننتظر ابداعكما المتواصل0

دامت لنا احرفك الصارمه0

لك تحياتي
ربح السبيعي
20-01-2007, 12:05 AM
صح لسانك يابوعلي


على هالمبداء الكايف


والحقيقه مبطين عن طواريقك المميزه وشفقين عليها


ننتضر منور العوني
منور العوني
27-02-2007, 12:02 AM
السلام عليكم ورحمة الله وبركاته

المعذره يابو علي والله ماشفت موضوعك الا قبل شوي

انا ما ادخل النت واجد واليوم دخلت على اخر مواضيعك

لقيت موضوعك هذا وبصراحه لي الشرف باللعب مع استاذ فالشعر

والاخلاق مثلك .

واستلم طال عمرك


منور العوني هنا واقف ولا بيّح حصيله=والمهند ذاخرينه للعلوم اللي كبيره
ماعليكم زود يوم الزند في خشم الفتيله=نعم والله بالفعول ونعم والله بالعشيره
سعيد الأسمري
27-02-2007, 12:37 AM
بيض الله
وجيهكم
متابعين ابداعكم
شعراءنا
والله يوفق الجميع
محمد السليس
27-02-2007, 04:48 PM
معذور يالامير

وترى هالقاف منزله مبطى مير الخال والد وله حق علينا لو انا ضايقين

واستلم يالامير


ليه ياخالى تخلي قافنا فتره طويله = ماخبرنا الخال يخشا فالمواقيف الخطيره
لاتعود سالفتنا للمجامل والجميله = ودنا نرجع سوى يم المحازم والذخيره
محمد السليس
27-02-2007, 04:55 PM
سعد النخيش

صح بدنك ولاهنت يالقرم

مقعد الدغيلبي

عسانى ماخلا يالقرم
وصح بدنك ولاهنت


امل عبدالعزيز

مانى مصدق انتى تنازلتى ورديتي مير ابرك الساعات

وتنازلتى وجيتي في صفي اليوم هذا تاريخي

لاهنتى على حضورك


فارس نجد

لاهنت وصح بدنك وماعليك زوود

حزن النوايف
وين الناس

ولاهنتى على ماقلتى

واهم شي انتى بخير والجماعه طيبين

حضور نتمنى ان لانفقده

ربح السبيعي

ماعليك زود يا ابو خالد

وتكفي لاتغايب عن النعيريه ان شاء الله هالاسبوع


جليس المآسي

ماعليك زود يالقرم وصح بدنك ولاهنت
منور العوني
28-02-2007, 03:47 AM
ابشر يالبناخي باللي يرضيك

وانت زعلك ماهو شي بسيط عندي وانت تدري


فالديار أللي بعيده كيف أبلقالي وسيله=الظروف تحيد والدنيا رحاها مستديره
بعد جا في صفك أللي تعترض لك بالجديله=وش علومك يالبناخي عل فالتاخير خيره
منور العوني
28-02-2007, 03:51 AM
الف شكر لكل الاخوان و(الاخت) اللي مروا على الموضوع

والظاهر ان كلكم في صف ابو علي بس عسى الله يهدي الوجه الخيّر ربح السبيعي
ويجي في صفي اذنّ الصف يتبارك :)
الرويحـــي
28-02-2007, 02:05 PM
صح السااانك يابو علي

ولاهنت

وصح السانك يامنور


متاااابع


تحيااااتي لكم
محمد السليس
28-02-2007, 04:42 PM
لاخلا ولاعدم يالاميررررررررررر



كان جيت بحومة الميدان ياراع الدبيله = لاتعاين في سمير ولاتعاين في سميره
السوالف والمزوح مجامله والحرب حيله = وانت خابر من نبيه بلا كبر نقدر نديره
محمد السليس
28-02-2007, 04:43 PM
صح بدنك يالرويحي

وهلا ومرحبا يااذيباان
منور العوني
28-02-2007, 06:15 PM
الرويحي حياك الله وابرك الساعات اللي جابتك

ـــــــــــــــــــــــــ ـــــــــ

عندك يابو علي :)


ودي اصدّق ولكن المحبه مستحيله= والاسامي الشهيره بالاسامي مستعيره

بعد حقطك للجنوز وبعد لبسك للفنيله = يوم حصلت ( الاــ يره ) تحسب انك في عشيره
محمد السليس
28-02-2007, 06:48 PM
عندك ياذيبان


لاتثور في خباك ولاتغرز في المسيله = عقب فسرنا الحديث اللى رواه ابو هريره
مالبسنا غار ثوب العز يامجنون ليله = واحمد الله دام حالك زين واحوالك ستيره
منور العوني
01-03-2007, 01:08 PM
اقهر اقهر يالذيب


كان ثارت مالها محراف عن راع الكحيله=انت خابر منهو اللي شاف انجوم الظهيره
ياحليله راعي البستان الاخضر ياحليله =عقب شفنا اللي يبيع الورد ويفتش عبيره
منور العوني
01-03-2007, 01:11 PM
ابو علي

شف اي وقت على شان تكون مباشره
محمد السليس
04-03-2007, 11:20 AM
لو تعارض كل واحد فالخلا يومي شليله =كان قصرت الطويله يوم طولت القصيره
خابر ٍ قلبك خضر وتموت في ورد الخميله= ونكبة اليمنى القصيره دايم العين البصيره
منور العوني
06-03-2007, 01:06 AM
الدليله لا مشا فالدرب مايبغى دليله=يامحمد يفعل الانسان مايملي ضميره

قلبي الاخضر مثل عامل وضايع من كفيله=يصعب المرقا على اللي صايره رجله كسيره
محمد السليس
06-03-2007, 04:19 PM
البناخى لو يشب النار في جوف المليله = مارما خاله لو الدنيا رحاة ٍ مستديره
يا احمر الناظر تبي دمنه وعينك في كليله = واترك الاولى ترى الخيره تجى عند الاخيره
منور العوني
09-03-2007, 12:24 AM
هلا يالذيب

(الدنيا رحاها مستديره )

كل ابوها ساريه :)

امسح النظاره زين يالبناخي

واستلم طال عمرك


ياعميلً في متاهات الزمن يذكر عميله=قالوا أنك يوم فاز الخال سويت المسيره
ماقهر جند اليماني غير تخطيط الجليله=يوم جا في قلب وايل دونها حيره وغيره
محمد السليس
09-03-2007, 05:24 PM
هذا اللى انا ادوره يااخااالى

وصح لساانك وفي حياتى ماكررت وقفه الا معك

مار من الذله والله

وصح لساانك ويشهد الله انى ماكل معك عيش يااخاالى

وترانى على المسيره وهو ماايحتااجها خااالى ههههههههههههههههه
منور العوني
09-03-2007, 11:36 PM
اجل هات خشمك يالبناخي

صح بدنك

والله ان اللعب معك شرف لاي شاعر

وعساك تسلم على مساندة خالك):
محمد السليس
10-03-2007, 05:07 PM
الله يشرف مقدارك يالامير

وداايم و انت راع الاوله ياخالى

عسا عمرك طويل ان شاء الله
حزن النوايف
10-03-2007, 05:21 PM
سلمت السنتكم على على هذا الابداع الغير جديد من عمالقه 00

منور العوني اجاد مع هرم الشعر محمد السليس0 لا عدمنا تالقكم وهذا الجديد الذي دائما نبحث عنه 0

لكما اوفر الشكر والاحترام
محمد السليس
10-03-2007, 07:58 PM
حزن النوايف

يامرحبا تراحيب المطر

والمحاوره المباركه اللى خلتنا نشوفك يالسنااافيه

وشهادتك وسام على صدر وعلى شعرى

وعساا عمرك طويل ان شاء الله