مــوقف أنساني !! يا اسامي

[سعودعبدالله]

استلم متا ما فضيت






من هجوسن تقادح مثل برق الصيف=وادي اوقف بها في موقف انساني

لو اسامي معه وقت الملاقا سيف=كان يمديه مروي السيف شاماني

[محمد السليس]

من هجوسن تقادح مثل برق الصيف
وادي اوقف بها في موقف انسانـي
لو اسامي معه وقت الملاقـا سيـف
كان يمديه مروي السيف شامانـي


الله اكبر يا ابو عبدالله

في صفك الى الموووووووووووووووووووووو وت

[برج المملكه]

سعود عبدالله

يا اخي انت عليك طلعات مثل العسل

عندكيه و تراني في صفك لين نشوف لنا حل مع هالاسامي بيه :11ctor:

واصلوا طاروق اجزم انه من افضل الطواريق هنا

بالتوفيييييق

[ملاك الشعر]

الله الله

ياسلاااااااااااام


سعود عبدالله


صح لساااااااااانك


متابعه وفي صفك ياسعود




كل التقدير

[اسامي]

هههههههههه

سعود قلبك حنون


دووك الله يخارجنا



لو حسابك فتحته في بنوك جنيف=ماطلبتك مدام انّ الله اغناني

معيي سيف ٍ ليا جات اللوازم شيف = لاضربت ابه طاحت روس عدواني





..



محمد السليس

حياااك الله



=---------=

برج المملكة

ارحب ارحب

شرفتنا

بس ترى ماعلي من صفوفكم :)

[سعودعبدالله]

الله الله


استلم



كان جنبك من اصدوف الزمان اسخيف=شد وانزل معي ثم علق العاني

وحط نفسك معزب وانا عندك ضيف=وانس هم الليال وجور الازماني

[ملحق المخلين]

سعود عبدالله

صح لسااانك علمه يابو عبدالله كيف لعبها ..



اسامي

لاتشغلني حاول أنك تعتمد على نفسك..

صح لسانك .. مجامله



<<<<<<<<< ماتبا نشده في صف سعود .

[سعودعبدالله]

ابو علي


ارحب ارحب وحي والله الصف اللي انت فيه


برج المملكه


حياك الله وحضور قيم وصح بدنك


ملاك الشعر


حيك وحي حضورك المشرف والصف يتشرف بك


ملحق المخلين



هلا وغلا ومرحباء واجد واجد والصف اللي انت فيه ما عليه خلاف




ودمتم

[اسامي]

عندك ..


ادحم بجنبي اللي مثل ضلع منيف = ماني بحاجة ٍ لفلان وفلاني
انت ودّك تسوي مثل ضيف حنيف =يوم جازا المعزّب عقب الاحساني



ملاك

حياك


ملحق

رح رح في صف سعود فكني منك

[سعودعبدالله]

دووووووووووك





انت ودك وودك مير قلي كيف=ترتكي للجبال بروس الامتاني
لاتحلم ترى الاحلام كذب وزيف=ثم يحطك مصيرك بين نيباني

[ملحق المخلين]

انت ودك وودك مير قلي كيف
ترتكي للجبال بروس الامتانـي
لاتحلم ترى الاحلام كذب وزيف
ثم يحطك مصيرك بين نيبانـي



ياسلام يا ابو عبدالله


..

لو أنها مقيوله الي ومعي قلب ماعاد لعبت محاوره ..

[منيرة الحربي]

الله الله


سعود عبدالله


اسامي


صحت السانكم وفكركم



متابعين لابداع والجزاله

[أمل عبدالعزيز]

,
,

الله الله عليكم

سعود صح لسانك وفالك المليون

أسامي بيض الله وجهك

وفالك المليون بعد

والصف معك ياسعود بس شد حيلك

محاورة روعة بس الله الله بالسناعة

ههههههههههههههههههههههههه هههههههههه

[اسامي]

هههههههههههه

دوك ،، الله يخارجناا



ياسعود البضاعه مالها تصريف = دام مالك في وسط السوق دكاني

لاتفكّر تدوّر عندنا توظيف = انت طالب وتاخذ درس مجاني







.

[اسامي]

ملحق


ههههههههههههههههه


ليتها مقيولتن الك عشان نفتك منك


=====

بنت الامراء

ارحبي ارحبي


ومتااابعتك تسعدني


لاهنتي


======

امل عبدالعزيز


تفضلي لـ ميلس الشعراء :)

حياك


تسعدنا متابعتك

ووش سالفة الصفوف كلها مع سعود


ياوجه الله هههههه




.

[سعودعبدالله]

دوووووووك


ودي انتف رموشك يا ولد تنتيف=لين ماعاد تذكرني وتنساني
كنت اراعي شعور اهل الشحم والكيف=مير هالحين ابا اقطع دابر الجاني

[سعودعبدالله]

ملحق المخلين



حياك الله يا صديقي مرةاخرا وعساني ما خلا منك ومن دعمك الا محدود والليله كلها لعيونك



بنت الامرا



ارحبي تراحيب المطررر وشرفتي ولاهنتي



امل عبدالعزبز



هلا ومرحبا ومسهلا والصف وراعيه يتشرفون بتواجدك المتوهج كالعاده




وفالج التوفيج




نشوووو في صفي احينه

[أمل عبدالعزيز]

هههههههههههههههههه

الله الله

ودي انتف رموشك يا ولـد تنتيـف
ليـن ماعـاد تذكرنـي وتنسـانـي
كنت اراعي شعور اهل الشحم والكيف
مير هالحين ابا اقطع دابـر الجانـي






بيض الله وجهك وفالك المليون


وين اسامي ينتبه لرموشه ولا يشوف لها نظارة تحميها

ههههههههههههههههههههههههه ههههههههههههههه

[منيرة الحربي]

ارحب يا اسامي



وتراي في صفك من اليوم ورايح


وكسر راس سعود


لاتذخر شي عليك ابه

[اسامي]

هههههههههه


طيب طيب


هاك



ودك ولا انت قادر لوّ منت ضعيف = مار هيبة اسامي شانها شاني

الزمن يبن عبدالله تراه مخيف = خل عنك المشاكل لاتحدّاني







.

[اسامي]

امل عبدالعزيز

ههههههههههههه


احينه تشوفين من ينتف رموش من





الاميره بنت الامراء

هلا ومرحباااا


يتشرف الصف بك

وسعود ازهليه لو انّ عظامه هي اللي تكسر الحديد

لكن يبا الله يعين عليه

لاهنتي يابنت الامراء

[سعودعبدالله]

الله الله



استلم



انت يكفيك مني راعي التوصيف=يوم وصفك هومة راس واذاني
مار في سد ملحق ما يجيك الحيف=ارقد امن وعوذ كل شيطاني

[سعودعبدالله]

امل عبد العزيز

مرحبا الساع ولا تنشين وتخليني للخلا لحالي


بنت الامرء


مرحباك مره ثانيه تراحيب المطر وخلي اسامي يفك نفسه احينه



لكم تقديري

[اسامي]

هههههههههههههه


الله يهجدك


دوك تفارقت انا وياك



ماني بلاقي ٍ لك فالبشر تصنيف = كنك اللي يرد المعز والضاني
الله اكبر على ريس مقر شنيف = انت واخوك ملحق ضمن رعياني










.

[مقعد الدغيلبي]

سعوووووود عبدالله

اشهد بالله انك مبدع

الله عليك


وتقبل تحياااااااتي

[مقعد الدغيلبي]

يالطييييييييف

اساااااااااااااامي

مبدع وجزل والله انك

بليت بلاً حسن

لاكن ماعليك خوووووووف

ذييييييييييب يجتـــلـــــد

صح لسااانك ملايين

وتقبل مووووووودتي

[سعودعبدالله]

دوووووووووووووووك وصح لسانك يا مجرم




عقب هاذي ترى يحتاجلك توليف=سلف كوري وباق البدي ياباني
ثم نقدم طلب في لجنة التكليف= يقلعونك ورى غامد وزهراني

[برج المملكه]

انا ولد ابوي ؟؟

انتم ما امرحتوا لهالحين ؟؟

امرحوا ورانا مسراح و شديد بكره

:)

[سعودعبدالله]

هههههههههههههههههههه


ابشر ابشررر


<<<<<< يبي يرقد في المخزن عشان مايسرح معهم فالبرد


(:

[اسامي]

الله الله


استلم وصح لسانك وبدنك

عز الله ماربحت خير منك :evil_32:



وانت قدّم معاريضك على التسليف = قل ّ لهم الي ّ عشر سنين جوعاني

ثم طب المعارض واشتر الك حنيف = كدّ ابه بين ظلم وبين رضواني



.

[سعودعبدالله]

مقعد الدغيلبي



مرحبا تراحيب المطر وحيك وحي تشريف الكريم


الابداع تواجدك يالقرم لاعدمتك


لك تقديري واحترامي

[سعودعبدالله]

ههههههههههههههههههههههههه ههههههههه



ختامها مسك يا اسامي وصح كلك ولاهنت يا مجرم




لك كل حاجه حلوووه

[اسامي]

مقعد الدغيلبي


ارحب ارحب


حضورك يشرفني

وكلامك يسعدني يابعدي

والجزاله انت منبعها

لاهنت ولاهان حضورك


============

برج اتق الله في نفسك


شديد في هالبرد


اخذ سعود تراه يعرف يسوق الوايت




تصبحون على خير