تسجيل الدخول

مشاهدة النسخة كاملة : قصيده فكاهية عن المتان فقط .. الضعيفة ما لها مكان بالقصيد ة


حمد الزاهد
14-01-2007, 08:53 PM
قصيده فكاهية عن المتان فقط .. الضعيفة ما لها مكان بالقصيدة

للشاعر .. تركي الديحاني يتغزل في المتنيات

يقول في القصيدة



آه مـن قلـبٍ تولـع بالمتيـنـه *** وزنهـا 90 كيـلـو يابختـهـا

متنها يعطي حلى والعقـل زينـه *** والسوالف كـدرر لامـن حكتهـا

الرزانه بالعشـر ابصـم رزينـه *** والـدروب العـوج لله مامشتهـا

فاهمه ماهمـا الطيـش وسنينـه *** والدراسه ناجحـه فـي مدرستهـا

ان تثنت مانـي قايـل ياسمينـه *** وان مشت تهتز الارض اللي تحتها

وصوتها لامن حكت تسمع ونينـه *** ودمها شربات محلـى سويلفتهـا

تكره البنطـال والجنـز وتدينـه *** لبسها ضافـي ولايـق لطخمتهـا

وشوف عيني يوم هوشتها ذهينـه *** امسكت وحده نحيفـه واسدحتهـا

النحيفه مـن بـدت هـذي اللعينـه *** يوم قالت انتـي دبـه واشتمتهـا

وامسكتها بنت ابوهـا هالسمينـه *** وابركت من فوقها ليـن اغفصتهـا

مقديـه بالبنـت خلتهـا عجينـه *** احذرن يالبيض ويل اللي ابتلتهـا

لايمي عسى العمى يمسـي بعينـه *** ظالمٍ بخته وهـم ضالـم بختهـا

جيتهـا واشوفـهـا دره ثميـنـه *** وياعذابي يـوم غرتهـا اكشفتهـا

الحـلا والملـح كلـه بالمتيـنـه *** مع نعومة خدها عرض افطحتهـا
sadeem_911
16-01-2007, 12:05 AM
ههههههههههههههههههه

رهيبه رهيبه السمينه والله مقهوره من النحيفه في اللبس المتينه ماتقدر تلبس بنطلون وتنقهر المتينه يوم تشوف النحيفه

لأبسه البنطلون والله كأنهم طباين , المهم صح لسااااااانك الله يعطيك العافيه والله رهيبه يــــــــا حمد

هههههههههههههههههه


سديــــــــــــــــــم
ابوخالد4
16-01-2007, 01:09 AM
هههههههههههههه يعطيك العافية
محمد الجبريني
16-01-2007, 04:07 AM
حمد الهزاع مشكووووووووور والله على نقل القصيده وصح السان شاعرها
هههههههههههههههههه والله ياخي دخلت الفكره في راااسي وعجبتني وبحاول
اني اكتب شي هههههههههههه بس الله يستر من اعجااابي اخاف اجيب العيد
زهرة الخزاما
24-01-2007, 08:19 PM
ههههههههههههههههههههههههه ههههههههه
حلوه القصيده
معلش خل يرفع ثقتهم بنفسهم
خخخخخخخخخخخ
مشكور اخوي علي النقل الرائع
حــنــيــن
09-02-2007, 08:09 AM
ههههههههههههههههههههههههه

حمدالزاهد مشكوووووووور...

خلهم يرفعون معنويات السمان شوي..