ملحق المخلين والفرس والروم [الأرشيف]

اسامي

11-01-2007, 12:12 AM

ملحق خلك من يد نشيط في يد نشيط

دوك

ياملحق تعال اقرب ولك عندي علوم = علوم ٍ تكدّر صفو حلو المنامي

نبا نعتق التاتار والفرس والروم = بعد ما آسرناهم ثمانين عامي

.

ملحق المخلين

11-01-2007, 01:06 AM

أعتذر عن تأخري الغير مقصود .. والسبب كنت أتعشاء معك

هااااك

أنا الليله الليله معي رمح مسموم=وكل العلوم تهون دامك حزامي
وراء ماتسلم راس أبوهم على القوم=مدامه مخلٍ في شروط النظامي
.

.

اسامي

11-01-2007, 01:46 AM

بالعافيه .. اعاين في لقمتك تدربيها كبر طويق

دوك دوك

نعرف الطيور ونعرف الصقر والبوم = ولا يجتمع بومه وحر ٍ قطامي

لبوهم انا ماني مكلف وملزوم = ولاني بشاري سلعة ٍ ماتسامي

.

ملحق المخلين

11-01-2007, 02:12 AM

ما أعرف أكل بالشوكه مثلك ...

هااااك

أثر بعض خلق الله من الطيب محروم=وأثر ما يخاف ألا السروق الحرامي

أجل ويش عندك ياعميلي من اليوم=تصدر قرارك ثم تعود تحامي
.

.

غازي الشريف

11-01-2007, 02:22 AM

طيب طيب

قمة المحاوره بين

ملحق

وأسامي

متبع

وفي صف صاحبي ملحق

غازي الشريف

11-01-2007, 02:24 AM

ما أعرف أكل بالشوكه مثلك ...

هااااك

أجل ويش عندك ياعميلي من اليوم=تصدر قرارك ثم تعود تحامي
.

.

صح السانك يالذيب عليك ابه

اسامي

11-01-2007, 02:25 AM

دوك دوك

ياملحق اعرفك تسبح البحر وتعوم = ياليتك ياليتك بس تفهم كلامي

قراري صدر من عصر والامر محسوم =تبا تسمعه والنور يجلي الظلامي

.

العسجديه

11-01-2007, 02:25 AM

صبحتوا بالخير ياعمالقه غرابيل

اسامي وملحق المخلين

لاجديد لااضيفه سوى تأكيد اعجابي بكل ماتكتبون فـ بوجدكما

يكون لشعر وجووود

صحت قلوبكم

دمتم بخير

اسامي

11-01-2007, 02:28 AM

مثلث الرعب

ارحب ارحب

حضورك يشرفني

بس خل ملحق ينفعك بكره :)

لاعدمناك
=========

العسجديه

شاعرة غرابيل الاولى

ارحبي ارحبي

صبحتي بالنور والسرور

اعجابك وسام شرف

لاعدمتك

ملحق المخلين

11-01-2007, 02:43 AM

مثلث الرعب

يامرحبا بمرورك الأول و الثاني

الصف وراعيه يتشرفون بك ..لاهنت يالقرم

العسجديه

صباح النور والسرور

حضور شاعره بحجمك شرف يالغاليه..

سلمتي

ملحق المخلين

11-01-2007, 02:59 AM

هاااك هاااك

أبا أقول جعلك يا أبيض الوجه مظلوم=ولكني أعرف وش يخبي أسامي

ماهو بنت من صدر قرارات ورسوم=ليا قال مطلق وش يقول الزلامي

.

.

اسامي

11-01-2007, 03:35 AM

دوك دوك الله ينشبك

لاتظلم من يصلي لخالقه ويصوم = ترى الظلم في دين الشريعه حرامي

ماهو بنت رجّال ٍ قوي باس وعزوم = يعيش بمعزّه مايهان ويضامي

.

ملحق المخلين

11-01-2007, 04:05 AM

هاااك .. لا أنت يالمحبوب

وياطير ياللي فالسماء تكثر الحوم=أريحك وأنتف عنك ريش الحمامي

ويا صاحبي لو قلت مايلحقك لوم=أبا أدخل بساس العلم والسوق حامي

.

.

اسامي

11-01-2007, 04:21 AM

مدامك بوسط السوق تبتاع وتسوم = ياليتك تجيب النا سمان النعامي

وانا ماني بعازم ولاني بمعزوم = ابا اكلّفك وانته تعرف الكرامي

.

هملول

12-01-2007, 03:10 AM

محاوره راااااااااااااااائعه
استمتعت بها

ملحق المخلين

12-01-2007, 07:01 AM

هاااااك

هذا نهج من منهجك منته بمخدوم=ولالك مجال تروح شرقٍ وشامي

ورا ماتكفل بالعرب وأنت زيزوم=ولا يلحقك منا عتاب وملامي

هملول

هلا ومرحبا

اسامي

12-01-2007, 06:34 PM

ههههههههه

الله الله

دوك

لاترمي هدومك غطّ عورتك بهدوم = ترى من يحج البيت يلبس حرامي
شعيل ان برك للحمل لابدّه يقوم = اجل ليش في ظهره يشيل السنامي

هملول

ارحب ارحب متابعتك تشرف

وحاول تخترق ايميل مشاري شاكن فيه انا :)

هداج تيماء

12-01-2007, 08:26 PM

اسامي وملحق المخلين

رمزين من رموز الجزاله وثنائي رائع

محاورة تستحق المتابعة

صحت السنتكم وكلكم عينين في راس

اسامي

12-01-2007, 08:41 PM

هداج تيما

شاعرنا الكبير

لاهنت ولاهان حضورك

متابعتك تسعدني وتشرفني

لاعدمتك

.

غازي الشريف

12-01-2007, 08:45 PM

شعيل ان برك للحمل لابدّه يقـوم
اجل ليش في ظهره يشيل السنامي

صح السانك يالجزل

متابع وماسك الصف

بـن عـبـاد

12-01-2007, 09:23 PM

شعيل ان برك للحمل لابدّه يقـوم =اجل ليش في ظهره يشيل السنامي

:11ap: :11ap: :11ap: :11ap: :11ap: :11ap: :11ap: :11ap: :11ap: :11ap:

:11unce:

ملحق المخلين

12-01-2007, 09:34 PM

ياليت هملول يطرحك .. يا اسامي

هاااك

اسامي علامه يا أهل الخير منجوم=وياكثرهم مثل الجراد التهامي
أنا ماعليه منك عن هاذي أشوم=ليا شلتها قلنا عليك السلامي

.

.

ملحق المخلين

12-01-2007, 09:40 PM

هداج تيماء

فديت ها الطله

صح بدنك ..

وشكراً على مرورك.. يالغالي ...

غازي

الصف هنا الله يسلمك ..:11bomb:

بن عباد

هلا والله ومشكور على المتابعه ..

اسامي

12-01-2007, 11:14 PM

الله الله

هادوك يانشبه ومعليش على التأخير

تعرف اني قاعد اسوي بحث

هاك

انا اظن ملحق يا هل الخير محموم = يورّد نياقه مار تصدر ضوامي

ابنصحك ياملحق تقلل من النوم = ترى ايام معدوده ونبني الخيامي

غازي الشريف

ارحب ارحب ارحب

والجزاله انت راعيها

لاهنت

======

بن عياد ارحب ارحب

لاهنت

ربح السبيعي

13-01-2007, 12:50 AM

صح لسانك ياسامي

وصح لسان ملحق المخلين

محاوره رائعه

ملحق المخلين

13-01-2007, 12:56 AM

تسوي بحث يا نيوتن

هاااك

أنا أشوف أسامي تسنه اليوم مصدوم=بعد ما انكشف والفلم عود درامي
ليا نمت نومي كله أدغاث وحلوم=ومن غير ساس القصر يصبح هدامي

.

.

سعودعبدالله

13-01-2007, 01:00 AM

ياسلالالالالالالام على لعب المجرمين

صحت قلوبكم

ولاهنتوووو

تامرون شي انا ابي اروح احس انه يبي يصير هوشه وفيها طعن وحذف ههههههههههه

لكم تحياتي

اسامي

13-01-2007, 01:28 AM

دوك دوك

اباخذ من الرمان وابا اترك الثوم = مدام انّ لي نظره ومعناي سامي

وانا لن بنيت القصر ماهو بمهدوم = ابشيّده مثل الجبال الزوامي

سعود

ابك تعال اقف معي وانت تقول ابنحاش

لاهنت وصح بدنك يالمجرم الشرود

ملحق المخلين

13-01-2007, 02:16 AM

هاااك

ليا الله كتبلك يا أبيض الوجه مقسوم=تقدم ومشيك يافتى للأمامي
أنا خايف انه مثل قطنان والتوم=وتصبح يابو زيد الهلالي عدامي

ربح

ياهلا والله ويامرحبا

صح بدنك يالغالي ..

سعود

صح بدنك

يامدير السجون والمسئول عن المجرمين ..

<<<<<< يقول ما أشوفه فالصف ..

اسامي

13-01-2007, 02:44 AM

شف شف

اذا الله كتب .. ماهو بعد حبة خشوم =بيمناي احوش الطيب وارفع مقامي

لايلحقّك خوف ولا عنا وقت وهموم = ترى الوضع ياملحق على مايرامي

.

ربح السبيعي

صح بدنك

والروعه هي حضورك ومتابعتك

لاعدمتك

ابن نميش

13-01-2007, 02:48 AM

السلام عليكم

مساكم الله بالخير

وكل عام وانتم بخير

والله اني سعيد بالعود

وو الله اني محضوض

يوم جيت في وقت المحاوره

اسامي كيف حاللك

وكل عام وانت بخير

يا زقنك زقناه

والله اني مدري وين اوديك

انت وبعيد المرامبس , انت عينته وشلونه ؟

اشفق على خوت عريبين الانساب .... فحضورهم ولا عبر خط الرسال

صح لساني ؟؟؟؟؟؟؟؟؟؟ اكيد

انت وان تلقا البيوت هاذي

نعرف الطيور ونعرف الصقر والبوم
ولا يجتمع بومـه وحـر ٍ قطامـي

.....................................
......................................

ملحق المخلين مساك سعيد

وبيض الله وجهك على الردود الوافيه

وكل عام وانت بخير

لكل غرابيل وشعار غرابيل

اخوكم ابن نميش

اسامي

13-01-2007, 02:57 AM

ابن نميش الحاضر الغائب

ارحب ارحب ارحب

صبحت بالنور والسرور وكل عام وانت بخير وصحه وسلامه

يالله تحييه .. وش هالانقطاعه ؟

مشتاقين لك والقلوب عند بعضها يعلم الله

والحظ لي اني حصلتك

بالنسبه لبعيد ياخوك ماعينته لي اسبوع

حاول تصيّد له وان لقيته خله يرد على بيتيني

اشفق على خوت عريبين الانساب .... فحضورهم ولا عبر خط الرسال

صح لسانك يا ابن نميش

مار خلنا نشوفك واجد

لاتتغلا ثم تجي علوم :)