زمان الصمت
19-12-2003, 12:49 AM
أمس في عز القايلة <<< من أولها كذب
كنت منجطله = منسدحه في نص الغرفة والذباب يحوم حولي :o لأني صار لي سنتين ماتروشت
تخيلو الموقف
حالفة عليكم تكملون بتروش والله
ويوم كنت منجطله الله يهديني كنت أفكر بحمار القايلة اللي مارضى يجي ويشرفنا ويخبط بابنا << بيقلبون عليها الرقالة
متأكده أنه كل من مر من هنيه قال وش بها ذي ليش ماتحتري نصيبها ليش مستعجله اسمحوا لي بقول انكم
ماعندكم سالفة ليش تفهمون الشئ على كيفكم ترى كلها ( راعي بيتزا ) لا راح ولا جاء
كنت جايعه وبطني يسوي لحن عذب من الجوع وتأخر وزود هالهم كانت عندي وحده رومانصيه حيييييل
وناعمه وتستحي طبعا مايحتاح تصفقون اللي هي ( جواهر ) والحقيقه المره انها منسمه ومهويه
وبايعه الدنيا وحذيانها ماعليها من حد ولا حد عليها منها
وبهذلة شوشتي ماغير تسطح بالضحك والهبال اول مره سكت وابتسمت ثاني مره سكت ثالث مره
بالمعلاق على جبهتها عاد هي أخيراً فهمت وش ابي منها |1| << شطوره هالبنت
وانثبرت قلت لها الله لايلوم اللي ماطق بابكم اثقلي يابنت علشان تعرسين لازم تصيرين رزه مثلي وشخصيه
ثقيله واصبري عن الضحك دقيقه لاتصيرين مرجوجه ماتبين ياقلبي تتزوجين وننزل لك تهنئة بالاستقبال
ماتبين نسوي لك حفلة دي جي :cool:
وأتكلم
وأتكلم معها
وهي ولا هي معي
تحبرش البنت والحبرشه قصدي انها تحوس بخنفسانه
البنت انحرفت يارقالة لقيتها ماسكه خنفسانه مستلجه وتقطع برجولها واياديها
يوم عصبت عليها قالت ابي اشرح لتس يازمونة نظريه
قلت وش هي ياوجه المصايب قالت : لكل فعل رد فعله ...
قلت لها بكل براءة وش رده فعل الخنفسانه
قالت لي انها ماتت
انا بغيت العن خامسها بس رحمتها عرفت انها بريئة البنت وعلى نياتها وشاطره بالفيزياء على حساب
الخنافس
قلت لها نغير الموضوع خلينا نشوف وش به راعي البيتزا ليش تأخر لايكون اكل البيتزا ومستحي يقول لي
انا قلت هالكلام وجواهر الاقيها بزاويه :o تصيح <<< على الريحه البنت
ونتفق اننا ناخذ العشاء وماندفع حسابها عقاب له وردعا لأمثاله
ويوم ضرب الجرس ترن رن
ونقامز انا وجوجو للحوش نبي نفتح الا مايطلع راعي البيتزا طلع بنت جيراننا (مجروحة) تبي تستلف
سكر وعسل وتمسكها جواهر من الجوع وتضربها قالت لها وش عندس ياللي ماتخافين ربس تشهوينا
وتخلين سعابيلنا تقاطر كنها سيول الخرج ولا تطلعين العشاء
ومن زود الطفاسه جايه تستلفين سكر ماعندنا سكر
ردت مجمج الدوووبة طيب وعسل وتقوم جواهر وتنتف شوشتها وتحوس بخلاقينها الين ماداخت البنت
من الضرب قالت مجروحة خلاص فهمت ماعندكم << اموووت بالبراءة
ويأست أنا وجوجو من العشاء قلت بعيد الرقم بشوف ليش ماوصلوا لنا يمكن عرفوا ان فينا جرب
وأعيد الرقم
طوط
999
انجرحت مشاعري يوم عرفت اني داقه على رقم الشرطه ولا وزود السنع نقلتني الرقم ام الطفاسه
جواهر ومن زود عدم الذوق الشرطه اعطانا على قد عقلنا وطاوعنا
واللحين الساعه 4 الفجر مايمدينا نطلب من اي حته
القى عندكم خبز
كنت منجطله = منسدحه في نص الغرفة والذباب يحوم حولي :o لأني صار لي سنتين ماتروشت
تخيلو الموقف
حالفة عليكم تكملون بتروش والله
ويوم كنت منجطله الله يهديني كنت أفكر بحمار القايلة اللي مارضى يجي ويشرفنا ويخبط بابنا << بيقلبون عليها الرقالة
متأكده أنه كل من مر من هنيه قال وش بها ذي ليش ماتحتري نصيبها ليش مستعجله اسمحوا لي بقول انكم
ماعندكم سالفة ليش تفهمون الشئ على كيفكم ترى كلها ( راعي بيتزا ) لا راح ولا جاء
كنت جايعه وبطني يسوي لحن عذب من الجوع وتأخر وزود هالهم كانت عندي وحده رومانصيه حيييييل
وناعمه وتستحي طبعا مايحتاح تصفقون اللي هي ( جواهر ) والحقيقه المره انها منسمه ومهويه
وبايعه الدنيا وحذيانها ماعليها من حد ولا حد عليها منها
وبهذلة شوشتي ماغير تسطح بالضحك والهبال اول مره سكت وابتسمت ثاني مره سكت ثالث مره
بالمعلاق على جبهتها عاد هي أخيراً فهمت وش ابي منها |1| << شطوره هالبنت
وانثبرت قلت لها الله لايلوم اللي ماطق بابكم اثقلي يابنت علشان تعرسين لازم تصيرين رزه مثلي وشخصيه
ثقيله واصبري عن الضحك دقيقه لاتصيرين مرجوجه ماتبين ياقلبي تتزوجين وننزل لك تهنئة بالاستقبال
ماتبين نسوي لك حفلة دي جي :cool:
وأتكلم
وأتكلم معها
وهي ولا هي معي
تحبرش البنت والحبرشه قصدي انها تحوس بخنفسانه
البنت انحرفت يارقالة لقيتها ماسكه خنفسانه مستلجه وتقطع برجولها واياديها
يوم عصبت عليها قالت ابي اشرح لتس يازمونة نظريه
قلت وش هي ياوجه المصايب قالت : لكل فعل رد فعله ...
قلت لها بكل براءة وش رده فعل الخنفسانه
قالت لي انها ماتت
انا بغيت العن خامسها بس رحمتها عرفت انها بريئة البنت وعلى نياتها وشاطره بالفيزياء على حساب
الخنافس
قلت لها نغير الموضوع خلينا نشوف وش به راعي البيتزا ليش تأخر لايكون اكل البيتزا ومستحي يقول لي
انا قلت هالكلام وجواهر الاقيها بزاويه :o تصيح <<< على الريحه البنت
ونتفق اننا ناخذ العشاء وماندفع حسابها عقاب له وردعا لأمثاله
ويوم ضرب الجرس ترن رن
ونقامز انا وجوجو للحوش نبي نفتح الا مايطلع راعي البيتزا طلع بنت جيراننا (مجروحة) تبي تستلف
سكر وعسل وتمسكها جواهر من الجوع وتضربها قالت لها وش عندس ياللي ماتخافين ربس تشهوينا
وتخلين سعابيلنا تقاطر كنها سيول الخرج ولا تطلعين العشاء
ومن زود الطفاسه جايه تستلفين سكر ماعندنا سكر
ردت مجمج الدوووبة طيب وعسل وتقوم جواهر وتنتف شوشتها وتحوس بخلاقينها الين ماداخت البنت
من الضرب قالت مجروحة خلاص فهمت ماعندكم << اموووت بالبراءة
ويأست أنا وجوجو من العشاء قلت بعيد الرقم بشوف ليش ماوصلوا لنا يمكن عرفوا ان فينا جرب
وأعيد الرقم
طوط
999
انجرحت مشاعري يوم عرفت اني داقه على رقم الشرطه ولا وزود السنع نقلتني الرقم ام الطفاسه
جواهر ومن زود عدم الذوق الشرطه اعطانا على قد عقلنا وطاوعنا
واللحين الساعه 4 الفجر مايمدينا نطلب من اي حته
القى عندكم خبز