اذا عرف السبب بطل العجب .!!

[همس البدر]

اذا عرف السبب بطل العجب...!!

نعم هذا هو السر في أن يكون الهلال زعيم اسيا بطلاً وبأستمرار
http://www.alzaeem.com/gallery/data/media/12/fan6.jpg

لا تستغرب فمى خفيا كان اعظم
http://www.alzaeem.com/gallery/data/media/12/fan1.jpg

جمهور عالمي لا مثيل له
http://www.alzaeem.com/gallery/data/media/12/fan3.jpg

لما العجب فالهلال يستحق اكثر
http://www.alzaeem.com/gallery/data/media/12/jomhoor.jpg

[الأميرة الناعمة]

و1111111و

بصراحة يستاهل الهلال

[مجروحة الزمن]

ماشاء الله كل هذا جمهور

الله يزيد ويبارك:confused:

[المملوح]

يلوموني فيك ياهلال هذا جمهور الرياض بس بدون باقي المناطق
والهلال يملك اكبر قاعده جماهيريه على مستوى الخليج:confused:

ويعطيك العافيه يا همس البدر ويستاهل الزعيم كل هذا وأكثر..




صي يوووووووووووووووووووو:p

[بدر]

ياسبحان الله .

الحين دامك تقول له قاعده جماهيريه ومادري ايش . وجاي طاير وحالتك حاله .. وبالاخير حاط لي رابطه مشجعي مغيرا ..:):):)

إذا كان فريقك مشهور خلاص مافيه داعي تكتب عنه وتطلع جماهيره .. كل مره ..


درينا إن المدرجات تمتلي بمثل الكريمات الحلوه هذي ..



:p

بعدين على فكره همس ابي اقول لك سالفة مره .. حلف علي خويي احضر مباراة للهلال مع فريق والله ماعرفه بس الزبده إنه من جنوب شرق آسيا على نهائي كأس الظاهر . (( طبعا هنا اكتب ملاحظه واهي ان الهلال نادرا مالعب مع فريق على بطوله خارجيه إلا مع الفرق الجنوب شرق آسيويه )) المهم طال عمرك مالك بالطويله . انا قاعد بالمدرجات وإذا جات هجمة للفريق الي ضد الهلال اصايح وازاعق عشان الهجمه ضاعت .. زين ..(( من باب العناد بزميلي اللي غصبني اجي معه ))

المهم فجأه وانا قاعد اقشم حب الله يسلمك جات هجمه لفريقك العالمي ( :) ) وجاب سيرجيو (( اللي كان لاعب اتحادي بس انتم شريتوه :تصفير:)) هدف ..

فجأه بدون اي مقدمات . اكثر من عشرة او خمسطش (( بالعاميه اتكلم تراي )) واحد من الجماهير .. انسدح وطاح مغمي عليه ............ بالله عليكم وش الحنان والنعومه اللي عند الجماهير هذي ..... اجل شلون لو ينقلب (( باص النادي حق الهلال ؟؟)) تصدق اخاف ينتحرون على طريق المطار الاخوان ..هههههههه

ياعالميين انتم ..

لا مو عالميين .. مسوين توأمه مع (((( ريال مدريد )))):)


(( كلامي من باب المزح والعناد سلمكم الله :تصفير:.. واحترم كل من ابدى راي في الموضوع .. وآسف اخوي همس على لقافتي .. :p))

[الــظـامــي]

الهلال زعيم آسيا
معروف ولا يحتاج براهين ولا غيرها

ولكن لا بأس من التذكره وخصوصاَ لصحاب ...الاحلام الورديه
والمقالات الصحفيه اما ميتعلق بالبطولات ومنصات التتويج فهذه لها
الهلال وكفاء


مشكور وتحياتي لك..

[بدر]

صحيح فعلا . واكبر دليل بطوله الخطوط الجويه ...

:)

[الــظـامــي]

اهم شي بطوله والهلال ما تقدر تطوله


:p


تحياتي لك

[بدر]

:D

[بدر]

http://www.alzaeem.com/gallery/data/media/12/fan6.jpg



تصدق كل ماناظرت اللوحه اللي مكتوب فيها مشجعين مغيرا ..





انصصصصصصصصصصصصصصصرع ضحك .


ياخي رهيبين انتم ..



إلا على فكره ..

ماقد شفت الصوره هذي؟؟؟؟

:confused:

http://www.alyaum.com/imagesIssues/11092_230_1.jpg


دليل على القوه صح ..؟؟

[قوت القلوب]

ههههههههههه ربنا يزززززيد ويباااااارك
عاشووووو الهلاليين
الله يفوزكم
سي يا

[مجرد احساس]

لا يوجد شك ان الهلال يملك قاعدة جماهيرية كبيرة ...

لكن هناك اندية تملك جماهير اكثر من الهلال ...

مو شرط الحضور في المدرجات ...

يعطيك الف عافية
همس البدر
على هذه الصور

وشكر لخوي
انا مجنونها
على تاكيد على قوة الهلال .......


حاكم

[همس البدر]

شكراً حساسه والله يعطيك العافيه

اكيد انبهرتي بها لعدد من الجمهور هذا طبيعى

[همس البدر]

مجروحة الزمن

الله اما اميييييين

[همس البدر]

المملوح

صحيح اخوي المملوح هذه منطقه وحده وعلى فكره جميع مباريات الهلال

اذا ماتحضر من بدري انسى انك تشوف المباره في الملعب لكثرة الجماهير زي مانت عارف

وهذا هو السبب في انتصارات الزعيم

[همس البدر]

أخي الفاضل

أولا يبدولى بأن معلوماتك الرياضيه ( على قد حالها ) لذلك سوف اوضح لك بعض المعلومات

القاعده/ هي الأساس

قاعده جماهيريه _ هي وحسب المفهوم الرياضي الأعب رقم واحد فبدون هذه القاعدة من الجماهير لا يكون

هناك فريق او منتخب فاعتماد النادي يكون على هذه القاعده من الجماهير

رابطه مشجعي _ وهم مجموعه من انصار النادي تكون مجتمعه مع بعض ويرددون بعض الاهازيز ولاغاني

لبث الحماس لدي لاعبين النادي وامتاع الجمهور الحاضرين في المدرجات وهم اكثر من يحضر المباريات

وسموا برابطه مشجعى ( المدينه أو القريه أو الدوله ) ليخبروا من لا يعلم بان لهذا النادي رابطه من

المشجعين في اكثر من مدينه ودوله يأزرونه في المباره .

ولانك لا تحب الرياضه فلذلك لا تعرف كيف تعيش اجواء الجماهير وحبها الشديد للكوره وللنادي ولو انك

تشاهد المباريات الخارجيه على سبيل المثال ( الدوري الاسباني _ الدوري الايطالي _ الدوري الأانجليزي )

والذين سبقونا في هذا المجال ...وشاهة حب هذه الجماهير لانديتها او منتخباتها لبطل العجب !!!

(( درينا إن المدرجات تمتلي بمثل الكريمات الحلوه هذي .. ))

هل هذا اسلوب كلام انسان حضاري متعلم فاهم ؟؟؟

واحب ان اوضح لك بأن الاعب البرزيلي سيرجيو كان يلعب في نادي الأهلى السعودي ثم انتقل الى نادي

الهلال ( الزعيم ) السعودي فراجع معلوماتك الرياضيه ...

ويا أخي / هناك من الجماهير ومن حبها لهذا النادي تقتل وكما حدث للاعب كولمبيا عندما تسبب في دخول

هدف في منتخب بلاده وقتل من احد الجماهير ... ومنهم من يعود للشعوذة والخرفات حتى يساعد فريقه للفوز

والانتصارومنهم من يدفع مبالغ ماليه لتحفيز الاعبين على الفوز !!

وحالة الاغماء التى شاهدتها وتعجبت منها ليست في مدرجات الهلال فقط بل في جميع اندية العالم وهي بسبب

حاله نفسة( أومرض ) لهذا الشخص تعود لحب هذا النادي فدعوا لهم بالشفاء بدولاً من أن تتشمت بهم ..

والاحتكاك بالانديه العالميه وكما تعلم هو ماوصلنا للعالميه فعندما تتعلم ممن هم افضل منا في هذا المجال

ليس بعيب بل هذا هو الصح .....

[بدر]

أخي الفاضل


سم طال عمرك .



يبدولى بأن معلوماتك الرياضيه ( على قد حالها ) لذلك سوف اوضح لك بعض المعلومات

القاعده/ هي الأساس

مشكور ... بس على الاقل اعرف اكثر منك . :confused:


قاعده جماهيريه _ هي وحسب المفهوم الرياضي الأعب رقم واحد فبدون هذه القاعدة من الجماهير لا يكون هناك فريق او منتخب فاعتماد النادي يكون على هذه القاعده من الجماهير

صح . لان الجماهير تكمل بابوات ( كنادر ) وتدخل تلعب مع المفريق او المنتخب .. :)

طيب كمل انا ابي اسمعك للاخير


رابطه مشجعي _ وهم مجموعه من انصار النادي تكون مجتمعه مع بعض ويرددون بعض الاهازيز ولاغاني
لبث الحماس لدي لاعبين النادي وامتاع الجمهور الحاضرين في المدرجات وهم اكثر من يحضر المباريات
وسموا برابطه مشجعى ( المدينه أو القريه أو الدوله ) ليخبروا من لا يعلم بان لهذا النادي رابطه من
المشجعين في اكثر من مدينه ودوله يأزرونه في المباره



تصدق إني فاهم معنى الجماهير من اول غلط ..:بفكر: لازم اعيد التكفير بالشئ هذا .. مشكور للتوضيح
ولانك لا تحب الرياضه فلذلك لا تعرف كيف تعيش اجواء الجماهير وحبها الشديد للكوره وللنادي ولو انك
تشاهد المباريات الخارجيه على سبيل المثال ( الدوري الاسباني _ الدوري الايطالي _ الدوري الأانجليزي )

سبحان الله .. شفت الدوري الاوروبي مرتين قمتم تشبهونه بالهلال .. والله العظيم مشكله ..
:برافو:


(( درينا إن المدرجات تمتلي بمثل الكريمات الحلوه هذي .. ))
هل هذا اسلوب كلام انسان حضاري متعلم فاهم ؟؟؟

وشهد شاهد من اهلهم ..
ولكن هذي اهي الحقيقه ياعزيزي مايبي لها تعليم وإلا ماهو بتعليم .
بعدين وش دراك إن ماني متعلم ؟؟؟؟؟:) ياخي كيف تعرفون انتم ؟؟؟:p


واحب ان اوضح لك بأن الاعب البرزيلي سيرجيو كان يلعب في نادي الأهلى السعودي ثم انتقل الى نادي الهلال ( الزعيم ) السعودي فراجع معلوماتك الرياضيه ...

مايهمني اللاعب هذا بس اذكره لما كان بالهلال والإتحاد.. وشريتوه انتم . من الشفاحه والله .



ويا أخي / هناك من الجماهير ومن حبها لهذا النادي تقتل وكما حدث للاعب كولمبيا عندما تسبب في دخول
هدف في منتخب بلاده وقتل من احد الجماهير ... ومنهم من يعود للشعوذة والخرفات حتى يساعد فريقه للفوز
والانتصارومنهم من يدفع مبالغ ماليه لتحفيز الاعبين على الفوز !!

وراك تحرض الجماهير على القتل .؟؟ ياخي الله يهديك .

بعدين مين تقصد بالشعوذه والخرافات ؟؟؟؟ هل هذا فكر واحد متعلم وفاهم ؟؟؟؟؟:بفكر:

وياليت توضح اكثر ..:تصفير:



وحالة الاغماء التى شاهدتها وتعجبت منها ليست في مدرجات الهلال فقط بل في جميع اندية العالم وهي بسبب
حاله نفسة( أومرض ) لهذا الشخص تعود لحب هذا النادي فدعوا لهم بالشفاء بدولاً من أن تتشمت بهم ..

انت عارف ليه الحالات ذي تصير بالملاعب العالميه ..؟؟ لان فيه الجمهور النسائي يحضر هناك . بس هنا ؟؟؟ مافيه .. لذلك يقومون بالدور نفسه ..

واللي به حالة نفسيه يروح للمستشفى بدل مايجي يتسدح بالملعب .. صح وإلا ؟؟؟



والاحتكاك بالانديه العالميه وكما تعلم هو ماوصلنا للعالميه فعندما تتعلم ممن هم افضل منا في هذا المجال

أنا متأكد إنك تقصد النصر لانه الوحيد اللي لعب بطوله عالميه حتى الان صح ؟؟؟



اكيييييييد صح


بدر